Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Endi qayerga? 🇵🇸

@globalstudentt
Channel's geo and language: Uzbekistan, Uzbek
Category: Edutainment

Bismillah!
Bolalar advokati — AMI Praga Montessori Instituti
• Bola https://t.me/+bj0nBCHpt0g4OGMy
• Psixologiya
• Psixoterapiya
• Tafakkur haqida yozaman
Montessori va Olimlarni yaxshi koʻraman
Kayfiyat va mavzuga qarab inglizcha-oʻzbekcha fikrlayman

Related channels  |  Similar channels
Channel's geo and language
Uzbekistan, Uzbek
Category
Edutainment
Statistics
Is this your channel? Confirm Channel history
Posts filter

Endi qayerga? 🇵🇸

25 Nov, 10:47

Open in Telegram Share Report
Bu tong

Bu tong men oʻzimni yangidan kashf qildim. Bu tong men ifodalashni tanladim. Qoʻrquvlarimni issiq yopinchiqqa oʻrab, ular bilan birga yoʻlga chiqishni tanladim.

Bu tong men Ishonchni tanladim.

Bu tong Muhabbatni tanladim. Ishonishga tavakkalsiz, ifodalashga ishonchsiz borishning iloji yoʻqligini, muhabbatsiz nafas ololmasligimni, muhabbatni esa ifodalashsiz tasavvur qilolmasligimni his qilib, oʻzimga, hislarimga va qalbimga rahm qilib, ongli ifodalashni tanladim.

Bu tong men ishonchni tanladim. Muhabbatni tanladim. Tavakkalni tanladim.

@globalstudentt
134 0 1 13
Endi qayerga? 🇵🇸

24 Nov, 23:44

Open in Telegram Share Report
Forward from: Mikrofon ko‘targan ayol
“…Ўтган куни сенинг телефонинг вафот этди.

Ўйлама, фақат инсонлар ўлмайди, телефон рақамлари ҳам ўлади.

Умр бўйи кўплаб рақамларни унутасан: паспорт рақамингни, охирги ишингда олган маошингни, дўстингнинг улови номерини, ойга қадар бўлган масофани, яшаётган шаҳрингнинг аҳолиси миқдорини…
Шунингдек, бошқа кўпгина рақамларни, барчасини унутасан.

Биргина бу беш рақамдан бошқа барчасини. Бу беш рақам сен учун энг азиз ҳадялардан бири эди. Беш рақам, унинг овози ва телефон дастагидан келган бинафша ифори…

Баъзида мен бу қора телефоннинг дастагини нафис овозли бир роялнинг қопқоғини ёпган каби қўйсам, баъзида тобут қопқоғини ёпгандек чуқур ғамгинлик билан жойига қайтараман.

Энди бу рақам йўқ. Йўқ-йўқ, аслида бор, бироқ мен учун йўқ. Мен учун бу рақам энди таъқиқланган ҳудуддир.
Шундоқ бармоқларим ёнида, телефон қорнининг остида жойлашган бу беш рақам эндиликда мен учун босиб ўтиб бўлмас бир масофа — қанчадир километр, қанчадир мил ёҳуд чақиримдир.

Мен бу масофанинг бешдан тўртини кечиб ўта оламан, яъни тўрт рақамни тўплашим мумкин, аммо ҳеч қачон сўнгги рақамни — бешинчисини боса оламайман. Сенинг рақаминг қулфланган эшикдир — мен эса калитни йўқотганман.”

Таниқли озарбайжонлик ёзувчи Анор(Ризаев) нинг бу ҳикояси жуда гўзал ёзилган. Яқин орада бунақа мазза қилиб ҳеч ҳикояни ўқимагандим. Албатта, ўқинг.
Фильми ҳам бор экан, топиб бир кўраман.
183 0 2 2
Endi qayerga? 🇵🇸

24 Nov, 23:44

Open in Telegram Share Report
Kechki mutolaa
(o‘qish yoki eshitish uchun 47 daqiqa vaqtingiz ketadi)

Anor. Men, sen, u va telefon

Izoh: Telefon raqamlari hech o‘xshamas bir-biriga, biroq barchasida inson ovozi bor… Yomon kunlar hech o‘xshamas bir-biriga, birida o‘zing jim qolasan, birida telefon…

📖 Matnni o‘qish uchun: https://teletype.in/@xushnudbek/anor-men-sen-u-va-telefon

🎧 Audio hikoyani eshitish uchun: https://youtu.be/D8TFrNQZuWk

🎙Bugungi hikoya audiosini Aziza Qurbonova o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈
174 0 3 1 1
Endi qayerga? 🇵🇸

24 Nov, 17:59

Open in Telegram Share Report
Forward from: Bambini - Farzandingiz uchun bilimli bo'ling
Video is unavailable for watching
Show in Telegram
Mana shu Montessori falsafasi...

@bambini_rasmiy
180 0 0 6
Endi qayerga? 🇵🇸

24 Nov, 08:27

Open in Telegram Share Report
Kecha kashf qilganim oʻzim haqimdagi haqiqat — menga gavjum aeroport oʻrtasida joylashgan shinamgina kafeda insonlarni kuzatish zavq va sokinlik berarkan.

Hissiyotlar palitrasini tutib qolish lazzatini-ku, aytmasa ham boʻladi! Aeroportdan yangi shaharga va balki yangi, noaniq boʻlsa-da, qiziqarli sarguzashtlarni kafolatlaydigan hayotga chiqqan inson yuzidagi mamnunlikdan olingan yangi manzil chuqur havosi, koʻzidagi hayrat va quvonchdan darak berayotgan kayfiyat, bunga guvoh boʻlganingizni koʻrib, Siz bilan ham hislarini boʻlishishga qaror qilgan juda-juda samimiy, qaynoqqina tabassum! Aeroport — begona soʻzi lugʻatda nega ishlatilishiga shubha qilinadigan joy ekanini tushunaman. Insonlar odam boʻlib tugʻilar ekan — hislari va ular ustida aylanadigan hayotiy qarorlarida bir xil ekanini juda yaqindan his qilaman. Hislarini tutib qoldingizmi? Endi hech kimga begona emassiz.

📍Myunhen aeroporti

Qizigʻi, bu fikrlar va hislarni kafedan tashqarida, yelkamda ogʻirgina ryukzak bilan yashab oʻtdim.

@globalstudentt
246 0 1 1 11
Endi qayerga? 🇵🇸

22 Nov, 23:04

Open in Telegram Share Report
Eng travmali vaziyatlarda ham umidning yoʻqolib qolmasligiga — muhabbat sababchidir. Bittagina boʻlsa ham mehrga asoslangan muhabbatli munosabat.

Aynan shu — Allohning eng katta yordami va ne’matidir. Psixologiyada moʻjizalarga sabab boʻladigan omil.

Paygʻambarlarning eng koʻp qilgan duolari ham “Meni solihlar bilan birga qil” edi zotan. Muhabbatsiz biz oʻlikmiz. Chinakam oʻlik.

@globalstudentt
276 0 6 2 22
Endi qayerga? 🇵🇸

22 Nov, 11:14

Open in Telegram Share Report
Oʻz qaygʻuingni quchoqlabgina, boshqalar qaygʻusiga sherik boʻla olasan.

Qaygʻu keltirgan hodisa ayni boʻlishi shart emas. Hislar birligini anglash — empatiya uchun yetarli. 🫂

@globalstudentt
323 0 3 1 12
Endi qayerga? 🇵🇸

22 Nov, 00:13

Open in Telegram Share Report
Description about fully functioning prosperous individual

Check in Yourself

@globalstudentt
301 0 0 5 3
Endi qayerga? 🇵🇸

21 Nov, 21:02

Open in Telegram Share Report
Sen bilan boʻlayotgan voqealar hikmatini koʻrsatib qoʻyishi, ular bilan qalbingni rozi qilib qoʻyishi Allohning nafaqat al-Hakiym sifatidan, balki al-Latiyf va al-Haliym sifatlaridan ham deb oʻylayman. Aql hodisaning sababini tushunib tursa-da, qalb uni qabul qilishga har doim ham tayyor boʻlmasligi mumkin. Qalbingni haqiqatni eshitishga tayyor qilib, ana undan keyin Senga hikmatini koʻrsatishi, his qildirishi — bu Uning qalbingni Oʻzining Latiyfligi (oʻta noziklik bilan bilvosita yaxshilik qilish), Halimligi (yumshoqlik va nazokat) bilan ehtiyotlashidir. Qalbingga oʻta shafqat, rahm, mehr-muhabbat bilan gʻamxoʻrlik qilishidir. Hech kim, Undan boshqa hech kim qalbingga bunchalik ehtiyotkorlik bilan kirmaydi. Muhabbatini bunday rifq bilan izhor qilmaydi..

@globalstudentt
370 0 7 2 14
Endi qayerga? 🇵🇸

20 Nov, 23:34

Open in Telegram Share Report
Nega bularni yozdim? Hech bir muhim sababi yoʻq. Sizlarga biror foydasi bor deb oʻylamayman ham. Oʻzimni qanday his qilayotganimni tushunish uchun urinib koʻrdim yozishga, lekin qiziq nomini topolmayapman. Xafalik ham emas, qaygʻu ham emas, xursandchilik ham emas, sokinlik ham emas. Bilmadim, noaniqlik lekin qiziquvchanlikka oʻxshash shodonlik, lekin yetarsizlik va yana noaniqlikdan diqqatlanish, kutish, hammasi hal boʻlishini kutish. Ha, topdim — kutishdan hosil boʻladigan betoqatlik, lekin ogʻir his emas. Chalgʻishga majbur qilyapti, nimadan chalgʻishga?

Va nihoyat kutilgan, lekin ruhan oson boʻlmagan institut topshirigʻiga keldim. Shuni qachon yozishni kutyapman va bir vaqtning oʻzida undan qochishga urinyapman. Hayotimning xotirasiz qismlari haqida vanihoyat kimdir mendan (topshiriq tarzida boʻlsa ham) soʻradi. Bundan judayam xursandman, lekin butunlay emas nazarimda. Ongli ichki ota-onam xohlaydi bu masalada ishlashimni, lekin bolakayim esa muzqaymoqqa yuguradi tabiiyki. Lekin men bolaligimdan mas’uliyatli, chidamli, vaziyatlarni tushunadigan, lekin oʻta qaysar (oʻsha paytdan qaysarligim eng sevimli xarakter xususiyatim edi 💃), tish doktorida bir martagina qattiq janjal qilgan, lekin asosan aqlli qizcha boʻlganman. Hozirgi ichki bolakayim esa undan koʻra shaddodroq va endi hamma narsani ham tushunishni istamayapti, bola boʻlgisi kelyapti… shekilli.

@globalstudentt
363 0 1 34 6
Endi qayerga? 🇵🇸

20 Nov, 23:09

Open in Telegram Share Report
Jasurlik haqida yozgunimcha boshim ogʻrishni boshladi. Tushlikkacha hali bor-ku, nega boshim ogʻriyapti deb soatga qarasam: bir yarim. 😳😳 boshim bekorga ogʻrimagan ekan: qornim ochib, oʻtib ketibdi, uni ustiga 4 soatdan beri dars qilayotgandim. Toza vijdon bilan tushlik qilsam boʻladi, deb oʻrtogʻim bilan xayrlashdim. Bir soatda qaytaman, uxlab qolmang deb qaytib soatga qarasam 3 soatda qaytibman, Oʻzbekistondagi oʻrtogʻim esa uxlashga yotib boʻlibdi. Eng sevimli terapiyam: oʻzimga issiq ovqat qilib, tushlik tayyorlab, eshitayotgan podkastimni tugatib, boshim ogʻrigʻi ham qolib, yengil boʻlib qoldim. Alhamdulillah! Shundan beri haliyam jasurlik haqida oʻylayapman, lekin kompyuterni ochib, ikki bet insho yozishga haliyam yuragim dov bermadi 🙂

@globalstudentt
302 0 1 1
Endi qayerga? 🇵🇸

20 Nov, 13:56

Open in Telegram Share Report
Jasurlikni har xil tarafdan tushunishga urinib ko’ryapman. Hozirgina o’ylab qoldim, balki to’liqroq ifodalash uchun har xil savollar berish kerakdir. Masalan, jasurlik har doim ham maqtalgan xususiyatmi? Nima bizni jasur qiladi? Yoki nima bizni jasur bo’lishga majbur qiladi? Qaysi hislar yaxshiliklar yo’lida jasur bo’lishga undaydi? Qaysi hislar aksincha? Jasurlikning maqsadini kim belgilaydi? Jasurlikni qo’rqsa ham qiyin ishni boshlash deb ta’riflaydigan bo’lsak, bu qo’rqmaslikning asosida nima turadi? Qachon bizni jasur deyishlarini tasdiqlashimiz mumkin? Jasurlikning boshqa ta’riflari ham bormi? Tavakkalchilik bilan jasurlik o’rtasida qanday farq bor? Individual jasurlik va jamiyatlar o’rtasidagi jasurlik ko’rinishlari qanday bo’lishi mumkin? Individual jasurlikda jamiyatdagi boshqa insonlar oldidagi mas’uliyatimiz qanchalik? Jasurlik qilishda nimalarni inobatga olish muhim?

Miyamga har tarafdan kelayotgan fikrlarni tartibsiz va bir-biriga uzviy aloqasiz yozayotgan edim va natijada fikrlarim bir-birini to’ldirmayotganini sezdim. Endi esa o’sha kelgan fikrlarimga savollar tuzib chiqdim, shunda ularni bir mazmun ostida ifodalash osonroq bo’lsa kerak. Qani sinab ko’ramiz.

Men bergan savollarga Siz qanday javob bergan bo’lardingiz?

@globalstudentt
384 0 3 2 6
Endi qayerga? 🇵🇸

20 Nov, 13:21

Open in Telegram Share Report
Siz jasurlikni qanchalik qadrlaysiz?

Hayotingizda qanchalik jasurlik bilan harakatlanasiz?

Qiyinchiliklari nimada?

Oilada jasurlikni shakllantirishning ahamiyati qanchalik?

@globalstudentt
352 0 2 5
Endi qayerga? 🇵🇸

20 Nov, 13:06

Open in Telegram Share Report
Jasurlik Siz uchun nima?

@globalstudentt
358 0 1 19
Endi qayerga? 🇵🇸

19 Nov, 23:12

Open in Telegram Share Report
Erkaklarni tushunish — Otangni Otang boʻlgani uchun yaxshi koʻrganingda sodir boʻladi. Uni shaxs sifatida kimligini tushuna olganingda va boricha qabul qilganingda boshqa erkakni ham erkak boʻlgani uchun emas, inson boʻlgani uchun tushuna olasan. Otangning ham hissiyotlari borligini, qaygʻulari, alamlari, afsuslari va umidlari borligini eshita olganingda, his qila olganingda — juft sifatida tanlayotganing erkakni ham his qila olasan. Butun vujuding bilan.

Endi oʻzingga savol berib koʻrchi, hayotingdagi erkaklarni qanchalik shaxs sifatida, hissiyotlarida, kerak boʻlsa, ayollardan ham ojizroq, nozikroq boʻlishi mumkin boʻlgan inson sifatida koʻrishga uringansan? Bu haqida oʻylab koʻrganmisan?

@globalstudentt
763 0 11 3 20
Endi qayerga? 🇵🇸

19 Nov, 13:37

Open in Telegram Share Report
Forward from: International Montessori school of Tashkent
‼️Muhim‼️

📍Seminar Toshkent shahrida bo'lib o'tadi
📍Hozir tashkillashtirish jarayoni ketmoqda
📍Joyi, kuni aniq bo'lishi bilan albatta oldindan e'lon qilamiz
📍So'ng administrator bilan bog'lanib joyingizni band qilsangiz bo'ladi
📍Qatnashish (pullik) bo'ladi, lekin asosiysi hammaning sharoiti ko'tara oladigan narx belgilanadi
📍Maqsad- haqiqiy Montessori konferensiyasi o'tkazish va jamiyatimizga manfaatli ilm yetkazish

📢 Qo'llab-quvvatlashingizga ishonamiz!

🌱@bambini_rasmiy - asl Montessori manbaalari asosida Podkastlar va videodarsliklar

🌱@ims_tashkent - O'zbekistondagi ilk haqiqiy Montessori bog'chasi

🌱@englishmontessori_withmykids - Montessori manbaalarini ulashamiz!
384 0 3 3
Endi qayerga? 🇵🇸

19 Nov, 13:37

Open in Telegram Share Report
Forward from: English Montessori School by Mahliyo
Seminarda qatnashmoqchimisiz?
Poll
  •   Ha, albatta
  •   Yo'q, Toshkentda emasman
  •   Qiziqyapman
  •   Ikkilanyapman
655 votes
336 0 0 1
Endi qayerga? 🇵🇸

19 Nov, 13:37

Open in Telegram Share Report
Forward from: English Montessori School by Mahliyo
📢 Siz va biz kutgan o'sha kunlar kelmoqda!!!

📢 Yurtimizda ilk bor Montessori bo'yicha tadbir bo'lib o'tadi!

📢 Montessoriga oid asl Montessori manbaalari va chet eldan tashrif buyurayotgan Montessori ekspertlari bilan tadbirda qatnashmoqchi bo'lsangiz, keyingi so'rovnomada ovoz bering!


💡Ushbu e'lonni maksimal ulashib, qolgan barchaga yetib borishiga yordam bering!
💡Sizning qo'llab-quvvatlashingiz va yordamingiz biz uchun juda ham muhim!
💡Bizni kuzatayotgan kanal asoschilari ham iltimos yordamingizni ayamang🍀

Hurmat bilan @bambini_rasmiy jamoasi!

🌱 @bambini_rasmiy
🌱 @ims_tashkent
🌱 @englishmontessori_withmykids
340 0 1 2
Endi qayerga? 🇵🇸

18 Nov, 17:21

Open in Telegram Share Report
Yaxshi, unda bunday qilamiz. Toshboʻron qilinmaslikka va’dani oldim. Endi bemalol ijod qilaman.

Konkret variantlarni va nega bunday variant berayotganimni izohlayman. Shunda yanada aniqroq va qisqaroq boʻlsa kerak.

Muhim! Men yozmoqchi boʻlganlarim ikkinchi insonning • ayni tabiatini tushunish
• uning hatti-harakatlariga oʻzingizning munosabatingizni kuzatish
• Sizning tabiiy hatti-harakatingizga uning munosabatini kuzatish VA shu orqali hislaringizni kuzatish
• shu asosida uning tabiati Sizning tabiatingizga qaysidir miqdorda toʻgʻri keladimi-yoʻqmi his qilib koʻrishga yordam berishi mumkin.


Tushunarli boʻldimi yuqoridagi kriteriya?

Davom ettirish yoʻnalishini tanlash uchun shu savolga javob bering.

Aytgancha, qisqa deganim bilan yozuvda qisqa boʻlmas ekan. Qaysidir koʻnikmalarni shakllantirish uchun hammaga har xil muddat kerak boʻlishi mumkin. Hammaning oilasi ham ba’zi narsalarga ruxsat bermasligi mumkin. Hamma narsaga tayyor turinglarda, ishqilib 😁 Men har xil vaziyatni inobatga olishga harakat qilaman, lekin oʻzimda asosan erkin tanlov boʻlgani uchun hammangizning holatingizni tasavvur qilolmasligim mumkin. Yozadigan asosiy variantlarim esa ilmga va professional tajribaga asoslanadi, albatta.

@globalstudentt
353 0 0 10 12
Endi qayerga? 🇵🇸

18 Nov, 17:03

Open in Telegram Share Report
Aniq variantlarni aytmasam ham, yoʻnalish berishim mumkin. Sababi odatda uchrashuvga chiqqan insonlar koʻpincha yosh, erkin muloqot qilish koʻnikmasi toʻlaqonli adekvat shakllanmagan va hijolatparast boʻlgani uchun men taklif qilmoqchi boʻlgan variantlar toʻgʻri kelmasligi mumkin. Shunday boʻlsa ham eng muhim xususiyatni aniqlash uchun shortkat (qisqa yoʻl) taklif qilishim mumkin. Yozayotib tushundim-ki, qisqa yoʻlni tushuntirguncha uzun yoʻldan yozib borishim kerak ekan 😆

Nima qilay? Shu haqida gaplashamizmi?

@globalstudentt
331 0 0 4 17
20 last posts shown.