GFU|Rasmiy kanali

8-mart munosabati bilan talaba qizlar bilan uchrashuv

8-mart - Xalqaro xotin-qizlar kuni munosabati bilan Universitet Geologiya Fanlari rektori Maqsud Isoqov talabalar yotoqxonasiga tashrif buyurib, talaba qizlarni bayram bilan tabrikladi. Rektor talabalarga samimiy tilaklarini bildirib, ularning ta’lim yo‘nalishlarini so‘rab, har biri bilan alohida suhbatlashdi. U suhbat davomida:

"Geologiya va unga aloqador ilmiy yo‘nalishlar ko‘p hollarda erkaklar ustunlik qiladigan sohalar sifatida qaraladi. Ammo aynan shu sababli, ayollarning ushbu yo‘nalishlarda o‘zini namoyon etishi nafaqat ularning shaxsiy yutuqlari, balki umuman olganda, sohaga yangi qarash va innovatsion yondashuvlar olib kirishiga xizmat qiladi. Agar ayollar ilmiy rivojlanish yo‘lida qat’iyat bilan harakat qilsalar, ulkan natijalarga erishishlari shubhasiz"

, - deb ta’kidladi.

Samimiy muloqot va e’tibor

Uchrashuv davomida qizlarning ilmiy va kasbiy rivojlanishi muhim masala sifatida ilgari surildi. Har bir talaba bilan alohida suhbat olib borilib, o‘qiyotgan yo‘nalishlari bo‘yicha kelajakdagi imkoniyatlar va muhim jihatlar muhokama qilindi.

Yo‘nalishlar bo‘yicha tavsiyalar

Ekologiya va atrof muxit muxofazasi

Atrof-muhitni himoya qilish hamda ekologik muammolarni hal etish dolzarb masala ekani ta’kidlandi. Talabalarga ushbu sohada olib borilayotgan ilmiy izlanishlarning ahamiyati haqida tushuncha berildi.

Geologiya

Tabiiy resurslarni o‘rganish va qazib olish jarayonlari bo‘yicha maslahatlar berilib, ushbu yo‘nalishning mamlakat iqtisodiyoti uchun strategik ahamiyatga ega ekani eslatib o‘tildi.

Gidrogeologiya va muxandislik geologiyasi

Suv resurslarini boshqarish va gidrogeologik tadqiqotlarning dolzarbligi yuzasidan fikr almashildi. Ushbu sohada kelajakda talab ortib borayotgani va yuqori malakali mutaxassislarga ehtiyoj katta ekani qayd etildi.

Geologiya qidiruv ishlari texnikasi va texnologiyasi

Foydali qazilmalarni aniqlash va qidiruv usullari muhokama qilinib, zamonaviy texnologiyalardan samarali foydalanish muhimligi ta’kidlandi.

Geodeziya va geoinformatika

Geodeziya va kartografiya texnologiyalarining ahamiyati yoritilib, geoinformatika sohasining bugungi kundagi dolzarbligi haqida fikr bildirildi. Bu yo‘nalishning raqamli texnologiyalar bilan chambarchas bog‘liqligi alohida qayd etildi.

Konchilik ishi

Konchilik xavfsizligi, samarali qazib olish jarayonlari hamda texnologik innovatsiyalar ustida to‘xtalib o‘tildi. Ushbu sohaning mamlakat sanoatida tutgan o‘rni haqida talabalarga batafsil tushuntirish berildi.

Foydali qazilma konlari geologiyasi, qidiruv va razvedkasi

Tabiiy boyliklarni qidirish va razvedka ishlarining strategik ahamiyati muhokama qilinib, foydali qazilmalarning mamlakat taraqqiyotidagi o‘rni va ularni samarali o‘zlashtirish yo‘llari tushuntirildi.

Xulosa

Rektorning talaba qizlar bilan uchrashuvi samimiy va mazmunli ruhda o‘tdi. Talabalarga nafaqat bayram tabrigi, balki o‘qiyotgan yo‘nalishlari bo‘yicha qimmatli maslahatlar ham berildi. Bu uchrashuv ularning kelajakdagi kasbiy faoliyatiga rag‘bat va ilhom baxsh etdi. Universitet rahbariyatining talabalar bilan doimiy muloqoti ularning o‘qish jarayoniga bo‘lgan ishtiyoqini yanada oshirishiga xizmat qiladi.

РУ🇷🇺 ENG🇬🇧

Web sayt | Telegram | YouTube
| Facebook | Instagram

#GFUevent
Geologiya fanlari universiteti Xalqaro Xotin-qizlar Kunini Nishonladi

Ayollarga ehtirom – jamiyat taraqqiyotiga e’tibor

Geologiya fanlari universitetida 8-mart – Xalqaro xotin-qizlar kuniga bag‘ishlangan tantanali tadbir bo‘lib o‘tdi. Mazkur tadbirda universitet jamoasi, professor-o‘qituvchilar, talabalar hamda turli tashkilotlardan mehmonlar ishtirok etdilar.

Rektorning nutqi: Ayollarga ko‘rsatilayotgan e’tibor

Tadbirni universitet rektori Maqsud Isoqov ochib berdi. U o‘z nutqida ayollarning jamiyatdagi o‘rni va ularning turli sohalarda erishayotgan yutuqlari haqida so‘z yuritdi. Shuningdek, davlatimiz tomonidan xotin-qizlarni qo‘llab-quvvatlash borasida amalga oshirilayotgan keng ko‘lamli islohotlarga e’tibor qaratdi.

Rektor so‘zida ta’kidlaganidek, har yili ayollarga yaratilayotgan imkoniyatlar ortib bormoqda. Xususan, xotin-qizlarning ilmiy faoliyat bilan shug‘ullanishlari uchun maxsus grantlar, stipendiyalar va ilmiy loyihalarda ishtirok etish imkoniyatlari kengaymoqda. Maqsud Isoqov bunday o‘zgarishlarning real natijalarini aniq raqamlar bilan tasdiqlab, davlatimiz rahbari tomonidan amalga oshirilayotgan islohotlarning samarali natijalarga olib kelayotganini qayd etdi.

Bayram shukuhi: qo‘shiqlar, raqslar va tantanali taqdirlash marosimi

Rasmiy qismdan so‘ng bayram dasturi davom etdi. Taklif etilgan mehmonlar tomonidan tayyorlangan musiqiy chiqishlar va raqslar  barchaga ko‘tarinki kayfiyat ulashdi.

Tadbir yakunida universitet rektori Maqsud Isoqov universitetimiz va unga qarashli tashkilotlarda faoliyat yuritayotgan ilg‘or xotin-qizlarni shaxsan taqdirladi. Ilm-fan, ta’lim va ijtimoiy sohada faoliyat yuritayotgan ayollarga esdalik sovg‘alari topshirildi.

Shuningdek, universitet tomonidan yaqinda o‘tkazilgan sport musobaqalarida muvaffaqiyatli ishtirok etgan xotin-qizlar ham munosib rag‘batlantirildi. Bu esa, albatta, sport va sog‘lom turmush tarzini targ‘ib qilishda muhim motivatsiya bo‘ldi.

Xotin-qizlarga hurmat – jamiyat yuksalishining garovi

Ushbu bayram universitetimizda nafaqat xotin-qizlarning o‘rnini ulug‘lash, balki ularni rag‘batlantirish, yangi marralarga ruhlantirish yo‘lida muhim tadbir bo‘ldi. Tadbir ishtirokchilari hayajon va shodlik bilan tarqalishar ekan, universitetimizda xotin-qizlarga e’tibor nafaqat bayram kunlari, balki har doim yuqori bo‘lishi lozimligini yana bir bor his etdilar.

РУ🇷🇺 ENG🇬🇧

Web sayt | Telegram | YouTube
| Facebook | Instagram