Filarmoniya.uz

❇️ Klassik musiqa jozibasi

✅ O‘zbekiston davlat Konservatoriyasi Organ zalida “Turkiston” kamer orkestrining “Puflama cholg‘u musiqasi” nomli yana bir ajoyib konserti bo‘lib o‘tdi.

❗️Kelgusi oyda tashkil etilganining 30 yilligini tantana qiladigan mazkur jamoa o‘z muxlislari safini yanada kengaytirib borayotganligi alohida tahsinga sazovor.

⏩ Xalqaro tanlovlar g‘oliblari Iqbol Imomov, Temur Nosirov, Davron Quvatov, Amalya Quvatova, Samandar Vahoboyev, Stanislav Sin kabi mahoratli ijrochilar ishtirokida o‘tgan mazkur konsert ham muxlislarga yorqin taassurotlar ulashib, ularning yuksak olqishlariga sazovor bo‘ldi.

⏩ O‘zbekistonda xizmat ko‘rsatgan san’at arbobi Eldor Azimovning mahoratli dirijyorligi hamda O‘zbekistonda xizmat ko‘rsatgan madaniyat xodimi Inessa Gulzarovaning professional boshlovchiligi ostida o‘tgan ushbu konsert klassik musiqa shinavandalariga rosmana zavq ulasha oldi.

⏩ Chunki bunda ijro etilgan Dominik Chimaroza, Jovanni Platti, Jozef Fiala, Antonio Vivaldi, Aleksandr Gilman singari mashhur jahon kompozitorlarining har bir asarlari allaqachon muxlislar qalbidan joy olgan qadrdon musiqalar edi.

❗️Ma‘lumot o‘rnida: Joriy yilning 8-fevral kuni, soat 18:30da O‘zbekiston davlat Konservatoriyasining katta zalida “Turkiston” kamer orkestri tashkil etilganining 30 yilligi munosabati bilan yubiley konserti bo‘lib o‘tadi.

O‘zbekiston davlat filarmoniyasi Axborot xizmati

✅ Telegram |🌐 Instagram
🌐Website |🌐 Facebook

❇️ “Orzuyim, baxtim — san’atim!”

✅ “Turkiston” san’at saroyida O‘zbekiston davlat filarmoniyasi Toshkent viloyati bo‘linmasining “Orzuyim, baxtim — san’atim!” nomli hisobot konserti taqdim etildi.

⏩ Ushbu konsertda O‘zbekiston davlat filarmoniyasi Bosh direktorining birinchi o‘rinbosari Qobil Yuldashev hamda Muassasaning hududiy bo‘linmalari direktorlari ham ishtirok etishdi.

⏩ O‘ziga xos dekoratsiya, yorqin konsert chiroqlarining bayramona yog‘dulari, qiziqarli chiqishlar va sho‘x qo‘shiqlar dastur yakunigacha muxlislarga xushkayfiyat ulashdi.

⏩ Bahriddin Zuhriddinov, Hojiakbar Haydarov kabi taniqli san’atkorlar hamda viloyat bo‘linmasining bir qator xonandalari ishtirokida o‘tgan mazkur konsert qo‘shiqchilik san’atining turli yo‘nalishlarini qamrab olgani va jozibador raqslarga boy bo‘lgani bilan ham tomoshabinlar olqishiga sazovor bo‘ldi.

⏩ Ayniqsa, raqqoslar tomonidan ijro etilgan qadim qadriyatlarimiz aks etgan raqslar dasturning eng yorqin chiqishlariga aylandi. Shu tariqa O‘zbekiston davlat filarmoniyasi Toshkent viloyati bo‘linmasi o‘zining poytaxtdagi katta hisobot konsertini yuksak e’tiroflarga sazovor holda yakunladi.

⏩ Muxlislar esa, bunday ajoyib konsertlarning yana davom etishiga tilak bildirishdi.

O‘zbekiston davlat filarmoniyasi Axborot xizmati

✅ Telegram |🌐 Instagram
🌐Website |🌐 Facebook