Azimjon's Fikrlog

2022-yilgi podkastdan: Sizni kutyapti?

Yozda Londonda Facebookda amaliyot o'tayman. Keyin Varshavaga o'qishni bitirish uchun qaytaman. So'ngra eng katta texnologik kompaniyaga ishga kirmoqchiman (Google va Amazon) va u yerda 1-2 yil ishlayman.

Ishdan ketib, o'z kompaniyamni quraman - ta'lim sohasida. Ta'lim orqali insonlar o'z orzu-maqsadlariga yetishiga va o'zlarining eng yaxshi versiyasini qurishga yordam bermoqchiman.

youtu.be/BPhX9lXIvfw?&t=2214

Google’dagi Azimjon, bog’chadagi Azimjondan ko’p farq qilmaydi. Ikkisi ham erkinlik uchun kurashadi.

5 yoshda 7 kun bog'chada
25 yoshda 7 yil ishda o'tdi.

Google’da ishlash qiyin va men qiyinchilikni sevaman. Katta muammolar, aqlli yechimlar meni bu yergacha olib keldi. Aqlli insonlar bilan birga ishladim, ko'p narsa o'rgandim, ozmi-ko'pmi pul topdim. Endi esa qolishim uchun eng muhim narsa yetishmayapti: mazmun va maqsad.

Kuni kecha anchadan buyon xohlab yurgan ishni qildim: -7 ºC da muzlagan ko’lga tushdim - mazza qildim. Endi o’ylab ko’ring: kimdir meni shu sovuqda ko’lga itarib yuborsa qanchalik razil inson bo’lardi. Sizni siz ko’tara oladigan qiyinchiliklarga majburlay oluvchi yagona inson - o’zingiz. O’sish qiyinchiliksiz bo’lmaydi.

Men ustida ishlaydigan loyihalarning maqsad & mazmuni va eng muhimi ularning taqdiri menga bog’liq bo’lishini, o’zimni qay darajada o’stira olishimni haqiqatda bilmoqchiman. Google bilan xayrlashish vaqti keldi va Google men uchun so’ngi ish beruvchi bo'lganidan xursandman.

Katakli ko'ylakni yechdim.
employee → entrepreneur

Bog’cha.

Bog'chaga tahminan 1 hafta borganimni eslayman. Tarbiyalanuvchi sifatida.

Hozirgidek, o'sha paytlarda ham uyquga ketishim qiyin bo'lgan - soatlab uyqu kelmasdi. Ximchalanayotganlar ovozini eshitib ko'zimni qattiq yumib, o'zimni uxlaganga so'lardim.

Uyda buvam bilan o'tirib Mustang (o'sha yovvoyi ot) haqidagi multfilmni qayta-qayta ko'rardik. Bog'cha aynan shu tutqinlikdek ko'ringan. Ertalab bo'lishi bilan buvamni qo'yniga kirib olardim, ayam meni bog'chaga obormasin deb. Taktika ishlagan.

Buvam o'tib qolganlaridan keyin endi panoh yo'q. Shunda 5 yosh bo'lsam ham, ayam meni eshitgan. Bog'chaga oborgan, faqat endi ishga - bog'chada hamshira bo'lib ishlardi. Soat 2gacha oldilarida o'tirib, keyin birga uyga qaytardik.

O'zim so'rab, 6 yoshda maktabga chiqqanman. 1-kundan keyin afsuslanib kelganimda, ayam o'zing xohlading - "endi ortga yo'l yo'q" deb ma'suliyatni o'zimga topshirgan. Maktab yodlatishini hisobga olmasak (90%), aql ishlatish kerakligi (10%) ancha yoqqan.

Google ofislari bog'chani eslatib yuboradi.

Hamma joy rang-barang, 3 mahal ovqatlantiradi, tushlikdan keyin mizg'ib olsangiz ham bo'ladi.

Eng muhimi ba'zi insonlar bog'chadagi bolalardek beg'ubor: archilgan xom sabzini tishlab yeb yurganini ko'rib qolaman. Zerikkanda rasm chizishadi, musiqa chalishadi, badan tarbiya bilan shug'ullanadi. Ee xullas bog'chada. Yaxshi ma'noda.

Qachon maytabga chiqaman deb yuribman.

Kimligingizni bilmoqchimisiz?
- Xarajatlaringizga boqing.

2005-yil bir olis tumanga to’yga bordik. Sevinch Mo’minova kelgan - rosa qimmatga, aniq eslay olmayman - aytaylik hozirgi $10,000.

Soat 2. O’yin-kulgu, bo’kkuncha yeyish va qittak-qittak oxiriga yetgan. Hamma uxlashga ketdi, qornim og’rib qoldi. Uy yaqinida hojatxona yo’q. Hovlining boshqa bir burchagida, qo’yxona ichida pahsali xonaga bordik. Kesak olib kir deyishdi…

Xullas o’zingizga qilgan eng yaxshi xarajat - bu hayotingiz sifatini oshirish uchun qilingan xarajat. Maqtanish uchun yoki kayfu-safo uchun qilingan xarajat emas.

1. Ta’lim
2. Sog’lom hayot tarzi
3. Bo’sh vaqtingizni oshirish

uchun qilingan har qanday xarajat aslida xarajat emas balki o’zingizga bo’lgan investitsiyadir.

Ta’lim > To’y

L & P.

L (hashamat)ga intiluvchilarga ko'p misol keltirishim shart emas. Ularni ko'p ko'rgansiz, balki ulardan biridirsiz. Balki hovli buzib, qasr qurish bilan banddirsiz. Balki gelik olish orzuyingizdir.

P (pleasure)ga intiluvchilarni ashaddiylarini Londonga borganimda ko'rganman. Reysim kechikib kechgi soat 2da Trafalgar maydoni atrofidagi insonlarni (ayniqsa ayollarni) ko'rib jirkanib, ertasi kuniyoq uyga qaytib ketgim kelgandi.

L ham, P ham nafsdan.
Nafs chegarani bilmaydi.
Nafsni yengmoqchimisiz?

Yana tush ko'rdim.

@fikrlog ni "Azimjon Tushlari" deb nomlamasaydik hali.

Bu gal tushim nafs haqida ma'ruza – nafsga taslim bo'lganlar (misollar) va nafsini yengish haqida bo'ldi.

Nafsingni yengmoqchimisan?
Unda ... "pursue Allah" ya'ni Allohga ergashing

- deyildi (ha, inglizcha tush ko'raman).

Nafs hamma uchun har xil sinov. Kim uchundir mol-dunyo, kim uchundir mansab. Men uchun nafs sinovi... xirs (shu yillarda).

5 yil Polshada yolg'iz yashash oson bo'lmadi va bu o'tgan 5 yil ichida iymonim kuchli bo'lgan deb ham ayta olmayman. Nafsga taslim bo'lishga santimentrlar qolgan paytlar bo'lgan – ko'p ma'noda. Alhamdulillah, yengilganim yo'q. Nafsga yengilmaslik uchun Allohdan kuch so'rayman.

Nega uylanmaysiz deysizmi? So'ngi 3 yil ichida kamida 3 marta urindim. Juda kam bilaman, FAANGdan birinchi offerni olish uchun ham 100ta joyga ishga topshirganim esimda.

Har gal Toshkentga borganimda kasal bo'laverib, ko'ngilga ko'p narsa sig'magan. Boshqa "Reja Niyat ™️" bor — ona yurtga qaytamiz.

Tush ko'rdim.

Tushdan faqat 3ta so'z esimda qoldi.

Yaxshilik ham omonatdir.

Bir qarashda bu so'zlar siz uchun qilingan yaxshiliklar ham aslida omonat, qaytarishingiz kerakligi anglatadi. Onangiz, otaningiz va yaqinlaringiz siz uchun qilgan yaxshiliklarini ularni tirikliklarida qaytarishga urinishiz kerakligini anglatsa...

Ikkinchi tarafdan siz qilgan yaxshiliklaringiz ham bir omonat ekani va bir kuni buning ham ajri borligini anglatar...

Lekin men uchun bu gap yanada kattaroq ma'noga ega bo'ldi. Aynan o'sha tush oldidan Allohdan yaxshilik so'rab duo qilganim va uning yaxshiligiga muhtoj ekanligimni his qilganim bo'ldi.

Hozirgi yaxshiliklarni o'zini sanab sanog'iga yetmadim. Yaxshilik ham aslida omonat ekanligi va omonatning o'zi ham javobgarlik bilan kelishini his qilib...

Uyg'ondim.

So’ngi 5 yil ichida Toshkentga 5 marta borgan bo’lsam, 5 martasida ham kasal bo’ldim. Yozda borganda ham, qishda borganda ham.

Oxirigi martasida, ya’ni 2024 dekabrda kasal bo’lganim, yanvar tugayapti - hali ham men bilan.

Nega ko’p kasal bo’lamiz. Nega dorixonalarimiz bunchalar ko’p. Kapitalizm?

Kecha sinus’larim og’rishni boshladi. Litseyda trigonometriya o’qib yurgan paytlarim esimga tushib ketdi. O’sha paytlar o’tkir frontit bo’lib, 18 yoshga to’lishimga 2 oy qolganida bolalar shifoxonasida 1 oyga yaqin yotgandim. Yaxshi qarashgandi, tuzalib chiqqandim.

19 yoshimda qayta frontit bilan chalinganimda bu gal katta bollar yotadigan Ibn Sino nomidagi 1-shahar shifoxonasiga tushib qolib, 3-4 kun yotib yaxshi bo’lmaganim uchun boshingni yoramiz degan (qosh tarafdan). Bu eski usul, ommaviy-zamonaviy usullarni ishlating deganimda shifokor “menga aql o’rgatma” deb aytgan. O’lib qolsam davoyim yo’q deb yozib berib kasalxonadan chiqib ketganman.

Xullas shu kunlar yana qaytgandek bo’ldi. Shifokor ko’rigidan qaytyapman, yana o’sha qadrdon bo’lib qolgan sinupret yozib berdi.

Kasal bo’lmang.

O’zbek tilidagi ko’p so’zlarimiz Arab tilidan olinganligi yangilik emas.

Arab tilida “Fuqara’” so’zi “faqir”, “kambag’al”, “hech vaqosi yo’q” degani. Bizdagi “Fuqaro” so’zi shu so’zdan kelib chiqqanligi o’ylantirib qo’ydi.

Baytulloh yaqinida ayamni kutib turganimda, qo’riqchi kelib — “La intizar” dedi. Bu shunchaki “kutma” degani, “intizor bo’lma, ayang kelmaydi” degani emas.

Naqd pulim tugab, sotuvchiga viza kartamni ko’rsatgadim, ko’rib qo’rqib ketib — “Zarar!” dedi.

Masjid yerlari ko’pi kafellangan. Yomg’irda ketayotsam bir amaki rezinali oyoq kiyimimni ko’rsatib — “Xatar, xatar!” dedi.

Rezyume’ni o’zgartirish vaqti keldi.

Makka’da sotuvchiga qiynalib Arabchada gapirsam meni tushunmadi.

Keyin meni qiynalishimni ko’rib o’zi O’zbekcha gapirvordi.

Dildan suhbat qurdik.

O’zbekchani YouTube ko’rib o’rgandim dedi. Do’stlarim bor Namangan, Andijon, Farg’onadan deydi.

Makka’ga qo’rqmay boraverasizlar. Biz Arab tilini o’rgangunimizcha Makka’dagilar O’zbekchani o’rganib bo’libdi.