Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

𝗙𝗘𝗥𝗠𝗘𝗥.𝗨𝗭

@fermer_uzbekistan
Channel's geo and language: Uzbekistan, Uzbek
Category: Nature

ЎЗБЕКИСТОН ФЕРМЕРЛАРИНИНГ 1-РАҚАМЛИ КАНАЛИ
Facebookда: facebook.com/groups/1455562791614978/?ref=share_group_link
Ҳамкор канал:
@agrobloger
Ҳамкор гуруҳлар:
@agronom_guruhi
@fermerlar_guruhi
Мурожаат: @agrobloger_admin

Related channels  |  Similar channels
Channel's geo and language
Uzbekistan, Uzbek
Category
Nature
Statistics
Is this your channel? Confirm Канал в реестре блогеров РКН? Confirm Channel history
Posts filter

𝗙𝗘𝗥𝗠𝗘𝗥.𝗨𝗭

30 Jan, 11:17

Open in Telegram Share Report
⚡️БУГУН БИРИНЧИ ПРЕЗИДЕНТ ТУҒИЛГАН КУН: Ислом Каримов Қашқадарё вилояти пахта далаларида (1989 йил).

🔹Яна кимларни танидингиз?

🔘🔘🔘

Фермерларларимизнинг 1-рақамли канали: FERMER.UZ
2.8k 0 20 4 71
𝗙𝗘𝗥𝗠𝗘𝗥.𝗨𝗭

30 Jan, 11:13

Open in Telegram Share Report
⚡️ ҲУҚУҚИЙ ЭСЛАТМА: 431-сонли Президент қарорига кўра, айрим қишлоқ хўжалиги техникалари божхона божи ва утилизация йиғимидан озод қилинган.

“Қишлоқ хўжалигини механизациялаш даражасини янада ошириш чора-тадбирлари тўғрисида”ги Президент қарори (ПҚ-431-сон, 12.12.2024 й.) қабул қилинганди.

Қарорга кўра, 2025 йил 1 январдан, қишлоқ хўжалиги техникалари етказиб беришда амалдаги қонунчиликка мувофиқ қўлланиладиган имтиёзлар (субсидия, солиқ ва божхона имтиёзлари ва молиявий ёрдамлар) фақат маҳаллий ишлаб чиқарувчилар ва дилерлар орқали муомалага чиқариладиган қишлоқ хўжалиги техникаларига нисбатан татбиқ этилган.

2027 йил 1 январгача қуйидагилар божхона божидан ва утилизация йиғимидан озод қилинади:

-белгиланган талабларга жавоб берадиган пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари;

-маҳаллий ишлаб чиқарувчилар ва дилерлик хизмати томонидан хориждан олиб келинадиган янги пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари.

2025 йил 1 мартдан имтиёзлардан фойдаланган ҳолда харид қилинган, шу жумладан, республикада ишлаб чиқарилган ва импорт қилинган янги тракторлар ва комбайнларни уларга GPS қурилмасини ўрнатмаган ҳолда давлат рўйхатидан ўтказиш ва улардан фойдаланиш тақиқланади.

2028 йил 1 январдан асосий пахта ва ғалла ҳосили учун пахта чигити ва буғдойни экишда аниқ доналаб экмайдиган сеялкалардан фойдаланиш тақиқланади.

Қарорга кўра, қишлоқ хўжалиги техникаларига хизмат кўрсатувчи тадбиркорларнинг буюртмаси (талаби) бўйича аҳоли бандлигига кўмаклашиш марказлари йўлланмасига асосан ишсиз ёшларни замонавий қишлоқ хўжалиги техникаларига хизмат кўрсатувчи мутахассис сифатида ва ушбу техникаларни бошқарувчи операторликка (тракторчи-машинист) ўқитиш ва қайта тайёрлаш харажатлари Бандликка кўмаклашиш давлат жамғармаси ҳисобидан қоплаб берилади.

2025 йил 1 январдан 2028 йил 1 январгача қишлоқ хўжалиги техникаларини таъмирлаш, агротехник хизматлар кўрсатиш, шу жумладан, экин майдонларини лазерли ер текислагич ёрдамида текислаш, ғўзани чилпиш (чеканка) ва дефолиациялаш хизматларини кўрсатувчи тадбиркорларга (бундан кластерлар мустасно) юридик шахслардан олинадиган ер солиғи ва юридик шахсларнинг мол-мулкига солинадиган солиқ ставкалари 50 фоизга камайтирилади.

Қишлоқ хўжалиги техникалари ишлаб чиқарувчи маҳаллий корхоналар томонидан ўз эҳтиёжи учун ўрнатилган тартибда шакллантириладиган рўйхат бўйича хориждан олиб келинадиган қишлоқ хўжалиги техникаларининг бутловчи ва эҳтиёт қисмлари 2028 йил 1 январгача божхона божидан озод қилинади.

🔘🔘🔘

Фермерларимизнинг 1-рақамли канали: FERMER.UZ
2.8k 0 30 19
𝗙𝗘𝗥𝗠𝗘𝗥.𝗨𝗭

30 Jan, 04:47

Open in Telegram Share Report
Video is unavailable for watching
Show in Telegram
⚡️ҚАШҚАДАРЁ ВИЛОЯТИ: 22 кВтли қуёш панеллари ёрдамида суғориш йўлга қўйилган майдондан лавҳа.

🔘🔘🔘

Фермерларимизнинг 1-рақамли канали: FERMER.UZ
4.8k 0 44 14 45
𝗙𝗘𝗥𝗠𝗘𝗥.𝗨𝗭

30 Jan, 04:47

Open in Telegram Share Report
⚡️БИЗНЕС-ОМБУДСМАН: Фермер хўжалигига ортиқча ҳисобланган пул маблағи қайтарилди ва кредит шартномаси муддати узайтириб берилди.

Бизнес-омбудсманга фермер хўжалиги (номи очиқланмаган) томонидан кредит шартномасининг пролонгация қилиниши ҳамда кредит графигидан ортиқча ундирилган пул маблағи қайтарилишида амалий ёрдам сўраб, мурожаат қилинган.

Аниқланишича, “Агробанк” АТБ Навоий вилоят бошқармаси томонидан фермер хўжалигига томчилатиб суғориш технологиясини сотиб олиш учун 40476 АҚШ доллари миқдорида кредит маблағи ажратилган.

Ўрганиш давомида кредит графигидан ортиқча ҳисобланган 1 371,4 АҚШ доллари миқдоридаги пул маблағи тадбиркор ихтиёрига қайтарилиши ҳамда кредит шартномаси муддатини узайтириш масаласидаги фермер хўжалигининг мурожаати ижросиз қолдирилганлиги маълум бўлди.

Вакил девони ходимлари аралашуви билан “Агробанк” АТБ Навоий вилоят бошқармаси томонидан фермер хўжалигига кредит графигидан ортиқча ҳисобланган 1371,4 АҚШ доллари миқдоридаги пул маблағи тадбиркор ҳисоб-рақамига қайтарилиши ҳамда кредит шартномаси муддати 2 йил муддатга пролонгация қилиниши таъминланди, дейилади хабарда.

🔷 ЭСЛАТМА: Тадбиркорларнинг ҳуқуқларини ҳимоя қилиш бўйича вакил (Бизнес-омбудсман) ўз ваколатларини мустақил ҳамда давлат органларига, уларнинг мансабдор шахсларига тобе бўлмаган тарзда амалга оширади ва ўз фаолиятида Ўзбекистон Республикаси Президентига ҳисобот беради.

Агар фаолиятингизда турли тўсиқларга учраётган бўлсангиз, Бизнес-омбудсманга 1100 қисқа рақами, тадбиркорлар виртуал офиси ёки info@biznesvakil.uz электрон манзили орқали мурожаат йўлланг.

🔘🔘🔘

Фермерларимизнинг 1-рақамли канали: FERMER.UZ
4k 0 27 29
𝗙𝗘𝗥𝗠𝗘𝗥.𝗨𝗭

30 Jan, 04:46

Open in Telegram Share Report
Forward from: Ikar Uzbekistan
‼️АММОФОС ЎРНИГА "IKAR FOSTO" - БУЮК БРИТАНИЯ МАҲСУЛОТИ!

🔷 САРФ МЕЪЁРИ: ғалла экинлари учун 0,3-0,4 л/га.

🔷 НАРХИ: 1 литри учун 340 минг сўм.

🇪🇺Европада таниқли бўлган IKAR брендининг суюқ ўғитлари энди Ўзбекистонда!

🇬🇧Буюк Британияда ишлаб чиқарилган.

🔹Икар Фосто - ўта самарали бўлиб, фосфор ва аминокислоталарнинг юқори миқдори бўлган мураккаб ўғит ҳисобланади. У ўсимликлар ривожланишининг дастлабки босқичларида физиологик жараёнларнинг ўтишини рағбатлантириш учун махсус ишлаб чиқилган.

🔹Икар Фосто - ўсимликлар томонидан фосфорнинг тез сўрилишига ҳисса қўшадиган юқори миқдорда фосфор ва синергетик элементларга эга бўлган концентрланган суюқ ўғитдир.

Маълумки, фосфорнинг ўсимликлар томонидан тупроқдан сўрилишини бузадиган бир қатор омиллар мавжуд. Энг муҳим омиллар - P (фосфор) элементининг паст ҳаракатчанлиги, тупроқ pH кўрсаткичи ва ҳарорат таъсири ҳисобланади.

Фосфор (P) бутун вегетация даврида экинлар учун муҳим озуқа элементидир, лекин унинг асосий роли айнан ривожланишнинг дастлабки босқичларидадир. Фосфорнинг энг катта миқдори бу даврда ўсимликлар томонидан сўрилади ва ўзлаштирилади.

Вегетация даври бошида экинларнинг фосфор билан озиқланишини етишмаслиги туфайли йўқотишларни келажакда қоплаш мумкин эмас.

🔹"Икар Фосто" ўғитининг тўғри танланган компонентлари фосфорнинг кучли танқислиги бўлса, фосфор миқдори паст бўлган тупроқларда ёки асосий ўғитларда элементни ишлатмасдан экинларни етиштиришда ўсимликларнинг илдиз тизими ва вегетатив органларининг жадал ривожланишига ёрдам беради. .

Ўғит аминокислоталари ўсимликка озуқа моддаларининг тез кириб боришига ёрдам беради ва физиологик, биокимёвий ва ишлаб чиқариш жараёнларини фаоллаштиради. Глутамик кислотанинг муҳим қисми ўсимликлар томонидан озуқа моддаларининг узоқ вақт сўрилишига ва хлорофилл синтезига ёрдам беради.

ТАВСИЯЛАР:

🔹 "Икар Фосто" ўғити барглардан ва илдизлардан озиқлантириш учун, шунингдек, томчилатиб суғориш тизимлари орқали ишлатилиши мумкин.

✅Кузги буғдойнинг қишдан чиқиб, баҳорда экинларнинг қайта тикланиши даврида байроқ барглари фазасигача: 0,3-0,5 л/га

✅Баҳорги дон экинлари вегетация даврининг бошида: 0,3-0,5 л/га.

✅Барглардан ишлов бериш (вегетация бошида) - 0,2-0,3 л/га.

✅Кўчатларни суғориш: 10-15 мл/10л сув, барг орқали ишлов: 5-10 мл/10л сув.

✅Маккажўхорининг ривожланиш босқичида 3-4 баргдан 6-8 барггача: 0,3-1 л/га. Сарф меъёри: 25-30 мл/10 л сув.

✅Ғўза парвариши фазасида 4-6 баргдан 8-12 барггача: 0,3-1 л/га. Сарф меъёри: 25-30 мл/10 л сув.

✅Поясининг баландлиги 20 см дан ортиқ дуккаклилар - 0,3-1 л/га. Сарф меъёри: 25-30 мл /10 л сув.

🔹"Икар Фосто" ўғитини бир қатор кимёвий ўғитлар ва пестицидлар (инсектицидлар, фунгицидлар) билан аралашмаларда бирга қўшиб ишлатиш мумкин.

🔴 Мис сульфат, минерал мойлар ва уларнинг гидроксидини (pH>8) ўз ичига олган препаратлар билан биргаликда фойдаланишга йўл қўйилмайди. Аралаштиришдан олдин чўкинди ҳосил бўлганлигини текшириш учун аралашманинг оз миқдорини тайёрлаш тавсия этилади, ўсимликларга фитотоксик таъсири бор-йўқлигини текшириш учун кичик майдонда синаб кўринг.

🔷Таркиби:

Азот (N) 9,5%
Фосфор (P) 37,5%
Магний (Mg) 2%
Марганец (Mn) 1,3%
Рух (Zn) 0,7%
Аминокислоталар 9,2%
глутамик кислота 4,8%.

Қадоқ сиғими: 5л.

ЕВРОПА ФЕРМЕРИДЕК ИЛҒОР БЎЛИНГ!

Ўзбекистондаги расмий дистрибьютери Agromineral LLC компанияси.

Мурожаат учун телефонлар:
+998997132363
+998970099691

Қорақалпоғистон Республикаси бўйича вакил:
+998993112771
+998905752771

🔹🔹🔹🔹🔹

📢"IKAR FOSTO" ЎҒИТИГА ШУ КУНЛАРДА ПУЛ ЎТКАЗМОҚЧИ ФЕРМЕРЛАРИМИЗ ДИҚҚАТИГА!

🟩БИЗНИ "АГРОБАНК"ДА ҲАМ, БИРЖАДА ҲАМ СЎРАНГ!

Фермерларимиз учун компаниямиз реквизитлари:

✅"Агробанк"да:

ООО «AGRO MINERAL CHEMICAL COMPANY»

Х/р: 2020 8000 3002 7903 6002.
ИНН: 302808415.
ОКЭД: 46750.
Код ОКПО: 25026124.
Код СОАТО: 1726280.
Код СООГУ: 79994.
Регистрационный код плательщика НДС: 326090096868.
Agrobank, Ташкентский городской филиал.
МФО: 00394.

✅БИРЖАДАГИ МАЪЛУМОТ:

Контракт: 427538 ЛОТ
Брокер:Элдоржон Рахимов
+998902770080

📱 IKAR Uzbekistan
2.1k 0 24 23
𝗙𝗘𝗥𝗠𝗘𝗥.𝗨𝗭

30 Jan, 04:45

Open in Telegram Share Report
⚡️ХОРИЖДАН ХАБАР: Европа Комиссияси Россиядан барча қишлоқ хўжалиги маҳсулотларига бож жорий этишни таклиф қилди.

Европа Комиссияси (ЕК) Россия ва Беларусдан келаётган бир қатор қишлоқ хўжалиги маҳсулотлари ва ўғитларига бож жорий этиш таклифини маъқуллади. Бу ҳақда 28 январ, сешанба куни чоп этилган ЕК сайтидаги баёнотда айтилади. 2023 йилда Россиядан Европа Иттифоқига барча қишлоқ хўжалиги импортининг 15 фоизи янги божларга эга таъсирланган қишлоқ хўжалиги маҳсулотларига тўғри келди.

«Европа Иттифоқи Кенгаши томонидан таклиф қабул қилинганидан кейин Россиядан олиб кириладиган барча қишлоқ хўжалиги маҳсулотларига Европа Иттифоқи божлари қўйилади», — дейилади баёнотда.

Таклифнинг мақсади, Европа Комиссиясининг таъкидлашича, Россия ва Беларусдан импортга қарамликни камайтириш, бу Европа Иттифоқини «Россиянинг потенциал мажбурлов ҳаракатлари олдида заиф» қилади. Бундан ташқари, Европа Иттифоқи тарифлари энергия инқирозидан зарар кўрган маҳаллий ишлаб чиқаришнинг ўсишини қўллаб-қувватлайди, дейилади баёнотда.

Европа божлари «Россиянинг экспорт даромадларига салбий таъсир кўрсатиши» ва бу билан Россиянинг Украинага қарши агрессив уруш олиб бориш қобилиятига путур етказиши кутилмоқда.

ЕИ божлари Россиянинг учинчи мамлакатларга экспортига таъсир қилмайди

Шу билан бирга, ЕК янги божлар Россиянинг Европа Иттифоқи ҳудуди орқали учинчи мамлакатларга экспортига таъсир қилмаслигини таъкидлади. «Россия ва Беларусдан учинчи давлатларга барча қишлоқ хўжалиги маҳсулотлари ва ўғитларининг транзити Европа Иттифоқининг бутун дунё бўйлаб, хусусан, ривожланаётган мамлакатлар учун озиқ-овқат хавфсизлигини таъминлашга қаратилган мажбуриятига мувофиқ ўзгаришсиз қолмоқда», — дейилади баёнотда.

ЕК таклифи кучга киришидан олдин Европарламент ва ЕИ Кенгаши томонидан маъқулланиши керак, дейилади хабарда.

🔘🔘🔘

Фермерларимизнинг 1-рақамли канали: FERMER.UZ
2.9k 0 4 22
𝗙𝗘𝗥𝗠𝗘𝗥.𝗨𝗭

30 Jan, 04:45

Open in Telegram Share Report
⚡️ДОЛЗАРБ МАЪЛУМОТ: Ғалла экинларида январ охири-феврал ойларидаги озиқлантириш тадбирлари.

Ғалла ниҳоллари тўла туплаган майдонларга карбамид ўғитидан гектарига 100 кг дан, агар аммиакли селитра ёки сульфат аммоний ўғитидан бериладиган бўлса, гектарига 150 кг дан берилиб, суғоришни шарбат билан ўтказиш тавсия этилади. Арзон ва самарали бўлган биологик усулда эса, таркиби биологик азот бўлган "Бактомин" биостимуляторининг суспензия ишлови сифатида қўлланилиши минерал азотли ўғитлар сарфини 70-80% га қисқартиради. Бунда тунги ҳарорат +5°С дан юқори бўлиши талаб этилади.

Айрим сабабларга кўра, экиш олдидан фосфорли ва калийли ўғитлар билан озиқлантирилмаган ёки ғалла кеч экилган майдонларга соф ҳолда 60-70 кг дан фосфорли ва 60 кг дан калийли ўғитларни солиш тавсия этилади. Бунда аммофос бериладиган бўлса, физик ҳолда 200 кг/га, оддий суперфосфат бериладиган бўлса, 500 кг/га миқдорда берилади. Арзон ва самарали бўлган биологик усулда эса, таркиби фосфор ҳосил қилувчи 3 та бактериялардан иборат бўлган "Фосфомакс" биостимулятори қўлланилганда минерал фосфорли ўғитларнинг ўрнини 80%гача қоплаши илмий исботланган.

Калийли ўғит сифатида калий хлор ўғитидан 100 кг/га миқдорида берилиши тавсия этилади. Озиқлантирилган майдонларни енгил, кўллатмай суғориш мақсадга мувофиқ бўлади.

Ғаллачиликдаги энг муҳим агротехник тадбирларидан бири, бу – ғалла майдонларида азотли ўғитлар билан навбатдаги иккинчи озиқлантиришни амалга ошириш ҳисобланади. Шундан келиб чиқиб, азотли ўғитлар йиллик меъёрининг 40 фоизини, яъни физик ҳолда аммиакли селитра ҳисобида гектарига 300-320 кг меъёрда озиқлантиришни 15-20 февралга қадар якунлаш керак.

Озиқлантириш ўтказилган ғалла майдонларига тупроқ-иқлим шароитларини ҳисобга олган ҳолда ҳар бир минтақа шароитидан келиб чиқиб, гектарига 600-700 куб.м меъёрда озиқлантириб, суғориш ишларининг шарбат усулида амалга оширилиши берилган ўғитлардан фойдаланиш самарадорлигини оширади.

🔘🔘🔘

Фермерларимизнинг 1-рақамли канали: FERMER.UZ
4.4k 0 48 23
𝗙𝗘𝗥𝗠𝗘𝗥.𝗨𝗭

30 Jan, 03:56

Open in Telegram Share Report
⚡️ФАРҲОД ҚЎЗИЕВ, Қишлоқ хўжалиги вазирлиги Бошқармаси бошлиғи:

"Насос агрегатига қуёш панели ўрнатилса, 40 гектар пахта майдонини суғориш учун электр энергия харажати талаб этилмайди, аксинча фермер хўжаликлари томонидан ҳар йили ўртача 5 минг кВт электр энергияни тармоққа сотиш имконияти ҳам юзага келади".

➡️FERMER.UZ

Батафсил:
https://telegra.ph/-01-30-8613
...
Қишлоқ хўжалигида сув ва энергия ресурсларидан самарали фойдаланиш муҳим. Сўнгги йилларда республикамизда қишлоқ хўжалиги маҳсулотлари етиштиришни кўпайтириш, бунда мавжуд сув ресурсларидан фойдаланиш самарадорлигини ошириш бўйича тизимли ишлар амалга ошириб келинмоқда. Шу билан бирга, бугунги кунда...
3.9k 0 36 1 20
𝗙𝗘𝗥𝗠𝗘𝗥.𝗨𝗭

29 Jan, 22:15

Open in Telegram Share Report
⚡️ФЕРМЕРЛАРИМИЗ УЧУН ОБ-ҲАВО: Республика Гидрометеорология маркази бугун, 30 январ, ҳафтанинг пайшанба куни кутилаётган маълумотни эълон қилди.

Тошкент шаҳрида ҳаво ўзгариб туради, қор ёғиши кутилади. Кечаси ва эрталаб туман тушиши, ғарбдан секундига 3-8 метр тезликда шамол эсиши мумкин. Ҳарорат кечаси 0..-2 даража совуқ, кундузи 0..+2 даража илиқ бўлиши кутилади.

Қорақалпоғистон Республикаси ва Хоразм вилоятида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Ғарбдан секундига 7-12 метр тезликда шамол эсиб, кечаси -3..-8 даража совуқ, кундузи 0..+5 даража илиқ бўлиши кутилади.

Бухоро ва Навоий вилоятларида ҳаво ўзгариб туради, ёғингарчилик кутилмайди. Баъзи жойларда туман тушиши мумкин. Ғарбдан секундига 7-12 метр тезликда шамол эсиб, кечаси 0..-5 даража совуқ, кундузи 0..+5 даража илиқ бўлиши кутилади.

Тошкент, Самарқанд, Жиззах ва Сирдарё вилоятларида ҳаво ўзгариб туради, ёғингарчилик кутилмайди, фақат Тошкент вилоятининг баъзи ҳудудларида бироз қор ёғиши кутилади. Айрим жойларда туман тушиши мумкин. Ғарбдан секундига 7-12 метр тезликда шамол эсиб, кечаси 0..-5 даража совуқ, кундузи 0..+5 даража илиқ бўлиши кутилади.

Қашқадарё ва Сурхондарё вилоятларида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Ғарбдан секундига 7-12 метр тезликда шамол эсиб, кечаси 0..-5 даража совуқ, кундузи +2..+7 даража илиқ бўлиши кутилади.

Андижон, Наманган ва Фарғона вилоятларида ҳаво ўзгариб туради, баъзи ҳудудларда қор ёғиши кутилади. Айрим жойларга туман тушиши мумкин. Ғарбдан секундига 5-10 метр тезликда шамол эсиб, кечаси 0..-5 даража совуқ, кундузи 0..+5 даража илиқ бўлиши кутилади.

Республикамизнинг тоғолди ва тоғли ҳудудларида ҳаво ўзгариб туради, вақти-вақти билан қор ёғиши, айрим жойларда туман тушиши мумкин. Ғарбдан секундига 7-12 метр тезликда шамол эсиб, кечаси -7..-12, кундузи -2..-7 даража совуқ бўлиши кутилади.

❕ЭСЛАТМА: Бундан олдинроқ, 29–31 январ кунлари совуқ ҳаво массалари Ўзбекистоннинг шимолий ҳудудларидан бутун республика ҳудудига тарқала бошлаши, ҳаво ҳарорати кечаси 0...–5 даражагача, шимолий ҳудудларнинг баъзи жойларида –8 даражагача, кундузи 0...+5 даражагача пасайиши, вақти-вақти билан ёғингарчилик бўлиб, асосан, қор шаклида ёғиши кутилаётгани прогноз қилинганди.

🔹Бошланган янги кун барчамизга ҳайрли бўлсин!

🔘🔘🔘

Фермерларимизнинг 1-рақамли канали: FERMER.UZ
3.9k 0 0 16
𝗙𝗘𝗥𝗠𝗘𝗥.𝗨𝗭

29 Jan, 16:40

Open in Telegram Share Report
6.3k 0 60 1 55
𝗙𝗘𝗥𝗠𝗘𝗥.𝗨𝗭

26 Jan, 12:33

Open in Telegram Share Report
Video is unavailable for watching
Show in Telegram
⚡️САРСОН БЎЛАЁТГАН ИККИ ФЕРМЕР: Улар номига чиқарилган ерга икки карра солиқ тўлашмоқда.

🔘🔘🔘

Фермерларимизнинг 1-рақамли канали: FERMER.UZ
8.7k 0 17 3 55
𝗙𝗘𝗥𝗠𝗘𝗥.𝗨𝗭

26 Jan, 05:51

Open in Telegram Share Report
⚡️ҚОНУН ЛОЙИҲАСИ МУҲОКАМАСИ: Суғориладиган ерларнинг ўтказилиши ва фойдаланилиши учун қатъий шартлар киритилмоқда.

Куни кеча ўтказилган мажлисда “Ўзбекистон Республикасининг Ер кодексига ўзгартириш ва қўшимчалар киритиш тўғрисида”ги қонун лойиҳаси биринчи ўқишда кўриб чиқилди.

Қонун лойиҳаси билан суғориладиган ер участкаларини бошқа тоифага ўтказиш бўйича талаблар қонун даражасида янада кучайтирилади, тоифаси ўзгартирилган ер участкаларидан келгусида фойдаланиш бўйича аниқ шартлар қўйилади.

Қишлоқ хўжалигига мўлжалланган ер участкаларини фойдаланиш турига қараб 2 гуруҳга, яъни қишлоқ хўжалиги ер участкалари ва қишлоқ хўжалигига хизмат кўрсатувчи ерларга бўлиш бўйича аниқ нормалар киритилмоқда.

Бундан ташқари, суғориладиган ерларни қатъий муҳофаза қилиш, бундай ерлардан бошқа мақсадларда фойдаланиш масаласини фақатгина суғориладиган ерларнинг сув таъминоти ва тупроқ сифатида билан боғлиқ жиддий ўзгаришлар юз берган тақдирда кўриб чиқилиши юзасидан ҳуқуқий нормалар белгиланмоқда.

Лойиҳада захира фонди таркибидаги ер участкалари ҳамда ер участкасига бўлган ҳуқуқ бекор қилиниши муносабати билан туманлар ва шаҳарлар давлат ҳокимияти органлари тасарруфига қайтган бўш турган ер участкалари ўртасидаги фарқни аниқ белгилаб қўйиш ҳам назарда тутиляпти.

Қонун лойиҳасининг қабул қилиниши билан мамлакатимизда қишлоқ хўжалигига мўлжалланган ер участкаларида қишлоқ хўжалигига хизмат кўрсатувчи объектларни жойлаштириш, қишлоқ хўжалиги ер участкаларидан саноат ерларига ўтказишнинг талаб этилиши ва ер учун ҳақ тўлаш ер участкаларини олганлик учун ҳақ ва ердан фойдаланганлик учун ҳақ тўлаш кабиларнинг ҳуқуқий асоси яратилади.

Мажлисда қонун лойиҳаси депутатлар томонидан биринчи ўқишда қабул қилинди, дейилади хабарда.

🔘🔘🔘

Фермерларимизнинг 1-рақамли канали: FERMER.UZ
10.2k 1 46 1 48
𝗙𝗘𝗥𝗠𝗘𝗥.𝗨𝗭

26 Jan, 05:37

Open in Telegram Share Report
⚡️ОТАБЕК БАКИРОВ, таниқли иқтисодчи: Ўзбекистонда ягона товар биржаси қолди.

Кеча “Rеspublikа ko’p tarmoqli agrosаnoаt birjаsi” АЖга биржа фаолияти учун берилган лицензиянинг амал қилиш муддати олти ой муддатгача тўхтатилгани эълон қилинди.

Халқ тилида Агросаноат биржаси деб аталадиган биржа Ўзбекистондаги иккита товар биржасидан биттаси эди. Энди мамлакатда ягона Республика товар хом-ашё биржаси қолди.

Рақобат қўмитаси лицензия тўхтатиб қўйилгани ҳақидаги хабарида бунга сабаб бўлган ҳолатларни батафсил очиқламаган, фақат қарор
апелляция шикояти бериш муддати ўтгандан сўнг расман кучга киришини қўшимча қилган холос.

34 йиллик тарихга эга бўлган Агросаноат биржасининг лиценцияси, агар адашмасам, биринчи марта тўхтатилмоқда. Биржани расмий сайти exchange.uz ҳозирда очилмаяпти.

Пайдо бўлаётган рақобатни ҳам ўз қўлимиз билан ўлдирамиз

Лицензияси 6 ойга тўхтатиб қўйилган Агросаноат биржасидан ташқари яна бир биржа – фаолиятини бошлаганига ҳали бир йил бўлмаган Тошкент товар хомашё биржаси (eBirja) ҳам бор экан.

Аммо унинг тақдири ҳам номаълумлигича қоляпти. Тошкент товар хомашё биржаси Ўзбекистонда фаолият юритаётган учинчи ва энг ёш биржа ҳисобланади. 2024 йил 15 майда лицензия олган биржа 6 ойлик синов муддатидан сўнг, 2024 йилнинг 15 ноябридан юқори ликвидли товарлар сегментида ишлаб келмоқда.

Бироқ, 2025 йил 17 январдаги «Пахта хомашёсини етиштириш ва сотишда бозор механизмларини қўллашни изчил давом эттириш чора-тадбирлари тўғрисида»ги (ПФ-7-сонли) фармони билан устав фондида 50 фоиз ва ундан юқори давлат улуши бўлган юридик шахслар томонидан биржа савдоларида сотилиши белгиланган юқори ликвидли товар ва хомашёлар 2027 йил 1 декабрга қадар фақат Республика товар хомашё биржаси орқали реализация қилиниши белгилаб қўйилди.

Мазкур фармон билан Тошкент товар хомашё биржаси фаолияти ҳам де-факто тугатилмоқда. Қизиғи,  фармонда пахта етиштириш ва унинг савдосини ривожлантириш, шунингдек, биржа савдоларида янги инструментларни жорий қилиш кўзда тутилган.

Бироқ ими-жимида барча товарлар савдосида монопол ҳуқуқ Республика товар хомашё биржасига бериб юборилмоқда.

Ачинарлиси, биржалар ўртасида рақобатни ўлдирадиган ва Ўзбекистонда ягона биржа қолдирадиган мақсадли ҳаракатларда бевосита ва билвосита Рақобат қўмитаси ҳам иштирок этмоқда.

Тўхтатинглар самолетни, тушиб қоламан".

🔘🔘🔘

Фермерларларимизнинг 1-рақамли канали: FERMER.UZ
7.5k 0 21 47
𝗙𝗘𝗥𝗠𝗘𝗥.𝗨𝗭

26 Jan, 05:36

Open in Telegram Share Report
5.9k 0 22 20
𝗙𝗘𝗥𝗠𝗘𝗥.𝗨𝗭

26 Jan, 05:36

Open in Telegram Share Report
Forward from: ANGUZAL AGROSERVIS
⚡️"ҒАЛЛА-2025": КАМ САРФЛАБ, КЎПРОҚ ДАРОМАД ОЛИШ - ШУ КУННИНГ ЭНГ ДОЛЗАРБ МАВЗУСИ!

✅2024 ЙИЛДА РЕСПУБЛИКА БЎЙЛАБ ЎН МИНГДАН ЗИЁД ФЕРМЕРЛАР БИЛАН МУВАФФАҚИЯТЛИ ИШЛАДИК!

✅2024 ЙИЛДА ФЕРМЕР ХЎЖАЛИКЛАРИ ТОМОНИДАН БИОЛОГИК СУСПЕНЗИЯЛАР УЧУН "ЭКИШДАН ҲОСИЛГАЧА" ДАСТУРИ БЎЙИЧА ГЕКТАРИГА 750 МИНГ СЎМГАЧА ҲАРАЖАТ ҚИЛИНДИ!

✅МИНЕРАЛ ЎҒИТЛАР САРФИ 60%ДАН 90% ГАЧА КАМАЙДИ!

✅ҲОСИЛДОРЛИК ЙИЛИГА КАМИДА 20 ДАН 30% ГАЧА ОРТИБ БОРАДИ!

Марказий Осиёда ягона бўлган микробиологик препаратлар ишлаб чиқарувчи "Anguzal Agroservis" компанияси ғаллачилик кластерлари ва фермер хўжаликлари билан "Экишдан ҳосилгача" тизимида шартномалар имзолашда давом этмоқда.

Компаниямиз 2009 йилдан буён хўжаликлар билан ғаллачилик ҳамда пахтачилик йўналишида ҳамкорлик қилиб, уларнинг юқори сифатли маҳсулот етиштиришида ўз ҳиссасини қўшиб келмоқда.

Биз билан бирга ишлаётган хўжаликлар экин майдонларининг унумдорлик даражаси юқорилашда давом этмоқда, ҳосилдорлик йилига 20-30%гача ортиб бормоқда.

1). Эрта баҳорги пуркаш ишлари (февраль-март ойлари). Гектарига 2л Плантастим + 2л Спорагин + 2л Бактомин. Натижа: буғдой занги, фузариоз, септориоз касалликларига қарши профилактика, поя ва илдизнинг умумий ривожланишини таъминлаш.

‼️Бегона ўтларга қарши гербицид билан ишлов 1-суспензиядан сўнг 2 ҳафта ўтказиб амалга оширилиб, ундан 15 кун ўтказиб, 2-суспензия қилиниши тавсия этилади.

2). Буғдойнинг найчалаш ва бошоқланиш даврида: пуркаш ишлари 2л/га Бактомин + 2л/га Спорагин + Плантастим 2л/га + 2 л/га Фосфомакс. Натижа: бошоқ фузариозига қарши кураш, генератив органларнинг тўлиқ шаклланиши ва дон массасининг ортишини таъминлаш.

3). Найчалаш ва бошоқланиш даврида гектарига кўпи билан 150-200 кг аммиак селитраси тупроққа киритилади. Бошқа азотли минерал ўғитлар берилмайди. Ҳамма ишловлар микробиологик суспензиялар орқали қилинади. Улар тупроқдаги барча макроэлементларни илдиз учун ўзлашадиган шаклга келтиради.

✅Бизнинг дастуримиз бўйича кам сарфлаб, кўпроқ даромад олинг!

Саволлар бўйича Телеграмда @Anguzal манзилига ёзинг.

15 ЙИЛДАН БУЁН ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

Компания телефонлари:
+998994300064
+998941150064

Телеграмдаги расмий каналимиз:
@AnguzalAgroservis
Телеграмдаги мулоқот учун гуруҳимиз:
@AnguzalAgroservis_guruhi
3.7k 0 16 2 22
𝗙𝗘𝗥𝗠𝗘𝗥.𝗨𝗭

26 Jan, 05:35

Open in Telegram Share Report
⚡️ХОРИЖДАН ХАБАР: Дунёдаги энг кенг тарқалган гербицид чақалоқлар учун ҳам хавфли эканлиги аниқланди.

Орегон штат университетининг америкалик олимлари қишлоқ хўжалиги кимёвий глифосатига таъсир қилиш чақалоқлар саломатлигига зарарли эканлигини аниқладилар.
Тадқиқот Proceedings of the National Academy of Sciences (PNAS) илмий журналида чоп этилган.

Глифосат бегона ўтларни назорат қилиш учун ишлатилади ва дунёдаги энг кенг тарқалган гербицид ҳисобланади. У қишлоқ хўжалиги саноатида кенг қўлланилади. Глифосат ҳар қандай ўсимликни унинг таъсиридан ҳимоя қилиш учун генетик модификациясиз (ГМ) ўлдиради.

Янги тадқиқотда тадқиқотчилар 1990 йилдан 2013 йилгача ушбу ҳудудларда 9 миллиондан ортиқ туғилиш ёзувларини тўплаш орқали АҚШнинг қишлоқ округларида кимёвий моддалар таъсирини баҳоладилар.

Таҳлил шуни кўрсатдики, 1990 йилларнинг ўрталарига қадар ҳомиладорлик ёши ва туғилиш вазни барча округларда бир хил бўлиб қолди. Бироқ, 1996 йилдан кейин ГМ экинлари етиштирилган ҳудудларда чақалоқлар саломатлиги кескин пасайиб кетди.

Натижалар шуни кўрсатдики, глифосат ҳомиладорликнинг ўртача давомийлигини бир кунга қисқартирди ва туғилишнинг ўртача вазнини 23 дан 32 граммгача қисқартирди.

“Яқинда ўтказилган бошқа ишлар билан бирлашганда, натижалар генетик жиҳатдан ўзгартирилган экинлар ва улар билан боғлиқ қишлоқ хўжалиги амалиётлари хавфсиз ва ҳатто соғлиқ учун фойдали эканлиги ҳақидаги ҳукмрон меъёрий позицияни шубҳа остига қўяди”, деди ҳисобот муаллифлари.

Эслатиб ўтамиз, АҚШ судларида умумий ҳисобда 18000 дан ортиқ Глифосат таъсиридаги гербицидлар ишлаб чиқарувчи компанияларга нисбатан аризалар кўрилган.

🔘🔘🔘

Фермерларларимизнинг 1-рақамли канали: FERMER.UZ
4.4k 0 7 22
𝗙𝗘𝗥𝗠𝗘𝗥.𝗨𝗭

26 Jan, 05:35

Open in Telegram Share Report
Video is unavailable for watching
Show in Telegram
⚡️ЭНДИ БАТАФСИЛ: "Наманган вилоятида 15 гектар қулупнайзор ўрнига пахта экишга мажбурланмоқда".

Тўрақўрғон тумани ҳокими Шерали Қўчқоровнинг буйруғи билан туманнинг Қодиробод ҳудудининг қирликларига экилган 15 гектар қулупнайзор бузиб ташланиш арафасида.

Бу ерларга эгалик қиладиган фермер Илҳомжон Мирзаолимовнинг айтишича, 2024 йилнинг бошида собиқ туман ҳокими, (ҳозирда Мингбулоқ тумани ҳокими) Аҳрор Мансуров фермерга экспортбоп маҳсулот етиштириш топшириғини берган.

Фермер сув чиқмайдиган, балл бонитети 40 дан кам бўлган ерлари борлигини, агар ўша ерда қулупнай етиштирса, уни ички бозордан ташқари четга экспорт қилиш мумкинлигини, қулупнайни мураббо қилиб қайта ишласа ҳам туманнинг экспорт салоҳияти ошиши мумкинлигини айтади.

Ҳоким қодирободликларнинг қулупнай етиштиришдаги тажрибаси юқорилиги учун фермерга ишчилар билан шартнома тузиб, қулупнай етиштиришни маъқуллайди.
Ҳоким топшириғидан сўнг, фермер ва қишлоқ одамлари маслаҳатлашиб, оғзаки келишув асосида бири 1 гектар, бири 30 сотих, яна бири 50 сотихдан бўлиб олиб, қулупнай етиштиришга киришади.

2024 йилнинг июнь ойида ҳокимнинг топшириғи билан фермер ва деҳқонлар Зангиота туманидан энг сара, экспортбоп қулупнай олиб келиб экишади. Ёзи бўйи қулупнайни парвариш қилишади, оила аъзолари билан биргаликда тагини чопиб, ўғит солиб, сув қўйиб меҳнат қилишади.

Декабрь ойида эса баъзи деҳқонлар бозорга эртароқ қулупнай олиб чиқиш учун экинни плёнкалаб қўйишади.
Нимадир бўладию туманнинг янги ҳокими тўнини тескари кийиб олади.

“Муҳаммадзоҳид Мунира” фермер хўжалиги раҳбарига 15 гектар қулупнайзорни бузиб, ерни текислаш ҳақида буйруқ беради.
Бу ерда 30 кишининг қулупнайи бор. Улар мол ҳолини сотиб, қарз ҳавола қилиб, менинг ва эски ҳокимнинг лафвзига ишониб қулупнай эккан. Бутун ёз бўйи оиласи билан шу ерда ишлаб, қулупнай пишиғида қўлим пул кўрармикан, деган ниятда меҳнат қилаётган эди. Шу ер 30 кишини бандлигини таъминлаганди.

Оталар Россия, қўшни давлатларга иш излаб кетмай, оиласи бағрида деҳқончилик қилаётган эди, - дейди фермер.
Фермернинг айтишича, қулупнайлар эртапишар нав. Агар ҳоким апрелгача сабр қилса, март охири, апрель бошида қулупнайлар пишади, уни экканлар ҳам сотиб, сарфлаган пулини чиқариб олади. Оиласига беш - олти сўм олиб киради.
Битта фермерга аччиқ қилиб ҳоким бобо 30 оилани бор умидини сўндиряпти, - дейди деҳқонлардан бири.

Ўтган йилнинг май ойларида эски ҳоким туман қишлоқ хўжалиги ва кадастр бўлимига фермернинг 15 гектар ери қулупнай учун ажратиб берилганлиги тўғрисида ҳужжатлар тайёрлаш ҳақида оғзаки топшириқ берган. Аммо масъуллар фермер ва деҳқонларга “ҳоким айтдику, қилаверинглар ишни, ҳужжатларни тўғрилаб берамиз” деган, деб аризасини давом эттиради фермер Илҳомжон Мирзаолимов.

Бизни бир нарса ўйлантиряпти. Тўрақўрғон тумани ҳокими Шерали Қосимов осмондан тушмаганми?

15 гектар ердаги қулупнай сотилса 30 оила камбағалликдан чиқиб, Тўрақўрғон тумани экспорт салоҳиятини оширишига катта ҳисса қўшишини наҳотки билмаётган бўлса. Майли ернинг ҳужжатларини қилиш кечиккандир. Аммо инсонийлик нуқтаи назаридан қулупнай даромадига кўз тикиб турган деҳқонларга апрелгача имкон беришнинг наҳотки иложи бўлмаса???".

🔘🔘🔘

Фермерларимизнинг 1-рақамли канали: FERMER.UZ
6.3k 0 14 7 54
𝗙𝗘𝗥𝗠𝗘𝗥.𝗨𝗭

26 Jan, 05:34

Open in Telegram Share Report
⚡️ПРЕЗИДЕНТ ҚАРОРИ ТАФСИЛОТЛАРИ: Камбағал оилалар аъзоларига қишлоқ хўжалиги кооперативлари устав фондига улуш сифатида киритиш учун субсидия ажратилади.

2025 йилда аҳоли бандлигини таъминлаш ва камбағалликни қисқартириш чора-тадбирлари тўғрисида”ги Президент қарори (ПҚ-12-сон, 17.01.2025 й.) қабул қилинди

Қарорга кўра, оғир тоифадаги 300 та маҳаллада кооперация асосида 180–500 кВт қувватга эга қуёш фотоэлектр станциялари барпо этилади.

2025 йил 1 апрелдан 2028 йил 1 январга қадар янги ташкил этиладиган қишлоқ хўжалиги ва доривор ўсимликларни етиштириш ва қайта ишлаш кооперативлари учун ижтимоий солиқ ҳамда уларга ишга қабул қилинган жисмоний шахслардан олинадиган даромад солиғи ставкалари 1 фоиз этиб белгиланади.

Камбағал оилалар реестрига киритилган оилалар аъзоларига қишлоқ хўжалиги кооперативлари устав фондига улуш сифатида киритиш учун БҲМнинг 10 бараваригача миқдорда субсидиялар ажратилади.

Тошкент ходимларни бошқариш ва меҳнатни муҳофаза қилиш коллежи негизида 2025 йил 1 декабргача креатив соҳалар кластери ташкил қилинади.

Касбий кўникмалар марказларида:

2025 йил 1 февралдан иш берувчилар буюртмаси ва тижорат банклари мижозлари эҳтиёжи асосида ишсиз аҳолини, шу жумладан, камбағал оилалар аъзоларини меҳнат бозорида талаб юқори бўлган касбларга манзилли ўқитиш тизими жорий этилади;

2025 йил 1 мартдан аҳолини касб-ҳунарга ўқитиш ва бандлигини таъминлаш жараёнларини рақамли назорат қилиш тизими йўлга қўйилади;

2025 йил 1 апрелдан 12 та янги касб йўналишлари бўйича ўқув курслари ташкил этилади.

🔘🔘🔘

Фермерларларимизнинг 1-рақамли канали: FERMER.UZ
5.4k 0 19 28
𝗙𝗘𝗥𝗠𝗘𝗥.𝗨𝗭

26 Jan, 05:33

Open in Telegram Share Report
⚡️ФЕРМЕРЛАРИМИЗ УЧУН ОБ-ҲАВО: Республика Гидрометеорология маркази бугун, 26 январ, ҳафтанинг якшанба куни кутилаётган маълумотни эълон қилди.

Тошкент шаҳрида ҳаво ўзгариб туради, ёғингарчилик кутилмайди. Шарқдан секундига 3-8 метр тезликда шамол эсиб, кечаси 0..-2 даража совуқ, кундузи +11..+13 даража илиқ бўлиши кутилади.

Қорақалпоғистон Республикаси ва Хоразм вилоятида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Шарқдан секундига 7-12 метр тезликда шамол эсиб, кечаси -2..-7 даража совуқ, кундузи +4..+9 даража илиқ бўлиши кутилади.

Бухоро ва Навоий вилоятларида ҳаво ўзгариб туради, ёғингарчилик кутилмайди. Баъзи жойларда туман тушиши мумкин. Шарқдан секундига 7-12 метр тезликда шамол эсиб, кечаси -2..+3 даража илиқ атрофида, кундузи +9..+14 даража илиқ, Навоий вилоятининг шимолида эса, кечаси -2..-7 даража совуқ, кундузи +4..+9 даража илиқ бўлиши кутилади.

Тошкент, Самарқанд, Жиззах ва Сирдарё вилоятларида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Шарқдан секундига 7-12 метр тезликда шамол эсиб, кечаси -3..+2 даража илиқ атрофида, кундузи +9..+14 даража илиқ бўлиши кутилади.

Қашқадарё ва Сурхондарё вилоятларида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Шарқдан секундига 7-12 метр тезликда шамол эсиб, кечаси -2..+3 даража илиқ атрофида, кундузи +10..+15 даража илиқ бўлиши кутилади.

Андижон, Наманган ва Фарғона вилоятларида ҳаво ўзгариб туради, ёғингарчилик кутилмайди. Баъзи жойларга туман тушиши мумкин. Шарқдан секундига 5-10 метр тезликда шамол эсиб, кечаси -2..-7 даража совуқ, кундузи 6-11 даража илиқ бўлиши кутилади.

Республикамизнинг тоғли ҳудудларида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Тошкент ва Наманган вилоятларининг тоғли ҳудудларида қор кўчиши хавфи бор. Шарқдан секундига 7-12 метр тезликда шамол эсиб, кечаси 0..-5 даража совуқ, кундузи 2-7 даража илиқ бўлиши кутилади.

🔹Бошланган янги кун барчамизга ҳайрли бўлсин!

🔘🔘🔘

Фермерларимизнинг 1-рақамли канали: FERMER.UZ
5.7k 0 3 20
𝗙𝗘𝗥𝗠𝗘𝗥.𝗨𝗭

21 Jan, 17:57

Open in Telegram Share Report
Video is unavailable for watching
Show in Telegram
⚡️ИККИ ФЕРМЕРДА ТУРЛИЧА ҚУЁШ ПАНЕЛЛАРИ: Қашқадарё вилоятидан лавҳалар.

🔘🔘🔘

Фермерларимизнинг 1-рақамли канали: FERMER.UZ
14.1k 0 78 9 61
20 last posts shown.