Farg'ona viloyati soliq boshqarmasi


Channel's geo and language: Uzbekistan, Uzbek
Category: not specified


© Farg‘ona viloyati soliq boshqarmasi rasmiy kanali.
Murojaat uchun: 📞 73 241 70 60
Veb-sayt: https://soliq.uz/;
Facebook: facebook.com/ferganasoliq;
Instagram: instagram.com/ferganasoliq

Related channels  |  Similar channels

Channel's geo and language
Uzbekistan, Uzbek
Category
not specified
Statistics
Posts filter


Forward from: Soliq xizmati xabarlari - Rasmiy kanal
#rasmiy_axborot

Oʻzbekiston Respublikasi Istiqbolli loyihalar milliy agentligi hamda Soliq qoʻmitasining TEMU elektron savdo platformasi faoliyatini cheklash toʻgʻrisidagi AXBOROT XABARI

Hurmatli yurtdoshlar!

Elektron tijorat operatorlari, xususan, elektron savdo platformalari operatorlari sifatida faqat yuridik shaxslar — Oʻzbekiston Respublikasi rezidentlari faoliyat yuritishi mumkinligi belgilangan.
👉VMQ-885-son, 26.12.2024-yil

Mamlakatimiz fuqarolariga xizmat koʻrsatuvchi xorijiy elektron savdo platformalari faoliyatini oʻrganish jarayonida ayrim elektron savdo platformalari tomonidan Oʻzbekiston Respublikasining elektron tijorat, chakana savdo, reklama, shaxsiy maʼlumotlarni himoya qilish, isteʼmolchilar huquqlarini himoya qilish, mualliflik huquqi va turdosh huquqlar sohasidagi qonun hujjatlari talablariga rioya etmayotganligi aniqlandi.

Yuqoridagilardan kelib chiqib, Oʻzbekiston Respublikasi qonunchiligi talablariga muvofiq, 2025-yil 20-martdan boshlab xorijiy elektron savdo platformalaridan, xususan, “TEMU” platformasidan foydalanish belgilangan tartibda cheklanadi.

Tushunmovchiliklarni oldini olish maqsadida, yurtdoshlarimizdan bugungi kundan boshlab “TEMU” platformasida buyurtma bermasliklarini soʻraymiz.

❗️Bunda, agar buyurtma bundan oldin amalga oshirilgan boʻlsa, platformada toʻlovni qaytarishni tashkil etish tavsiya etiladi.

Istiqbolli loyihalar milliy agentligi va Soliq qoʻmitasi yurtdoshlarimizni Oʻzbekiston Respublikasi hududida oʻz faoliyatini mahalliylashtirmagan yoki mamlakatimizda Soliq qoʻmitasining elektron xizmatlar koʻrsatuvchi xorijiy kompaniyalar va marketpleyslar roʻyxatiga kirmagan xorijiy elektron savdo platformalari xizmatlaridan foydalanmaslikka, ehtiyot choralarini koʻrishga, shaxsiy va boshqa maʼlumotlarni bunday subyektlarga bermaslikka chaqiradi.
___________
#официальная_информация

Информационное сообщение Национального агентства перспективных проектов и Налогового комитета Республики Узбекистан об ограничении деятельности электронной торговой платформы TEMU


Уважаемые сограждане!

В качестве операторов электронной коммерции, в частности операторов электронных торговых платформ, могут осуществлять деятельность только юридические лица – резиденты Республики Узбекистан.
👉п.2 ПКМ №885 от 26.12.2024 г.

В процессе изучения деятельности зарубежных электронных торговых платформ, обслуживающих граждан нашей страны, установлено, что со стороны отдельных электронных торговых платформ не соблюдаются требования законодательства РУз в сфере электронной коммерции, розничной торговли, рекламы, защиты персональных данных, прав потребителей, авторских и смежных прав.

В связи с вышеизложенным, в соответствии с требованиями законодательства РУз, использование иностранных платформ электронной торговли, в частности платформы TEMU, будет ограничено начиная с 20 марта 2025 года в установленном порядке.

Во избежание недоразумений просим наших граждан начиная с сегодняшнего дня не осуществлять заказы на платформе TEMU.

❗️В случае наличия уже оформленных заказов целесообразно оформить возврат денежных средств на платформе.

Национальное агентство перспективных проектов и Налоговый комитет призывают граждан не пользоваться услугами иностранных электронных торговых платформ, которые не локализовали свою деятельность на территории РУз или не зарегистрированы в Перечне иностранных компаний, оказывающих электронные услуги на территории нашей страны, и Реестре маркетплейсов, принимать меры предосторожности и не передавать свои персональные и другие данные таким субъектам.

Тelegram |Facebook |Youtube| Instagram |X| Threads


Video is unavailable for watching
Show in Telegram
#mol_mulk_soligi #yer_soligi

Jismoniy shaxslarga 2025-yil uchun yer va mol-mulk solig'i hisoblandi

Ushbu soliqlar teng ulushlarda 15-aprel va 15-oktabrga qadar to‘lanadi.

Soliq organlari har yili 1-martdan kechiktirmay soliq to'lovchilarga to'lov xabarnomasini quyidagi usullarda topshiradi:
✍️ imzo qo'ydirilgan holda;
💻 soliq to'lovchining shaxsiy kabinetiga elektron tarzda;
📲 uyali telefon raqamiga SMS-xabarnoma tarzida;
Soliq mobil ilovasi orqali.

Hisoblangan soliq summalarini bilishning eng tez, qulay va xavfsiz usuli:
✔️Soliq mobil ilovasini
📱 Play Market
📱 App Store dan yuklab oling
✔️va unda Face ID dan o'ting.

Sizga tegishli bo'lgan barcha obyektlar haqidagi ma'lumotlar avtomatik ravishda ko'rsatiladi.

Jismoniy shaxslarning mol-mulk solig'i to'g'risida
👉Qaysi obyektlar uchun to'lanadi?
👉2025-yilda qanday soliq stavkalari amal qiladi?
👉Kimlar mol-mulk solig'i bo'yicha imtiyozlarga ega?

Jismoniy shaxslarning yer solig'i to'g'risida
👉Qaysi obyektlar uchun to'lanadi?
👉2025-yilda yer solig'ining asosiy stavkalari qanday?
👉Kimlar yer solig'ini to'lashdan ozod qilinadi?

Тelegram |Facebook |Youtube| Instagram |X| Threads


Farg‘onalik soliqchilar viloyat hokimligi tomonidan rag‘batlantirildi

Farg‘ona viloyati hokimligi majlislar zalida budjet tushumlari barqarorligini ta’minlash, soliq xizmati organlariga yuklatilgan masalalar yuzasidan yig‘ilish o‘tkazildi.

Viloyat hokimi X.Bozorov rahbarligida bo‘lib o‘tgan yig‘ilishda viloyat hokimining tegishli o‘rinbosarlari, davlat va jamoat tashkilotlari rahbarlari, viloyatdagi barcha soliq xizmati organlari xodimlari, mahalla raislari hamda hokim yordamchilari (videokonferens aloqa orqali) ishtirok etdilar.

Tadbirda Farg‘ona viloyati budjet tushumlari barqarorligini ta’minlashda 2024-yil sermahsul yillardan biri bo‘lganligi hamda bunda soliq organlari xodimlarining mehnati e’tirof etildi.

Shu munosabat bilan, xizmatda foydalanish uchun soliq organlariga eng so‘nggi rusumdagi, zamonaviy 150 ta kompyuter jamlanmasi topshirildi.

Bundan tashqari, soliq ma’murchiligini samarali yuritishga hissa qo‘shib kelayotgan bir guruh xodimlar viloyat hokiminining faxriy yorliq hamda qimmatbaho sovg‘alari bilan taqdirlandilar.

Yig‘ilish davomida 2025-yil budjet tushumlari rejasini bajarish maqsadida zarur chora-tadbirlar belgilab olindi.

#etirof #taqdirlash

Telegram I Facebook I Instagram I Youtube


#soliq_taqvimi

🗓 Eslatma ❗️Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, shundan keyingi birinchi ish kuni muddatning tugash kuni hisoblanadi. Shu sababli 2025-yil 3-mart

2024-yil uchun:

- soliq davri yakunlari boʻyicha foyda soligʻi hisobotini taqdim etish va toʻlashning oxirgi kuni
(Soliq kodeksining 339-moddasi 5-qismi va 340-moddasi 1-qismi);

- mol-mulk soligʻi hisobotini soliq boʻyicha hisobga olish joyidagi soliq organiga taqdim etish va toʻlashning oxirgi kuni
(Soliq kodeksining 417-moddasi 2- va 8-qismi);

- Oʻzbekiston Respublikasining yuridik shaxslari tomonidan (bundan qishloq xoʻjaligi korxonalari mustasno) suvdan foydalanish yoki suvni isteʼmol qilish joyi boʻyicha soliq organlariga suv resurslaridan foydalanganlik uchun soliq hisobotini taqdim etish va toʻlashning oxirgi kuni
(Soliq kodeksining 447-moddasi 3-qismi va 448-moddasi 5-qismi);

- foydali qazilmalarni qazib olganlik uchun maxsus renta soligʻi soliq hisobotini soliq boʻyicha hisobga olish joyidagi soliq organiga taqdim etish va toʻlashning oxirgi kuni
(Soliq kodeksining 454-prim 7-moddasi 2- va 3-qismi);

- xususiy amaliyot bilan shugʻullanuvchi notariuslar tomonidan foyda soligʻini hisoblab chiqarish, soliq hisobotlarini taqdim etish va toʻlashning oxirgi kuni
(Soliq kodeksining 480-moddasi 1-qismi).

Telegram I Facebook I Instagram I Youtube


#munosabat

Rasmiy munosabat


Ijtimoiy tarmoqlarda qishloq xo‘jaligiga mo‘ljallanmagan yerlar uchun olinadigan yer solig‘i bo‘yicha tarqatilgan xabar yuzasidan quyidagilarni ma’lum qilamiz.

📃Soliq kodeksining 429-moddasiga asosan qishloq xo‘jaligi uchun mo‘ljallanmagan yerlar uchun bazaviy soliq stavkalari respublika hududlari kesimida 1 gektar uchun mutlaq o‘lchamda belgilanadi hamda soliq stavkalarining aniq miqdori quyidagi tartibda aniqlanadi👉

Soliq kodeksida belgilangan bazaviy soliq stavka asosida Xalq deputatlari Farg‘ona viloyati Kengashi tomonidan shahar va tumanlar uchun 0,5 dan 2,0 gacha hamda ushbu shahar va tumanlar Xalq deputatlari Kengashlari tomonidan mahallalar kesimida 0,7 dan 3,0 gacha kamaytiruvchi va oshiruvchi koeffitsiyent qo‘llagan holda soliq stavkalarini aniq miqdori tasdiqlanadi.

Misol uchun: Farg‘ona shahri Oybek MFYda joylashgan 1,0 gektardan iborat qishloq xo‘jaligiga mo‘ljallanmagan yer uchastkasi uchun yer solig‘i miqdori joriy yilda 107 244 500 so‘m etib belgilangan.

Telegram I Facebook I Instagram I Youtube


Video is unavailable for watching
Show in Telegram
#antikorrupsiya

Dang'ara tumanida korrupsiyaning oldini olishga qaratilgan profilaktik tadbirlar o‘tkazildi


Telegram I Facebook I Instagram I Youtube


#qonunchilikdagi_yangiliklar

Ayrim soliqqa oid huquqbuzarliklar aniqlanganda birinchi marta ogohlantirish beriladi

📃PQ-78-son qarorga asosan, 2025-yil 1-apreldan boshlab soliq organlari xodimlari o‘zlariga biriktirilgan korxonalarda yoki mahallalardagi tadbirkorlik subyektlarida Ro‘yxatdagi soliqqa oid huquqbuzarliklar aniqlanganda quyidagi tartib joriy etiladi:

👉 birinchi marta ogohlantirish;

👉 ogohlantirishdan so‘ng 3 kun muddatda huquqbuzarlik bartaraf etilmagani yoki takroran aniqlangani sayyor soliq tekshiruvini o‘tkazishga asos bo‘lishi;

👉 sayyor soliq tekshiruvini Ro‘yxatda keltirilgan huquqbuzarliklar bo‘yicha amalga oshirish va uni tekshirish boshlangandan so‘ng 24 soat ichida "Yagona davlat nazorati" axborot tizimida ro‘yxatga olish orqali Biznes-ombudsmanni xabardor etish tartibida amalga oshirishga ruxsat etish;

👉 sayyor soliq tekshiruvi natijalari bo‘yicha rasmiylashtirilgan dalolatnoma qaror qabul qilish uchun asos bo‘lib hisoblanishi.

Telegram I Facebook I Instagram I Youtube


#qonunchilikdagi_yangiliklar

Ijtimoiy soliqning imtiyozli stavkasi uzaytirildi


📃PQ-78-son qarorga ko‘ra, xizmatlar sohasi uchun 1% ijtimoiy soliq stavkasining amal qilish muddati 2028-yil 1-yanvargacha uzaytirildi. Bu quyidagi faoliyat turlariga:

▫️chakana savdo va umumiy ovqatlanish;
▫️mehmonxona (joylashtirish) xizmatlari;
▫️avtotransportda yoʻlovchi va yuk tashish;
▫️transport vositalarini taʼmirlash va ularga texnik xizmat koʻrsatish;
▫️kompyuter xizmatlari;
▫️ maishiy texnikani taʼmirlash;
▫️ agro va veterinariya hamda koʻngilochar maskanlardagi xizmatlar.


❗️Imtiyoz 30 yoshgacha bo‘lgan xodimlarga taalluqli bo‘lib, ularning oylik maoshi 2,5 MHTEKM (2 887 500 so‘m) dan kam bo‘lmasligi kerak.

Telegram I Facebook I Instagram I Youtube


Obod xonadon tomorqadan boshlanadi

Qo‘shtepa tumani 4-sektor hududidagi “Qorajiyda” mahallasida “O‘zbekiston Respublikasi Prezidenti tomonidan belgilab berilgan yangi tizim asosida aholining tomorqa va ijara erlaridan samarali foydalanish orqali daromadlarini oshirish chora-tadbirlari” mavzusida ko‘rgazmali tadbir tashkil etildi.

Unda sektor rahbarlari, MFY raislari, hokim yordamchilari, yoshlar yetakchilari, xotin-qizlar faollari, ijtimoiy xodimlar va OAV vakillari qatnashdilar.

“Qorajiyda” mahalla aholisi 3 147 nafarni tashkil etib, 582 ta xonadonlar, 781 ta oilalar bor. Mahalla dehqonchilik, chorvachilik va uzumchilikka ixtisoslashgan.

Tadbirda press-tur tashkil etilib, ishtirokchilarga “Qorajiyda” mahallasini namunali mahallaga aylantirish, xonadonlarda dehqonchilik, chorvachilik va uzumchilikni rivojlantrish borasida amalga oshirilayotgan ishlar haqida batafsil axborot berildi, shuningdek, aholi xonadonlarida bo‘lib, tajribalar bilan o‘rtoqlashildi.

Telegram I Facebook I Instagram I Youtube


#qonunchilikdagi_yangiliklar

Taksi haydovchilari o‘zini o‘zi band qilgan shaxs sifatida faoliyatlarini davom ettirishlari mumkin


Oʻzbekiston Respublikasi Prezidentining “Xizmatlar sohasi barqaror rivojlanishi uchun qulay shart-sharoitlar yaratishga oid qoʻshimcha chora-tadbirlar toʻgʻrisida”gi qarori qabul qilindi.
👉PQ-78-son, 27.02.2025 y

Qarorga ko‘ra, yengil avtotransport vositalarida yo‘lovchilarni shahar, shahar atrofi va shaharlararo tashish faoliyati o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritiladi hamda ular ushbu faoliyat bilan litsenziya varaqasi asosida shug‘ullanishi belgilanadi.

Eslatib o‘tamiz, 📃PQ-311-son qarorga muvofiq, 2022-yil 1-sentabrdan 2024-yil oxiriga qadar yoʻlovchilarni yengil avtotransport vositalarida tashish faoliyati oʻzini oʻzi band qilgan shaxslar shugʻullanishi mumkin boʻlgan faoliyat turlari roʻyxatiga kiritilgandi.

Telegram I Facebook I Instagram I Youtube


#mol_mulk_soligi

3-mart – 2024-yil uchun mol-mulk soligʻi hisobotini taqdim etishning oxirgi kuni

Yuridik shaxslar mol-mulk soligʻi hisoboti yilda 1-marta, soliq hisoboti davridan keyingi yilning 1-martidan* kechiktirmay koʻchmas mulk joylashgan yerdagi soliq organlariga taqdim etiladi.
👉 Soliq kodeksi 417-modda

Bunda soliq hisoboti ko‘chmas mulkning o‘rtacha yillik qoldiq qiymatidan kelib chiqib to‘ldiriladi.

Ko‘chmas mulkning qoldiq qiymati mol-mulkning boshlang‘ich (tiklanish) qiymati bilan soliq to‘lovchining hisob siyosatida belgilangan usullardan foydalanilgan holda hisoblab chiqilgan amortizatsiya miqdori o‘rtasidagi farq sifatida aniqlanadi.

Soliqni hisoblash maqsadida ko‘chmas mulkka bo‘lgan huquqlarni davlat ro‘yxatidan o‘tkazuvchi organlarda ro‘yxatdan o‘tkazilishi lozim bo‘lgan binolar va inshootlarga nisbatan soliq bazasi 1 kv. m uchun mutlaq miqdorda belgilangan eng kam qiymatdan past bo‘lishi mumkin emas.
👉 Soliq kodeksi 412-modda

❗️QQS va AOS toʻlovchilari uchun 2024-yil boʻyicha 10403_14-sonli hisobot shakli my.soliq.uz portaliga joylashtirilgan.

Barcha turdagi ko'chmas mulklarning o‘rtacha yillik qoldiq qiymati to‘g‘risidagi ma’lumotlar my3.soliq.uz portali "Alohida soliq stavkalari qo'llaniladigan ko'chmas mulk obyektlari va yer uchastkalari" xizmatining 6-bo'limidan shakllanadi.

📖 Mol-mulk soligʻi hisoboti va ma’lumotnoma shakllarini toʻldirishda soliq xizmati organlari mutaxassislari tomonidan ishlab chiqilgan qoʻllanmalardan foydalanish tavsiya etiladi.

👉 Moʻljallanayotgan soliq bazasi (oʻrtacha yillik qoldiq qiymat), soliq imtiyozi va baholash natijalarini soliq hisobotida aks ettirish

Eslatma! Soliq davrida soliq boʻyicha boʻnak toʻlovlar summasi soliq hisobotida koʻrsatilgan budjetga toʻlanishi lozim boʻlgan soliq summasiga nisbatan 10%dan ortiq kamaytirilgan taqdirda, soliq organi boʻnak toʻlovlarni soliqning haqiqiy summasidan kelib chiqib, penya hisoblagan holda qaytadan hisoblab chiqadi.
👉 Soliq kodeksi 417-modda

*2025-yil 1-mart dam olish (ishlanmaydigan) kuniga to‘g‘ri kelganligi sababli, hisobotni taqdim etish oxirgi muddati 3-martga ko‘chiriladi.

Telegram I Facebook I Instagram I Youtube


#mol_mulk_soligi

Agar men o'z nomimga yangi kvartira sotib olgan bo'lsam, mol-mulk solig'ini qaysi davr uchun to'lashim kerak - sotib olingan kundan keyingi davr uchunmi yoki butun yil uchun?

Mol-mulkka egalik huquqi kalendar yil mobaynida bir mulkdordan boshqasiga o‘tgan taqdirda, mol-mulk solig‘i:

▫️avvalgi mulkdor tomonidan shu yilning 1-yanvaridan e’tiboran u mol-mulkka bo‘lgan mulk huquqini yo‘qotgan oyning boshlanishiga qadar,

▫️yangi mulkdor tomonidan esa, unda mulk huquqi vujudga kelgan oydan e’tiboran to‘lanadi.

Yuqoridagilardan kelib chiqqan holda, masalan, 2025-yil 13-fevralda kvartira sotib olgan boʻlsangiz, 2025-yilning 1-fevralidan 31-dekabriga qadar 2025-yil uchun mol-mulk soligʻini toʻlaysiz.

Ma'lumot uchun ❗️

Agar yangi binodan kvartira sotib olgan bo'lsangiz ...

Yangi imoratlar, binolar va inshootlar bo‘yicha soliq mulk huquqi yuzaga kelgan oydan e’tiboran to‘lanadi.

Agar siz ko‘chmas muklni meros qilib olgan bo'lsangiz ...

Meros bo‘yicha o‘tgan mol-mulk uchun soliq merosxo‘rda mulk huquqi vujudga kelgan oydan e’tiboran to‘lanadi.

Agar uy buzilgan bo'lsa ...

Soliq solish obyekti yo‘q qilingan, vayron bo‘lgan yoki buzib tashlangan taqdirda, soliqni undirish mol-mulk yo‘q qilingan, vayron bo‘lgan yoki buzib tashlangan oydan e’tiboran tugatiladi. Soliq summasini qayta hisob-kitob qilish mahalliy davlat hokimiyati organi yoki fuqarolarning o‘zini o‘zi boshqarish organi tomonidan berilgan yo‘q qilinganlik, vayron bo‘lganlik yoki buzib tashlanganlik faktini tasdiqlovchi hujjatlar mavjud bo‘lgan taqdirda, amalga oshiriladi.

Agar soliq imtiyozlari mavjud bo'lsa ...

Kalendar yil mobaynida imtiyozlarga bo‘lgan huquq vujudga kelgan (tugagan) taqdirda, soliqni qayta hisob-kitob qilish ushbu huquq vujudga kelgan (tugagan) oydan e’tiboran amalga oshiriladi.

👉 Soliq kodeksi 423-modda

📲Mol-mulk va yer soliqlarini Soliq mobil ilovasida to‘lash mumkin

Telegram I Facebook I Instagram I Youtube


Video is unavailable for watching
Show in Telegram
#foyda_soligi

2025-yil 3-mart* – 2024-yil yakuni bo‘yicha foyda solig‘i hisobotini taqdim etishning oxirgi kuni.


*Joriy yil 1-mart dam olish (ishlanmaydigan) kuniga to‘g‘ri kelganligi sababli, hisobotni taqdim etish oxirgi muddati 3-martga ko‘chiriladi.

Telegram I Facebook I Instagram I Youtube



14 last posts shown.