Farg‘onа ma'naviy hayoti

Qo‘shtepada ikki buyuk siymo tavallud ayyomi keng nishonlandi

Butun mamlakatimizda bo‘lgani kabi Qo‘shtepa tumanida ham o‘zbek mumtoz adabiyotining ikki buyuk namoyondasi, davlat va jamoat arboblari, ulug‘ mutafakkir bobokalonlarimiz –she’riyat mulkining sultoni Alisher Navoiy tavalludining 584 yilligi hamda shoh va shoir Zahiriddin Muhammad Bobur tavalludining 542 yilligi keng nishonlanmoqda.

Shu munosabat bilan tuman madaniyat markazida – ikki buyuk siymo tavallud ayyomiga bag‘ishlangan ma’naviy-ma’rifiy tadbir tashkil etildi.

Bugun madaniyat markazi ikki buyuk siymo she’riyati ixlosmandlari, mehnat faxriylari, keng jamoatchilik vakillari, adabiyotshunoslar, san’atkorlar, tumandagi umumta’lim maktablari o‘qituvchilari bilan yanada gavjum bo‘ldi.

Sektor rahbarlari, tuman hokimining o‘rinbosarlari, Respublika Ma’naviyat va ma’rifat markazi tuman bo‘limining mas’ullari ishtirok etgan tadbirda tuman hokimining birinchi o‘rinbosari A.Yunusov so‘zga chiqib, ikki buyuk siymo ijodini puxta o‘rganish va ommalashtirish yuzasidan ko‘plab amaliy ishlar olib borilayotgani, adabiyotimiz va jamiyatimizda ularning boy va bebaho merosi ustuvor o‘rin egallashi, ma’naviyatga, ilm-fanga, ma’rifat va adabiyotga, kitobxonlikka ko‘rsatilayotgan e’tibor, ular qoldirgan boy merosni o‘rganish, uni xalqqa yanada yaqinlashtirishdek ezgu tashabbuslarda ham o‘z ifodasini topayotganini ta’kidladi.

Tadbir davomida tuman madaniyat bo‘limining san’atkorlari hamda ijodkor o‘qituvchilar tomoindan ikki buyuk siymo g‘azallariga bastalangan qo‘shiqlardan ijro etilib, ularning hayot faoliyatidan sahna ko‘rinishlari namoyish etildi.

Darhaqiqat, she’riyat mulkining sultoni va buyuk mutafakkir Alisher Navoiy hamda shoh va shoir Zahiriddin Muhammad Boburning bebaho ijodiy-ilmiy merosi nafaqat xalqimiz, balki jahon adabiyoti, milliy madaniyatimiz va adabiy-estetik tafakkurimiz rivojida alohida o‘rin tutadi.

🌐Rasmiy sahifalarimiz:
Telegram | Instagram | Facebook

#Toshloq_tumani
#Buyuk_siymolar

✅ Bugun  Toshloq tuman Axborot-kutubxona markazida tuman hokimligi, Maʼnaviyat va maʼrifat markazi, Maktabgacha va maktab taʼlimi boʻlimi hamda Madaniyat boʻlimi bilan hamkorlikda buyuk matafakkir Alisher Navoiy tavalludining 584 yilligi va Zahiriddin Muhammad Boburning 542 yilligi keng nishonlandi.

Tadbirda Alisher Navoiy va Zahiriddin Muhammad Bobur falsafasi, ma'naviy merosi va ijodiy hissalari haqida so‘z bordi. Tadbir qatnashchilari shu ikki siymo misolida yuksak insoniylik xislatlarni anglash borasida munozaralar o‘tkazdilar. 

Tuman madaniyat boʻlimi tomonidan tayyorlangan kuy, qo‘shiqlar va oʻquvchilarning  sahna ko‘rinishlari tadbirga bayramona ruh bahsh etdi.

🌐Rasmiy sahifalarimiz:
Telegram | Instagram | Facebook

#Quvasoy_shahar
#Maʼnaviy_koʼmakchi

"Ma'naviy ko‘makchi"lar bilan suhbat o‘tkazildi.

O‘zbekiston Respublikasi Prezidentining “2025-yilda aholi bandligini ta’minlash va kambag‘allikni qisqartirish chora-tadbirlari to‘g‘risida”gi PQ-12-son qarori mazmun-mohiyati va belgilangan vazifalarni ijrosini ta'minlash maqsadida Respublika Ma'naviyat va ma'rifat markazi Farg‘ona viloyat bo‘limi rahbari M.Turimov, Quvasoy shahar hokimi o‘rinbosari A.Mamajonov va shahardagi 3 ta og‘ir toifadagi mahallalarga biriktirilgan "Ma'naviy ko‘makchi"lar ishtirokida uchrashuv bo‘lib o‘tdi.

Mazkur suhbat chog‘ida, "Farovon hayotga ilk qadam", "Ishonch" loyihalari va "Ma'rifat orqali kambag‘allikni qisqartirish" dasturi ishlab chiqilib, “Kambagʻallikdan farovonlik sari” gʻoyasi ostida "Ma’rifat karvoni", "Kinokarvon", “Shukronalik va qanoat – farovon hayotga yetaklaydi”, “Maʼrifatparvarlik - kitobxonlikdan boshlanadi” kabi ma'naviy-ma'rifiy tadbirlarni tashkil etish bo‘yicha kelishib olindi.

🌐Rasmiy sahifalarimiz:
Telegram | Instagram | Facebook