Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

"El-yurt umidi" Foundation

@elyurtumidifoundation
Channel's geo and language: Uzbekistan, Uzbek
Category: Education

Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasining rasmiy Telegram sahifasi
👉 Ijtimoiy tarmoqlardagi rasmiy sahifalar: http://myurls.co/elyurtumidifoundation
👉 Website: www.eyuf.uz

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Канал в реестре блогеров РКН? Confirm Channel history
Posts filter

"El-yurt umidi" Foundation

16 Feb, 14:22

Open in Telegram Share Report
Video is unavailable for watching
Show in Telegram
#TEZKOR #TARQATING

🇺🇿 Eng zo‘r universitetlarda faqat boylarni farzandi o‘qiydi, degan fikr noto‘g‘riligini ushbu video orqali ko‘rishingiz mumkin!

🔣 "El-yurt umidi" jamg‘armasi stipendiati, AQSHning Missuri universiteti «Tilshunoslik» yo‘nalishi bo‘yicha bakalavriat dasturida tahsil olayotgan Dilobar Mahmudxonovaning otasi Baxtiyor Soliyev Prezidentimiz bilan onlayn tarzda uchrashib, farzandiga yaratilgan imkoniyatlar uchun o‘z minnatdorchiligini bildirdi.

Har bir ota-ona farzandini baxtini ko‘rishni orzu qiladi. Jumladan men ham. Qizim yoshligidan o‘qishga ishtiyoqmand va talabchan edi. Qizimni o‘qishini bir oddiy oila sifatida doim qo‘llab-quvvatlaganmiz, ammo moddiy tarafini o‘ylasam yuragim ortga tortar edi.

“Dilbandimning orzusi armonga aylanib qolmasmikan”, degan xavotirim kuchli edi. Qizim, Missuri universiteti «Tilshunoslik» yo‘nalishi bo‘yicha bakalavriat dasturi talabasi bo‘ldi.

Ammo uni xorijda o‘qitishga bizda mablag‘ qayda? Shunda bizning jonimizga Sizning tashabbusingiz bilan tashkil etilgan «El-yurt umidi» jamg‘armasi oro kirdi. Dilobar shu Jamg‘armaning imtihonlaridan muvaffaqiyatli o‘tib, davlat grantini qo‘lga kiritdi. To‘g‘risi biz bu xabarni eshitib ishonmadik. Nahotki barcha xarajatlarni davlatimiz to‘lab bersa? Bir umr erta bahorning izg‘irinli kunlari, yozning jaziramalari, kuzning yomg‘iru qora sovuqlarida dalada ishlab ko‘rgan qiyinchiliklarim unut bo‘ldi. O‘sha kuni qarindosh qadrdonlarga: «Mana, haqiqat bor ekan!» deb yangilikni suyunchilab chiqdim. Boshida ular ham ishonmadi. Mana qizim hozir okean ortida, dunyoning eng kuchli universitetlarida o‘qiyapti. Farzandlarimizga shunday imkoniyat berganingiz uchun o‘zim va barcha yaqinlarim nomida sizga rahmat aytaman.

Hurmatli Prezidentimiz, Siz «Yurtimizda hamma hayotdan rozi bo‘lib yashashi kerak», degan gapni ko‘p aytasiz. Ayni kunda biz oilamiz, qizimiz taqdirida shu fikringizning isbotini ko‘rib turibmiz. Inson qadrini ulug‘lagan Sizdek adolatli, mehribon Yurtboshimiz borligidan quvonib, faxrlanib yashaymiz.

Farzandlarimiz kamoloti biz ota-onalarni yoshartiradi, umriga umr qo‘shadi. Mashaqqat bilan ishlab, farzand tarbiyalaganimiz uchun juda katta mukofotga sazovor qildingiz. Dilobar qizingiz, inshoolloh, Sizning, oilamizning, ustozlarining ishonchini oqlaydi- deydi Baxtiyor Soliyev


🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4.9k 2 93 78
"El-yurt umidi" Foundation

16 Feb, 09:05

Open in Telegram Share Report
🔤🔤🔤🔤🔤🔤

🇺🇿 14-fevral kuni Arizona Davlat universitetida Zahiriddin Muhammad Bobur tavallud topgan kun munosabati bilan tadbir bo‘ldi.

🔣 Shoh va shoir Zahiriddin Muhammad Boburning tavalludining 542 yilligi munosabati bilan Arizona Davlat Universitetida tadbir o‘tkazildi. Tadbir davomida Zahiriddin Muhammad Boburning ijodi va buyuk ishlari haqida taqdimot ham qilindi.

🔣 Shuningdek, tadbirda g‘azal va ruboiylar ham aytilib, uning ijodi haqida muloqot bo‘lib o‘tdi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4.4k 0 16 72
"El-yurt umidi" Foundation

15 Feb, 13:40

Open in Telegram Share Report
❤️‍🔥❤️‍🔥❤️‍🔥 💛💛💛

Yangi tashkil etilgan «Cyber University» jamoasiga qo'shiling!

❗️ O‘zbekiston Respublikasi Prezidentining 2025-yil 14-yanvardagi qarori bilan tashkil etilgan yangi davlat universiteti – «Cyber University» o‘qituvchi va xodimlarni o‘z jamoasiga qo‘shilishga taklif qiladi!


➡️ Biz yuqori malakali va kreativ mutaxassislarni, jumladan, “Umid” va “El-yurt umidi” jamg‘armasi dasturlari bitiruvchilarini, shuningdek, axborot texnologiyalari, kiberxavfsizlik, sun’iy intellekt, raqamli iqtisodiyot va robototexnika sohalari bo‘yicha mutaxassislarni qidirmoqdamiz.

Biz nimani taklif qilamiz?
➡️ Eng so'nggi texnologiyalarga ega ilg'or universitet;
➡️O'qitishda innovatsion yondashuvlarni ishlab chiqish imkoniyati;
➡️ Raqobatbardosh mehnat sharoitlari va kasbiy o'sish.

Yangi universitet yuzasidan savollaringiz bo'lsa quyidagi havola orqali 19-fevral, soat 15:00 da videokonferensiyada qatnashing:
https://us06web.zoom.us/j/88612788757?pwd=rlBRPlblcER1wbQVzERaMkU1d6oc3a.1

📥 Agar sizda bizning jamoaga qo'shilish istagi bo'lsa – rezyumingizni (CV) hr@csu.uz elektron manziliga yuboring.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
5.6k 0 114 33
"El-yurt umidi" Foundation

15 Feb, 11:07

Open in Telegram Share Report
Video is unavailable for watching
Show in Telegram
🟦🟦🟥🟥🟥🟦🟦🟦🟦

🇺🇿 "Maxsus reportaj" ko‘rsatuvining yangi sonida "El-yurt umidi" jamg‘armasi stipendiati bilan yaqindan tanishasiz!

🔣 O‘zbekiston 24 telekanali orqali namoyish etiladigan "Maxsus reportaj" ko‘rsatuvining bu gali suhbatdoshi, Jamg‘arma stipendiati, Buyuk Britaniyaning Reading universiteti (magistratura) bitiruvchisi Billura Ikromova bo‘ldi.

Ma’lumot uchun: Billura Ikromova (Ingliz tili o‘qituvchisi) hozirgi vaqtda Buxoro viloyati, Romitan tumanidagi maktablarda yoshlar uchun ingliz tilini o‘rgatishning yangi metodikalarini ishlab chiqmoqda va ushbu olis hududlardagi yoshlar chet tillarini o‘zlashtirishlarida ko‘makchi bo‘lmoqda.


🔣 Ko‘rsatuvning ushbu sonida Jamg‘arma tanlovlari, stipendiatlar ish faoliyati va ular uchun yaratilgan imkoniyatlar, nufuzli xorijiy universitetlarda tahsil olish, bitiruvchi stipendiatlarning loyihalari hamda kelajakdagi maqsadlari bilan tanishasiz.

TO‘LIQ TOMOSHA QILING

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
5.1k 0 20 26
"El-yurt umidi" Foundation

14 Feb, 19:00

Open in Telegram Share Report
Video is unavailable for watching
Show in Telegram
Prezident: "Biz serg‘ayrat yoshlarimizga ishonganimiz uchun o‘z oldimizga katta-katta maqsadlar qo‘ymoqdamiz, marrani baland olmoqdamiz"

O‘tgan 25 yil ichida davlat hisobidan 800 nafar yoshlar xorijga o‘qishga yuborilgan bo‘lsa, birgina “El-yurt umidi” jamg‘armasi orqali so‘nggi 7 yilda 3 barobar ko‘p o‘g‘il-qizlarimiz bunday imkoniyatga ega bo‘ldi.


Endi, Yoshlar agentligi xorijda o‘qiyotgan har bir talabaga bosh-qosh bo‘lib, ehtiyojlarini aniqlashi, Vatanga qaytib, o‘z o‘rnini topishi, muvaffaqiyatli karyera qilishi kabi masalalarda Davlat xizmatini rivojlantirish agentligi bilan teng mas’ul bo‘lishi belgilandi.


🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
5.8k 0 48 52
"El-yurt umidi" Foundation

14 Feb, 15:07

Open in Telegram Share Report
Forward from: Prezident matbuot kotibi | Sherzod Asadov
Сўнг Президентимиз фаол ёшлар билан мулоқот қилди.

Турли ҳудудлардаги олий таълим муассасалари ва нодавлат ўқув марказлари, корхона ва фермер хўжаликлари вакиллари, ёш олим ва спортчиларнинг фикр-мулоҳазалари тингланди, таклифлари кўриб чиқилди.

“Бугунги кунда Ватанимиз ўз тараққиётининг янги бир тарихий босқичига қадам қўймоқда. Бу даврда олдимизда илгари дуч келмаган мураккаб вазифалар, ғов ва тўсиқлар пайдо бўлиши табиий, албатта. Лекин қанчалик қийин бўлмасин, биз олдимизга қўйган улкан мақсадларга албатта етамиз.

Чунки бизнинг олис ва яқин тарихда не-не синовлардан ўтган, донишманд халқимиз бор, бугун барча соҳа ва тармоқларда майдонга дадил чиқаётган ғайрат-шижоатли ёшларимиз бор.

Сизлар билан маслаҳат ва мулоқотни ўз фаолиятимизда асосий мезонлардан бири, деб биламиз.

Сизлар ҳам бундай юксак ишончга муносиб бўлиб, жонажон Ватанимизни ҳар томонлама ривожланган, гўзал ва фаровон мамлакатга, Учинчи Ренессанс диёрига айлантиришда олдинги сафларда бўласиз, деб ишонаман”,

- деди Президент сўзининг якунида.

Facebook|Instagram|X
5k 0 5 24
"El-yurt umidi" Foundation

14 Feb, 14:10

Open in Telegram Share Report
Forward from: Prezident matbuot kotibi | Sherzod Asadov
Тарбияси оғир ёшлар билан ишлаш бўйича тизим яратилгани натижасида салкам 1 миллион ушбу тоифадаги ёшларнинг ижтимоий, иқтисодий ва маиший муаммолари ҳал қилинди.

Жорий йилда ҳам 150 мингга яқин ёшлар вазирлик ва ҳудуддаги раҳбарларга номма-ном бириктирилади. Бу раҳбарлар ёшларнинг ҳаётда ўз ўрнини топиши, касбга ва хорижий тилларга ўргатиш, ишга жойлаштириш, тадбиркорлик қилиши учун ёрдам кўрсатишга масъул бўлади.

Ёшлар агентлигининг туман бўлимлари ёшлар етакчилари билан бирга ўз ҳаракат дастурини ишлаб чиқади.

Ҳокимлар эса ёшлар муаммоларини ҳал қилиш, бандлигини таъминлаш бўйича ҳар ой улар билан учрашиш тизимини жорий қилади.

Facebook|Instagram|X
4.5k 0 7 22
"El-yurt umidi" Foundation

14 Feb, 13:49

Open in Telegram Share Report
Bugungi kunda fizika, kimyo, biologiya, texnologiya, muhandislik, matematika, bir so‘z bilan aytganda, STEM fanlarining ahamiyati tobora ortib bormoqda.

Olmazor tumanida 10 ta maktabda muhandislik laboratoriyalari tashkil qilindi. Bugun ushbu laboratoriyalarda 2 ming o‘quvchi robototexnika va ilg‘or texnologiyalarni o‘rganmoqda.

Barcha tumanlar hokimlariga bu tajribani o‘rganib, ommalashtirish, o‘z hududida 5 tadan maktabni shunday laboratoriyalar bilan jihozlash topshirildi.

Toshkent davlat texnika, axborot texnologiyalari, kimyo-texnologiya, Turin, Inxa kabi 36 ta texnika oliygohi rektorlari sun’iy intellekt, robototexnika, dron, kiberxavfsizlik kabi ixtirochilik yo‘nalishlarida “Oliygoh kubogi” ni e’lon qiladi. Eng yaxshi startap loyihalari tijoratlashtiriladi.

Kelgusi o‘quv yilidan boshlab o‘quvchilar o‘rtasida muhandislik olimpiadalari va tanlovlarini o‘tkazish yo‘lga qo‘yiladi. G‘olib bo‘lgan bitiruvchi yoshlar texnika oliygohlariga grant asosida o‘qishga kiradi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4.3k 1 15 15
"El-yurt umidi" Foundation

14 Feb, 13:40

Open in Telegram Share Report
Energetika, transport, urbanizatsiya, zamonaviy arxitektura, tibbiyot yo‘nalishlarida “El-yurt umidi” jamg‘armasi kvotalari ko‘paytiriladi.

Bundan tashqari, dunyoning nufuzli “top-100” oliygohlarida ilmiy daraja olgan 35 yoshgacha bo‘lgan yosh olimlarga uy-joy uchun 10 yil muddatga 800 million so‘mgacha foizsiz ssuda ajratiladi.

Nufuzli xalqaro fan olimpiadalarida g‘olib va sovrindor bo‘lganlar uchun bir martalik pul mukofoti miqdori 5 karra oshiriladi.

Harbiy oliygohlarning namunali tinglovchilari uchun “Oliy bosh qo‘mondon” davlat stipendiyasi joriy etiladi.

Yoshlarni ilmga qiziqtiruvchi media kontentlar, eng yaxshi intellektual shoular yaratishga Yoshlar agentligi tomonidan 100 million so‘mgacha grantlar ajratiladi.

Yoshlarda tabiatga mehrni oshirish, atrof-muhitni muhofaza qilishga qaratilgan loyihalarini qo‘llab-quvvatlash uchun “Yashil tashabbuslarni qo‘llab-quvvatlash jamg‘armasi” tashkil qilinadi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4.3k 1 84 23
"El-yurt umidi" Foundation

14 Feb, 13:34

Open in Telegram Share Report
#live #Prezident #muloqot #yoshlar

Muloqotda kambag‘allikni qisqartirishning eng samarali yechimi ta’lim ekani ta’kidlandi.

Shuning uchun kam ta’minlangan oilada hech bo‘lmaganda bitta farzand oliy ma’lumotli bo‘lishi uchun zarur sharoitlar yaratiladi.

Endilikda kambag‘al oilaning farzandiga ta’lim krediti foizsiz beriladi, qo‘shimcha grant ajratiladi, kontrakt to‘lovining bir qismi qoplab beriladi.

Yana bir yangilik – iqtidorli, bilimga chanqoq, lekin og‘ir oilaviy sharoiti sababli o‘qish imkoniyatiga ega bo‘lmagan yoshlarni xorijda o‘qitish bo‘yicha yangi tizim – “Yorqin iste’dod” loyihasi joriy etiladi.

Bunda har bir mahalladan ijtimoiy himoyaga muhtoj, bilimga chanqoq yoshlar saralab olinib, iqtidori aniqlanadi. Ularning salohiyatiga mos xorijiy oliygoh tanlanib, tayyorgarlik kurslarida o‘qitiladi.

Xorijda ta’lim olib qaytgan yoshlar Milliy kadrlar zaxirasiga to‘g‘ridan to‘g‘ri kiritiladi, ular davlat organlariga tanlovsiz ishga olinadi.

Har yili saralashdan o‘tgan 1 ming nafar yoshlar dunyoning “Top-100” oliygohlariga yuborilib, o‘qish va yashash xarajatlari qoplab beriladi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4.7k 0 45 19
"El-yurt umidi" Foundation

14 Feb, 13:21

Open in Telegram Share Report
#live #Prezident #muloqot #yoshlar

Inson uchun ona tili bilan birga xorijiy tillarni bilish dunyoga chiqishda juda muhim. Ayniqsa, tijoratda buning o‘rni beqiyos.

Endi, xorijiy tillardan “C1” darajasiga ega bo‘lgan yoshlar tashabbus ko‘rsatib, olis va chekka hududlarda chet tillariga ixtisoslashgan o‘quv markazlarini ochsa, ularga 120 million so‘mgacha foizsiz ssuda beriladi.

Shuningdek, mehnat bozoriga til biladigan yoshlar kirib kelishini rag‘batlantirish uchun xususiy o‘quv markazlarida xorijiy tillarni o‘rganadigan yoshlarga xarajatlari “2+6” shaklida qoplab beriladi. Bunda o‘quv xarajatlarining dastlabki 2 oyi o‘quvchilarning o‘z mablag‘idan, qolgan 6 oyi davlat hisobidan to‘lab beriladi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
3.8k 0 70 26
"El-yurt umidi" Foundation

14 Feb, 13:14

Open in Telegram Share Report
#live #Prezident #muloqot #yoshlar

Kreativ soha vakillarini o‘qitadigan biznes maktablari tashkil qilinadi

Yurtimizda kreativ iqtisodiyot jadal rivojlanmoqda. Sohada faoliyat ko‘rsayotganlarning 98 foizi yoshlar.

O‘tgan yili kreativ iqtisodiyotni rivojlantirish bo‘yicha alohida qonun qabul qilinib, huquqiy asoslari belgilandi.

Toshkent shahridagi "Yoshlar ijod saroyi"da namunaviy "Kreativ park" tashkil qilindi.

Endi, kreativ industriya parklari hududlarda ham barpo etiladi. Ular zarur resurs va infratuzilma bilan ta’minlanadi.

Kreativ industriya parki rezidentlariga 2030-yil yakunigacha imtiyozli soliq rejimi joriy etiladi. Bunda ijtimoiy va daromad soliq stavkalari 50 foizga kamaytiriladi, rezidentlar tovarlarni realizatsiya qilish hajmidan qat’i nazar aylanmadan olinadigan soliq to‘lovchilar bo‘ladi.

Parklar negizida kreativ soha vakillarini o‘qitadigan biznes maktablari tashkil qilinadi. Ushbu maktablarda yoshlar yangi va zamonaviy biznes yuritish hamda elektron tijorat kabi xizmat ko‘rsatishning innovatsion usullarini o‘rganadi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
3.4k 0 5 11
"El-yurt umidi" Foundation

14 Feb, 13:06

Open in Telegram Share Report
🇺🇿 Servis sohasida ham yoshlar uchun imkoniyatlar kengaytiriladi.

🔣 Tadbirkorlar yosh xodimlarni ishga olib, kamida 3 million so‘m oylik to‘lasa, ijtimoiy soliq 1 foiz bo‘ladi.

🔣 Bu imtiyoz 3 yil amal qiladi. Bu orqali tadbirkor ham manfaat ko‘radi, yoshlar rasmiy ishlab, daromadi oshadi.

🔣 Umuman, “Yoshlar daftari” tizimini ham yangilash, transformatsiya qilish vaqti kelgani ta’kidlandi.

🔣 Mutasaddilarga yoshlarga ko‘rsatilayotgan barcha turdagi ijtimoiy paketlarni to‘liq xatlovdan o‘tkazib, ularni maqbullashtirish va natijadorligini oshirish bo‘yicha taklif kiritish topshirildi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
3.3k 0 4 9
"El-yurt umidi" Foundation

14 Feb, 12:51

Open in Telegram Share Report
🇺🇿 Prezident imzolagan uchinchi hujjatga ko‘ra, Aloqabank yoshlarning biznes loyihalarini qo‘llab-quvvatlovchi tayanch “yoshlar banki”ga aylantirilib, bunga 200 million dollar ajratildi.

🔣 Bank o‘zini o‘zi band qilgan yoshlar loyihalari uchun 100 million so‘mgacha 7 yil muddatga imtiyozli mikroqarz ajratadi.

🔣 Shuningdek, yakka tartibdagi tadbirkor bo‘lgan, kamida 20 nafar yoshni ishga olib, kichik korxona ochgan va o‘quv markazi tashkil qilgan yosh tadbirkorlarga 7 yil muddatga 5 milliard so‘mgacha imtiyozli kredit beriladi.

🔣 Bank kreditlarining kamida 30 foizi xotin-qizlar tadbirkorligi uchun yo‘naltiriladi.

🔣 Hududlarda “yoshlar biznes inkubatori” tashkil qilinib, yoshlar g‘oyalari startapga aylantiriladi, 6 oydan 3 yilgacha qo‘llab-quvvatlanadi, tayyor biznes, korxona darajasiga olib chiqiladi.

🔣 “Aloqa venchur” jamg‘armasi orqali startaplarga 50 mingdan 1 million dollargacha sarmoya kiritilib, mahsulot va xizmatlarni ichki va xalqaro bozorlarda sotish, biznes hamkor topish, qo‘shimcha investitsiyalar jalb qilishga koʻmaklashiladi.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
3.5k 0 18 8
"El-yurt umidi" Foundation

14 Feb, 12:29

Open in Telegram Share Report
Илмий даражали ёш олимларимиз сони 2 карра ошиб, 4 минг 357 нафарга етди. Айниқса, фарзандларимиз орасида чет тилларни ўрганишга қизиқиш кескин кучайди.

Ана шу имкониятлардан фойдаланиб, яқинда билимдон ва интилувчан Парвиз Туксанов SAT имтиҳонидан энг юқори – 1 минг 600 балл тўплади. Президентимиз уни ушбу натижа билан қизғин табриклаб, ота-онаси ва ўқитувчиларига миннатдорлик билдирди.

Яна бир ибратли мисол – “Китобсевар миллат” ғояси асосида ёшларда мутолаа маданиятини шакллантириш умуммиллий ҳаракатга айланди. Анъанавий тарзда ўтказилаётган “Ёш китобхон” танловидаги иштирокчилар сони 6 карра ошиб, 3 миллион нафарга етди.

Бир гуруҳ фаол ёшлар томонидан яратилган “Мутолаа” лойиҳаси орқали 1 миллиондан ортиқ ёшлар китобхонлар қаторига кирди.

Ҳозирги тезкор ахборот алмашинуви даврида ёш авлод, айниқса, болажонларимиз учун миллий контентларни яратиш долзарб вазифадир. Бундай контентни боғча ва мактабдаги таълим жараёнларида намойиш этиш орқали янада оммалаштириш зарурлиги таъкидланди.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
3.6k 0 8 17
"El-yurt umidi" Foundation

14 Feb, 12:24

Open in Telegram Share Report
Илгари олий таълимда 1 та ўрин учун камида 10 нафар йигит-қиз кураш олиб борар эди. Қисқа даврда олийгоҳлар сони 3 баробар оширилди. Тизимда қамров 42 фоизга етди.

Хотин-қизларга контракти давлат томонидан қоплаб берилаётгани ҳисобига талаба қизлар сони 11 карра кўпайди.

“Мен бир ҳаётий фикрни такрорлашдан чарчамайман: битта қизни ўқитсак, бутун оилани ўқитган бўламиз. Оила билимли, маърифатли бўлса, бутун жамият билимли, маърифатли бўлади. Бу борадаги ишларни янада жадал давом эттирамиз”,

- деди Президент.

Ўтган 25 йил ичида давлат ҳисобидан 800 нафар ёшлар хорижга ўқишга юборилган бўлса, биргина “Эл-юрт умиди” жамғармаси орқали сўнгги 7 йилда 3 баробар кўп ўғил-қизларимиз бундай имкониятга эга бўлди.

Энди, Ёшлар агентлиги хорижда ўқиётган ҳар бир талабага бош-қош бўлиб, эҳтиёжларини аниқлаши, Ватанга қайтиб, ўз ўрнини топиши, муваффақиятли карьера қилиши каби масалаларда Давлат хизматини ривожлантириш агентлиги билан тенг масъул бўлиши белгиланди.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
3.5k 0 23 24
"El-yurt umidi" Foundation

14 Feb, 12:10

Open in Telegram Share Report
Forward from: Prezident matbuot kotibi | Sherzod Asadov
Ёшларимиз турли соҳалардаги ютуқлари билан тенгдошларига ўрнак бўлаётгани таъкидланди.

Ҳозирги вақтда дунёдаги "топ" олийгоҳларда 1,5 мингдан зиёд талабаларимиз таҳсил олмоқда. Бу Ўзбекистон учун тарихда кузатилмаган воқелик.

Яқинда Бирлашган Араб Амирликларида ўтган катта форумда Тошкент шаҳридаги Президент мактаби глобал даражада энг нуфузли номинацияда ғолиб деб топилди.

“Бунинг бош омили нимада, деб сўрасангиз, мен аввало ёшларга муносабат давлат миқёсида бутунлай ўзгарганида, деб жавоб берган бўлардим. Ўғил-қизларимиз ёшлар масаласи давлат сиёсатининг устувор йўналишига айланганини сезиб, ўзларига беқиёс куч олмоқда”,

- деди Президент.

Бундан беш йил олдин Сенат ва Қонунчилик палатасида Ёшлар парламенти ташкил этилган эди. У ерда ёшлар сиёсий етакчилик, демократия мактаби, парламентаризм мактаби қандай бўлишини амалда кўрди. Охирги сайловда ана шу ёшларимиздан икки нафари Қонунчилик палатасига, 250 нафари кенгашларга депутат бўлиб сайланди.

“Энди барча тизимдаги раҳбарлар ёшларнинг баралла овозини эшитишга мажбур. Ёшлар буюк келажагимизнинг асосий бўғини эканлигини тушунмаган раҳбар бизнинг сафимизда бўлишга ҳаққи йўқ”,

- деди Президент.

Facebook|Instagram|X
3.4k 0 11 11
"El-yurt umidi" Foundation

14 Feb, 12:05

Open in Telegram Share Report
Forward from: Prezident matbuot kotibi | Sherzod Asadov
Президент Шавкат Мирзиёев ёшлар билан мулоқот қилмоқда.

Давлатимиз раҳбари сўзининг аввалида азму шижоатли, навқирон ёшлар билан учрашиб турганидан мамнунлигини билдириб, уларнинг тимсолида Янги Ўзбекистоннинг бугунги ва эртанги бунёдкорларини кўраётганини таъкидлади.

“Буюк шоиримиз Эркин Воҳидов айтганидек, ёшлик – бу қалбнинг олтин сози. Бунга қўшимча қилиб, ёшлар – халқимизнинг, Ватанимизнинг олтин фонди, десак тўғри бўлади.

Аҳолимизнинг 60 фоизини айнан ёшлар ташкил этиши ҳам бу фикрни тасдиқлайди.

Бугунги кунда биз мард ва матонатли халқимизга, серғайрат ёшларимизга ишонганимиз учун ўз олдимизга катта-катта мақсадлар қўймоқдамиз, маррани баланд олмоқдамиз.

Келгусида Учинчи Ренессанс пойдеворини яратадиган янги Хоразмийлар, Берунийлар, Ибн Синолар, Мирзо Улуғбек ва Алишер Навоийлар қаердан пайдо бўлади? Бу улкан вазифаларни ким бажаради?

Мен қайта-қайта такрорлашдан чарчамайман. Албатта, бу эзгу ғояларни сизлар – бугунги Янги Ўзбекистон ёшлари амалга оширасизлар”,

- деди Президент.

Facebook|Instagram|X
3.4k 0 8 13
"El-yurt umidi" Foundation

14 Feb, 10:10

Open in Telegram Share Report
Кўксарой қароргоҳида Президент Шавкат Мирзиёевнинг мамлакатимиз ёшлари билан мулоқоти бошланмоқда

Учрашувда ёшлар билан ишлаш натижадорлигини янада ошириш, уларга янада кенг имкониятлар яратиш чора-тадбирлари муҳокама қилинади, фаол ёшларнинг таклифлари эшитилади.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4.1k 0 6 15
"El-yurt umidi" Foundation

14 Feb, 09:32

Open in Telegram Share Report
🔤🔤🔤🔤🔤🔤🔤🔤🔤🔤🔤

🇺🇿 “EL-YURT UMIDI” JAMG‘ARMASI FAOLIYATI RAQAMLARDA!

🔣 Jamg‘armaning uzoq muddatli ta’lim dasturlari asosida xorijda ta’lim olishi tashkil etilgan stipendiatlar jami 1120 nafar, jumladan 413 nafari bakalavriat, 558 nafari magistratura va 149 nafari doktorantura dasturlarida ta’lim olgan.

🔣 Xorijda ta’lim olishni yakunlagan stipendiatlarning uzoq muddatli dasturlar asosida o‘qiganlari jami 372 nafar jumladan, 14 nafari bakalavriat, 316 nafari magistratura va 42 nafari doktorantura dasturlarida ta’lim olishni yakunlab, hozirda respublikamizda mehnat faoliyatini olib bormoqda.

🔣 Ayni vaqtda 372 nafar stipendiatlarimiz xorijdagi ilg‘or bilim va ko‘nikmalarni egallab mamlakatimizga qaytib vazirlik, idora va davlat tashkilotlarida o‘z mehnat faoliyatini olib bormoqdalar.

🔣 “El-yurt umidi” jamg‘armasi stipendiatlari bugun dunyodagi eng ilg‘or bilimlarni, jumladan, O‘zbekiston sog‘liqni saqlash tizimida “Virusologiya, bolalar kardiojarrohligi, onkologik va urologik kasalliklarni yadroviy texnologiyalar” orqali davolash borasida Buyuk Britaniya, Kanada, Germaniyaning ilg‘or klinikalari tajribasidan, “Boshqaruvni raqamlashtirish va AKTda sun’iy intellektni joriy etish”ni ilg‘or Yevropa mamlakatlari va Janubiy Koreya tajribasidan, “Islom moliyasi va moliya birjalari faoliyatida raqamli texnologiyalardan foydalanish”ni AQSH, Buyuk Britaniya va Germaniya tajribalari keng qo‘llanilmoqda.

🔣 Hech shubhasiz, “El-yurt umidi” jamg‘armasi orqali xorijdagi nufuzli oliygohlarda ta’lim olgan yoshlarimiz bugun davr talab qilayotgan eng ilg‘or bilim va ko‘nikmalarni, tajribalarni o‘zlashtirib qaytmoqdalar.

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz
4k 0 14 21
20 last posts shown.