Amirsoy Resort tog‘-chang‘i kurortida O‘zbekiston Chang‘i sporti federatsiyasi hamkorligida chang‘i va snoubord sport turlari bo‘yicha havaskorlar musobaqasi bo‘lib o‘tdi. Garchi bu qishki sport turlari hali keng omma uchun yangi bo‘lsa-da, ularga qiziquvchilar soni ortib bormoqda. Yosh-qarini birlashtirgan bu maskanda tomoshabinlarning ham soni ancha ko‘p. Bu esa atrof-muhitga bo‘lgan mas'uliyatni va ekologik madaniyatni rivojlantirishning ahamiyatini ta'kidlaydi.

Musobaqa davomida ekologik tartib-intizomni saqlashga alohida e'tibor qaratildi. Ishtirokchilar va mehmonlar uchun chiqindilarni ajratib to‘plash uchun maxsus idishlar o‘rnatildi, bu esa tabiatni asrash borasidagi madaniyatni shakllantirishta yordam beradi. Shuningdek, kurort xududida suv sarfini oshirmaydigan zamonaviy texnologiyalar asosida qurilgan suv havzasi tashkil etilgani esa ekologik tafakkurning namoyonidir.

Bu tadbirlar nafaqat sportni rivojlantirish, balki tabiatni asrash va ekologik mas'uliyatning ahamiyatini tushunishda muhim qadamdir. Ayni paytda, tomoshabinlar va ishtirokchilarning ekologik madaniyatni qo‘llab-quvvatlashi, kelajakda bunday tadbirlarning ekologik to‘g‘ri tashkil etilishiga asos bo‘lishi mumkin. ☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring