O'zbekiston Ekologik partiyasi O'rta Chirchiq tuman Kengashi

#Ekopartiya
#bayram_tabrigi

8-Mart – Xalqaro Xotin-Qizlar Kuni Muborak Bo‘lsin!

Hurmatli ayollar, onajonlar, opa-singillar!

Sizlarni bahorning ilk guli kabi nafis va farahli bayram – 8-Mart Xalqaro Xotin-Qizlar Kuni bilan chin qalbimdan muborakbod etaman!

Ayol – hayot manbai, oila iftixori, mehr-muhabbat va nafosat timsolidir. Sizlarning mehringiz va sabr-toqatingiz dunyoga fayz bag‘ishlaydi, kelajak avlodni tarbiyalashda beqiyos hissa qo‘shadi.

Yurt ravnaqi, jamiyat taraqqiyoti yo‘lida qilayotgan xizmatlaringiz, sabr-matonatingiz, mehnatingiz alohida hurmatga loyiq.

Sizlarga sihat-salomatlik, oilaviy tinchlik, baxt-saodat va ishlaringizda ulkan muvaffaqiyatlar tilayman! Yuzingizdan tabassum arimasin, baxt va muhabbat sizlarni doimo tark etmasin!

Bayramingiz muborak bo‘lsin!

https://t.me/eko_partiya

#bayram_shukuhi

O‘rta Chirchiq tumanida 8-mart – Xalqaro xotin-qizlar kuni munosabati bilan tantanali tadbir bo‘lib o‘tdi

O‘rta Chirchiq tumani hokimligi tomonidan 8-mart – Xalqaro xotin-qizlar kuni munosabati bilan bayram tadbiri tashkil etildi. Unda tuman rahbariyati, davlat va jamoat tashkilotlari vakillari, ta’lim, tibbiyot, ishlab chiqarish hamda boshqa sohalarda faoliyat yuritayotgan xotin-qizlar ishtirok etdilar.

Tadbirda ayollarning jamiyatdagi o‘rni, ularning fidokorona mehnati va mamlakat taraqqiyotiga qo‘shayotgan hissasi alohida e’tirof etildi. Bayram munosabati bilan faol va fidoyi ayollarga esdalik sovg‘alari topshirildi. Shuningdek, badiiy dasturlar, qo‘shiqlar va raqslar namoyish etilib, bayramona kayfiyat yaratildi.

Tadbir ishtirokchilari mamlakatimizda ayollarga berilayotgan e’tibor va g‘amxo‘rlik uchun minnatdorlik bildirib, bunday tadbirlar xotin-qizlarning ijtimoiy faolligini oshirish, ularni qo‘llab-quvvatlashda muhim ahamiyat kasb etishini ta’kidladilar.

https://t.me/eko_partiya

#munosabat

Korrupsiya – har qanday jamiyat taraqqiyotiga jiddiy to‘sqinlik qiluvchi omil!

Prezidentimiz raisligida o‘tkazilgan kengaytirilgan yig‘ilishda bu illatga qarshi kurashish borasida aniq natijalarga erishilganligi qayd etilishi bilan birga, oldinda turgan muhim vazifalar ham belgilab berildi.

Bu jarayonda korrupsiyaga qarshi kurashni faqat davlat organlarining ishi deb emas, balki jamiyatning barcha qatlamlari ishtirok etadigan umumxalq harakatiga aylantirish lozim. Korrupsiya sabab resurslar noto‘g‘ri taqsimlanadi, xalq ishonchi susayadi va taraqqiyotga yetarlicha sharoit yaratilmaydi. Shu bois korrupsiyaning ildizlarini quritish uchun ochiqlik, shaffoflik, jamoatchilik nazorati va huquqiy ta’limni kuchaytirish zarur.

O‘rta Chirchiq tumanida ham ekologiya va boshqa sohalardagi loyihalarimizni amalga oshirishda korrupsiyaviy holatlarga yo‘l qo‘ymaslik muhim. Davlat tomonidan shaffof tizimlar yaratilib, aholi faol ishtirok etsa, korrupsiyaga qarshi kurash samarali bo‘ladi.
https://t.me/eko_partiya

#Ekopartiya

"Uch avlod" uchrashuvi – yoshlar va nuroniylarning ma’naviy muloqoti

Toshkent viloyati O‘rta Chirchiq tumani 28-sonli umumta’lim maktabida yosh avlod, nuroniylar, mahalliy deputat hamda mahalla faollari ishtirokida ma’naviy-ma’rifiy tadbir — "Uch avlod" uchrashuvi bo‘lib o‘tdi.

Mazkur tadbirda tuman Nuroniylar jamg‘armasi raisi Z. Yuldashev, Xalq deputatlari O‘rta Chirchiq tuman Kengashi deputati Sh.Radjapov, mahalla faollari va yoshlar ishtirok etishdi. Uchrashuv davomida Shuxratjon  Radjapov yoshlarga atrof-muhit muhofazasiga oid "Yashil makon" va "Mening bog‘im" loyihalari haqida ma’lumot berib, ularni faol ishtirok etishga chorladi.

Ekologiya – bu barchamizga tegishli masala. Agar har birimiz o‘z mahallamizda, xonadonimizda kamida bitta daraxt ekib, tabiatga g‘amxo‘rlik qilsak, yurtimizni haqiqiy yashil va ekologik toza mamlakatga aylantirishimiz mumkin.

Kelajak avlod uchun sof havo, sog‘lom muhit yaratish – har birimizning burchimiz!

https://t.me/eko_partiya

#Ekopartiya
#Ekologik_reyd

O'zbekiston Ekologik partiyasi O‘rta Chirchiq tuman partiya tashkiloti tuman Ekologiya bo'limi tomonidan "Uyg‘ur" MFY hududida joylashgan lokal oqava suv tozalash inshootining (LOC) texnik holatini o‘rganish maqsadida ekologik reyd o‘tkazildi.

Tadbir davomida quyidagi masalalar tahlil qilindi:

🔹 Inshootning texnik holati va ishlash samaradorligi;
🔹 Oqava suvlarni tozalash jarayoni va uning ekologik talablariga mosligi;
🔹 Atrof-muhitga ko‘rsatilayotgan ta’sir va ekologik xavfsizlik masalalari.

O‘rganish natijasida inshootning eskirganligi va tozalash samaradorligini oshirish zarurati aniqlanib, ushbu muammolarni "Deputatlik guruhi" doirasida jamoatchilik eshituvi o‘tkazish belgilandi.

Jamoatchilik eshituvida mutasaddi tashkilotlar, deputatlar, ekologiya sohasi vakillari va mahalliy aholi ishtirok etishi rejalashtirilgan bo‘lib, unda muammo va takliflar muhokama qilinadi hamda tegishli choralar ishlab chiqiladi.

https://t.me/eko_partiya

#Ekologik_sana

3-mart – Butunjahon Yovvoyi Tabiat Kuni

Har yili 3-mart sanasi butun dunyoda Butunjahon Yovvoyi Tabiat Kuni sifatida nishonlanadi. Bu kun yovvoyi hayvonlar va o‘simliklarning muhimligini eslatish, ularni asrab-avaylash va noqonuniy ov hamda tabiiy muhitning buzilishiga qarshi kurashish zarurligini targ‘ib qilish maqsadida tashkil etilgan.

Tabiatning xilma-xilligi – bu insoniyatning bebahо boyligi. Yovvoyi flora va fauna sayyoramizdagi ekologik muvozanatni saqlashda muhim rol o‘ynaydi. Shuning uchun ularni himoya qilish nafaqat atrof-muhit, balki barqaror rivojlanish hamda kelajak avlodlar uchun ham katta ahamiyat kasb etadi.

Har yili ushbu sana turli mavzular ostida o‘tkazilib, tabiatni asrashga qaratilgan seminarlar, tadbirlar va targ‘ibot ishlari tashkil etiladi. Yovvoyi tabiatni asrash – barchamizning burchimiz! Uni kelajak uchun saqlab qolaylik!

https://t.me/eko_partiya