ЗАРАРСИЗ ОЗДИРАМИЗ! ЯПОНЧА УСУЛ)
Ассалому алайкум, дўмбоққина ўқирманлар.
Бугун сизлар билан қаттиқ мавзуда гаплашамиз) Шу десангиз бугун "Кенкоу шиндан" га бордим. "Кенкоу шиндан" дегани. Бир йилда бир марта оёқни учидан сочни учигача тиббий кўрикдан ўтказиш дегани. Японлар бу тизимни жуда чиройли йўлга қўйишган. Туғилгандан бошлаб боғча, мактаб, университет, ишхонадагилар ҳамма бир йилда бир марта мажбурий тиббий кўрикдан ўтказилади. Таниш медсестрани олдига бориб, "СУЗУКИ опа, мана бу 50 минг сумни олиб, соппа-соғ деган 086 формани қилиб беринг" деёлмайсиз. Десангиз, ўша медсестра шпритсда ҳаво жўнатиб, коррупцияга ботган умрчангизга нуқта қўйиб қўяди😁
Хуллас, бордим текширтирдим. Ҳамма жой яхши чиқди-куя, "Бир йил олдинги вазнингдан 2 кг семирибсан. Бу вазн сен учун жуда мос вазн. Аммо, ҳозирдан эҳтиёткорликни бошламасанг, кейинги йилгача 5-6 кг семиришинг мумкин" деб айтди. Бир йил олдин 73 кг эдим. Ҳозир 75 кг бўлибман. Японлар шунинг учун ҳам семизмасда) Ҳар йили сизда "Обеситй" (семизлик) хавфи бор деб огоҳлантириб туришади.
Японларни семирмаслигини яна бир сабабларидан бири, ҳар бир ейдиган овқатини калориясини билишида. Болалигидан "Калория ҳисоблаш" деган маданият ўргатилади. Ҳар бир Япон боласи сабзида неччи калория, гуруч неччи калория билиб ўсишади. Бирга ишлайдиган Японлар ҳам қачон қарама мана бунда бунча калория бор. Бунда бунча калория бор деб ҳисоблаб ейишади. Дўкондан оладиган овқатларда ҳам, ошхонадаги овқатларда ҳам калорияси, таркиби ҳижжалаб ёзилган бўлади. "Абдуҳошим ака, битта ош" десангиз, ёнига битта қоғозчада "Бу ош 7000 калорияга эга, буни егандан кейин қоринни қаппайтириб ётмасдан, 20 минг қадам юришинг керак. Фалон қадам югуришинг керак" деб олиб келгандек гап.
"Ия, нималар деябсан? Ота-бобом ош еб катта бўлган" дейишга шошилманг. Ота-бобонгиз ош еб катта бўлган бўлса ҳам, ошни энергиясини меҳнат билан чиқариб юборишган-да. Кетмон билан ерни жигарини суғуриб олишган. 4 та хотин 17 болани боқишган. Кўп ҳаракат бўлишган. Сизчи сиз? 30 кирмай хамирдек кўпириб кетгансиз))
Келинг, 90 килодан 70 килога тушган одам сифатида, мен ҳам ошсиз яшолмайдиган одам сифатида, нонни ҳам нон билан ейдиган одам сифатида, яхши овқат ва хотинча бўлса бўлди, ҳавога ҳам семириб кетадиган зотдан чиққан одам сифатида, Япониядан ўрганганларимни сизга ҳам айтаман. Хоҳлаган нарсангизни енг. Аммо, ниҳоятда кўп ҳаракат қилинг. Мен бир кунда 20 минг қадамга одатланганман.
Японлар "Ҳара ҳачибунме" деган одат бор. Бу дегани қорин 80% га етганда, тўяр тўймас овқатни тўхтатиш дегани. Ниманидир эслатиб юбордими? Пайғамбаримиз Муҳаммад САВ бизга 1400 йил олдин айтиб кетганлар. Қоринни 3 га бўлиб, овқатга, сувга ва ҳавога жой қолдириш кераклигини.
Хулосайи калом, семиришга бошқа бахоналарни излашга ҳаракат қилманг. Нафс ва камҳаракатликдан бошқа нарса эмас. Постни ўқидингизми озишни бошланг. ЯПОНЛАРДА 99 % ФОИЗ КАСАЛЛИКЛАРНИ ОТАСИ - СЕМИЗЛИК деган гап бор. Демак, биздаги кўп касалликларнинг отаси ҳам шу бўлиши мумкин. Онаси эса, тиббиётимиздаги камчиликлар) Холаси эса, "Ҳа, докторлар айтаверади деган дунёқарашимиз", поччаси анави "Бионур табиб") Кундоши -Аптека тизимимиз)) Қолган қариндошларини сиз давом эттиринг...
Эе велиб кетсин, ўладиган дунёда диета пиета қилиб ўзингизни қийнаманг. Ҳаракатни кўпайтиринг, тамом.
Хурмат билан, черезчур келишган йигит Баҳодир Ниппоний)
https://t.me/BahodirIskandarov
Ассалому алайкум, дўмбоққина ўқирманлар.
Бугун сизлар билан қаттиқ мавзуда гаплашамиз) Шу десангиз бугун "Кенкоу шиндан" га бордим. "Кенкоу шиндан" дегани. Бир йилда бир марта оёқни учидан сочни учигача тиббий кўрикдан ўтказиш дегани. Японлар бу тизимни жуда чиройли йўлга қўйишган. Туғилгандан бошлаб боғча, мактаб, университет, ишхонадагилар ҳамма бир йилда бир марта мажбурий тиббий кўрикдан ўтказилади. Таниш медсестрани олдига бориб, "СУЗУКИ опа, мана бу 50 минг сумни олиб, соппа-соғ деган 086 формани қилиб беринг" деёлмайсиз. Десангиз, ўша медсестра шпритсда ҳаво жўнатиб, коррупцияга ботган умрчангизга нуқта қўйиб қўяди😁
Хуллас, бордим текширтирдим. Ҳамма жой яхши чиқди-куя, "Бир йил олдинги вазнингдан 2 кг семирибсан. Бу вазн сен учун жуда мос вазн. Аммо, ҳозирдан эҳтиёткорликни бошламасанг, кейинги йилгача 5-6 кг семиришинг мумкин" деб айтди. Бир йил олдин 73 кг эдим. Ҳозир 75 кг бўлибман. Японлар шунинг учун ҳам семизмасда) Ҳар йили сизда "Обеситй" (семизлик) хавфи бор деб огоҳлантириб туришади.
Японларни семирмаслигини яна бир сабабларидан бири, ҳар бир ейдиган овқатини калориясини билишида. Болалигидан "Калория ҳисоблаш" деган маданият ўргатилади. Ҳар бир Япон боласи сабзида неччи калория, гуруч неччи калория билиб ўсишади. Бирга ишлайдиган Японлар ҳам қачон қарама мана бунда бунча калория бор. Бунда бунча калория бор деб ҳисоблаб ейишади. Дўкондан оладиган овқатларда ҳам, ошхонадаги овқатларда ҳам калорияси, таркиби ҳижжалаб ёзилган бўлади. "Абдуҳошим ака, битта ош" десангиз, ёнига битта қоғозчада "Бу ош 7000 калорияга эга, буни егандан кейин қоринни қаппайтириб ётмасдан, 20 минг қадам юришинг керак. Фалон қадам югуришинг керак" деб олиб келгандек гап.
"Ия, нималар деябсан? Ота-бобом ош еб катта бўлган" дейишга шошилманг. Ота-бобонгиз ош еб катта бўлган бўлса ҳам, ошни энергиясини меҳнат билан чиқариб юборишган-да. Кетмон билан ерни жигарини суғуриб олишган. 4 та хотин 17 болани боқишган. Кўп ҳаракат бўлишган. Сизчи сиз? 30 кирмай хамирдек кўпириб кетгансиз))
Келинг, 90 килодан 70 килога тушган одам сифатида, мен ҳам ошсиз яшолмайдиган одам сифатида, нонни ҳам нон билан ейдиган одам сифатида, яхши овқат ва хотинча бўлса бўлди, ҳавога ҳам семириб кетадиган зотдан чиққан одам сифатида, Япониядан ўрганганларимни сизга ҳам айтаман. Хоҳлаган нарсангизни енг. Аммо, ниҳоятда кўп ҳаракат қилинг. Мен бир кунда 20 минг қадамга одатланганман.
Японлар "Ҳара ҳачибунме" деган одат бор. Бу дегани қорин 80% га етганда, тўяр тўймас овқатни тўхтатиш дегани. Ниманидир эслатиб юбордими? Пайғамбаримиз Муҳаммад САВ бизга 1400 йил олдин айтиб кетганлар. Қоринни 3 га бўлиб, овқатга, сувга ва ҳавога жой қолдириш кераклигини.
Хулосайи калом, семиришга бошқа бахоналарни излашга ҳаракат қилманг. Нафс ва камҳаракатликдан бошқа нарса эмас. Постни ўқидингизми озишни бошланг. ЯПОНЛАРДА 99 % ФОИЗ КАСАЛЛИКЛАРНИ ОТАСИ - СЕМИЗЛИК деган гап бор. Демак, биздаги кўп касалликларнинг отаси ҳам шу бўлиши мумкин. Онаси эса, тиббиётимиздаги камчиликлар) Холаси эса, "Ҳа, докторлар айтаверади деган дунёқарашимиз", поччаси анави "Бионур табиб") Кундоши -Аптека тизимимиз)) Қолган қариндошларини сиз давом эттиринг...
Эе велиб кетсин, ўладиган дунёда диета пиета қилиб ўзингизни қийнаманг. Ҳаракатни кўпайтиринг, тамом.
Хурмат билан, черезчур келишган йигит Баҳодир Ниппоний)
https://t.me/BahodirIskandarov