Murojaatlar deputat nazoratida

Xalq deputatlari Olmazor tuman Kengashi deputati Sh.Umarxodjaeva, tuman ekoinspektori, faol fuqarolar ishtirokida Olmazor tumani Damashi kanaliga quvur orqali loyqa suv oqayotganligi yuzasidan o‘rganish o‘tkazildi. Murojaatda keltirilgan muammolar qisman tasdiqlandi.

Ko‘p qavatli bino qurayotgan "Neo Constarction premium" MChJ qurilish jarayonida yer osti suvlarini kanalga oqizayotganligi aniqlandi.

Mas’ul mutaxassislarni jalb qilgan holda laboratoriya tahlillari o‘tkazilib, qurilish maydonchasidan olingan drenaj suvi kimyoviy tahlil qilindi. Natijaga ko‘ra, suvning tarkibidagi kimyoviy moddalar ruxsat etilgan konsentratsiya talablariga javob berishi va loyqa suv tarkibidagi qattiq moddalarning cho‘kuvchi qismi me’yoridan ortiq ekanligi aniqlandi.

Ushbu holat deputat va jamoatchilik nazoratiga olingani ta'kidlab o‘tildi.

✅Facebook | 🌐Instagram |🌐 Web site | 📹You Tube