EA || Personal blog🖋️🧠🪐

1 tasi amalga oshdi✔️
O'zimni birinchi bemorim bor. Insult. 3 kunda o'zgarish ko'rindi. Yaxshi bo'lyapman deb tinmasdan rahmat aytyapti. Haqiqatdan ham yaxshi bo'lyapti.

Bugun konferensiyaga (ziyofatga) bordim. 5 xil ovqat opkelishdi. Somsa va kavatakdan boshqalarini nomini bilmadim. (Mashetta aytib o'tib ketay kotletni ustiga pomidor va pishloq qo'ygan oshpazni faqatgina gulxan poklaydi).
Endi tugadi ketsak kerak deb tursam meva olib keldi. E yemayman meva dedimda qolganlarni qorni to'yishini kutdim. Meva yeb bo'lindi. Ana endi bitta duo qilinadi desam, 2 - ni opkelishdi. Buni nomini bilaman - qozonkabob. Ha onasini emsin bu ikkinchisi bo'lsa undan oldingilari nechanchisi edi🤦‍♂️ Yedik iloji yo'q.

P.s: man shu paytgacha yomon ko'radigan ovqatim yo'q deb yurardim ekan. Hom baliq (селеденка) va anavi kotletni ustiga pomidor va sir qo'yilgan ovqat yoqmasakan manga.

P.s 2: Takoy yevropa taomlari bo'yicha shef po'vir (oshpaz) bo'lish uchun unaqa alohida kurslarda o'qib, 4-5 yil yevropa oshxonasida yurish shartbasakan. Oshxonada qo'linga kirgan narsani sal chiroyliroq qilib taxlab, mana man degan zo'r restoranda qimmat idishga solib stolga tortsang, sen qanaqadir italyancha rebachelli yoki fransuzcha korolevskiy bir nima tayyorlagan N1 oshpazsan.

Hayotim qandaydir zerikarli bo'lib ketyapti. Bironta maqsad qo'yib shunga harakat qilmasam juda dangasa, bekorchi bo'lib boryapman. Yapon tilini o'rganaymikin?

Italiya A seriyasi Angliya primer ligasidan qiziqroq ekan xullas.
(2 ta Husanov o'ynagan taqdirdayam)

Тааак...
O'qishdan "atchisleniya" qivorishsa, bundan buyog'iga nima qilsa bo'ladi? Variantlarni ko'rib chiqamiz.

A) Kollej - pollejdan ish topib dars berish

B) Hozir ishlayotgan joyimda qolib ishlayverish

C) Bironta chet davlatga magistraturaga ketish

D) Tumanga qaytib balnitsada ishlash

E) Samarqandda "vodiy osh" ochib boyib ketish

Ehhe. Variantlar ko'pakanku. O'zim borib ariza yozaymikin mani talabalar safidan chetlashtiring deb😄

Hayotimga biron qiz kirib kelib, hamma referatlarimni yozib berib, keyin asta chiqib ketsa...

Bo'limda insult o'tkazgan taxminan 55-60 yoshlardagi amaki yotipti. Unga ayoli qarayapti. Amaki juda katta odam. Vazni og'ir. Ayoli esa 3 yarim yildan beri qarar ekan. Erini bitta qo'li va 1 ta oyog'i ishlamaydi. (Gemiplegiya) Xola erini bir qo'lidan tutib xojatga yetaklaydi, ovqatlantiradi, og'zidan suvi oqsa artadi, qo'l oyoqlarini massaj qiladi. Yuring sevgilim, qadam tashlang, dadil bo'ling deb majburlab yurgazadi.

Boshqa xonada traktorni ustidan tushib ketib ko'krak umurtqalari singan va beldan pasti ishlamay qolgan 40 yoshlardagi aka yotibdi. Unga xotini qarayapti. Traktordan tushib ketganiga ancha vaqt bo'lgan.

Man bilaman ikkala bemorni kasaliniyam davosi yo'q. Lekin umid hech qachon o'lmaydi. Muhimi ular hozir tirik, ular birga, ular nafas olishyapti, ko'zlari ko'zlariga tushyapti, ovozlarini eshita olishyapti, birini qo'lidan boshqasi ovqat yeyayapti. Keyin nima bo'ladi? Biri o'ladi, boshqasi qoladi. Lekin bu ahamiyatsiz. Muhimi ular hozir birga.

Бо рузи соли нав табрик мекунам🌲😁

Qo'lida bolg'asi bor odamga hamma joyda yaxshi qoqilmagan mix ko'rinaveradi.

Nexus kitobi haqida qisqacha tushuncha paydo bo'lishi uchun uning mundarijasini beraman.

Nexus. Axborot tarmoqlarining tosh davridan sun'iy intellekt davriga qadar qisqacha tarixi.

I - qism. Inson tarmoqlari

1- bob. Axborot nima?
2 - bob. Hikoyalar (inson tarixda to'qigan afsonalar haqida gap ketyapti manimcha. Xuddi Troya kabi). Cheklanmagan bog'lanishlar.
3 - bob. Hujjatlar. The Bite of the Paper Tigers (buni tarjima qilolmadim)
4 - bob. Xatolar. Bexatolik fantaziyalari.
5 - bob. Qarorlar. Demokratiya va totalitarizmning qisqacha tarixi.

II - qism. Noorganik tarmoqlar

6 - bob. Yangi a'zolar (guruh a'zolaridek gap). Qanday qilib kompyuterlar printerlardan farq qiladi?
7 - bob. Tinimsizlik. (Doimiylik) Internet doimo ochiq.
8 - bob. Noto'g'rilik. Internet tez tez xato qilib turadi.

III - qism.

9 - bob. Demokratiyalar: Biz aloqalarni saqlab qolamizmi?
(Manimcha xalqaro munisabatlarni nazarda tutyapti)
10 - bob. Totalitarizm. Hamma kuch algoritmlarga qaratilganmi.
11 - bob. Nozik parda: Global imperiya yoki global parchalanishmi? (Xalqaro siyosat qanday tus oladi? Insoniyat birlasha oladimi? Diniga, irqiga, jinsiga qarab ajratmasdan. Biz hammamiz birgalikda insoniyatmiz deb tan olib, yer kelajagi yo'lida birlasha olamizmi? Oldimizda turgan sun'iy intellekt, 3 - jahon urushi, global isish va tabi'at ifloslanishiga qarshi birga harakat qila olamizmi? Yoki hammamiz parchalanib ketamizmi? Demoqchi.)