Дунёнинг ишлари

Дунёнинг ишлари ўйлатар чунон,
Бир ҳолга ҳайратим бисёрдир, инон:

Донони донолар тушунмай ўтди...
Нодонни бунча тез илғайди нодон?!

Хайрулла Хамидов

Ёлғизликка кўниб бўлган у,
Тегманг, тинчи ўзига керак.
Чин бўлмаса сиздаги туйғу,
Сиздан кейин оғрийди юрак!

Ёлғизликка кўниб бўлган у,
Бузманг яшар сукунатини.
Юзларида омонат кулгу,
Бахт қизғанган мурувватини!

Тегманг унга, ҳолига қўйинг,
Обдон эзиб бўлган қисмати.
Ўтаб юрар минг йилдан бери,
Хижронларнинг оғир хизматин!

Кўнглингизни бунча тош қилманг,
Сирти бутун, ичи тўкилган.
Қоялардек тикдирсиз балки,
Унинг қадди ҳамон букилган!

Майли юрсин битта бечора,
Борлигини олманг сиз малол.
Битта қотил сўзингиз билан,
Тирилмайди қайта, эҳтимол!

Майли юрсин битта бечора...

Малика Тавфиқ

Аёл киши бора-бора болтага айланади, агарда унинг ёнида тўнка бўлса...

https://t.me/dunyoning_ishlarichi

Малла сочли малла қизалоқ,
Малла сочли мовий кўзлари мунчоқ,
Малла сочли малла қизалоқ,
Малла деб эркаласам қилма ноз фироқ!

Отабек Муҳаммазохид

"Алламжонов айбдор" деган китобни ўқимаганмисизлар?

Нега Комил Алламжонов ўз китобини "Алламжонов айбдор" деб номлаган?

Жавобларни изоҳларда ёзинг.

Ўзгидромет прогнозларига кўра, ҳафта охирида мамлакатнинг водийдан ташқари барча ҳудудларида ёмғир қорга айланиши мумкин.

АНДИЖОН, НАМАНГАН, ФАРҒОНА ВИЛОЯТЛАРИ

Ҳаво булутли бўлади.
29 ноябрда ёғингарчилик бўлмайди.
30 ноябр - 1 декабрда баъзи жойларда ёмғир ёғади.
Баъзи жойларга туман тушиши мумкин.

29 ноябрда кечаси +2+7°, кундузи +12+17°
30 ноябрда кечас +2+7°, кундузи +7+12°
1 декабрда кечаси 0+5°, кундузи +3+8°

#Ҳаётий ҳикоя
“Тўйчибой”

Тўйчибой тўй қиладиган бўлди: суннат тўй...
“Сабзи тўғрар”га келган маҳалла оқсоқоллари “юз кило гуруч дамлаш шартми, ўзингизни қийнамай қўя қолинг”, деган эди, астойдил хафа бўлди:
– Нима, мен одаммасманми? Ўзимга яраша орзу-ҳавасим бор, улфатларим бор...
Мен ҳам юртнинг ошини еганман...
...Шундай бўлди... Юз кило эмас, юз йигирма кило ош дамланди...
Тонг отмасдан ҳофизлар хониш қилди...
Гурас-гурас одамлар келди...
Тўйчибой “юз йигирма кило ошнинг тагида бир капгир қолмаганини” гапириб юрди...
...Икки ҳафталардан кейин уйида қий-чув бўлиб қолди. Ўзи бақирган, хотини додлаган...
Ҳарқалай, қўшни... Чиқдим.
Қарасам, Тўйчибой ток сўри тагида турибди. Кўзлари бежо. Нуқул бир гапни такрорлайди: “Ўзимни ўлдирсам, қутуламанми? Ўлиб кетсам, қутуламанми санлардан?!”
Янга нарироқда шумшайиб турибди.
– Тўй қиламан деб бўғзимгача қарзга ботдим! – деди қўшним чинқириб. – Мени хонавайрон қилмоқчимисан?! Ўзимни ўлдириб қўя қолай!..
Янга мени кўриб бир қадар таскин топди, шекилли, эрини юпатди:
– Қўйинг, дадаси, ўзингизни босинг... – Кейин айвонга қараб мушт дўлайтирди: – Сан қиз ўлгурга қачон ақл киради-а?! Ман буни нонга чиқарсам, китоб обкебди!.. Ҳаҳ, ўша санга китоб ўқишни буюрган ўқитувчингнинг уйига ўт тушсин! Саккиз юз сўмгаям китоб оладими, жувонмарг?! Китоб санга ош билан нон бўлармиди, ер ютгур!
...Қўшнимнинг еттинчими, саккизинчими синфда ўқийдиган қизига энди кўзим тушди. Қизалоқ айвон устунига суяниб турар, кафти билан юзини тўсганча унсиз, ўкиниб-ўкиниб йиғлар эди...
Индамай чиқиб кетдим.
...Ростини айтсам, умримда биринчи марта... ўзбек бўлганимга уялдим...

© Ўткир Ҳошимов,
Ўзбекистон Халқ ёзувчиси

Каналга уланиш:
👉https://t.me/dunyoning_ishlarichi

#қайроқи_гаплар

Дунёнинг ишлари қизиқ: кимнингдир омади чопса, бошқа бирининг аллергияси қўзийди.

***
Ҳаёт курашларида кўпроқ кўнгиллилар жароҳат олади.

***
Замонга муносиб қадам ташлаш учун бақувват оёқларнинг ўзи камлик қилади – бош ҳам керак.

***
Гоҳида биргина бошлиқни хотиржам қилиш учун бутун жамоа безовта бўлишига тўғри келади.

***
Бемор шифокор ёзган дорилар рўйхатини кўриб, сергак тортди, дориларнинг нархини эшитиб... дардини унутди.

***
Шифобахш гиёҳлар, албатта, фойда қилади: беморга бўлмаса... бошқа кимгадир...

***
Лотерея ўйинларидан бойиб кетиш мумкин: ўйнаганлар бўлмаса ҳам ўйнатганлар.

✍ Ҳабиб СИДДИҚ.

Каналга уланиш:
👉https://t.me/dunyoning_ishlarichi