Type to search
Advanced channel search

Postal

Мульти-бот с премиум emoji Постинг+приветствие!
img
ad

Продам канал с доходом 138090

Всего за 55 000. Срочно нужны деньги.
img
ad

Telegram Analytics

Subscribe to stay informed about TGStat news.
img
ad

Дўконшунос

@dukonshunos
Channel's geo and language: Uzbekistan, Uzbek

✅ "Dookan Xpert" жамоасидан савдо ва даромадни каррасига ошириш бўйича сара маслаҳатлар.
🟢 Озиқ-овқат, кийим-кечак дўконлари, чакана савдо, хизмат кўрсатиш шохобчаларини юритиш бўйича фойдали канал.

Related channels
Channel's geo and language
Uzbekistan, Uzbek
Category
Business and startups
Statistics
Is this your channel? Confirm Канал в реестре блогеров РКН? Confirm Channel history
Posts filter

Дўконшунос

21 Jan, 17:46

Open in Telegram Share Report
Мисол: Термос-кружка сотаяпмиз (давоми) .

☕️ Агар аудитория ишга қатновчи офис ходимлари бўлса: "Бу кружка сизга узун йўлларда ва кун давомида қаҳвангиз иссиқлигини сақлаб беради."

☕️ Уй бекалари бўлса: "Эрталаб тайёрлаган чойингиз фарзандларингиз то мактабдан келгунича ҳам иссиқлигича қолади."

☕️ Саёҳатчилар учун: "Бу кружка узоқ саёҳатларингиз давомида қайноқ ва хушбўй кофе хароратини ҳис қилган ҳолда доимо ҳаловат ва қулайликда бўлишингизни таъминлайди"

✅ Ҳикоя сотуви: Маҳсулотни мижоз хаёлида унинг ҳаётига олиб кириб қўйиш санъати, токи қайтиб чиқаролмасин 😅
49 0 0 6
Дўконшунос

21 Jan, 17:17

Open in Telegram Share Report
Ҳикоя сотуви: Storyselling (1)

Мижозлар "нимани сотиб олдим?" деган саволдан кўра, "нега сотиб олдим?" деган саволга жавоб топишни афзал кўришади.

🎭 Ҳикоя сотуви нима?

Бу — маҳсулотни қаҳрамон қилиб кўрсатиш санъати! Маҳсулот тарихини, унинг хусусиятларини, афзалликларини ҳикояга айлантириш орқали унинг қадрини бир неча баробарга ошириш мумкин.

Сотиш учун фактлар керак, лекин сотиб олиш учун ҳиссиётлар ишлайди. Ҳикоялар орқали маҳсулот эмас, ҳиссиётлар сотасиз.

Мижоз "қалбига" кириш учун унинг ҳаётини, эхтиёжларини тушунинг. Ҳар бир ҳикоя — айнан уларнинг муаммолари, кутилмалари ёки орзуларига жавоб бўлиши керак.

®️ "Dookan Xpert"
49 0 0 2
Дўконшунос

21 Jan, 09:20

Open in Telegram Share Report
"Uzum"ни ким синдиради?

🗣️ Таҳлилчилар фикрига кўра, келгусида Uzum каби барча онлайн маркетплейсларни Номарказлашган Савдо модели ўйиндан чиқариши кутилмоқда. Ушбу модель Web3 блокчейн технологияларига асосланади.

Бу қандай ишлайди?

🍇Тасаввур қилинг, сиз қишлоқда узум етиштирувчи фермерсиз, ва сиз етиштирган узумингизни шаҳарга сотмоқчисиз. Анъанавий савдо моделларида, сиз узумингизни сотиш учун бирор воситачидан ёрдам оласиз. У воситачи сизга бозорга кириш ва сотиш бўйича хизмат кўрсатади, лекин бу учун комиссия олади. Онлайн савдода бугунги кунда бу ишни онлайн маркетплейслар бажаради. Худди Uzum маркетплейси каби.

🤝 Номарказлашган савдо моделини қўллаганда, сиз воситачига муҳтож эмассиз. Сиз тўғридан-тўғри харидорлар билан алоқа ўрнатиб, ўз узумингизни блокчейн орқали шаффоф ва хавфсиз сотишингиз мумкин. Барча келишувлар смарт-контракт орқали автоматик амалга оширилади, ва сиз пулни комиссиясиз тўғридан-тўғри оласиз.

🛒 Бу модел воситачиларни ўйиндан чиқариб ташлайди, бу эса сотувчилар ва харидорлар учун тезкор, арзон ва оддий савдо жараёнини яратади.

®️ "Dookan Xpert"
72 0 2 2 4
Дўконшунос

20 Jan, 13:19

Open in Telegram Share Report
Трамплар оиласи ва крипто валюталар

💸 Сайланган АҚШ президенти Трампнинг рафиқаси Мелания ўз криптовалютаси "Melania" чиқарилганини эълон қилди.

💸 Қизиғи, бу хабардан кейин Дональд Трампнинг аввалроқ эълон қилинган "Trump" номли криптовалютаси курси бозорда $70 дан $40 гача тушиб кетган.

®️ "Dookan Xpert"
84 0 0 3
Дўконшунос

20 Jan, 08:56

Open in Telegram Share Report
Мижоз калишини кийиб кўринг!

👞 Инглиз тилида "Walk in your customer's shoes" деган ибора бор. У маҳсулот ёки хизматга мижоз кўзи билан қаранг, деган маънода ишлатилади.

Starbucks собиқ Бош ижрочи директори Ховард Шульц компания филиалларидан бирида оддий бариста бўлиб ишлаш орқали "мижоз калишини кийиб кўради".

Мижозлар хоҳиш истаклари, талаб ва кутилмаларини яқиндан ўрганган Шульц машҳур "Учинчи жой" концепциясини ишлаб чиқади (Уй - Ишхона - Starbucks). Бу ёндашув кейинчалик компанияга катта муваффақият олиб келади.

®️ "Dookan Xpert"
85 0 0
Дўконшунос

20 Jan, 07:55

Open in Telegram Share Report
Forward from: Beasyness
CRM бу чойхоначи "Салим тақамўйлов"

👨🏼‍🦳 90-йилларда маҳалламизда халқ орасида "Салим тақамўйлов" деб чақириладиган чойхоначи бўларди.

🫖 У чойхонасига Махмуд қора келса, ундан сўраб ҳам ўтирмасдан новвотли аччиқ қора чой дамлаб келарди.

🎲 Нарда чемпионлари Жумадилла эски билан Носир танкага эса, сўрашса-сўрашмаса, ҳовлидаги катта мажнунтол тагидан жой қилиб берарди.

🎶 Хосил домла келишлари билан у киши ўтирадиган жой яқинидаги карнайдан "Чўли Ироқ" куйи янграй бошларди.

🙂 Хуллас калом, Салим тақамўйлов ҳар бир мижоз хоҳиш-истаклари ва ёқтирадига нарсаларини ёддан билар ва уларни бажонудил ва сўзсиз муҳайё қиларди. Ҳамма ундан рози, ҳамма ундан миннатдор эди.

🧠 Замонавий бизнесда сизнинг минглаб мижозларингиз бор. Ҳар бир мижоз хоҳиш-истаклари ва ёқтирадиган нарсаларини ёдда тутиш имконсиз. Ҳатто Салим тақамўйловникидек феноменал хотира ҳам ёрдам беролмаса керак...

🧠 Бугун барча мижозлар тўғрисидаги қимматли маълумотларни тўплаш, сақлаш ва шу асосда мижозга хизмат кўрсатиш сифатини юқори даражада ушлаб туриш вазифасини замонавий CRM - Customer Relationship Management аъло даражада уддалайди.

CRM тўғрисида батафсилроқ маълумот олиш учун, албатта гугллаб кўринг.

Бизнесга оид фойдали билим ва ғояларга эга бўлмоқчимисиз? Унда The Beasyness академиясининг телеграм каналига аъзо бўлинг ⬇️
https://t.me/beasyness
87 0 0 3
Дўконшунос

19 Jan, 13:49

Open in Telegram Share Report
Мижоз тажрибаси

❣️ Охирги йилларда мижоз тажрибаси, яъни кўрсатилган хизматдан умумий қониқиш ҳиссининг аҳамияти ошиб бормоқда.

❣️ Walker тадқиқотига кўра, 2025 йилга келиб, мижозлар тажрибаси кўплаб соҳаларда ҳаттоки нарх ва маҳсулотнинг ўзига қараганда ҳам муҳимроқ омилга айланиб бормоқда.

®️ "Dookan Xpert"
85 0 0 2
Дўконшунос

19 Jan, 06:34

Open in Telegram Share Report
Яхши сервис – савдонинг асосий қуроли

⭐️ Бир марта яхши хизмат кўрсатилган мижоз, такроран харид қилиш эҳтимоли 70% дан юқори.

⭐️ HubSpot маълумотларига кўра, яхши хизмат кўрсатиш мижоз сизни кимгадир тавсия қилиши эҳтимоллигини 93% га ошириши мумкин.

Эътибор бердингизми, аслида, бу пост юқорида тушум тўғрисида ёзилган маслаҳатларнинг давоми, шундай эмасми?

®️"Dookan Xpert"
82 0 0 2 4
Дўконшунос

18 Jan, 13:56

Open in Telegram Share Report
Кейс: Маркетингда инфо-баҳона (news hook)

🤔 Нима деб ўйлайсиз, маркетингда шундай қалтис мавзулардан фойдаланиш акс таъсир бермайдими?

ℹ️ Маълумот учун: "Орешник" - Россия томонидан ишлаб чиқилган ўрта масофага мўлжалланган баллистик ракета. Биринчи марта 2024 йил ноябрь ойида Россия президенти Путин томонидан унинг номи тилга олинган. Украина уруши фонида интернет майдонларида ушбу ракета атрофида қизғин муҳокамалар кетмоқда.

®️"Dookan Xpert"
98 0 0 3
Дўконшунос

18 Jan, 08:38

Open in Telegram Share Report
Бизнес-презерватив: Зараркунанда харидорлардан ҳимояланиш санъати 😉

Ҳа, "мижоз ҳар доим ҳақ", лекин баъзида шундай харидорлар учраб қоладики, улар ўз наздида ҳаммадан кўра ҳам "ҳақроқ" бўлади. Уларга қарши "ҳимоя" — яъни бизнес-презерватив қачон ва қандай ишлатилиши ҳақида гаплашамиз.

⚜️ "Менга барча учун бир хил қоидалар аҳамиятсиз, мен VIPман."
✅ Барча мижозларга бир хил стандарт қўллаш орқали бундайлар билан мулоқотда вақтни тежанг. Заракунанда мижозга ёзма стандартларни кўрсатинг ва у ҳамма қатори ҳурматда эканини билдиринг.

😭"Маҳсулотингиз ёмон чиқди, мен уни 5 йил олдин шу ердан олгандим."
✅ Ҳужжатларни тайёр сақланг ва унга тегишли қисмини талаб қилинг: чегирмалар, кафолат шартлари, чек ёки харид далиллари. Фактларсиз "эртаклар"га жавоб бериш шарт эмас.

🆓 "Бепулга ошиқ" харидорлар - "Сиздан олдим, энди бепул етказиб беришингиз керак!"
✅ Қоидаларингиз аниқ ва барча учун бир хил бўлсин. Нарх тўғрисида баҳс қилишдан қочинг. Бу обрўйингизни тўкади.

🥇 Олтин қоида - бундай мижозлар билан баҳс-мунозарага киришманг, ҳаммасини босиқлик билан, лекин аниқ-тиниқ етказинг.

®️"Dookan Xpert"
99 0 0 6
Дўконшунос

17 Jan, 16:53

Open in Telegram Share Report
(Савол-жавоб) давоми - 3

Тушумни кўпайтириш бўйича маслаҳатлар:

1. Ассортиментни кенгайтириш/таъминлаш:

✅ Харидорларнинг эҳтиёжларини тушуниш орқали янги маҳсулотларни қўшинг.
✅ Талабгир маҳсулотларни доимий равишда тўлдириб боринг.

2. Маркетинг ва реклама:

✅ Ижтимоий тармоқларда мақсадли реклама орқали янги харидорларни жалб қилинг.
✅ Доимий мижозлар учун чегирмалар ва акциялар ташкил қилинг.

3. Хизмат сифатини яхшилаш:

✅ Мижозларга тезкор ва хушмуомала хизмат кўрсатинг.
✅ Савдо жойини кўркам ва харидор учун қулай қилинг.

4. Акциялар ва чегирмалар:

✅ Кўпроқ савдо ҳажмини ошириш учун "1+1" ёки "маҳсус нархдаги сетлар" каби акциялар ўтказинг.
✅ Мавсумий чегирмалар ташкил қилиб, мижозларни жалб қилинг.

5. Қўшимча хизматлар:

✅ Бепул етказиб бериш ёки совға қилиб қўшилувчи маҳсулотлар таклиф қилинг.
✅ Харидорлар учун бонус ёки кэшбэк тизимларини яратинг.

☝️ Юқорида келтирилган барча ҳаракатларнинг асосий мақсади савдони ва у орқали тушумни оширишдир.

🫰 Кейинги суҳбатларимизда даромад ва маржани ошириш тўғрисида гаплашамиз.

®️"Dookan Xpert"
97 0 1 5
Дўконшунос

17 Jan, 14:39

Open in Telegram Share Report
Touch-and-Feel

Nielsen тадқиқотларига кўра, биргина товарларни ушлаб кўришга имкон бериш савдони 40% га оширади.

✅ Товарларнинг очиқ намуналарини ташкил қилинг.

✅ Юқори даромадли ҳамда юқори потенциалга эга маҳсулотларни яхши кўринадиган ва қўл осон етадиган жойларга жойлаштиринг.

✅ Мижозларга маҳсулотни бепул синаб/татиб/кийиб кўриш имкониятини тақдим этинг ва уларни бунга унданг.

Бу оддий қадамлар мижозларга қарор қабул қилишни осонлаштиради ва сотувни кўпайтиришга ёрдам беради.

®️"Dookan Xpert"
95 0 1 4
Дўконшунос

17 Jan, 09:58

Open in Telegram Share Report
🙏 Овоз берганларга раҳмат. Хозирча биз тўғри йулда эканлигимиз яна бир бор тасдиқланмоқда.

Агар сиз овоз беришга улгурмаган булсангиз, албатта, овоз беринг.

Кўпроқ обуначининг сўровномада иштирок этиши бизнинг янада ишончли хулоса олишимизга ёрдам беради.
101 0 0 8
Дўконшунос

16 Jan, 13:33

Open in Telegram Share Report
🙏 Азизлар, албатта, овоз беринг. Канал сиз учун юритиляпти.

Холис ва ҳаққоний жавоблар янада фойдали ва қизиқарли маълумотларни улашиб боришимизга ёрдам беради.
131 0 0 6
Дўконшунос

16 Jan, 13:20

Open in Telegram Share Report
⚡️Диққат!!! Сизнинг фикрингиз керак. Биз обуначиларимиз саволларига жавоб бериб боряпмиз. Бу тўғрисида сизнинг фикрингиз қандай?
Poll
  •   ✅ Фойдали бўляпти. Давом эттириш керак.
  •   😶 Чуқурлашиш канални зерикарли қилиб қўйяпти. Саволларга қисқа жавоб берилса яхши бўларди.
  •   ✖️Тўхтатиш керак. Бошқа қизиқарли материалларни кутяпман.
5 votes
130 0 1 2
Дўконшунос

16 Jan, 13:08

Open in Telegram Share Report
Давом эттирамиз - 2

📈 Кўриниб турибдики, биз тушум, даромад, фойда ва соф фойдани кўпайтириш ва камайтиришга хизмат қиладиган омилларни аниқлаб олишимиз лозим.

🔽 Демак, сиз кўриб турган "воронка"ни кенгайтиришга ёки торайтиришга хизмат қиладиган омилларни аниқлаш ҳамда айнан уларга нисбатан чора-тадбирларни ишлаб чиқишимиз керак.

Содда қилиб айтганда:

- Нима қилсак тушум кўпаяди, нималар уни камайтиради?

- Даромадни ошириш учун нималар қилишимиз керак, нималар унинг озайишига олиб келади?

Ва ҳ.к.

Давоми бор.

®️"Dookan Xpert"
129 0 0
Дўконшунос

16 Jan, 09:16

Open in Telegram Share Report
Давом эттирамиз.

💡Демак, асосий мақсадимиз соф фойдани ошириш эканига келишдик.

✅Лекин соф фойда фойданинг бир қисми эканини, фойда эса даромаддан келиб чиқишини ҳам тушунишимиз керак. Ўз навбатида даромад тушумнинг хосиласи эканини англаш лозим.

💡 Кўпроқ тушум ➡️ Кўпроқ даромад ➡️ Кўпроқ фойда ➡️ Кўпроқ соф фойда.

✅ Хулоса: Биз юқоридагиларнинг ҳар бирини, тушумдан то соф фойдагача кўпайтириш чорасини кўришимиз керак.

®️"Dookan Xpert"
115 0 0 3
Дўконшунос

16 Jan, 07:50

Open in Telegram Share Report
🔼 Кечаги саволга жавобларни давом эттирамиз.

🤕 Саволга батафсил тўхталишимизнинг сабаби - бизга кўпчилик шунга ўхшаш савол билан мурожаат қилади. Оғриқ умумий. Масалани батафсил ёритиш барчага бирдек манфаатли бўлади, деб ўйладик.

❗️ Битта постга ҳаммасини сиғдирмадик. Чунки ниманидир тушириб қолдиришга тўғри келарди. Узун пост зерикарли ҳам бўлиб кетарди.

▶️Демак, кетдик!

🤔 Бошланишига юқоридаги чизмани кўриб, мулоҳаза юритишни таклиф қиламиз.

✍️ Изоҳлар бўлса, марҳамат ёзишингиз мумкин. Диалог ҳар доим монологдан қизиқроқ бўлади.

®️"Dookan Xpert"
124 0 1 3
Дўконшунос

15 Jan, 17:44

Open in Telegram Share Report
⚠️ Демак, дафтарда ёки ҳисоб юритишда ҳам бу тушунчаларни биридан иккинчисини фарқлаган ҳолда йўл тутишимиз керак бўлади.

✅ Ёдда тутамиз, асосий мақсад - соф фойдани кўпайтириш.

🔽Кейинги постда айнан шу тўғрисида, яъни "уйга кириши"ни кўпайтириш йўллари тўғрисида гаплашамиз.
131 0 2 4
Дўконшунос

15 Jan, 17:25

Open in Telegram Share Report
Саволга жавоб (1-қисм)

Аввало, даромад билан фойда фарқини тушуниб олишимиз керак. Даромад олиш ҳар доим ҳам фойда қилиш дегани эмас.

Чакана савдода қуйидаги тушунчаларни бир-биридан фарқлаш лозим:

💰Тушум – Маҳсулот сотишдан тушган умумий пул.

💰Даромад – Тушумдан сотиб олиш қиймати чиқарилган маблағ.

💰Фойда – Операцион харажатлар чиқарилганидан кейинги маблағ.

💰Соф фойда – Барча харажатлар, шу жумладан солиқлар чиқариб ташлангандан кейин қолган реал фойда.

✅Бир мисолда ҳамма тушунчани кўриб чиқамиз:

💰Тушум = Сотилган нарх × Сотилган миқдор
Айтайлик: Бир кун ичида 50 дона маҳсулот 100,000 сўмдан сотилди: Тушум=100,000 × 50 = 5,000,000 сўм.

💰Даромад = Тушум − Сотилган маҳсулот қиймати(СМҚ)
Айтайлик: Сотилган 50 дона маҳсулотнинг ҳар бири 70,000 сўмдан харид қилинган: Даромад = 5,000,000 − (70,000 × 50) = 1, 500,000 сўм.

💰Фойда = Даромад − Операцион харажатлар
Айтайлик: Операцион харажатлар (ижара, ходимлар маоши ва бошқалар) 1,000,000 сўм: Фойда = 1,500,000 −1,000,000 = 500,000 сўм.

💰Соф фойда = Фойда − (Солиқлар + Бошқахаражатлар)
Айтайлик: Солиқлар 100,000 сўм ва бошқа харажатлар 50,000 сўмни ташкил қилади: Соф фойда = 500,000 − (100,000 + 50,000) = 350,000 сўм.

⚠️ Кўпчилик дафтарда акс этган тушум ёки даромадни кўради, аслида асосий мақсад соф фойда бўлиши керак. Чунки шуниси "уйга киради" 😊

®️"Dookan Xpert"
135 0 6 4
20 last posts shown.