Joriy yilning 20-22-yanvar kunlari Markazimiz delegatsiyasi Malayziyaning Kuala-Lumpur shahriga tashrif buyurdi. Tashrif doirasida Malayziyaning qator nufuzli tashkilotlari, jumladan, Parlament, Federal sud hamda yetakchi aql markazlari rahbarlari bilan muhim uchrashuvlar tashkil etildi.

💬Mazkur uchrashuvlarda ikki tomonlama hamkorlikning turli yo‘nalishlari bo‘yicha istiqbollar muhokama qilinib, tomonlarning bu jarayonga qo‘shishi mumkin bo‘lgan hissalari batafsil tahlil qilindi. Shu bilan birga, O‘zbekiston va Malayziya o‘rtasidagi hamkorlikni yanada jadallashtirish bo‘yicha aniq va amaliy takliflar ilgari surildi. Uchrashuvlarda, shuningdek, Malayziya tomoniga O‘zbekistonda amalga oshirilayotgan islohotlar yuzasidan taqdimotlar o‘tkazilib, "O‘zbekiston – 2030" strategiyasida belgilangan asosiy maqsadlar va ustuvor yo‘nalishlar haqida ma’lumot berildi.

🤝Safar yakunida tomonlar o‘zaro aloqalarni davom ettirish, yaqin kelajakda qo‘shma samarali loyihalarni ishlab chiqish va amalga oshirish bo‘yicha kelishuvga erishdilar.

Markaz rasmiy sahifalari
Telegram | Facebook | Instagram | Twitter | Youtube