Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Davronbek Tojialiyev sahifasi

@davronbekt
Channel's geo and language: Uzbekistan, Uzbek
Category: Education

Давронбек Тожиалиев — журналист. Ziyouz.com портали асосчиси
Блог: davronbek.ziyouz.com
Facebook: https://www.facebook.com/davronbekt
Twitter: https://twitter.com/ziyouz
Youtube: https://www.youtube.com/@davronbekt

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Канал в реестре блогеров РКН? Confirm Channel history
Posts filter

Davronbek Tojialiyev sahifasi

6 Jan, 16:02

Open in Telegram Share Report
Чўққидан Чотқол тизмасининг Ҳавла, Учтош, Оқтош, Суренота, Кўкбет, Мойғашқон чўққилари салобат билан кўринади.

Тушишда бошқа тарафдан қайтдик. Биздан олдинги чиққанлар йўлни очиб қўйишгани боис жуда тез тушдик. Чўққидан Паркентсойга 1 ярим соатда тушдик.

Батафсил видеоси: https://www.youtube.com/watch?v=qnihXyrNgnQ
Kumushkon – Oltinbel – Nomsiz choʻqqi (2169 metr) | Кумушкон – Олтинбел – Номсиз чўққи (2169 метр)
Йилнинг илк тоғ саёҳатини Кумушкон, Ҳазрати Али бува масжидидан юқорига кўтарилишни бошладик. Олтинбел довонидан ўтиб, денгиз сатҳидан 2169 метр баландликда жойлашган Номсиз чўққига (Обзорный) етиб келдик.
238 1 3
Davronbek Tojialiyev sahifasi

6 Jan, 16:01

Open in Telegram Share Report
Йилнинг илк сафарини Паркент тумани, Кумушкон қишлоғи, Ҳазрати Али бува масжиди олдидан бошладик. Масжиднинг юқори қисмигача асфальт йўл барпо қилишибди. Ана шу асфальт йўл бўйлаб, юқориладик. Тепароқда 20 га яқин икки қаватлик дам олиш коттежлари қурилибди.

Шу ердан Олтинбел довони тарафга бурилиб йўлни давом эттирдик. Бу ёғига арчазорлар бошланди. Тоғнинг кунгай тарафида қор қалинлиги 10-20 см, терскай тарафда эса 1 метргача етади.

Биз бу йўлдан баҳорда Учтош чўққисига чиқишда ўтгандик. Биз боражак Номсиз чўққи ажойиб локацияда жойлашган. У ердан атрофдаги барча тоғ ва чўққилар яққол кўриниб туради. Шу боис чўққини Обзорный деб ҳам аташади.

Денгиз сатҳидан 2169 метр баландликда жойлган чўққигача қарийб 8 километрлик масофани йўлда тўхташлар билан 4 соатда босиб ўтдик. Жами 900 метр кўтарилдик.
225 1 4
Davronbek Tojialiyev sahifasi

23 Dec 2024, 14:35

Open in Telegram Share Report
Сурат ва видеога туширишларни якунлаб, арчазор ўрмон бўйлаб, яна юқориладик. Аввалига катта сўқмоқдан юрдик, сўнг сўқмоқ тугаб, қорда ёпилиб кетган йўлакларни харита орқали топиб, бошқа шаршаралар томон йўлга тушдик. Йўлнинг маълум қисмида ҳамроҳ итимиз олдинга ўтиб, бизга сўқмоқларни топиб берди.

Лашкарак дарёсига қуйиладиган кичик ирмоқларда ҳам бир нечта шаршаралар бор экан. Кичик шаршараларнинг ҳаммаси музлаган. 6 километр йўл босганимиздан сўнг Катта Лашкарак шаршарасига етиб келдик. 20 метр баландликдаги шаршаранинг ташқари қисми тўлиқ музлаган, ичкари қисмидан сув оқмоқда. Музлаган шаршаранинг ҳам такрорланмас гўзаллиги бор.

Қайтишда сой ёқалаб тушдик. Олапар ҳам сафарнинг охиригача бизга ҳамроҳлик қилди.

Батафсил видеоси: https://youtu.be/Qu36r1KMu9Q
Muzlagan Lashkarak sharsharalari | Музлаган Лашкарак шаршаралари
Тошкент вилоятининг Оҳангарон туманида, Қурама тизмаси бағрида бир қанча гўзал шаршаралар бор. Лашкарак қишлоғи яқинида эса 10 дан ортиқ шаршаралар мавжуд бўлиб, қиш пайтида уларнинг деярли барчаси музлайди.
808 1 9
Davronbek Tojialiyev sahifasi

23 Dec 2024, 14:35

Open in Telegram Share Report
Тошкент вилоятининг Оҳангарон туманида, Қурама тизмаси бағрида бир қанча гўзал шаршаралар бор. Лашкарак қишлоғи яқинида эса 10 дан ортиқ шаршаралар мавжуд бўлиб, қиш пайтида уларнинг деярли барчаси музлайди.

Сафаримиз аввалида Кичик Лашкарак шаршараси ва арчазор ўрмонни кўришни режа қилдик. Йўл-йўлакай туристларнинг ёқимтойига айланиб қолган ит бизга ҳамроҳлик қила бошлади. Пастдаги қоровул амакининг айтишича сайёҳлар унга “колбаса бериб ўргатиб қўйган”, шу боис эргашиб кетаверади.

Кичик шаршара тоғнинг терскай тарафида жойлашган. Бу ерларда қор то март ойларигача эримайди. Арчазор ўрмон бағридан нафасни тўлдириб-тўлдириб олиб, шаршарага етиб келдик. Шаршара ва унинг атрофи тамоман музлабди. 10 метр баландликдаги бу шаршаранинг аслида суви кам, лекин сув тушиб музлайвергани учун шаршара баҳайбат ҳолатга тушган.
592 1 4
Davronbek Tojialiyev sahifasi

9 Dec 2024, 14:18

Open in Telegram Share Report
Денгиз сатҳидан 1500 метр баландликдан қуюқ ўрмон ичидан ўтдик. Қорнинг қалинлиги 30-40 см. Ўрмонда дарахтлар орасидан ўтаётиб, ўзингизни эртаклар оламига тушиб қолгандай ҳис қиласиз. Орада қушларнинг майин овози сизни маст қилса, баъзида какликларнинг бирдан ҳуркиб қочишига гувоҳ бўласиз.

Сафарнинг бошиданоқ булут пастга тушиб олган, узоқларни кўришнинг имкони йўқ. Қор тинмай ёғиб ётибди. Қорнинг ёнбош қисмларида совуқ шамол ҳам эсади. Чўққимизнинг юқори қисми кескин кўтарилиш. Бироз қийин, жиддий ҳаракат талаб қилади. Янги ёққан қорда юриш осон эмас – оёқ кийими тишли бўлмаса тойиб кетасиз.

Мингтухум чўққиси усти анча ясси, бемалол юриш мумкин. Денгиз сатҳидан 1952 метр баландликда жойлашган чўққига етиб бориб, шу ерда тушлик қилдик. Ҳаракатдан тўхташимиз билан совуқ ўз кучини кўрсатди. Қўлсоатимдаги термометр -10°C ни кўрсатди.

Бирдан ҳаво очилиб, қуёш кўринди. Кун бўйи булут оралаб юрган шериклар тушликни шартта ташлаб, бу нодир ҳолатни камерага муҳрлашга киришди. Жуда гўзал манзара – биз булутлардан тепада, оппоқ ҳаво уюмини томоша қиляпмиз. Қуёш нурлари қор ва оппоқ кийинган дарахтларни ёритиб, кўзларимизни қамаштиряпти. 20 дақиқача давом этган бу ҳолат ичимизга илиқлик киритди.

Батафсил видеоси: https://youtu.be/GfTQEl2YQco
Mingtuxum choʻqqisi | Мингтухум чўққиси
Мингтухум чўққисига Чимён қишлоғига етмасдан Учтерак ҳудудидан чиқишни бошладик. Чўққида ҳарорат -16 даражагача чиқди.
1.5k 0 14
Davronbek Tojialiyev sahifasi

9 Dec 2024, 14:18

Open in Telegram Share Report
911 0 9
6 last posts shown.