Давлатобод тумани ҳокимлиги | расмий канали

Ўзбекистон Республикаси Президентининг "О.Назировга «Ўзбекистон Республикасида хизмат кўрсатган артист» фахрий унвонини бериш тўғрисида"ги Фармони
—
Указ Президента Республики Узбекистан "О присвоении О.Назирову почетного звания
«Ўзбекистон Республикасида хизмат кўрсатган артист»"

Prezident.uz|Facebook|Instagram|YouTube|X

Диққат! Эълон!

2024-йил 30-январь куни соат 15:00 да Давлатобод тумани ҳокимлиги биноси мажлислар залида Еттинчи чақириқ халқ депутатлари Давлатобод тумани Кенгашининг тўртинчи сессияси ўтказилади.

Сессия кун тартибида Халқ депутатлари Давлатобод туман Кенгаши томонидан бир қатор масалалар тингланиб, муҳим қарорлар қабул қилинади.

Давлатобод тумани ҳокимлиги Ахборот хизмати

Sayt | Telegram | Facebook | Instagram | X | YouTube | Murojaat | Guruh

Давлатобод туманида меҳмонхона бизнеси жадал ривожланмоқда.

Туманда барпо этилган замонавий "IMRAN PALACE" меҳмонхонаси яқин кунларда фойдаланишга топширилиши режалаштирилган. Ушбу лойиҳа умумий қиймати 12 миллиард сўмни ташкил этиб, шундан 5 миллиард сўми "Turonbank" кредити ҳисобига молиялаштирилган. Ҳозирда меҳмонхонада 70 ўринли 35 хона фойдаланишга тайёр. Меҳмонхона тўлиқ қувват билан иш бошлагандан сўнг, бир вақтнинг ўзида 120 нафар меҳмонни қабул қилиш имкониятига эга бўлади.

Мазкур меҳмонхона мажмуаси замонавий стандартларга мос барча шарт-шароитлар билан жиҳозланган. Меҳмонлар учун катта ва кичик конференс-заллар, иккита ресторан, спорт зали ҳамда бошқа қулайликлар ташкил этилган.

Давлатобод тумани ҳокими Анваржон Тожимирзаев меҳмонхонада бўлиб, жараёнлар билан танишди. Меҳмонхонанинг ҳозирги ҳолати, мавжуд муаммолар ва келгусидаги таклифларни ўрганди. Туман ҳокими давлатимиз раҳбари томонидан тадбиркорларга яратилаётган кенг имкониятларни таъкидлаб, меҳмонхонани тўлиқ қувватда ишга тушириш учун ушбу имтиёзлардан унумли фойдаланиш зарурлиги борасида маслаҳат берди.

Шундай қилиб, "IMRAN PALACE" меҳмонхонаси Давлатобод тумани меҳмонхона бизнеси ривожига ўзига хос ҳисса қўшиши ва ҳудудда туризмни янада ривожлантиришга хизмат қилиши кутилмоқда.

Давлатобод тумани ҳокимлиги Ахборот хизмати

Sayt | Telegram | Facebook | Instagram | YouTube

Ҳокимликларда иқтисодий ўқишлар йўлга қўйилмоқда

Ўзбекистон Республикаси Вазирлар Маҳкамасининг 2025 йил 13 январдаги топшириғига асосан, туман ҳокимликлари таркибий бўлинмалари раҳбарлари ва мутахассисларининг касбий малакасини ошириш мақсадида иқтисодий ўқишлар ташкил этилиши белгиланди.

Шу муносабат билан Давлатобод тумани ҳокимлигида тадбир ўтказилиб, унда Ўзбекистон Республикаси Президентининг 2024 йилда “ijro.gov.uz” тизимида йўлга қўйилган назорат топшириқлари ижроси якунлари муҳокама қилинди. Тадбирда ижро интизомини таъминлаш бўйича аниқланган камчилик ва муаммолар ҳамда уларни бартараф этиш чоралари муҳокама қилинди.

Йиғилишда туман адлия бўлими бошлиғи Жўрамирзаев Жавоҳир маъруза қилиб, ҳокимлик таркибий бўлимлари раҳбарлари ва масъул ходимларининг ижро интизомини мустаҳкамлашда шахсий масъулиятига алоҳида эътибор қаратиш лозимлигини таъкидлади.

Шунингдек, тадбирда ҳокимликнинг ижро интизомини назорат қилиш бўлими бош мутахассиси Аширов Азизбек ва Девонхона мудири Нематжон Эргашев ҳам ўз таклиф ва тавсияларини берди.

Мазкур иқтисодий ўқишлар давлат бошқаруви тизимининг самарадорлигини ошириш, ходимларнинг касбий малакасини юксалтириш ҳамда ҳудудларни ижтимоий-иқтисодий ривожлантиришда муҳим аҳамият касб этади.

Давлатобод тумани ҳокимлиги Ахборот хизмати

Sayt | Telegram | Facebook | Instagram | YouTube

Спорт – соғлом ҳаёт гарови

Давлатобод туманида аёллар ўртасида соғлом турмуш тарзини тарғиб қилиш ва уларнинг саломатлигини мустаҳкамлаш мақсадида махсус тадбир ўтказилди. Туман Оила ва хотин-қизлар бўлими ташаббуси билан ташкил этилган ушбу тадбир “Спорт – нафислик ва саломатлик манбаи” шиори остида ўтказилди.

Тадбир доирасида аёллар учун турли бадантарбия машғулотлари ўтказилиб, уларни жисмоний фаолликка жалб этишга қаратилган қизиқарли спорт машғулотлари ташкил этилди. Тадбир қатнашчилари жисмоний фаоллик нафақат соғлиқ учун фойдали эканлигини, балки жамият ҳаётида фаолликни оширишда ҳам муҳим ўрин тутишини алоҳида қайд этишди.

— Мазкур тадбирлардан кўзланган асосий мақсад аёллар саломатлигига эътибор қаратиш, уларнинг жамиятдаги фаоллигини ошириш ҳамда соғлом турмуш тарзини кенг тарғиб қилишдир, — дейди туман ҳокими ўринбосари, Оила ва хотин-қизлар бўлими бошлиғи Д.Набиева.

Шу каби спорт тадбирларини мунтазам ўтказиш орқали туманда аёлларнинг жисмоний саломатлиги ва ижтимоий ҳаётдаги иштирокини янада ошириш мақсад қилинган. Бундай ташаббуслар нафақат саломатликни мустаҳкамлашга, балки жамиятда соғлом ҳаёт тарзини қарор топтиришга хизмат қилади.

Давлатобод тумани ҳокимлиги Ахборот хизмати

Sayt | Telegram | Facebook | Instagram | YouTube

? Мавсумий ишларда банд бўлган фуқароларга пенсия тайинланиши учун ўртача ойлик иш ҳақи қандай ҳисобланади?

“Фуқароларнинг давлат пенсия таъминоти тўғрисида”ги Қонуннинг 31-моддасига мувофиқ:

мавсумий ишларда банд бўлган ходимларга пенсиялар тайинлашда пенсияни ҳисоблаб чиқариш учун олинадиган ўртача ойлик иш ҳақи, ишдаги мавжуд танаффуслардан қатъи назар, меҳнат фаолиятининг охирги 10 йили давомидаги исталган кетма-кет 5 мавсумдаги (пенсия сўраб мурожаат этган кишининг танлови бўйича) қайта ҳисобланган иш ҳақининг умумий миқдорини олтмишга бўлиш йўли билан аниқланади.

➡️ Батафсил

__

🌱 Как рассчитывается среднемесячная заработная плата для назначения пенсии гражданам, занятым на сезонных работах?

Согласно статье 31 Закона «О государственном пенсионном обеспечении граждан»:

при назначении пенсий работникам, занятым на сезонных работах, среднемесячный заработок для исчисления пенсии определяется путем деления общей суммы пересчитанного заработка за любые 5 сезонов подряд (по выбору обратившегося за пенсией) в течение последних 10 лет трудовой деятельности, независимо от имеющихся перерывов в работе, на шестьдесят.

➡️ Подробнее

📞 12-71     🌐 pfru.uz