DANG'ARA AXBOROT-KUTUBXONA MARKAZI

#Baxt_kutubxonasi 🥰📖
Nima uchun "Yashamoq" kerak?
Hayotni yengil-u ogʻir sanaydiganlar oʻqisin. Arzimas tashvishlardan fojia yasaydiganlar, yoʻqotishlar xulosasini emas, faryodini orttiradiganlar oʻqisin.
Pulidan, molidan ayrilib joniga qasd qilishga urinadiganlar, "YASHAMOQ" – imtihon ekanini yaxshiroq anglamoqchi boʻlganlar oʻqisin. Bir inson taqdiri millionlarga oʻrnak boʻlsin. Istaymizki, "YASHAMOQ"ni hamma oʻqisin!
Aziz kitobxonlar ushbu kitob endi kutubxonamizda bor.Kelib bemalol foydalanishingiz mumkin.🥰📗📲

#Bahor🌷🌹💐
Fеvral yopdi asta eshikni,
Chiqib kеtsin dеrazadan dard...
Mana uyga kirdi nur, ifor,
Kirib kеldi ostonadan Mart!

#Zulfiya_tavalludining_110_yilligi🌷📚🌺🌸
Bahorning ilk kuni.🌺📚🌷🌸 Bugun 1-mart Zulfiya Isroilova tavallud topgan kun.
Zulfiya (1915—1996) Oʻzbek shoirasi. Taniqli oʻzbek shoirasi Zulfiya 1915- yilning 1-martida Toshkent shahrida Isroil temirchi oilasida tug'ildi. 1922-yildan 1931-yilgacha maktabda, so'ng 1931 - 1934-yillar orasida qizlar bilim yurtida tahsil oldi. Mehnat faoliyatini juda erta boshlagan shoira deyarli bir umr jurnalistika va nashriyot sohasida ishladi. U 1935 - 1938- yillarda Til va adabiyot instituti aspiranti, 1938 - 1948-yillar mobaynida Bolalar nashriyoti muharriri, Oʻzbekiston davlat nashriyoti bo'lim mudiri, 1953- yildan to 1980-yilga qadar, salkam o'ttiz yil davomida, shu jurnalning Bosh muharriri lavozimida ishlab keldi. Mashhur oʻzbek shoiri Hamid Olimjonning turmush o'rtog'i, o'ziga xos she'riyati biian minglab kitobxonlar qalbini rom etgan iste'dodli shoira Zulfiya 1996-yilning 1-avgustida vafot etdi.

#Zulfiya_tavalludining_110_yilligi

Bugun Dangʻara axborot-kutubxona markazida oʻzbek adabiyotining atoqli vakili, O‘zbekiston xalq shoirasi Zulfiyaxonim tavalludining 110 yilligiga bag‘ishlangan adabiy kecha o‘tkazildi. Tadbirda tumandagi 9-maktabning ijodkor oʻquvchilari oʻz chiqishlari bilan ishtirok etdi.
Adabiy kecha davomida Zulfiyaxonim ijodining milliy adabiyotimiz rivojiga qo‘shgan ulkan hissasi haqida so‘z yuritildi.
Shuningdek, Zulfiyaxonim hayoti va ijodiga bag‘ishlangan videorolik namoyish qilindi. Tadbir davomida yosh ijodkorlar o‘z asarlaridan namunalar o‘qishdi, Zulfiyaxonim merosi haqida fikr almashildi.
Adabiy kecha barcha ishtirokchilarda katta taassurot qoldirdi. Shoiraning boy adabiy merosi hamon kitobxonlar qalbidan munosib o‘rin egallab kelayotgani yana bir bor namoyon bo‘ldi.🌷📲

#Zulfiya💐🌹 #Bahor_keldi_seni_so'roqlab🌷
XX asr o‘zbek she’riyatining zabardast vakillaridan biri, davlat arbobi Zulfiya Isroilova bugungi kun o‘quvchilari uchun yaxshi tanish. Maktab darsliklarida shoiraning qator she’rlarini mutolaa qilganmiz. Vatan, muhabbat, vafo, ezgulik tuyg‘ulariga yo‘g‘rilgan she’rlari barchamizning ko‘nglimizdan munosib joy olgan. Mazkur kitob Zulfiya tavalludining 100 yilligiga bag‘ishlab nashrga tayyorlangan. Undan shoira ijodidagi eng sara she’rlar o‘rin olgan. Aziz kitobxonlar ushbu to‘plamni o‘qib, mutolaa zavqidan bahramand bo‘linglar🥰💐🌹🌷

#kutubxonaga_sayohat
Axborot-kutubxona markazida O‘zbekiston San’at  va  Madaniyat  Instituti Farg‘ona Mintaqaviy  filialining axborot - kutubxona yo‘nalishi talabalari bilan uchrashuv tashkil etildi. Tadbirda Axborot-kutubxona markazi direktori Sayyoraxon Ernazarova, kutubxona xodimlari hamda institut talabalari ishtirok etishdi.
Kutubxona direktori talabalar bilan ochiq muloqot o‘tkazib, ularning fikr-mulohazalarini tingladi.
Shuningdek, talabalarga Axborot-kutubxona markazida kitobxonlar uchun yaratilgan sharoitlar, imkoniyatlar va foydalanuvchilar uchun ko‘rsatilayotgan xizmatlar haqida batafsil ma’lumot berildi.
Uchrashuv  davomida talabalar o‘zlari  uchun kerakli ma'lumotlarga ega bo‘ldi.

#davra_suhbati 👦🏻👩🏻📚
Bugun axborot-kutubxona markazida Qoʻqon shahar 24-maktabning 5 -sinf o‘quvchilari bilan “Bola huquqlari va majburiyatlari” mavzusida suhbat tashkil etildi. O‘quvchilar bolalarning huquqlari, ularning jamiyatdagi o‘rni va burchlari haqida tushunchaga ega bo‘ldi.
Suhbat davomida o‘quvchilarga Bola huquqlari to‘g‘risidagi Konvensiya va O‘zbekiston Respublikasining “Bolalar huquqlari kafolatlari to‘g‘risida”gi Qonuni asosida bolalarning ta’lim olish, sog‘lom yashash, fikr bildirish va himoya huquqlari haqida batafsil ma’lumot berildi. 👩🏻
O‘quvchilar mavzu yuzasidan o‘z fikrlarini bildirdi va savollariga javob oldi. 👦🏻
Suhbat yakunida bolalarga o‘z huquqlarini bilish va unga rioya qilish muhimligi ta’kidlandi.📚