Chortoq tumani hokimligi | rasmiy kanali

"Eng yaxshi maktab direktori yil tanlovi — 2024" g‘oliblari taqdirlandi!

Bugun, Chortoq tumanidagi Maktabgacha va maktab ta'limi bo'limi binosida MegaZiyo o'quv markazi va Chortoq tuman Maktabgacha va maktab ta'limi bo'limi tomonidan tashkil etilgan "Eng yaxshi maktab direktori yil tanlovi — 2024" g‘oliblarini taqdirlash marosimi bo‘lib o‘tdi.

Tanlovda Chortoq tumanida taʼlim va yoshlar uchun xizmat qilgan hamda Prezidentning odilona siyosatini qoʻllab-quvvatlagan yilning eng faol maktab direktorlari taqdirlandi.

Tanlov g‘oliblari:

🥇 1-o‘rin: Sayramov Baxtiyor Mahmudovich (Chortoq tumani ixtisoslashgan maktab direktori) – Dubayga sayohat!

🥈 2-o‘rin: Gopporova Shaxnoza Xonxojayevna (30-sonli umumiy o‘rta ta’lim maktabi direktori) – Zamonaviy monoblok!

🥉 3-o‘rin: Bo‘ronov Alisher Suvonovich (6-sonli umumiy o‘rta ta’lim maktabi direktori) – Rangli printer va skaner!

Taqdirlanganlarni muborakbod etamiz! Yangi 2025-yilda ham o'quv va ilmiy faoliyatda ulkan zafarlar tilaymiz! Ushbu e’tirof va mukofotlar ularni yangi marralar sari ilhomlantiradi, deb ishonamiz.

Chortoq tumanida "Sun'iy Intellekt va zamonaviy texnologiyalar" mavzusida o'quv-amaliy seminar bo'lib o'tdi

Seminar Chortoq tumani Maktabgacha va maktab ta'limi bo'limi hamda MegaZiyo o'quv markazi hamkorligida tashkil etildi.

Tadbir mobaynida MegaZiyo o'quv markazi ta'sischisi Muhammad Elyor Yuldashev,  MegaZiyo o'quv markazi o'qituvchilari AQSh universitetlarida taxsil olgan Ma'muraxon Yuldasheva hamda Janubiy Koreyada o'qigan Navro'za Ergasheva Sun'iy intellekt va zamonaviy texnologiyalarni ta'lim tizimiga integratsiya qilish, o'qituvchilar va direktor o'rinbosarlarining texnologik ko'nikmalarini rivojlantirish va o'quv jarayonini samarali va innovatsion metodlar bilan boyitish yuzasidan amaliy mashg'ulot tashkil etib berdi.

Seminar davomida umumta'lim maktablari direktorlarining o’quv ishlari bo’yicha o’rinbosarlari zamonaviy texnologiyalarni o'qitishda qanday qo'llash, sun'iy intellektdan foydalanishning afzalliklari va uning ta'limdagi o'rni haqida ko'plab ma'lumotlarga ega bo'lishdi.

Чортоқ туманида "Munis" савдо дўконининг филиали ўз фаолиятини бошлади

Мазкур дўкон Наманган вилоятидаги айни шу йўналишдаги савдо марказларининг ўнинчиси ҳисобланади.

Очилиш маросими шоу концерт дастури билан бошланди. Рамзий лента кесилгач, дўкон харидорлар билан гавжум бўлди. Бу ерда 26 та янги иш ўрни яратилди.

– Ушбу дўкон фаолиятининг йўлга қўйилгани ҳар томонлама фойдали бўлди. – Айниқса, бу аҳолимиз учун яхшигина қулайлик ҳисобланади, - деди "А.Навоий" маҳалла фуқаролар йиғини раиси Шуҳратжон Ҳамидов.

✍@chortoqhokimligiuz

Мамлакатимизда яшаётган ҳар бир инсон ҳаёти маҳалла, оила билан узвий боғлиқ. Шундай экан маҳалла обод, хонадонлар тинч, маҳалладошлар аҳил-иноқ бўлса, турмуш янада файзли ва фаровон бўлади. Аслида халқимизга хос миллий ўзликни ифодаловчи урф-одатлар, анъаналарни авайлаб-асраш ва ёшлар тарбиясида муҳим ўрин эгаллашида маҳалланинг муҳим ўрни бор.

Давлатимиз раҳбари томонидан “Маҳалла еттилиги”га қўйилган асосий вазифалардан бири маҳаллаларни ишсизликдан ҳоли ҳудудга айлантиришдир. Чортоқ туманида бу борада барча маҳаллаларда хатлов ўтказилиб, Омбор китоби шакллантирилмоқда.

Маҳаллалар уюшмаси туман бўлими бошлиғи М.Нематиллаев айни йўналишда амалга оширилаётган ишлар билан танишиб, зарур тавсияларини бериб бормоқда.

🔈 “Мен Ғолиб” мусобақасига рўйхатдан ўтиш бошланди

✔️Бугун 3 январь куни Yugur.uz платформасида “Мен Ғолиб” ҳарбий-ватанпарварлик оммавий югуриш мусобақасига рўйхатдан ўтиш бошланади.

✔️“Мен Ғолиб” югуриш мусобақасининг ўзи 12 январь куни “Янги Ўзбекистон” боғида бўлиб ўтади, у ерда мамлакат қуролли кучларининг мингдан ортиқ вакиллари, куч тузилмалари ходимлари, профессионал спортчилар ва ҳаваскор югурувчилар тўпланишади.

✔️Тадбирнинг асосий ташкилотчиси Ўзбекистон енгил атлетика федерацияси ҳамда Ўзбекистон Республикаси Миллий гвардияси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат божхона қўмитаси ва Тошкент шаҳар ҳокимлиги кўмагида ўтказилмоқда. Бош ҳамкор сифатида “Ўзбекнефтгаз” акциядорлик жамияти иштирок этмоқда.

✔️Ватанпарварлик оммавий югуриш мусобақаси 3 км ва 10 км масофада ўтказилади.

✔️Иштирокчилар учун слотларни 8 январгача Yugur.uz платформасидаги ҳавола орқали сотиб олиш мумкин.

✔️Югуриш ишқибозлари якка тартибда, идоравий тузилмалар учун жамоавий мусобақалар ташкил этилади.

Telegram | Facebook | Instagram | Youtube | Медиабанк

“Аёллар дафтари” тизимининг 6-босқичи бўйича йиғилиш ўтказилди

Унда январь ойи давомида “маҳалла еттилиги” томонидан хонадонма-хонадон юриш орқали хотин-қизларнинг муаммоларини ўрганиш ишларини самарали ташкил этиш масалалари муҳокама қилинди.

Йиғилишда вилоятдаги 22 та ҳамкор ташкилотлар мутасаддилари,  шаҳар ва туманлар ҳокимларининг хотин-қизлар масалалари бўйича ўринбосарлари, штаб аъзолари иштирок этдилар.

Вилоят ҳокимининг ўринбосари Д. Якубова ҳамда бошқа масъуллар томонидан "Аёллар дафтари"нинг 6-босқичини шакллантириш бўйича муҳим кўрсатмалар ва йўналтиришлар берилди.

Йиғилишда хотин-қизларни қўллаб-қувватлаш ва уларнинг муаммоларини тизимли равишда ҳал этиш юзасидан зарур чора-тадбирлар белгиланди.

Наманган вилояти ҳокимлиги Ахборот хизмати.