Bookonomics

Inson umrining yetmish besh foizini oʻz tasavvuridan, faqatgina yigirma besh foizini haqiqatlardan kelib chiqib yashaydi. Uning zaifligiyam, kuchiyam shunda.

Remark "Qora haykal".
@bookonomics

Odam oʼz hayotiga u qadar oʼralashib qolsa, badiiy kitob oʼqish ham qiyinlashar ekan.

@bookonomics

Menimcha bugungi kundagi eng kerakli fazilatlardan biri shu "intellectual openness" boʼlsa kerak. Bu soʼz Oʼzbek tiliga toʼgʼridan-toʼgʼri fikriy ochiqlik deb tarjima qilinadi. Bu — insonning boshqalarning fikriga nisbatan tolerant bo‘lishi, ularni eshita olishi, tushuna olishi va hatto kerak bo‘lsa, o‘z qarashlarini ham shubha ostiga qo‘ya olishdir.

Hozir shunday zamonda yashayapmizki, odamlar umuman eshitmay turib faqat oʼz qarashlarini toʼgʼri ekanligini iddao qilishadi. Va oʼz qarashlarini mutlaqo toʼgʼri deb oʼylashadi. Hech qanday tahlil, shubha, inkor yo‘q — faqat “men haqliman” degan pozitsiya. Ammo hayotda hech qanday fikr yoki nuqtai nazar 100% mutlaq to‘g‘ri bo‘lmaydi. Har doim boshqa bir tomon ham bo‘lishi mumkin.

Fikriy ochiqlikka ega odamlar hech qachon “men hamma narsani bilaman” deb o‘ylamaydi. Aksincha, ular boshqa nuqtai nazarlarni ham eshitishga qiziqishadi. “Balki mening fikrim noto‘g‘ridir? Balki tanganing boshqa tomoni ham bordir?” deb o‘z-o‘ziga savol beradigan odamlar bor-ku – ana shular haqiqatdan jasur insonlardir. Chunki o‘z yo‘lini noto‘g‘ri bo‘lishi mumkinligini tan olish — hammaning ham qo‘lidan kelavermaydi.

Sogʼlom fikrlaydigan Insonlarda menimcha intellectual openness bor. Shuning uchun ham atrofingizda shunday insonlarni koʼpaytirishga harakat qiling va oʼz qarashlaringizni shubxa ostiga olishdan qoʼrqmang. Rivojlanish va oʼsish osonroq boʼladi.

Chatgpt maʼlumotlaridan foydalanilgan holda yozildi.
@bookonomics

Bir gapni aytishim kerak, bu kanal hech qanday tijoriy maqsad asosida ochilmagan.😁 Bu kanaldan asosiy maqsad shunchaki fikrlarimni yozib borish va oʼzimda yozish koʼnikmasini shakllantirish. Shu tufayli bu kanalga hech qanday reklama tashlamoqchi emasman hozircha.

Oxirgi bir hafta ichida 3-4ta kishi reklama almashish yoki kanalini reklama qilish toʼgʼrisida yozdi. Shunga aytib qoʼydim:)

@bookonomics

#shunchaki

Harakterimda bir narsa bor, man qaysidir fikrim yoki qarashim xato boʼlishidan qoʼrqmayman. Boʼlishi mumkin albatta. Hammasi mukammal va toʼgʼri boʼlishi kerak degan qoida yoq.

Kimdir aytganidek, inson oʼzini butun hayoti davomida topmaydi, balki u oʼzini yaratadi. Aynan oʼzim uchun qaysi toʼgʼri va qaysi notoʻgʻri ekanligini xatolar qilib oʼrganishim tabiiy.

@bookonomics

#kitobdan_parcha

"Ruhiy xasta-telba yoki uxlayotgan odam tashqi olamni hech qachon holisona idrok qila olmaydi. Biroq barchamiz u yoki bu darajada ruhiy xasta yoki gʼaflatzada odamlarmiz. Barchamiz dunyo toʼgʼrisida noxolis tasavvurga egamiz, narsistik yoʼnaltirilganimiz bois noxolis tasavvurga egamiz.

Bu borada nisbatan kam uchraydigan yoki nisbatan koʼzga kamroq tashlanadigan muammolar shaxslararo munosabatlardagi kelishmovchiliklarda koʼp uchraydi. Qanchadan-qancha ota-onalar farzandi oʼzlarining chizgan chizigʻidan chiqmasligi yoki oʼzboshimchaligiga binoan xulosa chiqaradilar. Farzand ularning yuzini yorugʻ qilish-qilmasligi xususida bosh qotiradilar, holbuki, ular farzandiga faqat oʼzlari turgan tomondan qaramay, uning nimani xohlashi va qanday oʼy hayollar bilan yashayotganini tushunishi yoki loaqal bunga qiziqishi zarur."*

Umuman olganda koʼpchiligimiz atrofdagi insonlar, ularning harakteri haqida noxolis fikrlaymiz. Oʼzimiz turgan tomondan qaraymiz faqat, vaholanki biz ular hozir qanday ahvolda ekanligi, nimalar tufayli bu ahvolda ekanligini haqida aniq tasavvurga ega emasmiz.

Aynan xolis fikrlash va oqilona qaror chiqarish aql-tafakkurning natijasida paydo boʼladi deb aytadi muallif. Ham hissiy jihatdan ham sogʼlom fikrlash orqali biz boshqalarga xolis baho berishimiz mumkin.

*"Sevgi sanʼati" kitobidan

@bookonomics

Odamlar hadik-xavotirda, na qatʼiy hayotiy qoidalari, na eʼtiqodi bor, ularning shunchaki ilgarilashdan boʼlak biron-bir maqsadi yoʼq.

Erix Fromm
@bookonomics

#shunchaki

Xonamga kirganimdan keyin eng sevimli ishim bu, stolimni ustini tozalash boʼladi. Kun davomida dars qilganim uchun hammasi tartibsiz holda boʼladi. Shu payt oʼzim yoqtirgan, yoki oxirgi paytlarda eng koʼp eshitayotgan musiqamni baland qilib qoʼyib, bloknotlarimni, daftarlarimni, ruchkalar-u, har qaraganimda xursand qiladigan kitoblarimni hammasini bitta-bitta salfetka bilan(😅) tozalash menga yengillik va hotirjamlik beradi. Ha doʼstlar, ashnaqa kichik narsalardan ham xursand boʼladigan insonman:)

@bookonomics