Hammadan ortda qolib keting!
Ortda qolish kerak. Odamlardan ajralib qolish kerak. Hech kimga qo’shila olmay qolishingiz kerak.
Bir necha yillar oldin, akademik litseyimiz yotoqxonasida, talabalar bilan kechgi yig’ilishda ustozlarimiz aytadigan gap edi bu. Bir qadam ortga, ikki qadam oldinga shiori bilan harakatlanish haqida tushuncha olar edik.
Shunday vaqtlar bo’ladi, o’zingizni zamon bilan teng yura olmayotgandek his qilasiz. Do’stlaringizga qo’shila olmaysiz. Yoki pulingiz yoki vaqtingiz bo’lmaydi. Topgan pulingizni ta’limga sarflaysiz. Yangi kiyimlar, telefonlar va boshqa ehtiyojlaringizni qondira olmaysiz.
O’rtoqlar bilan uchrashuvlarga, choyxonalarga qatnasha olmay jamiatdan ajralib qolgandek bo’lasiz. Tengdoshlaringiz sizdan o’tib ketgandek his qilasiz. Sababi siz yovvoyilarcha tarki dunyo qilib, vaqtingiz, energiyangiz va pulingizni o’zingizni ustingizda ishlashga va ta’limga sarflayapsiz.
Oradan vaqt o’tadi. Kimdadir ko’proq, kimdadir kamroq. Lekin, albatta natija bo’ladi, o’qishga kirasiz, yaxshi ishga kirasiz, yaxshi lavozimga ko’tarilasiz va siz bir kun tengdishlaringizdan ortda emas, oldinda ekanligingizni tushunasiz.
Aynan shu gaplar bizga kuch berardi va o’qirdik. O’sha gaplarni man bilan bir qatorda eshitgan barcha o’quvchilar hozir o’z yo’lini va jamiatda o’z o’rnini topishgan. Prezident maktablarida dars berishdan tortib yevropa mamlakatlarida PhD qilib yurganlarigacha bor.
Ustozlarimiz haq edi. Bu sizga ham tegishli. Bir qadam ortga ikki qadam oldinga. Keyin, o’zingizga rahmat aytasiz.
⚡️ — ohirigacha o’qidim.
