ᴮᶦᵇᶫᶦᵒᵗᵉʳᵃᵖᶦˢᵗ🌷 ᴮᶦᶰᵗᵘ ᶻᵃᶠᵃʳʲᵒᶰ

Allohim! Sen haqingda yaxshi gumonda bòlishlikni nasib et!

Robbim, ilmimni ziyoda qilgin..!

#review #5th_book_in2025 #Baxt_manzili_yoxud_benazir_imom #Ahadquli_Xolmuhammad_òģli #208bet
Imomi A'zam Abu Hanifa haqlarida juda kòp kitoblar ta'vil qilingan. Har birida alohida òrnaklar va ul zot haqida kòplab ma'lumotlar olishimiz mumkin.
Ushbu risolalardan yana biri yuqoridagi "Baxt manzili yoxud Benazir imom" kitobi bòlib, unda buyuk mazhabboshimiz haqida, u zotning islom ummati uchun qòshgan buyuk hissalari-yu, òrnakka arzigulik hayot yòli haqida hikoya qiladi. Uning tushunarli bòlishiga sabab ham aynan hikoya tarzida yozilib, uchinchi shaxs tomonidan sòzlanganligidan deb bilaman.Imomi Aʼzam R.z. hazratlari haqidagi ushbu moʻjazgina kitobni o‘qib boshlaganimda, Mazhabboshimizning "Ulug‘larning odati odatlarning ulug‘i", deya eʼtirof etgan so‘zlarini muallif Ahadkuli Xolmuhammad o‘g‘lining asarda Hazratimizning go‘zal hayot yo‘lidan birgina ilm olish Va uni tarqatish bobidagi chiroyli odoblari, o‘rnakli odatlaridan o‘quvchiga zarur bo‘ladigan kichik bir qismini yozgani, voqealar rivoji davomli hikoya shaklida yozilganini ham yuqorida aytib òtgandim.Ushbu asarda Imom Aʼzamning ilm olish sirlari, tijoratning oltin qoidalari va u kishining hayotiy tajribalari yoritilgan. Shuningdek, kitobda Imom Aʼzamning shogirdlari va ularning faoliyati haqida ham maʼlumotlar berilganligi ham qimmatlidir.
Har hir hikoyadan gòzal òrnak olishimiz mumkin. Hatto vafot etar choģida ham bir masalaga javob topa bilganlari, nafaqat shogirdlarini balki, u kishining shahid bòlishiga sabab bòlgan hukmdor xalifa ham bunga taajjublanib, òz ishidan pushaymon bòlgani ham, ularning vafotidan keyin ummat qanday insonni yòqotganligiga yana bir misol bòla oladi.

#review #4th_book_in2025 #Islom_diniga_umumiy_tarif #Ali_Tantoviy #336bet
Hech òylab kòrganmisiz, sizning oldingizga kimdir kelib, xòsh menga islomni 1 soat ichida òrgatib qòychi, dwb sòrasa òrgata olarmidingiz?!
Kòpchilik ulamo-yu fuqoholar bu savolga "Yòq" deb javob beradilar, negaki islom:Qur'on fiqh, aqida, usul va shu kabilarni òrganishlik uchun kamida 5 yil vaqt sarf bòladi deyishadi. Ammo Rosululloh S.A.V.ning oldilariga bir qavmdan odam kelsa, uzoģi bir kun Bu Mubarak Zot bilan birga bòlar, kun ohirida òzining qavmini islomdan tòla habardor qila oladigan murabbiyga aylanardi qolardi. Shuningdek, Muhammad sollallohu alayhi vasallam "Jabroil hadisi" ham islom haqida umumiy ma'lumot bera olishini aytib òtganlar. Unda islom, ehson va shunga òxshash masalalar tòla bayon etilgan.
Bundan anglash mumkinki, bunday asar, albatta, ta'lif qilinishi kerakligiga amin bòlgan Tantoviy hazratlari ushbu risolani biz mushtariylarga havola qildilar.
Ushbu kitobni òqir ekansiz, chindan islom diniga umumiy ta'rifni bilib olasiz, in shaa Alloh.
Sababi shu qadar gòzal va mukammal ta'lif qilinganki, islomdan habari bòlmagan inson òqib, -Ha, islom shu qadar gòzal dinmi?, degan fikrga kelishini anglash mushkul emas. Unda Ruhiyat,Jism, ibodatlar, Allohning vahdoniyati, jannat va dòzax tavfisi, qadar masalalari, Qur'ani Karimning buyuk mòjiza ekanligini chuqurroq anglab yetasiz va bu ma'lumotlar shunchaki aytilmasdan Qur'on va sunnatdan aniq dalillar orqali yoritilgan. Aytib òtish kerakki, bu kitobda meni eng òzi tortgan qismi shuki, ba'zi insonlar Islamdagi barcha chaqiriq va qaytariqlarning nima sababdan vorid bòlgani-yu, nima sababdan qaytarilaganini, uning hikmatini bayon etilishini sòrab ulamolarga murojaat qilishadi, tòģri bunga hech qanday raddiya yòq, ammo bu huddi "Siz otasiz va farzandingizga biror yumush buyursangiz, xòsh buning hikmati nima, nega mwnga bu ishni buyurdingiz, agar shularni tavsiflab bersangiz, keyin aytganingizni qilaman yoxud bir askar sarkarda bergan topshiriqqa shunday savollar bilan javob qaytarishiga òxshaydi". Vaholanki, Bu insonlardan kòra Allohning amrlari yuksakroq va bizda haqqi eng uluģ Zotdir.
Shu va shunga òxshash hayotiy misollar va gòzal òxshatisshlar ila ta'vil qilingan kitob,in shaa Alloh sizga ham manzur bòladi, desam adashmagan bòlaman. Fikrimning sònggida, albatta, bu ham yana bir #shaxsiy_tavsiya.

Alloh 4 toifa mavjudot yaratgan:
1.Hech qanday ma'siyatsiz ibodat qiladigan - farishtalar
2.Allohga itoat qilmaydigan - Iblis va shaytonlar.
3. Aql berilmagan, faqat nafsi uchun yashaydigan-hayvonlar.
4. Yuqoridagi har birining shaxsiyati mavjud bòlgan- Odamdir.
Odam yo iblisdek shaxvatga berilgan, yo farishtalardek ibodatgòy va yoki hayvonlardek faqat nafsi uchun yashaydigan bòladi.
©Islom diniga umumiy ta'rif

#review #3rd_book_in2025 #Chunki_Sen_Allohsan #Ali_Jobir_Fayfiy #240bet
Kitobda Allohning go‘zal ism-sifat­lari keltirilib, ularga yondashilgan holda bandaning qalbida yashashga shavq uyg‘otuvchi, dunyo va oxirat sao­datiga yetaklovchi go‘zal fikr va mulohazalar, ib­ratli hikoyalar, hikmatlar bayon qilinadi.
Ushbu risola Alloh taoloning buyukligi hamda Zotiga xos sifatlarini anglagan holda, Unga yana-da yaqinlik, qurbat hosil qilishingizda bir vosita bo‘ladi, degan umiddaman.
Har bir ismi Allohning naqadar "Zoti Sharif" ekanligini anglab yetishimizga kòmakdosh bòla oladi. Har daqiqamiz unga yanada yaqinlashishimiz, hidoyatga bir vasila ekanini anglab yetamiz.
Misollar bilan aytadigan bòlsak, imtihondan qaysidir sabab bilan qolib ketishimiz, kasallik-dard, kambaģallik yoki boshqa musibat ortida aslida hikmat mavjud ekanligiga, u orqali Alloh bizni sinab, Òziga yanada yaqinroq bòlishimizni xohlab, qadarimizni shunday yozganligini anglab yetamiz.
Turli dori-yu darmonlar bòlsa ham, hatto butun dunyo sizni ģamingizni aritish uchun harakat qilsa ham, agar Alloh xohlamasa bòlmasligi, aksincha bòlsa, har yegan luqmamiz shifoga aylanishini bilib olishimiz mumkin.
Xullas, bu kitob ham Alloh vahdoniyatini chuqurroq anglash uchun juda ajoyib kitob va barcha uchun #shaxsiy_tavsiya.

Al-Qoriyb!
Albatta,barcha nusrat undadir.

©Chunki Sen Allohsan

Baliq bolalari bir-necha kmdan onasining oldiga, uyiga boroladi. Xòsh, ularga kim yòl kòrsatadi,albatta, Xodiydir...

Ya Jabbor!
Tilimdagi tugunni yechgin...

Shakur....
Albatta,biz qilgan kichik amal uchun ham Alloh ulkan ajrlar beradi.

Agar u Òzining hifzi ila bizni himoyasiga olmaganda, hech bir kuch yòq ediki, sizni shu satrni òqish davomida quloģingiz kar, tilingiz soqov, kòzingizni kòr,oyoq-qòlingizni nogiron, yuragingiz, jigaringiz faoliyatini yakuni etishidan sizni himoya qila olsa...
©Chunki Sen Allohsan

Latif - jismoniy jihatdan ilojsiz bòlgan narsani Òzining izni ila bor qiluvchi Zotdir.

©Chunki sen Allohsan