Bog‘ot tumani hokimligi

Joriy yilning 13-fevral kuni davlatimiz rahbari raisligida olimpiya va paralimpiya harakatini yanada rivojlantirish, ommaviy sportni yangi bosqichga olib chiqish hamda aholi jismoniy faolligini oshirish chora-tadbirlari yuzasidan o‘tkazilgan videoselektr yig‘ilishida har haftada mahallalarda ommaviy jismoniy faollik tadbirlari oʻtkazib borilishi, bu boʻyicha reyting yuritilib, yil yakuni bilan eng faol oilalarga mashq jihozi berilishi, eng yaxshi mahallalarda sport maydonchalari qurilishi belgilangan edi.

Ana shu topshiriqlar ijrosidan kelib chiqib, erta tongdan Yangi qadam mahallasida ommaviy sportni rivojlantirish va sogʻlom turmush tarzini keng targ‘ib targʻib qilish maqsadida ommaviy jismoniy faollik tadbiri o‘tkazildi.

Kelgusida bu kabi tadbirlarni tumanimiz bo’ylab ishtirokchilarni kengroq jalb qilgan holda muntazam ravishda o‘tkazib borish rejalashtirilgan.

@bogottumanihokimligikanali

Tuman hokimi Jahongir Nazarov boshchiligidagi sektor rahbarlari yoshlar bilan uchrashdi

Ochiq muloqot tarzida oʻtgan uchrashuvda yoshlar tomonidan tadbirkorlik faoliyatini boshlash uchun kredit hamda yer ajratish, yangi ish o'rinlari yaratish orqali ishsiz aholi bandligini ta'minlash singari taklif va tashabbuslar bildirildi. Shuningdek, yoshlarning muayyan faoliyat turi bilan shugʻullanishlari uchun subsidiya va kredit ajratish, bandlik, kadastr kabi masalalar yuzasidan qilgan murojaatlari oʻrganilib, amaliy yordam berish chora-tadbirlari belgilandi.

Uchrashuvda so‘zga chiqqan sektor rahbarlari mazkur muloqotdan ko‘zlangan maqsad, yoshlarning huquqiy salohiyatini yanada oshirish, ijtimoiy-siyosiy faolligini qo‘llab-quvvatlash, muammolarini tinglash va ijobiy hal etish ekanligini alohida ta’kidlab, yaqinda davlatimiz rahbari boshchiligida mamlakatimiz yoshlari bilan o'tkazilgan ochiq muloqotda ilgari surilgan chora-tadbirlar haqida so'z yuritdilar.

@bogottumanihokimligikanali

Bog‘ot tumani hokimi Jahongir Nazarov boshchiligidagi sektor rahbarlari xorijda mehnat qilayotgan yoshlar bilan onlayn muloqot o‘tkazdi. Videokonferensiya aloqa shaklida bo‘lib o‘tgan mazkur uchrashuvda ayni kunda Rossiya Federatsiyasida istiqomat qilayotgan 11 nafar bog‘otlik mehnat migrantlari ishtirok etdi

Jarayonda tumandoshlarimiz tomonidan koʻtarilgan masalalar, muammolarni ijobiy hal etish, zarur hollarda, huquqiy yordam koʻrsatish yuzasidan mutasaddilarga koʻrsatma va topshiriqlar berildi. Uchrashuv davomida koʻtarilgan har bir murojaat shaxsan tuman hokimi tomonidan qatʼiy nazoratga olindi.

@bogottumanihokimligikanali

Endilikda tomorqasini qarovsiz qoldirgan xonadon egalari uch karra yuqori soliq toʻlaydi

Aholi tomorqasi va ijaraga berilgan yer maydonlaridan samarali foydalanish boʻyicha hokim yordamchisi tomonidan har chorakda oʻrganish olib boriladi.

Oʻrganish davomida xonadondagi tomorqa va ijara yerlarida ekin ekilmagan va qarovsiz qoldirilgan boʻlsa quyidagi choralar qoʻllaniladi.

1. Imtiyozli kreditlar ajratilmaydi.
2. Ijtimoiy himoya yagona reyestriga kiritilgan fuqarolar uchun yordamlar (moddiy yordam yoki bola puli kabi) toʻxtatiladi.
3. Yer soligʻi uch karra yuqori miqdorda hisoblanadi.

@bogottumanihokimligikanali

Joriy yilning 20-fevral kuni soat 10:00 da Madaniyat mahalla fuqarolar yig’ini binosida tuman hokimi Jahongir Nazarovning fuqarolar uchun navbatdagi sayyor qabuli bo’lib o’tadi

Batafsil ma’lumot olish uchun telefon: 62-31-52-807.

@bogottumanihokimligikanali

Milliyligimiz va anʼanalarimizni oʻsib kelayotgan yosh avlodga yetkazish muqaddas burchimizdir!

Ayni kunlarda mamlakatimiz boʻylab barcha hududlarda boʻlgani kabi Bog‘ot tumanida ham milliy anʼanalarimizni targʻib etish, milliyligimizning qadr qimmatini yuksaltirish, qadriyatlarimizni ulugʻlash maqsadida Milliy liboslar chelenji oʻtkazilmoqda.

Chunki, millatni dunyoga tanitadigan mana shu milliylik zamirida oʻzlikni anglashdek buyuk haqiqat yotadi. Milliyligimiz, milliy liboslarimiz, nafaqat bebaho madaniy merosimiz boʻlibgina qolmay, milliy boyligimiz va gʻururimizdir.

Qadrli tumandoshlar! Sizni ham milliyligimizni targʻib qilishga chorlovchi ushbu chelenjga taklif etamiz. Barchamiz uchun milliyligimizni kelajak avlodlarga yetkazish - muqaddas va sharafli burchimizdir.

@bogottumanihokimligikanali

O’zbekiston Respublikasi Prezidentining 03.02.2025 yildagi PF-18-son Farmoniga ko‘ra savdoga chiqarilgan 247 ta qishloq xo‘jaligiga mo‘ljallangan yer uchastkalaridan sotib oling!

🔝 Qoraqalpog‘iston Respublikasidan 55 ta (ko'rish)
🔝 Jizzax viloyatidan 17 ta (ko'rish)
🔝 Andijon viloyatidan 93 ta (ko'rish)
🔝 Toshkent viloyatidan 81 ta (ko'rish)
🔝 Farg‘ona viloyatidan 2 ta (ko'rish)

Yangi tartib asosida yer uchastkalarini sotib olish uchun onlayn-auksion savdolarida ishtirok eting.