Jaloliddin .32

O‘qituvchi

Ko‘p muvaffaqiyatga erishgan insonlarning background’iga qarasangiz English tilidan yoki boshqa yo‘nalishda ustoz sifatida faoliyat yuritishgan bo‘ladi.

Bu faoliyat ularning muvaffaqiyatga yetaklagan eng muhim sabablardan bir deb hisoblayman.

Inson hayotida davomida doim kimdirga nimadirni tushuntiradi va bu jarayon doim takrorlanadi.

Endi agar sizda Ustoz sifatida yarm yil yoki bir yillik tajribangiz bo‘lsa, albatta sizda bir narsani insonlarga to‘g‘ri va sodda usulda yetkazib berish ko‘nikmasa shakillangan bo‘ladi. Bu to‘g‘ridan to‘g‘ri kelgusi ishlaringizda zafar quchishingizga sabab bo‘ladi.

Bir narsani bir insonga to‘g‘ri tushuntirib bera olish, unga yetkazish juda kerakli ko‘nikmadir.

Inson Ustozlik faoliyatida nafaqat bu ko‘nikmani balki bundan tashqari insonga hayoti mobaynida kerak bo‘ladigan boshqa muhim ko‘nikmalarni shakillantiradi va rivojlantiradi:

Insonlar bilan muloqot

O‘quvchilaringiz, Ustozlar, rahbariyat qolaversa o‘quvchilaringizni Ota Onalari bilan muloqotga kirishishingiz kerak bo‘ladi va tabiiy bu sizdagi muloqot ko‘nikmasini shakillantiradi.

Insonlar boshqaruvi

Avvalo o‘quvchilaringiz qolaversa agar siz asosiy Ustoz bo‘lsangiz yordamchi Ustozlaringizni boshqarishingiz lozim bo‘ladi.

Vazifa berish va qabul qilish

O‘quvchilaringizga vazifa va topshiriqlar berish, nafaqat berish balki ularni deadline orqali qabul qilib olishni o‘rganasiz.

Jarayon nazorati

O‘quvchilaringizni qanchalik darsni o‘zlashtirayotganlari, vazifalarni bajarilishi, guruh ichidagi muhid, qachon testlar bo‘lishi, kim nimadan qiynalayotgani, kim kimni sevib qolgani ), hullas barcha jarayonlarni nazorati sizning bo‘yningizda bo‘ladi.

Tanqidiy fikrlash

Qaysi o‘quvchiga qanday yondashuv qilish kerak, nima sababdan bu o‘quvchimning speaking natijalari past, nima uchun guruh testdan past ball oldi, shu kabi savollar sizda tanqidiy fikrlashni rivojlantiradi.

Baholash

Insonga kerak bo‘ladigan yana bir ko‘nikma bu baholashdir, chunki bu narsani doim boshimizdan o‘tkazamiz. Nimanidir baholash kerak bo‘ladi. Ustoz sifatida esa siz o‘quvchilarning vazifalari, bajargan topshiriqlari, yozma ishlari va harakatlarini baholashingiz kerak bo‘ladi.

Solishtirish va tanlov qilish

Inson doim bir narsani ikkinchisi bilan solishtiradi yoki ko‘p narsalar o‘rtasida tanlov qilishga majbur bo‘ladi, bunday tanlov qilishda faktlarga asoslanish, shunchaki hissiyotlar bilan tanlov qilmaslik muhimdir va bu ko‘nikmani albatta Ustozlik shakillantiradi.

Doimiy rivojlanish

Agar Ustoz sifatida doimiy ilm olib rivojlanmasangiz dars o‘tishga yaroqsiz holatga kelishingiz tayin. Nafaqat Ustozlikda balki barcha sohalarda ham huddi shunday, yo rivojlanasiz yo tark etasiz.

Bu ba’zi ko‘nikmalar edi, bundan boshqa yana ko‘plab ko‘nikmalar mavjud.

Har bir yoshga shaxsiy tavsiyam shu:

Eng birinchilardan bo‘lib English tilini yaxshilab o‘rganinglar, bu kelajakda sizni ham shaxsiy ham kasbiy o‘sishingizga olib keladi!

Va albatta birinchi faoliyatingizni Ustozlikda boshlang!

Yordamchi Ustoz sifatida ishga kiring, English tili bo‘yicha bo‘lsa nur ustiga a’lo nur!

P.s

Men ham yordamchi Ustoz sifatida 6 oy faoliyat ko‘rsatganman. 500 ming so‘m oylik olar edim)

HR bo‘limida faoliyat ko‘rsatayotgan inson sifatida aytaman:

Qiymat doim ham oylik orqali taqdim etilmaydi, aksincha qiymatning turlari juda ko‘p, lekin bunga doim ham ahamiyat beravermaymiz…

Ishonch

Endi suzishni o‘rgangan bolakay hovuzda bemalol suzyapti. Gap uning suzish ko‘nikmalari shakllanganida emas balki unga ishonch berilganidadir. U bolakayni otasi agar charchasang yoki suzishda qiynalsang seni qutqarib olaman degan ishonchni bergan.

Biz insonlarga ma’lum bir ko‘nikmalardan ta’lim beramiz lekin undan ham muhim bo‘lgan ishonchni bermaymiz! Holbuki ishonch ko‘nikmadan ham zarur edi. Chunki ishonch ortidan insonda ko‘nikmalar shakllanadi.

Inson cho‘kib ketishdan emas, balki cho‘kayotganida unga yordamga keladigan odam yo‘qligidan qo‘rqadi. Odatda biz ayni hodisadan qo‘rqmaymiz.

Endi savol tug‘iladi:

Ishonch insonning o‘zida bo‘lishi kerakmi ?

Yoki inson bir insonga, ota-onasiga, do‘stiga yoki bir yaqiniga suyanish orqali ishonch olishi kerakmi ?

Inson suyanadigan Zot bitta, U yagona va U vakil bo‘lishga eng munosibdir.

Insonning suyanchig‘i Allohdir.

Agar inson Allohdan boshqasiga suyansa yutqazgani o‘sha bo‘ladi.

Siz kimga yoki nimaga suyansangiz ana o‘shandan pand yeysiz.

Siz 1000 yillik toqqa suyangan taqdiringizda ham ana o‘sha tog‘dan pand yeysiz!

Suyanishimiz lozim bo‘lgan Zot Allohdir!

Bir o’zimizga o’xshagan qul va’da bersa yoki ishonch bersa qanchalar ko’kka ko’tarilamiz.

Endi bizni suyanchig‘imiz Alloh bo‘lsa, bizdagi ishonch naqadar buyuk bo‘lishini tasavvur qilavering!

Buyuk Zotning beradigan ishonchi ham buyuk bo‘ladi!

Alloh taolo Qur’on karimning juda ko’p joylarida biz mo’minlarga ishonch bergan:

Muhammad surasi, 7-oyat
Baqara surasi, 186-oyat
Zumar surasi, 53-oyat
Nahl surasi, 97-oyat
Hud surasi, 6-oyat
Taloq surasi, 3-oyat
Zalzala surasi, 7-oyat
Sharh surasi, 5-6-oyatlar

Mana shuncha va’da va ishonch, endi qizig’i shundaki bu va’dalarni butun olamlarni Robbi bo’lgan Alloh bergan!

O‘zingizni va o‘zingiz bilan

Nima uchun o‘zimizni ham g‘iybat qilishimiz "mumkin" ekanligini o‘ylab ko‘rmaymiz?

Birovlarni g‘iybat qilishga ketkazgan vaqtimizni o‘zimizni har bir harakatimizni, har bir og‘zimizdan chiqqan gapni g‘iybat qilaylik.

Nima uchun o‘zimiz bilan tortishimiz mumkin ekanligini bilmaymiz?

Doim boshqalar bilan tortishamiz, eng qizig‘i odatda biz tortishadigan mavzular bir tinga qimmat bo‘ladi.

Uni o‘rniga nima uchun ertalab bomdod namoziga uyg‘onmaganligimiz haqida o‘zimiz bilan tortishaylik.

Eng katta xato

HR bo‘limida faoliyat yuritganimiz uchun ko‘p yoshlar bilan suhbatlashamiz. Ular qilayotgan katta xatolardan bittasi Oliy ta’limga "qiziqqan yo‘nalishi"ga o‘qishga topshirishayotganidir.

Tushuntiraman:

Qiziqish bu juda tez o‘zgarib turuvchidir!

Bugun unga, ertasi kuni esa bunga…

Qizishishlaringiz shunchaki nafsingiz xohishlari bo‘lishi ham mumkin.

Shu sabab bu qiziqishlaringizni aqlingizga solib ko‘ring.

Yoshlar esa nima qilishyapti, kecha qiziqqan yo‘nalishiga bugun Oliy ta’limga o‘qishga kirib yuborishyapti va biroz vaqt o‘tgach bu sohadan umuman so‘vib qolishyapti. Qarabsizki 4 yil umr havoga uchyapti.

Yoshlar 4 yil bu katta muddat!

Avvalo kamida 4 oy faqat yo‘nalishingizni aniqlash payida bo‘ling! Har bir qiziqishingiz ortidan borib uni yaxshilab aqlingizga soling. Amalda shu qiziqishlaringizni qo‘llab ko‘ring.

Bir yo‘nalish haqida xulosa qilib olish uchun, ya’ni sizga mos yoki yo‘qligini bilish uchun Oliy ta’limga topshirishning keragi yo‘q-ku axir.

Siz qiziqqan yo‘nalish uchun avvalo Oliy ta’lim kerakmi?
Bu kasbni o‘rganish uchun qancha vaqt ketadi ?
Kelajakda qanchalik aktual bo‘ladi bu yo‘nalish?

Shu kabi savollarga javob topmay turib bir yo‘nalishga yopishib olmang!

Tanqidiy fikrlashni o‘rganing!
Moslashuvchan bo‘ling!
Dunyo qaysi tomonga ketayotgani haqida fikr qiling!
Hayotdagi maqsadlaringizni aniqlang va bu maqsadlarga siz tanlayotgan kasb ketkaza oladimi shuni tahlil qiling!

Birodarim

Hammada o‘ziga yarasha, ya’ni toqatiga yarasha dardi va muammolar bor. Menda ham bor senda ham bor, dunyodagi eng baxtli odam deb hisoblaganlaringda ham.

Shunchaki buni qabul qilish va davom etish lozim.

Alloh taolo davosi yo‘q dard, yechimi yo‘q muammo bermaydi.

Mana mening dardimga davo yo‘q yoki mana meni muammolarim ham bo‘lmayapti deb aytishingiz mumkin.

Siz haqsiz!

Ular hal bo‘lmaydi!

Chunki siz davoni ham, yechimni ham umuman boshqa joyda izlayapsiz.

Davo va yechim uchun kimga yuzlanayotganingizga ahamiyatli bo‘ling!

Faqat Alloh!

Siz umid qilayotgan inson ham bir quldir.

Imtihon

Tayyorgarlik ko’rmasdan imtihon topshirib chiqqan talaba, tavakkul va nasib haqida postlar yozar ekan )

Dars

Nimanidir amalga oshirish qo‘limizdan kelmaydi. Biz shunchaki sabablarini qilamiz xalos, natijani Alloh beradi.

Eng qizig‘i qanchalik sabablarni mukammal va puxta qilishga harakat qilmaylik baribir Allohning nasib qilgani bo‘lar ekan.

Undan ham qizig‘i sabablar bilan o‘ralashib Allohdan so‘rashni ham unutib qo‘yamiz gohida…

Bu dunyo majlislari menga Qiyomatni eslatadi!

Bu dunyo majlisida bizga topshirilgan bir dunyoviy ish haqida so’ralamiz.

Shu sabab u berilgan vazifani bajarishga, kamchilik va xatolar qilmaslikka harakat qilamiz.

Qiyomatda esa har bir so’zimiz, harakatimiz va harakatsizligimiz uchun so’ralamiz.

Bu Qiyomat majlisi uchun ham tayyorgarlik qilyapmanmi?

Bag‘ri keng bo‘ling!

Insonlarning ko‘nglini og‘ritavermaylik.

Kechirimli bo‘ling!

Ustozimiz aytganlaridek:

Siz insonlarni xato qilgani uchun kechirmasangiz qachon kechirasiz?

Yaxshilik qilganidami ?

Insonlarga aytayotgan so‘zlarimizda ehtiyot bo‘laylik!

Biz o‘ylamasdan aytgan so‘zlarimizni, insonlar tuni bilan o‘ylab chiqishlari mumkin…

Insonlar mas’uliyat va javobgarlikdan qochish uchun:

• mustaqil qaror berishga sabab bo‘ladigan huquq va majburiyatlarga ega bo‘lmaslik pozitsiyasida bo‘lishga intiladilar.

• qaror qabul qilish uchun zarur bo‘lgan ma’lumotlardan o‘zlarini ataylab "mahrum" qilishadi, muhokamalarda qatnashishga va o‘z fikrlarini bildirishga shoshilmaydilar, keyinchalik esa — "men hech narsani bilmayman, hech narsani ko‘rmaganman va eshitmaganman" pozitsiyasini egallaydilar.

Kitob: Vatandoshlik dasturi

Tanlov imkonyati bo‘lgan vaziyatdagina qaror qabul qilish mumkin.

Kitob: Vatandoshlik dasturi

Barcha chiroqlarini yoqib qo‘yish bilan xonadonni nurli qilib bo‘lmaydi…

Nazar solish qobiliyati - ko‘zga emas, balki aqliy qobiliyatlarga, fikrlash, turli xil jarayonlar va hodisalarning ortida nima borligini aniqlash qobiliyatiga bog‘liq.

Kitob: Vatandoshlik dasturi

Inson ko’p narsalarga qodir, lekin hamma emas va hamma narsaga ham emas.

Dardning davosi uni keltirib chiqargan sababni yo‘q qilish ila bo‘ladi.

Sizga hojatim yo‘q!

Allohga aytishning esa hojati yo’q.

Tajriba shuni ko‘rsatadiki, agar inson bolaligidanoq qaror qabul qilishga va mas’uliyatni o‘z zimmasiga olishga odatlanmasa, keyinchalik o‘z xohishiga ko‘ra qarorlar-u unga hamroh bo‘lgan mas’uliyatdan qochishga harakat qiladi. Bunday tarbiya natijasida ishchi kuchi shakllanadi, maktabda uzoq vaqt o‘qib, juda ko‘p narsani biladi, shu bilan birga u kam qobiliyatli xolga kelib, jamiyatda nima sodir bulayotganini tushunmaydi. Ushbu ishi kuchining bir qismiga kelajakda "mutaxassislar" deb nom beriladi.

Kitob: Vatandoshlik dasturi

Nima bilan shug’ullanayotganing o’ta muhimdir. Chunki bu faoliyat seni ma’lum bir shaklga keltiradi.

Jamiyatni qonun bilan emas balki insonlarning axloqi bilan tartibga solish kerak.

Yangi qonun ishlab chiqishga qaratilgan kuch, insonlarning axloqini sayqallashga qaratilganida edi…

Kinoda ro’l o’ynaladi, ishda esa ro’lni bajarish kerak.