Биология хакида маьлумот.
Биология фанлари тирик организмлар тузилиши ва функцияларининг хилма-хиллигини, уларнинг ривожланишини ва яшаш мухити билан ўзаро муносабатини ўрганади. Биология фани ўрганадиган объект ва процесслар канчалик хилма-хил бўлмасин, уларнинг барчасини ўзига хос бўлган битта умумий хусусият — хаёт бирлаштиради. Ана шу билан улар жонсиз табиат жисмларидан — тоғ жинслари, минераллар ва шунга ўхшашлардан тубдан фарк килади. Хаётнинг ўзи нима? Жонли нарса жонсиз нарсадан нима билан фарк килади? Барча тирик организмларга хос бўлган умумий хусусиятлар нималардан иборат? Мана шу саволларга жавоб бериш ҳаётий ҳодисаларнинг барча организмлар учун асосий ва умумий бўлган конуниятларини ўрганадиган фан — умумий биологиянинг вазифаларидан биридир.
Биология ердаги ҳаётнинг ниҳоятда хилма-хил барча кўринишларини, унинг турли даражадаги: организм, популяция, тур, биогеоценоз, биосфера даражасидаги тузилишини ўрганади. Усимликлар, ҳайвонлар, замбуруғлар, микроблар организмини текшириш уларнинг тузилиш хусусиятларини, ҳужайраларининг химиявий таркибини аниклаб, уларга хос бўлган хаёт фаолияти процессларини ва бошкаларни билиб олишга имкон беради.

Kanalga obuna bo'ling👉👉👉https://t.me/bioximagro