Type to search
Advanced channel search

Postal

Мульти-бот с премиум emoji Постинг+приветствие!
img
ad

Психологическая игра

Прокачай позволение внутри и удвой доход. Бесплатно!
img
ad

Продам канал с доходом 138090

Всего за 55 000. Срочно нужны деньги.
img
ad

Бахтиёр Хабибуллаев

@baxtiyor_fellx
Channel's geo and language: Uzbekistan, Uzbek
Category: Blogs

Заковат бўйича Наманганнинг Пентагон жамоаси билимдони.
Каналдаги постлар – Заковат, адабиёт, мемлар, хуллас, интеллектуал винегрет)
🗓️ Канал юритила бошланган: 26.12.2023
✉️ Муражаат учун: @fellxfellx

Related channels  |  Similar channels
Channel's geo and language
Uzbekistan, Uzbek
Category
Blogs
Statistics
Is this your channel? Confirm Channel history
301
279
253
252
291
287
Posts filter

Бахтиёр Хабибуллаев

22 Nov, 19:18

Open in Telegram Share Report
#санъарт

«Гранд-Жатт оролидаги якшанба куни», Жорж Сёра, 1884-1886.

Париж яқинидаги Гранд-Жатт оролини халқда «Севги ороли», деб ҳам аташган. Сабаби бу жойга поезд орқали етиб бориш арзон, шу билан бирга юқори қатлам эркаклари ҳам тез-тез дам олгани боргани сабабли кўп эгри ниятли аёллар ўз "бахти"ни излаб у ерга борар эди.

Суратда биз маймунча етаклаб олган аёлни кўришимиз мумкин. У пайтлар маймун фахш ишларнинг рамзи бўлган. Шу ўринда қирғоқда қармоқ билан турган аёл ҳам эътиборни тортади. У балиқ тутмоқда, лекин кийимлари жуда янги. Катта эҳтимол билан у бутунлай бошқа балиқларни "илинтиргани" келган)

Бу фаразлардан бири холос. Лекин муҳими картина энди аниқ эсимизда қолади)

Бахтиёр Хабибуллаев
238 0 1 1 18
Бахтиёр Хабибуллаев

22 Nov, 14:39

Open in Telegram Share Report
#РанглиАдабиёт

Қора ранг билан боғлиқ номли машхур асарлар:

• «Қора оққуш», Нассим Талеб;
• «Қора монах», Антон Чехов
• «Қора қуёш», Муҳаммад Юсуф
• «Қора лола», Александр Дюма
• «Қора камар», Шукур Холмирзаев
• «Қора кўзлар», Пиримқул Қодиров
• «Қоракўз Мажнун», Саид Аҳмад
• «Қора китоб», Назар Эшонқул
• «Қизил ва қора», Стендал
• «Қуёш қораймас», Ойбек
• «Қора мусиқа», Уилям Фолкнер
• «Қора ҳайкал», Эрих Мария Ремарк
• «Қора ўқ», Луис Стивенсон
• «Қора пул империяси», Джорж Армстронг
• «Қора одам», Сергей Есенин
• «Қора суяклар», Шербек Бобонор ўғли
• «Қора кўзлар», Михаил Лермонтов
• «Қора бева», Ғулом Жўра
• «Қора тол», Ибройим Юсупов
• «Қоп қора ювош одам», Джосеф Киплинг
• «Қора Питер», Артур Конан-Дойль
• «Қора қузғун», Фозил Тиловатов
• «Қорача», Джеф Теодор Дрейзер
• «Қора кийик», Баҳодир Абдураззоқ
• «Қоралар фалсафаси», Анбар отин

Яна: Яшил асарлар | Оқ асарлар

Бахтиёр Хабибуллаев
522 0 28 44 19
Бахтиёр Хабибуллаев

22 Nov, 12:07

Open in Telegram Share Report
#ҚанотлиСўзлар

Платон муҳаббати — ҳеч қандай жинсий эҳтиёж ёки манфаатсиз, соф, беғубор, маънавий севги хиссини англатувчи ибора.

Ўз маъноси билан романтик, эҳтиросли муҳаббатга акс тушунча ҳисобланади. Икки қалб ўртасидаги яқин, бир-бирига бўлган ишонч асосида қурилган ҳиссиёт англашилади.

Иборанинг келиб чиқиши қадимги юнон файласуфи Платон исми билан боғлиқ. Ўзининг «Базм» асаридаги Павсаний образи монологи орқали мукаммал, фақатгина қалб яқинлигини назарда тутувчи хислар ҳақида фикр юритган.

Бахтиёр Хабибуллаев
478 0 7 3 22
Бахтиёр Хабибуллаев

22 Nov, 07:14

Open in Telegram Share Report
#санъарт

«Инсон фарзанди», Рене Магритт, 1964

Коллекционер Гарри Торчинер рассомнинг автопортретини буюртма қилади. Лекин ижодкор ўзини қандай бўлса, ўшандай чизгиси келмай, юзини олма билан тўсиб тасвирлайди. Шундай қилиб асарда Магриттни эмас, қайсидир мавҳум, аноним одамни кўришимиз мумкин.

Бу яшил олманинг асл маъноси ҳақида турли фаразлар мавжуд. Баъзилар бу инсоният Ерга юборилгандаги таъқиқланган мева дейишса, бошқалар ўша даврдаги оддий инсон тимсоли юзини тўсгандан сўнггина бошқаларга қизиқ бўлганини ифодалайди, деган фикрдалар.

Бахтиёр Хабибуллаев
507 0 3 4 18
Бахтиёр Хабибуллаев

22 Nov, 05:01

Open in Telegram Share Report
#КунБошидаАсарБоши

«Баҳор қуёши кўкнинг тиниқ фирўзасида Ҳиротнинг Гавҳаршод мадрасасининг ҳайбатли гумбази устида порлар, гумбазнинг азамат пештоқларининг нақшлари шуълаларда жонли, ҳавоий бир чаманзор каби турли-туман олов ранглар чақнар, кабутарлар дам учиб, дам сирпаниб қўниб, гумбаз атрофида қувонч билан иноқ ўйнашар эди.»

- «Навоий», Ойбек.
487 0 3 2 10
Бахтиёр Хабибуллаев

21 Nov, 20:46

Open in Telegram Share Report
#санъарт

«Юлдузли тун», Винсент ван Гог, 1889.

Ушбу картина ўлимни англатади, деган назария ҳам мавжуд. Сабаби суратдаги сарв дарахти одатда қабристонлар билан боғлиқ.

Бахтиёр Хабибуллаев
646 1 11 4 19
Бахтиёр Хабибуллаев

21 Nov, 19:32

Open in Telegram Share Report
#СэрФеликсФергюсон

Мураббийлигим билан аста-секин шаклланиб бораётган Пандора жамоасида мавсумолди ишлари жадал давом этмоқда.

Таркибга янги билимдон трансфер қилинди. Розия Quiz ўйинларида ўз фаоллиги билан ажралиб туради. Энди Заковат йўналишида ўзини синаб кўриш вақти келди.

Ҳуш келибсиз 🤝
592 0 5 7 20
Бахтиёр Хабибуллаев

21 Nov, 13:13

Open in Telegram Share Report
#АсарданПарча

«Мен ёшман – эндигина йигирмага кирдим, лекин кўрганларим – қон, ўлим, қўрқув ва мудҳиш азоб-уқубатдан иборат нурсиз, бемақсад ҳаёт бўлди. Кимдир бир халқни иккинчисига гиж-гижлайди, одамлар бировнинг иродасига бўйсуниб, бир-бирларини ўлдирадилар, лекин жиноят қилаётганликлари ва гуноҳга ботганликлари ҳақида ўйламайдилар.

Инсониятнинг энг доно вакиллари янги-янги қуролларни яратадилар ва буни оқлаш учун қоп-қоп сўзларни топадилар. Жазосини биз тортамиз, ер юзидаги жамики тенгдошларим тортишади. Вақт-соати келиб, қабрдан бош кўтарсак-у, ота-боболаримиздан ҳисоб сўрасак, нима деб жавоб беришаркин?

Урушдан омон чиқсак-чи, биздан нимани кутшлари мумкин? Узоқ йиллар биз қотиллик қилдик. Вазифамиз шу эди, ҳаётимиздаги энг биринчи юмуш одам ўлдириш эди. Ҳаёт ҳақидаги тушунчамиз бу ўлим. Хўш, кейин нима бўлади? Бизнинг тақдиримиз қандай кечади?»

- «Ғарбий фронтда ўзгариш йўқ», Ерих Мария Ремарк.
556 0 3 8 24
Бахтиёр Хабибуллаев

21 Nov, 08:48

Open in Telegram Share Report
Video is unavailable for watching
Show in Telegram
#мем
541 0 1 11 35
Бахтиёр Хабибуллаев

21 Nov, 05:01

Open in Telegram Share Report
#КунБошидаАсарБоши

«Бу воқеага анча бўлди. Мен эндигина институтни тамомлаган йигирма икки-йигирма уч ёшлардаги йигит эдим. Орзу-ҳавас катта. Қаёққа қўл узатсам, етади. Билакларимда қувват, қалбимда ғайрат жўш урарди.»

- «Севгим севгилим», Ўлмас Умарбеков.
545 0 5 3 16
Бахтиёр Хабибуллаев

20 Nov, 14:46

Open in Telegram Share Report
585 0 4
Бахтиёр Хабибуллаев

20 Nov, 14:46

Open in Telegram Share Report
#фикр

Хейтери йўқ жамоа, жамоа эмас оила.

Наманган давлат чет тиллари институтининг Ибтидо жамоаси 35 дан ортиқ жамоа ўртасида ўтказилувчи Заковат куиз лигасининг навбатдаги тур ўйинида ғалаба қозониб, умумий жадвалда ҳам дастлабки поғонани қўлга киритишди.

Шахсан мен учун Ибтидо — энг ёқимли жамоа ҳисобланади. Чунки уларнинг ҳар бир билимдонида самимийлик, фақат позитив вайб сезилиб туради. Биров билан ишлари йўқ, кимдандир ўзиш учун ўйнашмайди ва асосийси ўйиндан ўйинга ўсиб боришмоқда.

Чиройли ўйин билан табриклайман! Наманган Заковати ривожланиши учун бундай жамоалар қанча кўпайса, шунча яхши.
562 0 4 18 43
Бахтиёр Хабибуллаев

20 Nov, 13:40

Open in Telegram Share Report
#АсарданПарча

«Мeн тўғри гапирсам менга ишонишмасди: шундан кейин алдамчи бўлдим; дунёнинг борди-келдисини ва жамиятнинг сирларини билиб олиб, турмуш деган илмнинг тагига етдим, аммо бу илмдан сира хабарлари бўлмаган одамларнинг мен ўлиб-тирилиб эришмоқчи бўлган манфаатлардан бекорга фойдаланиб, бахтли бўлиб юришларини кўрдим.

Шундан кейин қалбимда умидсизлик туғилди, аммо бу тўппонча ўқи билан бартараф қилинадиган умидсизлик эмас, балки андиша ва мулойим табассум ниқоби остида одамни эзиб юборадиган бир умидсизлик эди.

Мен руҳан ногирон бўлиб қолдим: кўнглимнинг ярми қуриб хазон бўлган эди, уни кесиб ташладим, ана шундан кейин иккинчи ярми тебранди, ҳар кимсанинг хизмати учун жонланди, бироқ буни ҳеч ким сезмади, чунки унинг ярмининг ҳалок бўлиб кетганидан ҳеч кимнинг хабари йўқ эди; мана сиз ҳозир уни эсимга туширдингиз, мен сизга унинг эпитафиясини ўқиб бердим.»

- "Замонамиз қаҳрамони", М. Лермонтов.
551 0 1 2 10
Бахтиёр Хабибуллаев

20 Nov, 10:25

Open in Telegram Share Report
#фикр

Ҳар қандан ижод тури, қанчалик муваффақиятли ёки сифатли бўлмасин, конвейер усулида ишлаб чиқарила бошлагач ўз қадрини йўқотади.

Энг "свежий" мисол — бу Ҳамдам Собиров қўшиқлари. 80-йиллар жаҳон ретро мусиқасига 90-00-йиллар ўзбек турмуши тасвирланган клиплар орқали омманинг ностальгия кайфиятини "қитиқлаб", ўзбек эстрадасига янгича йўналиш олиб кирди.

Лекин, аввалига Муҳаммадзиё, Озода Нурсаидова каби бошқа қўшиқчилар, ҳозирга келиб эса унинг ўзи ҳам яна шу жанр "сигирини соғишда" жавом этиши бу йўналишнинг тезкор сўнишига олиб келиши тайин.

Нега бу фикрлар келиб қолди ўзи? Сабаби каналда пост қўйиш миқдори қандай бўлиши маъқуллиги ҳақида ўйлаяпман. Сонга эмас, сифатга ишлаган маъқулмикин? Хуллас, шунчаки юзага чиққан фикрлар)
544 0 0 3 21
Бахтиёр Хабибуллаев

20 Nov, 08:17

Open in Telegram Share Report
#санъарт

«Адель Блох-Бауэр II портрети», Густав Климт, 1912

Адель — Климт икки бор суратини чизган ягона аёл. Сабаби у рассомнинг ишонган инсонларидан бирининг рафиқаси бўлиб, ўзи ҳам жамиятда юқори мавқеда бўлган.

2006-йилда Адельнинг меросхўри бу картинани Christie's аукциони орқали сотувга қўяди. Портретни машҳур бошловчи Опра Уинфри 87.900.000 $ га сотиб олади. 2016-йилда эса хитойлик сирли харидорга икки ўртакаш орқали пуллайди. Ҳозирги кунда асар 150 млн доллардан ортиқ нархга бахоланмоқда.

Бахтиёр Хабибуллаев
592 1 5 3 8
Бахтиёр Хабибуллаев

20 Nov, 05:01

Open in Telegram Share Report
#КунБошидаАсарБоши

«Шоирнинг асли исми – Қутлуғқадам. Аммо ҳеч ким буни билмайди. Ғазнада у Малик аш-шароб, авомчасига эса Маликул-шароб, яъники ғариб майхўрлар султони деган ном билан маълум ва машҳур.»

- «Кўҳна дунё», Одил Ёқубов.
582 0 3 1 16
Бахтиёр Хабибуллаев

19 Nov, 11:58

Open in Telegram Share Report
#ЖаҳонАдабиёти

«Да Винчи сири» асари муаллифи қўшиқчи бўлган.

АҚШлик ёзувчи Ден Браун адабиёт билан ўзини боғлашидан аввал поп жанрида қўшиқлар ёзган. Қизиғи шуки, ҳудди ўзининг бестселлер асарлари каби, қўшиқчи сифатида яккахон альбомларидан бирининг номи ҳам «Фаришталар ва жинлар», отасининг энг машҳур қўшиқларидан бири эса «Инферно» деб аталади.

Бахтиёр Хабибуллаев
604 0 3 6 16
Бахтиёр Хабибуллаев

19 Nov, 07:47

Open in Telegram Share Report
Video is unavailable for watching
Show in Telegram
#мем

Жавоб ёзувчиларга ҳам осон эмас)
575 0 5 8 48
Бахтиёр Хабибуллаев

19 Nov, 05:01

Open in Telegram Share Report
#КунБошидаАсарБоши

«О, йўқ, фақат маросимлар эмас!
Наҳотки, яна кўринмас кучларни бу дунёда ўзларини намойиш қилиш учун чорлашга тўғри келса? Биз яшаб турган воқеликка бунинг қандай алоқаси бор? Олий маълумот олган ёшлар ўзига мос иш топа олмаса, қариялар эса кейинги нафақагача базўр етиб олишса. Қолганларнинг эса орзу қилишга вақти йўқ.»

- «Алиф», Пауло Коэльо.
567 0 2 21
Бахтиёр Хабибуллаев

18 Nov, 20:05

Open in Telegram Share Report
#ЮнонМифологияси

Прометейнинг қилмиши. Жигарсиз титан. Халоскор Геракл. Финал

Аввалги серияда

Газга монополияни йўқотган Зевс бунинг сабабчиси бўлган Прометейнинг қулоғини чўзиб қўйишни, жестоко наказать қилиб, бошқаларга ўрнак бўлишини хохлади.

Ҳамма кўрсин, маҳаллада дув-дув гап бўлсин, деб Ердаги энг кўринадиган жойга, Каспий тарафдаги Кавказ тоғларига занжирлаб қўяди. Бургутга ҳар куни келиб Прометейнинг джигярини чўқиб, "у-ху-ху" деб, шунчаки кулиб кетишини буюради.

Титан умрибоқий эди, шу сабаб эски жигар ўрнига тонггача янгиси ўсиб чиқаверади. Бургут бу жигарларни даркнэтда сотиб катта соққа кўтарди. Прометей ҳар куни донорлик қилишга мажбур бўлса ҳам бу жазони мужикларча қабул қилди, нолимади.

У Зевс учун муҳим бир сирни билар эди, шу сабаб электр токи маъбуди бургутга титанни ўлдиришига рухсат бермасди, Прометейни чидай олмай сирни ошкор қилар, деб умид қиларди. Орадан юзлаб йиллар ўтди. Не-не қахрамонликлар, урушлардан сўнг ҳам Зевс ўз курсисини сақлаб қолаверди.

Лекин Прометей билган сир унга жуда қизиқ эди. Охири титаннинг шартига кўниб, уни озод қилади. 12 жасорати билан машҳур бўлган ўғли Гераклни 13-ойлик учун яна бир жасорат кўрсатиб, бургутни ўлдириб, Прометейни воляга чиқаришга буюради.

Прометей сўзида туриб, муҳим маълумот сақланган файлни Зевснинг личкасига ташлаб қўяди. Айтилишича, агар Зевс севишиб юрган навбатдаги қизи, денгиз нимфаси Фитидадан фарзанд кўрса, бола келажакда ундан-да қудратлироқ бўлиши айтилган эди.

Зевс ўша куниёқ "Характерларимиз тўғри келмади, биз бирга бўла олмаймиз", деб смс ёзиб Фитидани блоклаб ташлайди. Нимфа ҳам "ҳали уволимга қоласиз", деб биринчи келган совчига эрга тегиб кетади. Прометей ҳам 1000 йил қулликдан сўнг энди озод Джангога айланади.

Бахтиёр Хабибуллаев
782 0 6 13 27
20 last posts shown.