Túrkiyadaģı 1-semestr...Búgin magistraturadaģı 1- semestr imtixanlarınıń juwabı shıqtı. 4 ballıq sistemada 3.9 ball menen juwmaqladım. Allaģa Shúkir. Endi, usı kúnge shekemgi ishimnen ótkergenlerimdi aytıp bermekshimen. Birinshi ay tek úyrenisip júrdim, oqıw eki kúnlik bolģanı ushın bir waqıtları arqayınshılıqqa berilgen waqıtlarım da boldı. Biraq, keyin ózimdi jiynap, 4 jıl bakalavrda miyime qoyılģan "ornatıwlar"dı ózgertip, shegaralardı atlap ótiwge háreket ettim. Ómirimde atın esitpegen pánlerdi oqıp, jańa zatlardı úyreniwge háreket ettim. Qıyınshılıqsız hesh zat bolmaydı, keyingi ayda ózimdi qattı bilimsiz sezdim, lekciyada belsendi bolıp otıratuģın jergilikli studentlerge ózimdi salıstırıp túskinlikke túsken waqıtlarım boldı. Qansha tilimizde uqsaslıqlar bolģanı menen, tillik barier boldı. Lekciyanı túsinbegen waqıtta jataqxanaģa jılap qaytqanım ele esimde. Biraq, adamzat qıyınshılıqlar arqalı ósedi, rawajlanadı. Baslısı ele de erkin pikirlewge háreket etip atırģanımnan quwanıshlıman hám bilmeytuģınlarım kóp ekenin túsinip jettim.
@baxtiyarovax
