Опа- сингил

Онамдек қадрли, жонкуяр инсон,
Фариштам мисоли, бирам меҳрибон.
Талпинар юрагим, сизга яқин жон,
Дунёда ягонам опам ўзимнинг!

Кўзларим қувонар сени кўрганда,
Жонимнинг ярмисан кулфат келганда,
Сен борки, бахтиёр бўлдим оламда,
Дунёда ягонам синглим ўзимнинг!

Ҳаётда бир сизга келмас малолим,
Ёнимдасиз мудом, малак жамолим,
Сиз борки, порлайди доим иқболим,
Дунёда ягонам опам ўзимнинг!

Ғам келса бошимга дармоним ўзинг,
Озор етса жонимга малҳамдир сўзинг,
Онамга ўхшайди офтобдек юзинг,
Дунёда ягонам синглим ўзимнинг!

Оҳ, яйраб юраман мен бағрингизда,
Гулдайин очилиб хам боғингизда,
Ёнингизда бўлай ҳар чоғингизда,
Дунёда ягонам опам ўзимнинг!

Сен ўзинг бўлакча, дурдонам танҳо,
Хушрўй чеҳрангдан оламан маъно,
Меҳрингга ҳеч замон беролмам баҳо
Дунёда ягонам синглим ўзимнинг!

Яқинларга улашинг ❤️

Тавсия👇👇👇
BEKAJON OSHXONASI

💝𝐓𝐞𝐥𝐞𝐠𝐫𝐚𝐦 | 💞@BAXTIMSAN -