Омон бўлинг, опа-сингиллар!

Бир қориндан талашиб тушган,
Гоҳ меҳрибон, гоҳи урушган.
Бир бирига яқин кўнгиллар,
Омон бўлинг, опа-сингиллар!

Қиз боладир палаҳмон тоши,
Тошдан қаттиқ сабру бардоши.
Ёт гулзорга экилган гуллар,
Омон бўлинг, опа-сингиллар!

Юраклари турса ҳам тортиб,
Боролмайди ўзидан ортиб...
Соғинч қийнаб эзилган диллар,
Омон бўлинг, опа-сингиллар!

Ҳафтадамас, ойда кўришар,
Уйим, жойим, болам дейишар.
Таърифига ожиз бу тиллар,
Омон бўлинг, опа-сингиллар!

Каналга обуна бўлиш учун ушбу
линкни босинг 👇🏻👇🏻
https://t.me/+3DY3uc9J-j04YmNi