ASR SAXOVAT

☀️ Eng yaxshi kun gunohsiz oʻtgan kuningdir!
📎 Eng yaxshi sovgʻa oʻzing bilmagan holingda sening haqqinga duo uchun koʻtarilgan qoʻldir!
📎 Eng yaxshi qalb rostgoʻylik arimaydigan qalbdir!
📎 Eng yaxshi odam seni hargiz unutmaydigan odamdir, chunki u seni Alloh uchun yaxshi koʻradi.

#hadis_jannat_mukofot

ЖАННАТГА КИРИШНИНГ ЭНГ ОСОН ЙЎЛИ

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам айтдилар:

مَرَّ رَجُلٌ بِغُصْنِ شَجَرَةٍ عَلَى ظَهْرِ طَرِيْقٍ، فَقَالَ: وَاللهِ لَأُنَحِّيَنَّ هَذَا عَنِ الْمُسْلِمِيْنَ لاَ يُؤْذِيْهِمْ، فَأَدْخُلُ الْجَنَّةَ
"Бир киши йўл устида турган дарахт шохининг ёнидан ўтиб қолди ва уни қолган йўловчиларга озор бермасин деб олиб ташлади. Натижада, шу иши туфайли жаннатга киритилди" (Имом Бухорий ривояти).

❗Намоз вақтлари:
➡️ 24.04.2025 пайшанба
😃 Шаввол 1446
Бомдод кириш вақти 04:26
Kуёш      05:42
Пешин   12:38
Аср         17:24
Шом       19: 27
Хуфтон   20: 49
📝 "Ахлингизни намоз (уқиш) га буйуринг ва (узингиз хам) унга (намозга) бардошли булинг "
✔️Тоха сураси 132-оят

↖️Намозни кириш вакти, Пастдаргом Жума вақти билан!

Яқинларингизга улашинг✅
🔵 Telegram 📸Instagram

НЕГА ДУОЛАРИМИЗ ҚАБУЛ БЎЛМАЙДИ?

Иброҳим ибн Адҳам раҳматуллоҳи алайҳдан “Менга дуо қи­линглар, ижобат қиламан” ояти хусусида сўраб, биз дуо қила­миз–у, ижобат бўлмайди, дейишганида у киши: “Қалбларингиз ўн­та нарсадан ўлган”, деди:
1. Аллоҳни танийсизлар-у, ҳаққини адо қилмайсизлар.
2. Аллоҳнинг китобини ўқийсизлар-у, лекин унга амал қил­майсизлар.
3. Иблисни душман деб даъво қиласизлар, аммо уни дўст қи­либ оласизлар.
4. Расулуллоҳ соллаллоҳу алайҳи ва салламни яхши кўришни даъво қиласизлар, лекин у зот соллаллоҳу алайҳи ва салламнинг йўллари ва суннатларини тарк қиласизлар.
5. Жаннатни яхши кўришни даъво қиласизлар, аммо унга кириш учун амал қилмайсизлар.
6. Дўзахдан қўрқишни даъво қиласизлар, лекин гуноҳлардан тўхтамайсизлар.
7. Ўлим ҳақ деб даъво қиласизлар, бироқ унга тайёргарлик кўрмайсизлар.
8. Бошқаларнинг айби билан машғул бўласизлар, аммо ўз айбингизни сезмайсизлар.
9. Аллоҳнинг ризқини ейсизлар-да, унга шукр қилмайсизлар.
10. Ўликларингизни дафн қиласизлар-у, ундан ибрат олмай­сизлар.

@asrsaxovat

Энг чиройли пайғамбар ким бўлган?

❓Cавол: Биламизки, Юсуф алайҳиссаломга ярим чирой берилган. Тўлиқ чирой Одам алайҳиссаломга берилган. У зотни Aллоҳ мукаммал қилиб яратган. Пайғамбаримиз Муҳаммад соллаллоҳу алайҳи васаллам ҳам пайғамбар ва инсонларнинг ҳар тарафлама энг яхшиси бўлган. Саволим шуки, энг чиройли пайғамбар Одам алайҳиссаломми ёки Муҳаммад соллаллоҳу алайҳи васаллам?

📥Жавоб: Бисмиллаҳир Роҳманир Роҳим. Энг гўзал инсон бу Пайғамбаримиз Муҳаммад соллаллоҳу алайҳи васаллам бўладилар. У зот алайҳиссалом Юсуф алайҳиссалом борасида: “Юсуфга ярим гўзаллик берилган”, деганлар (Имом Муслим ривояти). Айрим уламолар ушбу ҳадисдаги “ярим гўзаллик”дан мурод “Юсуф алайҳиссаломга Пайғамбаримизга берилгандан бошқа гўзалликнинг ярми” эканини таъкидлашган. Бошқа уламолар эса: “Одам алайҳиссалом ҳусниларининг ярми назарда тутилган”, дейишади. Анас ибн Молик розияллоҳу анҳу бундай деганлар: “Аллоҳ юборган ҳар бир пайғамбар гўзал юзли ва чиройли овозли бўлган. Соҳибингиз (яъни Пайғамбаримиз алайҳиссалом) уларнинг ҳаммасидан чиройли юз ва чиройли овозлидирлар” (Имом Термизий ривояти).
Бундан Пайғамбаримиз соллаллоҳу алайҳи васалламнинг энг гўзал юзли ва овозли эканликларини англамоқ лозим. Валлоҳу аълам.

“Фатволар тўплами”дан.

Икки нарсани ҳеч унутманг:
1. Аллоҳнинг зикрини.
2. Ўлимни

Икки нарсани ҳеч эсламанг:
1. Қилган яхшилигингизни.
2. Бировнинг ёмонлигини.

❗Намоз вақтлари:
➡️ 20.04.2025 якшанба
😃 Шаввол 1446
Бомдод кириш вақти 04:23
Kуёш      05:48
Пешин   12:39
Аср         17:21
Шом       19:22
Хуфтон   20:43
📝 "Ахлингизни намоз (уқиш) га буйуринг ва (узингиз хам) унга (намозга) бардошли булинг "
✔️Тоха сураси 132-оят

↖️Намозни кириш вакти, Пастдаргом Жума вақти билан!

Яқинларингизга улашинг✅
🔵 Telegram 📸Instagram

НУҲ АЛАЙҲИССАЛОМ КЕМАСИНИНГ УСТУНИ

Халифа Ҳорун Ар-Рашид замонасида бир киши “Мен Нух пайғамбарман” деган даъво билан чиқди. Ҳорун Ар-Рашид уни саройга чақиртириб сўради: “Сен аввал ўтган Нуҳ алайҳиссаломмисан ёки бошқа Нуҳмисан?”. У: “Мен аввал ўтган ва тўққиз юз эллик йил яшаган Нуҳ пайғамбарман. Мен яна эллик йил яшаб минг йил тўлиқ бўлиши учун юборилганман”, деб жавоб берди. Ҳорун Ар-Рашид уни дорга осишга ҳукм қилди ва бу одам дорга осиб ўлдирилди. Шу вақт бир зийрак, гапга чечан одам унинг ёнидан ўтиб кетаётиб, у осилган устунларга боқди ва: “Э-э Нуҳ жаноблари! Қўлингизда кемангизнинг устунларидан бошқа ҳеч нарса қолмадими?” деди.

“Солиҳлар ҳаётидан сара ҳикоялар”дан.

УМРНИ УЗАЙТИРАДИГАН АМАЛ

Бир куни бир йигит ва қиз Сулаймон алайҳиссаломнинг олдиларига келиб никоҳларини ўқишни сўрадилар. Сулаймон алайҳиссалом ҳам уларнинг никоҳларини ўқидилар. Улар ҳам севинч ичида қайтдилар. Улар кетгач ортларидан Азроил алайҳиссалом келдилар ва:
- Эй Аллоҳнинг Набийси! Сен бу икки ёшнинг севинчлари узоқ давом этади, деб ўйлама. Зотан, Аллоҳ бу йигитнинг жонини беш кундан сўнг олишимни буюрди.
Ҳазрати Сулаймон алайҳиссалом ўша йигитни кузата бошладилар. Аммо йигит беш ой ўтса ҳам яшашда давом этар эди. Ниҳоят, Сулаймон алайҳиссалом бунинг сабабини Азроил алайҳиссаломдан сўрадилар. Азроил алайҳиссалом шундай жавоб бердилар:
- Ўша йигит сенинг олдингдан чиққач, бир йўқсилга садақа қилди. Йўқсил ҳам: «Умринг узун бўлсин», деб дуо қилди. Аллоҳ ҳам йўқсилнинг холис дуосини қабул қилди ва йигитнинг умрини узайтирди.
👍 @asrsaxovat

ШАЙХ МУҲАММАД СОДИҚ МУҲАММАД ЮСУФ ҲАЗРАТЛАРИНИНГ КУН ТАРТИБЛАРИ

–  Мендан ҳазратнинг вирдлари ҳақида кўп сўрашади. Ҳазратнинг асосий вирдлари илм эди. У киши: «Оддий мўминнинг вирди зикр, қорининг вирди Қуръон, толиби илмнинг вирди талаби илм, олимнинг вирди илм тарқатиш», деб қўярдилар. Кун тартибларига келсак, ҳазрат қишин-ёзин саҳарлаб турардилар. Бироз таҳажжуд ўқиб, сўнгра ишга ўтирардилар. Бомдод вақти кирганда намозни ўқиб, вирдларига ўтирардилар. Вирдлари суннатда келган тонгги зикрлар, Ёсин тиловати ва ўзлари ихтиёр  қилган муайян зикрлардан иборат эди. Воқеа сурасини ҳам ҳар куни ўқирдилар. Кўпинча эрталаб соат 7 ларда маросимга боришлари керак бўларди. Ҳазратни олиб кетгани келган кишининг келганини хабар қилиши ёки дарвоза қўнғироғини чалиши ҳазратнинг наздларида катта беодоблик ҳисобланарди. Улар айтилган вақтга келиб турар, ҳазрат ҳам келишилган вақтга ташқарига чиқардилар. Маросимга олиб кетадиган машина 6:30 га яқин келарди. Ҳазрат 3 дақиқада кийимларини алмаштириб, роппа-роса 6:30 га ташқарига чиқардилар. Вақтни тежаганларидан кийимнинг тугмасини ҳам йўл-йўлакай тақиб борардилар. Маросимдан келибоқ, яна ишга киришардилар. Сўнгги бир йилдан бери парҳезда бўлганлари учун кўпинча маросимдан келиб, уйда чой ичардилар. Чой ичишлари узоғи билан 15 дақиқага борарди. Кейин тушгача ишлардилар. Ўзлари учун кунда 10 саҳифа китоб таълиф қилишни вазифа қилиб олгандилар. Вазифалари тугамагунча тўхтамасдилар, не бўлмасин, уни бажарардилар. Ҳатто сафарда ҳам имкон топди дегунча ишларини давом эттирардилар. Одатда пешиндан кейин ҳафтанинг баъзи кунлари дарс ҳалқалари бўлар, баъзи кунлари эса сузишга борар эдилар. Шунингдек, яна баъзи кунлари шомдан кейин дарс берсалар, бошқа кунлари шомдан кейин баскетболга борардилар. Ҳафтада икки марта сузиш, икки марта баскетбол, бешта дарс ва бир нечта мажлис бўларди. Бу бардавом ва бир маромдаги тадбирлар бўлса, ундан ташқари, турли йиғинлар, сафарлар ҳам кетма-кет бўлиб турарди. Ҳазратнинг вақтига Аллоҳ таоло барака бериб қўйган эди. Буни у киши билан ҳамнафас бўлган инсон ҳам ўз вақтидаги ўзгаришдан сеза оларди. У кишининг вақтга бўлган эътиборларидан Аллоҳ таоло у кишини бу каромат билан сийлаган бўлса, ажаб эмас. Ҳазратнинг вирдларидан яна бири – ҳар доим таҳоратли юрардилар ва ҳар бир таҳорат кетидан икки ракъат нафл ўқирдилар. Кечқурун соат ўнда, кечикиб кетса, ўн ярим-ўн бирларда уйқуга ётардилар. Баъзан хуфтонни эртароқ ўқиб, кейин ётиш олдидан таҳоратни янгилаб, витрни ўқирдилар. Ҳазрат бирор лаҳзани ҳам зое қилмас эдилар. Вазифаларни ўтаб бўлган пайтлари Қуръон тинглар эдилар. Қуръони Каримни кўп ўқир ва эшитар эдилар. Озгина фурсат бўш бўлиб қолсалар, зикр қилиб ўтирар эдилар. У киши бадиий адабиётга ҳам қизиқардилар. Илмий ишлардан бўшаган пайтлари турли бадиий асарлар билан ҳам танишиб турар, ҳикматли шеърларни ўқишни, тинглашни яхши кўрар эдилар.

Шайх ҳазратларининг умр йўлдошлари – Исмоил махдум қизи Фотима ҳожи онамиз.

❗Намоз вақтлари:
➡️ 17.04.2025 пайшанба
😃 Шаввол 1446
Бомдод кириш вақти 04:28
Kуёш      05:52
Пешин   12:39
Аср         17:19
Шом       19:19
Хуфтон   20:39
📝 "Ахлингизни намоз (уқиш) га буйуринг ва (узингиз хам) унга (намозга) бардошли булинг "
✔️Тоха сураси 132-оят

↖️Намозни кириш вакти, Пастдаргом Жума вақти билан!

Яқинларингизга улашинг✅
🔵 Telegram 📸Instagram

КАТТАЮ КИЧИК АМАЛЛАРИМИЗДАН СЎРАЛАМИЗ

«Ким ҳидоят йўлига юрса, бас, ўзи учун юрар. Ким (ҳидоят) йўлидан чалғиса, у ҳам ўз зиёнига чалғир. Ҳеч бир гуноҳкор ўзганинг гуноҳини кўтармас. То пайғамбар юбормагунимизча (бирор кимсани) азобловчи бўлмадик» (Исро, 15).

Ибн Аббос розияллоҳу анҳу айтади. Валид ибн Муғийра Макка аҳлига: «Менга эргашинглар, Муҳаммаддан юз ўгиринглар. Сизларни оғирликларингиз (юкингиз) менинг бўйнимга, мен сиз-ларнинг қилган ишингиз учун жавоб бераман», деди. Аллоҳ таоло Валид ибн Муғийранинг сўзлари ботил, беҳуда; Аллоҳ ва Унинг расулига итоатсизлик гуноҳ эканидан огоҳ этиб, шу ояти каримани нозил қилди.

Ким ҳидоятда бўлса, ҳақ йўлдан юрса, пайғамбарга эргашса, энг аввало, ўзига фойда. Шунда унинг оқибати ҳам гўзал бўлади. Залолатга кетса, тўғри йўлдан бўйин товласа, гуноҳ ишларни қилса, бу фақат ўзи учун зарардир.

Бандалар солиҳ амаллари, ибодатлари ила Аллоҳ таолонинг розилигига эришади. Исро сурасининг 7-оятида: «Агар эзгу иш қилсангиз ўзларингизга эзгулик қилган бўлурсиз. Агар ёвузлик қилсангиз ҳам ўзингиз учундир...» дея ҳар бир инсон савобли иш қилиши ва гуноҳ ишлардан қайтиши буюрилган.

«Ҳеч бир гуноҳкор ўзганинг гуноҳини кўтармас». Бирор инсон бошқа бир кишининг гуноҳини кўтармайди. Ҳар бир жон қилмишининг жазосини олади. Фотир сурасининг 18-оятида яна бундай дейилади: «(Қиёмат кунида) ҳеч бир гуноҳкор ўзганинг гуноҳини кўтармас. Агар оғир гуноҳ эгаси ўз гуноҳини кўтаришга чақирилса, (гарчи чорланувчи) қариндоши бўлса-да, у (гуноҳ)дан бирор нарса юклатилмас. (Эй Муҳаммад), Сиз фақат Парвардигорларидан ғойибона қўрқадиган ва намозни баркамол адо этадиган зотларнигина огоҳлантира олурсиз. Ким (гуноҳдан) покланса, у фақат ўзи учун покланган бўлур. Қайтиш фақат Аллоҳ ҳузуригадир».

Қиёматда ҳар бир банда каттаю кичик қилган барча амалларидан сўралади. Бошқаларни жоҳилона адаштирган ҳам қилмиши учун жавоб беради. Ҳатто йўлдан оздирилган кишининг қилган гуноҳлари ҳам унга юкланади. Аммо бу билан адашган кимсанинг гуноҳи камаймайди. Қуръони каримда: «Улар (бу ёлғон сўзларни) қиёмат кунида, ўзларининг барча гуноҳларини ҳамда ўзлари жоҳилона йўлдан оздирган кимсаларнинг гуноҳларидан ҳам бўйинларига олиш учун (айтгандирлар). Огоҳ бўлингизки, улар бўйнига олган нарса (гуноҳлар оқибати) жуда ёмондир» (Наҳл, 25), дейилган. Бу Аллоҳ таолонинг бандасига одиллиги ва раҳматидир.

«То пайғамбар юбормагунимизча (бирор кимсани) азобловчи бўлмадик». Пайғамбар юборилганлиги тўғрисида сабаб ва ҳужжат қоим қилинмасдан туриб, дўзахга ҳеч ким ташланмайди. Қуръони каримда бундай марҳамат қилинади: «Ҳар қачон унга янги гуруҳ (кофир бўлганлар) ташланганда, унинг қўриқчилари: «Сизларга (дунёда бирор) огоҳлантирувчи (пайғамбар) кел-маганмиди?» – деб сўрайдилар. (Улар) дерлар: «Ҳа, ҳақиқатан, бизга огоҳлантирувчи келган эди, (лекин бизлар уни) ёлғончига чиқарганмиз... » (Мулк, 8–9).

Демак, ҳақ йўлдан чалғимай, имон-эътиқодда собитқадам бўлиб, эзгу амалларни давомли равишда бажарсак, ўзимиз учун фойдалидир.

“Мўминларга шифо ва раҳмат” китобидан.
👍 @asrsaxovat