ApexMed

YouTube'da kuzatishingiz mumkin boʻlgan va men sizga tavsiya qila oladigan medical student'lar:

🧑‍💻Kharma Medic
👩‍⚕Zeliha Akpinar
👨‍🏫Santiago AQ

⚡️Dars tayyorlash, yashash, ovqatlanish, sayohat, univer vloglar, imtihonlar va shu kabi mavzularda videolar chiqarishadi.

Bo'sh vaqtingiz boʻlsa, koʻrib chiqing!

ApexMed

Oʻrgating!

Har qanday olgan bilimingizni ulashishga, oʻrgatishga harakat qilavering. U mendan o'zib ketadi, bilimli boʻlib ketadi, deb qoʻrqmang, hech qachon. Oʻrgatgan saringiz siz bilimli boʻlib borasiz, siz kuchayasiz.

Oʻrgatishdan oladigan foydalaringiz:

1. Ilm ulashish savobli ish, niyatni toʻgʻri qilsangiz kifoya, ajr-u savoblarni "qoplab" olaverasiz!

2. Ilm oʻrgatgan insoningizda sizga nisbatan iliqlik, hurmat paydo boʻladi. Doʻstlaringiz soni ortadi.

3. Oʻrgatish orqali takrorlaysiz. Oʻrgatish davomida miyangiz maʼlumotlarni avtomatik ravishda soddalashtiradi va bu oʻzingizning ham xotirangizda yaxshi saqlanib qolishida yordam beradi.

4. Oʻzingiz bilgan eng sara bilimlarni ulashish qalbingizni yumshatadi, undagi yomon sifatlar: hasad, baxillik, qizgʻonchiqlik kabilarni yoʻqotadi. Aksincha, saxiylik, mehribonlik, do'stonalik kabi hislatlarni shakllantiradi

5. Xotirjamlik his qilasiz. Vaqtni behudaga sarflamaganingiz, bilganingizni o'rgatganingiz, oʻzingizga ravo koʻrganingizni birodaringizga ravo ko'rganligingiz uchun ham qalbingiz taskin topadi.

Bitta nozik joyi: "Men ilm oʻrgatishga haqlimanmi? Oʻzim hali bu fanni yaxshi bilmaymanku" degan fikrlar boʻlishi mumkin. Ammo shuni yodda tutingki, siz oʻrgatayotgan insoningizni qaysidir sohada komil qilishni bo'yningizga olmayapsiz, buni u ham biladi. Shunchaki, bitta mavzuni yaxshiroq o'zlashtirdingiz undan sal koʻproq bilasiz, boʻldi tamom, o'rgatavering!

©ApexMed

Germaniya, AQSh, Rossiyada ishlash boʻyicha koʻpchilik tanishib boʻlgan. Shuning uchun ularni yozib oʻtirmadik! Yuqoridagi 3ta davlat bilan ham qiziqib koʻringlar.

Bu postlarda asosiy qismlari keltirilgan. Qaysi biri sizni qiziqtirsa, postda ko'rsatilgan saytlar orqali koʻproq maʼlumot oling!

Postlar yozilganiga bir qancha vaqt boʻlgani bois, hozirda kichik oʻzgarishlar boʻlgan boʻlishi mumkin!

🛩"Xorijda shifokor bo'lib ishlash" mavzusidagi postlar

🇹🇷 Turkiya

🇰🇷Janubiy Koreya

🇦🇪 BAA. Dubay

Bu yerda asosiy qismlarigina yoritilgan. O'zingizga kerak bo'lgan davlat haqida ko'proq izlaning!

Telegram | Instagram | YouTube

ApexMed jamoasi tomonidan tayyorlangan barcha foydali kontentlar:

🦴OSTEOLOGIYA
🫁SPLANXNOLOGIYA
🧬BIOKIMYO
👶EMBRIOLOGIYA
🫀FIZIOLOGIYA
🦠UMUMIY PATOLOGIYA
🧬ENDOKRIN SISTEMASI
💊ANTIBIOTIKLAR FARMAKOLOGIYASI

Barchasi sizlar uchun⚡️

Keyingi yil uchun oʻqish, karyera yoki hayot bilan boʻgʻliq qanaqa rejalar qildilar? Sir boʻlmasa yozib qoldirilar, sizlarniki kimgadir ilhom berib qolar...

Ilm va niyat haqida

Koʻpchiligimiz oʻqiganmiz: "Ilm olish - farz", "Ilmli inson qadr topadi", "Ilm ezgulikka yetaklaydi" kabi jumlalarni. Biz ham ilm olishning ulugʻ ajrlari haqida ushbu postni kanalimizga joylagan edik.

Albatta, bu mavzularda gapirishga bilimim kamlik qiladi, lekin oz boʻlsada fikrlarim bilan bo'lishmoqchiman.

Ilm deganda faqat din ilmi tushunilmaydi, oʻzi umuman, ilm diniy va dunyoviyga ajratilmaydi.

Biz har kuni borib keladigan, biologiya, gistologiya, fiziologiya, anatomiya, patologiya darslari ham ilm. Biz oʻrganayotgan ingliz, nemis, rus tillari ham ilm hisoblanadi. Biz oʻqiyotgan turli janrdagi kitoblar(albatta, qadriyatlarimizga mos kitoblar) va ulardan olayotgan xulosalarimiz ham ilm.

Biz faqat niyatimiz va qarashlarimizni toʻgʻrilashga harakat qilishimiz kerak. Masalan, ingliz tili oʻrganayotgan talaba: "Agar shunday tilni oʻrgansam va IELTS ovolsam, talablar orasida tanilaman, qoʻshimcha stipendiyalar olaman, zoʻr boʻlaman", deb niyat qilsa va faqat shu niyatlar bilan chegaralansa, baribir o'rganadi shu tilni, sertifikat ham oladi, xohlagan narsalariga ham erishadi ammo maqsadi oʻz manfaatlari boʻlganligi uchun ajrlarga ega boʻlolmay qolishi mumkin.

Lekin, niyati bunday boʻlsachi: "Shu tilni oʻrganaman, koʻplab chet el manbaalarini, olimlar tajribalarini birinchilardan boʻlib oʻqib-oʻrganaman, kasbimni eng zoʻri boʻlishga imkonim boʻladi, shu orqali insonlarni davo topishiga sababchi boʻlaman, shu yo'l bilan ummatga foydam tegadi, Alloh roziligiga, savob-u ajrlarga ega boʻlaman, ilmni boshqalarga ham ulashaman (til bilmaydigan doʻstlarimga). Kasbim orqali haloldan pul topaman. Alloh shu kasb orqali mol-dunyo bersa, oʻz farzandlarimni, qoʻshnilarim, qarindoshlarimning farzandlarini ham oʻqitishga, ilmli qilishga homiylik qila olaman, shuni ortidan ham savob olaman. Ushbu, men oʻrganayotgan tildan shunday foydalanaman. Niyatimni toʻgʻri boʻlsa, hozir shu kursga borib kelgunimcha ham ajrlar olaman!"

Xulosani esa chiqarib boʻldingiz, deb oʻylayman.

Vaqtingizga rozi boʻling, rahmat!

ApexMed

Nimadir oʻqiyotganda (medical), biror mexanizmni tushunib "haaaaaa💡" deyish yaxshi hissiyot a😅

Shu payt miyada kichkina ariqcha paydo boʻlib, neyronlarimiz semirar ekan...

"Ilm olishni Alloh yoʻlida jihod qilishdan afzal deb bilaman. Kim uyidan ilm talabida chiqsa, uni maloiklalar qanotlari bilan oʻrab oladilar, unga osmondagi qushlar, quruqlikdagi hayvonlar, dengizdagi baliqlar salavot aytadilar. Alloh taolo unga yetmish ikkita siddiqning ajrini beradi.

Odamlar, ilm egallanglar va ilm olish uchun sokin, muloyim, viqorli boʻlinglar, taʼlim olayotgan va taʼlim berayotganlarga tavozuli boʻlinglar! Olimlik bilan faxrlanmanglar, ahmoqlar bilan tortishmanglar.

Ilmning Allohga ibodatga halal bermaydiganini talab qilinglar. Ilmni tashlab faqat ibodatga yuz tutgan qavmdek boʻlmanglar!"

Xasan Basriy