“Anorbooks” nashriyoti

✨ Birgina qalbingiz hammasini oʻzgartiradi

Shams Tabriziy deydiki: “Hammasi qalbingga bogʻliq: qalbingni oʻzgartir, dunyo oʻzgarsin.” Qalbni esa dunyoga muhabbat emas, haqiqiy ishq mohiyatini anglash va his qilish bilan oʻzgartirish mumkin.

Bunda esa ishq ila dunyodan oshib samoga koʻtarilgan qalb egalaridan oʻrnak olmoq zarur. Ana shunday koʻngil sohiblari, “ikki dengiz” deya eʼtirof etiluvchi avliyolar — Shams Tabriziy va Jaloliddin Rumiy shunday ustozlardir.

Ularning goʻzal Turkiyadagi Koʻniyo maskanida qurgan xos suhbatlari sizga taskin topgan qalblar sirini ochadi. Koʻniyo va oʻsha davr muhitini yanada yaxshi tasavvur qilishingiz uchun kitobga asarning turk tilidagi tarjimasini ham kiritganmiz.😊

✅ Dunyoga boshqacha nigoh bilan qarashni istaydiganlar uchun ushbu asar sotuvda! Narxi esa atigi 15 ming soʻm. Oʻzbekiston boʻylab yetkazib beramiz.

Kitobga ega boʻlishingizda sizga @muxbir_kopirayter yordam berishi mumkin.😊

Telegram | Instagram | Youtube

😍 Fikr bildirib kitob yuting

Aziz kitobxonlar! Sizning qanday kitoblarga ehtiyojingiz borligi, nashriyotlar, xususan, “Anorbooks” faoliyati haqidagi fikrlaringiz biz uchun muhim!

Shu sababli oʻz yutuq va kamchiliklarimizni aniqlash, yanada yaxshilanish maqsadida onlayn holda soʻrovnoma oʻtkazishga qaror qildik.

Kelajakda nashriyotimiz faoliyati sizlar uchun yanada foydali boʻlishiga oʻz hissangizni qoʻshing. Buning uchun bir necha daqiqangizni qizgʻanmang.

🎁 Soʻrovnomamizda oʻz fikrlarini yozib qoldirgan 3 nafar kitobxonga yaqinda chop etilgan “Shams ila Mavlono” kitobimiz sovgʻa qilinib, yetkazib beriladi. Yutuq egalarini tasodifiy tanlash orqali aniqlaymiz.

Soʻrovnomamizni 23-martgacha toʻldirishingiz mumkin. Sovgʻaga qoʻyilgan kitob egalarini 24-mart kuni aniqlaymiz. Hoziroq quyidagi havolaga kirib soʻrovnomamizda oʻz fikrlaringizni bildiring:

➡️ SOʻROVNOMA

Barchadan beeʼtibor boʻlmaslikni kutib qolamiz. Fikrlaringizni bayon qilish orqali kelajakda siz oʻzbek tilida oʻqishni istagan asarlar chop etilishiga sabab boʻlishingiz ham mumkin.😊

Telegram | Instagram | Youtube

❗️Har kitobning oʻz oʻrni bor

Koʻz tegmasin, doʻkonlarda turli-tuman kitoblar bor. Aylanib-oʻrgilib yoqqanini olsangiz boʻladi. Ayniqsa, badiiy asarlarning safi kengaymoqda.

Aksariyatimiz ularni olamiz-da, oldimizdan ilmiy, biror sohaga oid kitob chiqsa eʼtiborsizgina joyiga qoʻyamiz. Xuddi bu kitob faqat oʻsha soha vakillariga foydali va kerakday.

Shu yerda Robinzon Kruzoni eslasak arziydi. Kimsasiz orolda unga badiiy emas, yovvoyi tabiatda yolgʻiz yashashida yordam beradigan kitoblar foydali boʻlardi.

Masalan, duradgorlik sirlari haqidagi kitob unga mustaqil qayiq yasashda yordam berardi. Yeyish mumkin boʻlgan va zaharli dengiz jonivorlari haqidagi kitob ham juda asqotardi.

Xullas, oʻzingizga umuman kerakmas deb hisoblaydigan kitoblarni shunchaki emas, biroz hurmat bilan joyiga qoʻyavering. Robinzonning holatiga tushmasangiz ham kerak boʻlib qolishi mumkin.😉

Telegram | Instagram | Youtube

🤭 Biz buni kutmagandik

Yutuqli tanlovimizning kechagi sonida toʻgʻri javob juda tez topildi. Savol uncha qiyin emasligini bilsak ham bunchalik tez topilib qolishini kutmagan edik.

Savolimizga joylangan vaqtdayoq 'https://t.me/anorbooks_nashr/1222?comment=4509' rel='nofollow'>Jahongir Jabborqulov ismli kitobxon doʻstimiz toʻgʻri javob qoldirgan ekan. Gʻolibimizni tabriklaymiz!🎉

Barcha ishtirokchilarimizga tanlovdagi faolligi uchun tashakkur bildiramiz. Aytgancha, kelasi safar ham savolimiz oson boʻlib qolsa hech boʻlmasa bir daqiqa oʻtkazib javob yozishingizni iltimos qilamiz.😁

Telegram | Instagram | Youtube

❗️ Diqqat, navbatdagi yutuqli savol

Oʻylashimizcha, bu savolning javobi darrov topiladi. Buning uchun tarixni zoʻr bilish shart emas. Kanalimizdagi postlarni eʼtibor bilan kuzatgan boʻlsangiz ham tezda topishingiz mumkin. Savol esa quyidagicha:

Bu shahar 2500 yildan ortiq tarixga ega boʻlib, unga tarixiy qahramonlardan biri Afrosiyob yoki uning kuyovi Siyovush asos solgani haqida maʼlumotlar bor. Nashriyotimiz tomonidan ushbu shahar haqidagi asar ham chop etilgan. Siz ushbu asar nomi va muallifini toping.

Javobingizni izohda yozib qoldiring. Gʻolib ertaga eʼlon qilinadi.😊

Telegram | Instagram | Youtube

📝 Rejalaringizga shu vaqtni kiritib qoʻying

Axir, ertaga chorshanba! Kanalimizda anʼanaviy sovgʻali tanlovimiz oʻtkaziladi. Yana bir marta kitob yutib olish imkoniyatiga ega boʻlasiz!

Tanlovda qatnashish qiyin emas: hozir soat 16:00 ga eslatma belgilang. Ertaga shu vaqtda kanalimizdan xabar oling. Navbatdagi mantiqiy savolimiz sizni kutayotgan boʻladi.😊

Yana qolib ketmang!🥲

Telegram | Instagram | Youtube

📚 Kitobxonlar hayotidan

Maʼlumotlarga koʻra, dunyo boʻylab insonlar taomlanish uchun umrining 5-6 yilini sarflar ekan. Bu kuniga oʻrtacha 1-3 soatni tashkil etarkan.

Tasavvur qilib koʻring, taomlanishga ketadigan vaqtimiz bir soatga tushdi. Qolgan ikki va undan ortiq soatlarda qancha kitob oʻqishimiz mumkin?!

❔ Siz ikki soatda necha bet kitob oʻqiysiz?

Telegram | Instagram | Youtube

📝 “Fishkasi” bor yozuvchining hikoyalari haqida

“Overton”ni goh nafrat, goh kulgi, goh kuyunchaklik bilan mutolaa qildim. Yozuvchi Ulugʻbek Hamdam muallifning ijodida OʼGenri, Mopassan hikoyalarini eslatadigan jihatlar borligini yozgan. Ochigʻi, bu ikki muallifni umuman oʻqimaganman. Lekin baʼzi jumlalar menga Oʻtkir Hoshimov qalamini eslatdi. Balki bugungacha shu yozuvchini koʻproq oʻqiganim uchundir. Ammo eslatdi degani xuddi shunday degani emas. Ulugʻbek Hamdam ham buni alohida taʼkidlagan. Barmogʻimizdagi chiziqlar ham har xil ekan, har bir yozuvchining oʻz ajralib turadigan jihati, zamon tili bilan aytganda “fishkasi” boʻlishi tabiiy va kerak deb hisoblayman.

Abdulla Chimirzayevning hikoyalaridagi ajralib turadigan jihat sifatida hikoyalardagi kutilmagan tub burilishlarga mahorat bilan navbat berilishi, shevadan unumli foydalanish, kezi kelganda oʻyga toldiradigan sirlilik kabi bir necha xususiyatlarni sanashim mumkin. Koʻp yillik kitobxonlar asarlardan aynan shunday jihatlarni kutsa kerak deb oʻylayman. Shaxsan oʻzim ham tez oʻqilib, magʻzi oson “hazm boʻladigan” matnlarni oʻqigim kelmaydi. Meni bir necha kunlab taʼsirlantira oladigan, oʻyga choʻmdiradigan, asarda tasvirlangan manzillarga oʻxshash joyga borganimda voqealari esimga tushadigan ijod namunalarini izlayman.

Hikoyalardagi qisqalikni ham alohida eʼtirof qilsa arziydi. Balki qahramonni, uning holatini keng tasvirlash kimgadir maʼqul tushar. Ammo buni qisqa tasvirlay olish ham bir mahorat ekanini tan olish zarur. Masalan, “Yolgʻiz kabutar” hikoyasida shaharga borib kelgan qahramon — Bektoshning oʻzgarib ketganini olaylik. Yozuvchi buni oʻn qator gapda uzun qilib izohlab oʻtirmaydi. Aksincha, “Endi Bektosh Bektosh emas, Toshbekga aylanib qolgandi” deya bitta gap bilan tushuntirib qoʻyadi. Bu yozuvchining oʻz ijodida ismlarni samarali qoʻllay olganini ham bildiradi.

✅ Nomi kitobga qoʻyilgan “Overton” hikoyasini alohida qiziqish bilan oʻqidim. Hikoyaga qoʻyilgan epigrafning oʻziyoq sizni hikoyani tezroq oʻqib tugatishga undaydi: “Hech qanday qonunni buzmagan holda jinoyat qilishning ming xil usuli mavjud”. Bu nima degani? Hikoya qahramonlari bu usullarni qoʻllaydimi? Ich-ichimdan qiziqishim toshib boshqalariga qaraganda hajmi kattaroq boʻlgan hikoyani birpasda tugatibman. Unda avvaliga oʻziga qiziq boʻlmagan sohada taʼlim olishga majburlikning oddiy holat emas, muammo ekanini koʻrasiz.

Keyin beixtiyor talabalikdagi sarguzashtlaringiz esingizga tushadi. Ustozi va kursdoshlari Overtonga aylantirgan Jobirdan nafratlana boshlaysiz. Oxirida esa muallifning uslubi oʻz ishini qiladi: sizni kutilmagan voqealar qarshi oladi. Endi Jobirdan nafratlanish oʻrniga uni tushunasiz. Faqat bu emas, boshqa hikoyalarda ham oqning qora, qoraning oq boʻlib chiqishiga guvoh boʻlasiz. Trendga chiqqan “Oq qora, qora oq boʻlib chiqsa-chi?” jumlasini eslab qoʻyasiz.

Ha, “Overton”dagi hikoyalar voqealarga boshqa jihatdan nazar solishni, tanqidiy fikrlashni oʻrgatadi. Miyangizga birinchi kelgan fikrda qotib qolmaysiz. Uning oʻzgarish ehtimoli borligini hisobga oladigan boʻlasiz. Oʻzini doim mutlaqo haq deb hisoblaydigan qaysar insonlarga shu kitobdan sovgʻa qilish kerag-ov. Kitobdagi har bir hikoyaga bir dunyo fikr yozishim mumkin. Ammo asar har kimda har xil taassurot qoldiradi. Shuning uchun xulosani kitobning navbatdagi oʻquvchilariga qoldiraman. Muallifning ijodiga esa yanada yuksak parvozlar tilayman.

Gulnur Ametova

❓Siz kimni alohida “fishkasi” bor yozuvchi deb bilasiz va asarlarini sevib oʻqiysiz?

Telegram | Instagram | Youtube

💬 Koinot ichida koinot bormi?

Balki bu savol sizga gʻalati eshitilgandir. Lekin yozuvchi Javlon Jovliyev qalamidan toʻkilgan misralarni oʻqisangiz, bu savolning maʼnosini tushuna olasiz.

“Onam va koinot” asari sizda shu kabi savollarni paydo qiladi, hayotga boshqacha nazar bilan qarashga, oʻzingizni savolga tutishga majburlaydi.

Har bir hikoya yangicha taassurot, yangicha xulosalarni taqdim etadi. Muallifning ortiqcha jimjimalarsiz, ravon uslubi yoqimli mutolaani taʼminlaydi.

✅ Atigi 35 ming soʻm evaziga muallifning oʻziga xos ijodiy olamiga sayohat qilishni istasangiz, @muxbir_kopirayter sizning xizmatingizga tayyor.😊

Telegram | Instagram | Youtube

🧠 Ilmiy fantastikaning otasi

Rasmdagi yozuvchi oʻzining “Dengiz ostidagi yigirma ming liga” asarida oʻz qahramoni kapitan Nemoning “Nautilus” nomli suvosti kemasini tasvirlagan. Bu kema suv ostida harbiy maqsadlarda foydalanilgan.

“XX asrda Parij” asarida esa muallif elektr stulning yaratilishini bashorat qiladi. 1860-yilda u oʻlimga mahkum etilganlar elektr toki urishi bilan oʻldirilganini tasvirlab bergan. 1890-yil 6-avgustda Nyu-Yorkdagi Abern qamoqxonasida aynan shunday jazo turi ilk bor qoʻllanilgan.

Shuningdek, yozuvchi xuddi shu asarida Parij banklarida hisoblash ishlari mashinalar yordamida bajarilganini ham yozgan. Bu kompyuterlar haqidagi bashorat sifatida eʼtirof etiladi. “Propeller oroli” asarida esa audiokitoblar yaratilishini ham bashorat qilgan.

✅ Balki siz ushbu ijodkorning asari asosida tayyorlangan “Dunyo boʻylab 80 kun” multfilmini koʻrgandirsiz?! Yoki “Oʻn besh yoshli kapitan” asarini oʻqigan boʻlishingiz mumkin.

Agar bu yozuvchini eslagan boʻlsangiz, uning kim ekanini izohda yozib qoldiring.😊

Telegram | Instagram | Youtube

🎉 Gʻolib aniqlandi

Sovgʻali tanlovimizning kechagi sonida toʻgʻri javobni birinchi boʻlib 'https://t.me/anorbooks_nashr/1211?comment=4462' rel='nofollow'>Temurbek yozib qoldirgan ekan. Gʻolibimizni tabriklaymiz! 😊

Savolning javobi: “Pedro Paramo” asarining muallifi Xuan Rulfo ispan xalqining farzandidir. Ushbu tildagi sheʼrlarni mohirona tarjima qilgan shoir esa Shavkat Rahmon hisoblanadi. “Anorbooks” tomonidan shoirning ijod namunalari “Zulfiqor ruh” nomi ostida chop etilgan.

Kanalimizda berilayotgan postlarni oʻtkazib yubormang. Bu savolga tezroq javob topish va gʻolib boʻlish imkoniyatingizni oshiradi.☺️

❔ Agar siz ham tanlovimizda gʻolib boʻlsangiz, qaysi kitobimizni sovgʻaga olishni istardingiz?

Telegram | Instagram | Youtube

😇 Kutilgan kun keldi

Birpasda haftaning chorshanba kuni yetib kelibdi. Sovgʻali tanlovimizning navbatdagi savoliga diqqat qiling:

Shoir X “Pedro Paramo” asari muallifining ona tilida yozilgan sheʼrlarni mohirona tarjima qilgan. Uning ijod namunalari nashriyotimiz tomonidan ham chop etilgan. Shoirning ism-sharifi va uning nashriyotimiz tomonidan nashr etilgan kitobi nomini toping.

Javobni kanalimizdagi postlarning oʻzidanoq darrov topishingiz ham mumkin. Faqat erinmasangiz va qunt bilan izlasangiz bas.

😊 Izlang, toping va javobini tezroq yozing. Kanalning izohlar qismi sizni kutyapti!👇

Telegram | Instagram | Youtube

📚 Kitobxonlar ham har xil boʻladi

Kitoblar janriga va boshqa jihatlariga qarab turli xil boʻlganidek, ularni sevuvchi kitobxonlarda ham oʻziga xos xususiyatlar boʻladi.

Biz ulardan ayrimlari haqida rasmlarda hikoya qildik. Bir qarab koʻring-chi, balki siz haqingizda ham yozgandirmiz?!😊

Agar shunday boʻlsa, izohda qaysi raqamdagi xususiyat sizga mos kelishini yozib qoldiring.☺️

Telegram | Instagram | Youtube