Andijon IIB | Rasmiy kanal

Andijon viloyati IIB JXX Huquqbuzarliklar profilaktikasi boshqarmasi va uning quyi tizimlari tomonidan xotin-qizlar hamda oila-turmush doirasidagi jinoyatlarni oldini olish maqsadida fuqarolik ishlari bo‘yicha sudlarda nizolashayotgan, turli muammolarga duch kelayotgan oilalar bilan profilaktik-ogohlantiruv tadbirlari o‘tkazilmoqda.

Xususan, shu kabi tadbirlar Izboskan va Andijon tumanlarida tashkil etilib, ishsiz xotin-qizlarni tumanlardagi mavjud ish o‘rinlari bilan tanishtirish, ularni kasb-hunarga yo‘naltirish, shuningdek, ijtimoiy yordamlar ko‘rsatish bo‘yicha amaliy ishlar olib borildi.

Bu kabi profilaktik tadbirlar viloyatimizning barcha shahar-tumanlarida davom ettirilmoqda.

Website | Facebook | Telegram | Instagram | Youtube

O‘zbekiston Respublikasi Prezidentining 2025-yil 3-yanvar kungi “2025-yilda respublika mahallalarida xavfsiz muhitni yaratish va huquqbuzarliklarni barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarori talablaridan kelib chiqib, joriy yilning 18-fevral kuni Paxtaobod tumanida mahalla yettiligi bilan “Ijtimoiy profilaktika” tizimi orqali amalga oshirilishi lozim bo‘lgan chora-tadbirlar yuzasidan amaliy va nazariy o‘quv mashg‘uloti o‘tkazildi.

Bunda profilaktika inspektorlari tomonidan huquqbuzarlik sodir etishi yoki undan jabrlanish ehtimoli yuqori bo‘lgan shaxslarga nisbatan mahalla vakillariga xulosalar berilishi, ular esa ushbu xulosa berilgan shaxslar bilan ijtimoiy profilaktik chora-tadbirlarni “E-ijtimoiy profilaktika” axborot tizimi orqali qay tartibda amalga oshirishlari yuzasidan batafsil amaliy tushunchalar berildi.

Bu boradagi profilaktik chora-tadbirlar davom ettirilmoqda.

Website | Facebook | Telegram | Instagram | Youtube

Andijon viloyati IIB JXX Huquqbuzarliklar profilaktikasi boshqarmasi tashabbusi bilan
muhokama yig'ilishi o'tkazildi

Bugungi kunda yoshlar o‘rtasida jinoyatchilikning oldini olish, ularning to‘g‘ri yo‘lda tarbiyalanishi va jamiyatga foydali shaxs bo‘lib yetishishi dolzarb masalalardan biri hisoblanadi. Shu sababli, Andijon viloyati IIB JXX Huquqbuzarliklar profilaktikasi boshqarmasi tashabbusi bilan Andijon shahridagi Yoshlar markazida mazkur mavzuda muhokama yig‘ilishi tashkil etildi.

Uchrashuv davomida mutaxassislar, huquq-tartibot idoralari vakillari va yoshlar ishtirok etib, yoshlar o'rtasida sodir etilayotgan jinoyatlar, ularning sabablari va salbiy oqibatlari atroflicha muhokama qilindi.

Eng muhimi – yoshlar o‘z hayotlari uchun mas’uliyatni his etishlari va xatoga yo‘l qo‘ymasliklari lozimligi ta’kidlandi.

Website | Facebook | Telegram | Instagram | Youtube

Andijon viloyati IIB JXX Huquqbuzarliklar profilaktikasi boshqarmasi tashabbusi bilan Andijon shahridagi Kasbiy ko‘nikmalar markazida ishsiz va bandligi ta’minlanmagan hamda ishlash istagida bo‘lgan fuqarolar uchun mehnat yarmarkasi tashkil etildi.

Mazkur mehnat yarmarkasi davomida ko‘plab fuqarolar o‘z intilish va qiziqishlaridan kelib chiqib, yangi kasb tanladilar. Xususan, yarmarka doirasida bugungi kundagi mehnat bozorida talab yuqori bo‘lgan sohalarda o‘qishi, zarur bilim va ko‘nikmalarni egallashlari uchun 4 nafar fuqaroga o‘qish yo‘llanmalari berildi, yana 3 nafar fuqaroning bandiligi ta’minlandi.

Bu kabi profilaktik va aholini qo‘llab-quvvatlashga qaratilgan tizimli chora-tadbirlar davom ettirilmoqda.

Website | Facebook | Telegram | Instagram | Youtube