ХАТОЛАРИМ БИЛГАНИМДА

Бошқа инсон бўлар эдим, хатоларим билганимда,
Бошқа ишлар қилар эдим, хатоларим билганимда.

Қанча хато орзуларни ўйлаб умрим ўтибди-я,
Бошқа орзу қилар эдим, хатоларим билганимда.

Ишонибман мен кимларга айёрлигин билиб-билмай,
Билсам асло ишонмасдим, хатоларим билганимда.

Сохта дўстлар дўстман деса дўстим дея ишонибман,
Унга яқин юрмас эдим, хатоларим билганимда.

Кимларнидир мурувватин кутиб қанча умрим ўтди,
Мурувватин кутмас эдим, хатоларим билганимда.

Ихлос қўйдим билиб билмай мени суймас инсонларга,
Унга ихлос қўймас эдим, хатоларим билганимда.

Қанча хато билан ўтди олтинга тенг бўлган умрим,
Ғани бошқача яшардим, хатоларим билганимда.
          Ғани Мажид