🫳-She’riyatga oshno qalblar uchun bayram-
"Sen oyday uzoqsan, malagim" kitobi taqdimoti doirasida tashkil etilgan ifodali she’r aytish tanlovi shunchaki musobaqa emas, balki she’riyatga oshno qalblar uchun unutilmas bir bayram bo‘ldi.
Bu tanlovning eng muhim jihatlaridan biri – uning shaffof o‘tganligi va adabiyot ixlosmandlariga teng imkoniyat yaratganligidir✍️. U faqatgina shoirlar yoki yozuvchilar uchun emas, balki yuragida she’riyatga muhabbat uyg‘ongan har bir inson uchun ochiq bo‘ldi. Har bir ishtirokchi she’rga o‘z ruhini baxsh etib, satrlar orqali his-tuyg‘ularini namoyon qildi. G‘oliblik esa nafaqat ijroning go‘zalligi, balki she’riyatga bo‘lgan samimiy muhabbat va hurmat bilan taqdirlandi.
🌙Bugun biz Amirqul Po‘lkan qalamiga mansub satrlar orqali adabiyotning qalblarni uyg‘ota olishini, insonni kamolga yetaklashini yana bir bor his etdik. Bunday imkoniyat yaratgan tashkilotchilarga, she’riyat bilan yashovchi har bir insonga cheksiz minnatdorlik bildiraman!
🕯Hurmat bilan Shamsiqamar Suyunova🕯