Alisher Sadullaev

@alisher_sadullaev

Channel's geo and language: Uzbekistan, Uzbek

Category: Politics

Bugun allaqachon kechikdik, kecha boshlashimiz kerak edi!

Related channels | Similar channels

Channel's geo and language

Uzbekistan, Uzbek

Alisher Sadullaev

29 Dec, 15:09

⚡️Prezident yordamchisi Saida Mirziyoyeva xalqimizning umidi bo‘lgan yosh shaxmatchimiz, ikki karra jahon chempioni Afruza Hamdamova 15 yoshida dunyo reytingining Top-20 taligiga kirgani bilan tabrikladilar.

♟️So’nggi yillarda nafaqat shaxmatchi yigitlarimiz, balki qizlarimiz ham tarixiy natijalarga erishmoqda.

👏Ofarin Afruza, biz siz bilan faxrlanamiz!

@alisher_sadullaev

162.7k 26 133 55 558

Alisher Sadullaev

28 Dec, 15:07

Yodingizda bo'lsa, yosh ijodkorlar tashabbusi bilan ishlab chiqilgan kurash veb-serialini e'lon qilgandik. Qisqa vaqtda serialning 6ta qismlari 185ming marta ko'rilibdi. Ilk qadamlar uchun yomon natija emas, ammo bugun yana bir bor eslatib o'tmoqchi edim veb-serial haqidagi fikrlaringizni biz bilan bo'lishing, uni tomosha qiling.

Marhamat: https://youtu.be/wr6VWdRWuJY?si=eQJlMUVocc1yyRPT

176.1k 37 61 63 250

Alisher Sadullaev

26 Dec, 11:32

⚡️Ibrat Farzandlari loyihasi orqali til o'rganib, sertifikat olganlar bormi obunachilarimiz ichida?

Qaysi tilni o'rgana oldingiz, qaysi darajagacha? Yana qanday imkoniyatlar loyihada aks etishini xohlar edingiz?

Javoblaringiz uchun rahmat!

228.5k 30 86 666 755

Alisher Sadullaev

21 Dec, 16:45

01:33

Video is unavailable for watching

Show in Telegram

Taxminan 9-10 yillarcha oldin yoshlar bilan turli mavzularda milliy kutubxonada debatlar o'tkazardik. Yuzlab yoshlar, ingliz tili bo'lsin, rus tili, koreys tili hatto yapon tilidan ham juda yuqori darajada muloqot qila olishar edi. Vaqti-vaqti bilan, hattoki kutubxonaning birinchi qavatdagi zaliga sig'mas edik...

Yaqinda eslab, tahlil qilsam shu klubga a'zo bo'lgan aksariyat yoshlar dunyoning nufuzli universitetlarida ta'lim olishdi, katta xorijiy korxona va tashkilotlarda hozirda ishlab kelishmoqda. Eng muhimi ular jamoalarining qon tomiri yoki asosiy yetaklovchisiga aylanishgan. Menimcha bunday tabiiy liderlarni tarbiyalab bergan klubni takrorlash qiyin, ammo yaqinda bir katta yangilikka ko'zim tushib qoldi va juda suyundim.

"Ibrat farzandlari" loyihasining "Ibrat debate" klubi lideri Azizbek dunyoning top oliygohlaridan biri bo'lgan Garvard oliygohida o'qish uchun 100 foizlik grant yutib oldi. (tasavvur qilayapsizmi, $400K, to'rt yuz ming dollardan ko'proq grantni Azizbek yutib olgan). Bu shunchaki xayratlanarli. Qoyil, Azizbek. Ota-onaningizga, ustozlaringizga rahmat.

P.S. Ma’lumot uchun: Hozirda Yoshlar ishlari agentligi O‘zbekistonlik yoshlarni Garvard, Kembridj, Oksford va boshqa shu kabi top oliygohlarga yo‘naltirish uchun "Top 100" loyihasi doirasida ularni o‘qishga tayyorlab, yubormoqda.

Maktab bitiruvchilari ham mazkur loyihalarda ishtirok etib, nufuzli oliygoh talabalari bo‘lishi mumkin. Bu loyihada ishtirok etish esa mutlaqo bepul!

@alisher_sadullaev

277.5k 36 490 126 796

Alisher Sadullaev

20 Dec, 18:56

⚡️G'alaba jamoaniki, mas'uliyat esa shaxsiy!

Yilning eng zo'r yetakchilarini g'oliblik bilan tabriklayman!

230.7k 26 67 93 961

Alisher Sadullaev

20 Dec, 12:34

06:23

Video is unavailable for watching

Show in Telegram

⚡️Mahalla yettiligi — xalqimiz ishongan tizim

Prezidentimiz Shavkat Mirziyoyev mahallaning xalq va davlat o'rtasida o'ziga xos ko'prik bo'lishi lozimligini ta'kidlab, umuman yangicha tizim - “Yettilik” yaratildi.

🔍Hozirda mahallada "yettilik" xalqimizning manfaat va ehtiyojlaridan kelib chiqib ish tashkil etishmoqda. Xususan, mahalladagi yoshlar yetakchisi bugun o'z mahallasida yoshlarning bandligi, ta'limi, bo'sh vaqtlarini mazmunli tashkil etishi uchun ishlamoqda.

➖ Ushbu videolavha orqali "mahalla yettiligi"ning faoliyati haqida ma'lumot beradi.

@alisher_sadullaev

116.9k 9 387 227 300

Alisher Sadullaev

20 Dec, 11:53

Dunyoning eng nufuzli universitetlarida Stanford, Garvard, Yale, British Columbia, Seoul NYda ta'lim olayotgan yoshlarimiz ayni vaqtda bepul master-klasslar tashkil etishmoda. Siz ham hoziroq ishtirok etishingiz mumkin.

👉https://t.me/Top100_Uni?livestream

254.6k 37 211 17 278

Alisher Sadullaev

19 Dec, 18:57

So'nggi vaqtlarda yoshlar o'rtasida elektron savdo, treyding, kriptovalyuta va ko'plab Internet bilan uzviy bog'liq moliyaviy mavzular ko'paymoqda.

Ularning qonunchilikdagi tartibi, soha rivoji va yoshlarning qiziqishlaridan kelib chiqib, shu soha vakillari, mutaxassislar bilan telegramda ochiq muloqot o'tkazsak.

Nima deysizlar?

304.9k 56 168 282 1.6k

Alisher Sadullaev

18 Dec, 18:05

Toki o'zbekistonlik bolalar kitoblarni sevib qolmagunlaricha, yoshlar uchun kitob o'qish kisloroddek muhim manbaga aylanmaguncha, biz mehnat qilaveramiz, mehnat qilaveramiz. Bu ish bizning gardanimizga tushgan, bu vazifa katta vazifa. Uni uddalash bizga mas'uliyat va sharaf.

#mutolaavaqtikeldi

@mutolaaxona

312.5k 53 375 355 1.6k

Alisher Sadullaev

18 Dec, 12:28

⚡️Yilning so‘nggi va eng exclusive marafoni spikerlari bilan tanishing!

12 soat davomida, onlayn tarzda, turli xil davlatlarning top universitetlari talabalari bilan suhbatlashamiz. Ushbu talabalar ro‘yxati bilan tanishishingiz mumkin.

Kechagi post izohlarida ko'rsatilgan Garvard, Stanford, Yale hamda Princeton kabi TOP universitetlarida ta'lim olayotgan yoshlar bilan muloqot qila olasiz. O'zingizni qiziqtirgan savollarni ularga bera olasiz. Umid qilamanki, Sizlar uchun juda foydali muloqot bo'ladi.

Sana: 20-dekabr.
Manzil: https://t.me/Top100_Uni

291.9k 43 482 35 464

Alisher Sadullaev

17 Dec, 17:54

⚡️Sizlar uchun super imkoniyatni e'lon qilmoqchimiz.

Chekka hudud-mi, shahar-mi?, hammaga birdek imkoniyat. Dunyoning eng nufuzli universitetlarida grant olib o'qish niyatingiz bormi?

Endi dunyoning eng nufuzli universitetlari, xususan Garvard, Stanford, Yale hamda Princeton kabi TOP universitetlarida ta'lim olayotgan yoshlar bilan muloqot qila olasiz.

Faqat savolimga aniq javob bering, qaysi top universitet va qaysi o'zbekistonlik talaba bilan muloqot qilgan bo'lar edingiz?

265.9k 38 210 456 505

Alisher Sadullaev

16 Dec, 19:53

Yangilikni e'lon qilsam!

Bachkana, qaynona, qaynota hamda kelin mavsuzidan nari o'ta olmaydigan kino va seriallardan charchagan bo'lsangiz, yosh ijodkorlar Sizlar uchun oila davrasida ko'rish mumkin bo'lgan yangi veb-serialni taqdim etishadi. Veb-serial yoshlarni qiynayotgan aktual muammolarni yuzaga olib chiqish bilan birga, ularning asl sabablari nimada ekanligiga ham e'tibor qaratadi.

Ochig'i bir nafasda ko'rib tugatdim, yosh va ko'pchiligi havaskor ijodkorlar e'tiborni bunday darajada ushlab tura olishadi deb o'ylamagan edim. Sizlar uchun qattiq tavsiya qilaman, ayniqsa har bir yetakchi va rahbarlar ko'rishi kerak bo'lgan veb-serial. Ota-onalar uchun haqiqiy ko'zgu. Yosh ijodkorlarga gap bo'lishi mumkin emas, kichik xatolar ham hatto serialni bezab turibdi. Serial uchun bastalangan maxsus musiqa va yangi yuzlar odamga haqiqiy yoshlikni qaytarib beradi. Omad va faqat omad!

P.S. YouTubedagi serialning birinchi qismida yozib qoldirilgan eng mazmunli izoh egalariga ijodkorlar tomonidan maxsus sovg'alar taqdim etilar ekan.

Marhamat tomosha qiling: https://youtu.be/T4swCbMEz7Y?feature=shared

439.2k 135 1.3k 165 876

Alisher Sadullaev

16 Dec, 18:00

⚡️Yaqin soatlar ichida yana bir qiziq loyihani e'lon qilamiz. Ajoyib, oxirgi kunlardagi eng hayajonli tashabbuslardan biri bo'lsa kerak.

Obunachilarimizga savol) Qanday loyiha e'lon qilinadi deb o'ylaysiz?

231.4k 28 38 130 555

Alisher Sadullaev

16 Dec, 08:25

⚡️Birinchi o'quv markazlari forumini yuqori kayfiyatda yakunlab oldik. Endi yana yuz minglab yoshlar zamonaviy kasblar va chet tillarini o'rganishlari uchun yangi imkoniyatlar paydo bo'ladi.

Undan ham quvonchilisi, onajonim erta tongdan reanimatsiya bo'limidan qo'ng'iroq qildilar. Ahvollari ancha yaxshi, duolaringiz ijobati bo'lsa kerak. Doktorlarimiz ham qo'ldan kelgan barcha yordamni ko'rsatdilar, tez orada to'liq tuzalib ketamiz deb Yaratgandan umid qilib so'rayman. Hech birimiz bemor bo'lmaylik.

240k 26 50 159 1.5k

Alisher Sadullaev

15 Dec, 07:43

🤲 Erta tongdan yaxshi xabar. Hali ham reanimatsiyada bo'lsak ham onajonim ovqatlanishga kuch topa oldilar. Nafas olishlari og'ir bo'lsa ham, gaplasha olishga kuch topa olayaptilar. Yaratgandan shifo so'rab qolaman. Duolaringizda eslab shifo so'raganingiz uchun ham rahmat. Hech qachon bemor bo'lmang.

245k 26 95 874 5.3k

Alisher Sadullaev

14 Dec, 21:49

#duo

Kun davomida yoshlarga zamonaviy kasblar va chet tillarini o'rgatish bo'yicha birinchi o'quv markazlari forumida bo'ldim. Kayfiyat juda a'lo.

Kechga yaqin esa onamning sog'liqlari biroz og'irlashganini eshitdim. Juda mayus tortdim. Onamni qattiq yaxshi ko'rganimdanmi, hamma ishlarim esimdan chiqdi. Hozir ularni ko'rgani keldim, ahvollari juda og'ir, ammo Yaratgandan shifo tilayman. Duolaringizda ularni eslab, shifo tilashingizni so'rab qolaman. Erta tongda, shifo bilan uyg'onsinlar.

489.1k 65 157 872 4.2k

Alisher Sadullaev

14 Dec, 09:54

⚡️Bugun sizlar bilan quvonchli xabarni bo‘lishmoqchiman!

Kuni kecha British Council hamda IDP IELTS imtihonidan muvaffaqiyatli o‘tgan yoshlarimiz haqida ma’lumot taqdim etishdi.

Unga ko‘ra, IELTS imtihonidan 5,5 va undan yuqori ball olgan yoshlar soni 2020-yilda 10 152 nafarni tashkil etgan bo‘lsa, joriy yilda 52 706 nafarga yetgan. Ya’ni 4 yilda 5 barobarga o‘sish kuzatilgan.

Shuningdek, 7-8 ball (C1 daraja)ni qo‘lga kiritganlar soni 2020-yilda 1807 nafarni tashkil etgan bo‘lsa, 2024-yil holatiga 13 424 nafarni tashkil etmoqda. O‘z navbatida bu 7,4 barobarga o‘sish kuzatilganini anglatadi.

8,5-9 ball (C2 daraja)ga erishganlar soni esa 2020-yilda 14 nafar bo‘lgan, 2024-yil holatiga esa ularning soni 332 nafarga yetgan.

Albatta, Prezidentimiz har tomonlama yoshlarimiz chet tillarini o‘rganishlari uchun yaratayotgan imkoniyatlari natijasida, xorijiy til imtihonlarida yuqori natija qayd etayotganlar soni nafaqat miqdor bo’yicha, balki sifat bo‘yicha ham oshib bormoqda.

Yoshlarimizni chet tillarini o‘rganishlari, global dunyoda raqobatbardosh mutaxassis bo‘lib olga intilishlarida omad tilaymiz.

@alisher_sadullaev

185.3k 61 747 117 847

Alisher Sadullaev

13 Dec, 09:34

Prezidentimiz ijtimoiy karta joriy etilishini e'lon qildi.

Hozirgi kunda 65 turdagi ijtimoiy xizmat va yordam olish uchun fuqarolarimiz tug‘ilganlik, nogironlik to‘g‘risida, pensiya, talabalik guvohnomasi, bank kartasi kabi 10 dan ortiq hujjatni ko‘tarib yurishga majbur.

Bunday ovoragarchilikka chek qo‘yish vaqti kelganini ta'kidlab, Prezident barcha hujjatlarni o‘rnini bosadigan bitta – ijtimoiy karta joriy etilishini e'lon qildi.

Ijtimoiy karta bilan avtobus va metroda bepul yurish, elektr, gaz va o‘qish xarajatiga kompensatsiya olish mumkin bo‘ladi, nafaqa va yordam pullari ham shu kartaga tushadi.

Bu tizim 1-iyulgacha Toshkent shahri va Yangiyo‘l tumanida sinovdan o‘tkaziladi, yil yakunigacha hamma joyda ishga tushiriladi.

@alisher_sadullaev

86.9k 6 334 98 420

Alisher Sadullaev

13 Dec, 09:10

Ayni vaqtda Prezident Shavkat Mirziyoyev raisligida ijtimoiy himoya sohasida amalga oshirilgan ishlar va 2025-yildagi ustuvor vazifalar yuzasidan videoselektor yig‘ilishi bo'lib o'tmoqda.

Kambag‘al oila farzandlarini chet tili, IT va kasb-hunarga o‘qitish uchun qo‘shimcha imkoniyatlar yaratiladi.

Mutasaddilarga 1-martgacha to‘garaklar ochib, kambag‘al oiladagi 118 ming yoshlarni o‘qitishni boshlash topshirildi. To‘garak xarajati 80 foizgacha byudjetdan qoplanadi.

Kambag‘al oilalar farzandlarini tayyorlab, 2025-yilda 3,5 ming yoshlarni oliygohga grant asosida qabul qilish zarurligi qayd etildi.

Oliygoh rektorlari ham kambag‘al oiladan jami 4 ming nafar yoshlarni o‘qitishga bosh-qosh bo‘ladi.

@alisher_sadullaev

277.9k 24 434 18 245

Alisher Sadullaev

11 Dec, 17:11

⚡️Bek va Lola 11 million marta ko'rildi!

Bugun Bek va Lola multserialining 5-qismi e'lon qilindi.

Bu safar qahramonlarimiz bolalar uchun qanday qadriyatlarni ilgari surishganini albatta ko'rishingiz shart.

Izohlarda bugungi qism haqida yozilgan mazmunli va batafsil sharh egalariga jamoamiz nomidan maxsus sovg'alar yetkazilib beriladi.

👉https://youtu.be/n0TMTQ3ik74