Jinoyat va jazo - Fyodor Mixaylovich Dostoyevskiy

Odamzodning ruhiyatini ochib beruvchi, uning ruhiy holatini mahorat bilan tasvirlovchi va klassik adabiyotining koʻzga koʻringan durdonalariga kiruvchi asar.
Asarni oʻqish juda oson va hayajonga soluvchi sahnalari yetarlicha topiladi. Hajm jihatidan oʻqigan kitoblarim ichida eng kattasi 782 bet. Agar biron inson oʻz ruhiy holatidan kelib chiqib bir qarorga kelsa uni mutlaqo haqiqat deya oʻylaydi. Asar bosh qahramoni Rodion Romanovich Raskolnikov ham oʻz nazariyasiga sidqidildan ishonib qoldi va oʻz nazaridagi bitchalik ham qadri boʻlmagan insonni hayotiga nuqta qoʻydi. Raskolnikov ikkinchi insonni oʻldirishni oʻylamagandi, barchasi tasodifan roʻy berdi. Inson bir narsadan qattiq siqilsa va uni hayolidan qoʻymasa es hushidan ayrilib qolishi mumkinligini asarni oʻqish jarayonida anglab yetdim.

Gunoh ish qilganidan soʻng banda astoydil va chin dildan tavba qilsa uni yaratgan ham, bandalari ham kechiradi. Tavba eshigi doim ochiqdur...

Raskolnikovning harakteri menikiga oʻxshaydi. Ikkimiz ham xudbinmiz, yaxshilik qilgan odamni xafa qilamiz va oʻzimiz ham xafa boʻlamiz.

@alievblog