AL-AMIN.UZ

Намоз ўқиш ҳаром ва макруҳ бўлган вақтлар хақида


"Кифоя" китобида уламоларимиз мазкур далиллар ва улардан бошқа ҳужжатлару қоидаларни ишга солиб, намоз ўқиш ҳаром ёки макруҳ бўлган вақтларни тартибли равишда баён қилиб берганлар.

وَرُوِيَ أَنَّ عُمَرَ رَضِي اللهُ عَنْهُ طَافَ بِالْبَيْتِ سَبْعًا بَعْدَ الْفَجْرِ وَلَمْ يُصَلِّ حَتَّى خَرَجَ إِلَى ذِي طُوَى، فَصَلَّى رَكْعَتَيِ الطَّوَافِ بَعْدَ مَا ارْتَفَعَتِ الشَّمْسُ

«Умар розияллоҳу анҳу бомдоддан кейин Байтни етти бор тавоф қилиб, Зу Тувога чиқмагунларича намоз ўқимадилар. Тавофнинг икки ракъат (намоз)ини қуёш кўтарилгандан кейин ўқидилар» («Фатҳу бабул иная би шарҳи Ниқоя»).
Ҳанафий мазҳаби бўйича, қуйидаги вақтларда барча намозларни ўқиш ҳаром:
1. Қуёш чиқаётган пайтда.
2. Қуёш қиёмга келган вақтда. (Жума куни мустасно.)
3. Қуёш ботаётган пайтда. (Ўша куннинг асри мустасно.)
Қуйидаги вақтларда нафл ўқиш ҳаром.
4. Бомдод намозининг фарзини ўқигандан то қуёш найза бўйи кўтарилгунча.
5. Аср намозининг фарзини ўқигандан то қуёш ботгунча.
Ҳанафий мазҳаби бўйича қуйидаги вақтларда ҳам нафл намозлари ўқиш макруҳдир:
6. Тонг отгандан сўнг бомдоднинг суннатидан бошқа нафл намозларни ўқиш. Бунинг далили:

عَنِ ابْنِ عُمَرَ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ بَعْدَ طُلُوعِ الْفَجْرِ إِلَّا رَكْعَتَيِ الْفَجْرِ رَوَاهُ الطَّبَرَانِيُّ

Ибн Умардан ривоят қилинади:
«Расулуллоҳ соллаллоҳу алайҳи васаллам:
«Фажрдан кейин бомдоднинг икки ракъат суннатидан бошқа намоз йўқ», дедилар».
Табароний ривоят қилган.
7. Шом намозидан олдин нафл ўқиш. Чунки шом намозини тез ўқишга амрлар бор. Ундан олдин нафл ўқиш шомни кечиктириш бўлади.
8. Жума, ийд, ҳаж, никоҳ, кусуф, хусуф ва истисқо хутбалари бўлиб турган вақтда. Бу вақт имом минбарга чиққанидан то намозни ўқиб бўлгунича давом этади.
9. Ийд намозидан олдин ва кейин.
10. Фарз намозга иқома айтилганда. Фақат бомдоднинг суннатини тезда, фарзга улгуриш шарти билан ўқиб олиш жоиз.

https://t.me/al_aminuz

Абдурахмон домла Артиқов
исломшунос-олим

Жаннатдаги зиёфат.

  Банда Аллоҳнинг байтига имкон қадар савоб умидида эртароқ бориши, азонни масжидда ўтириб эшитмоғи кўп ва ҳўп яхшидир.
Шу мавзудаги ҳадиси шариф билан танишамиз:

وَعَنْهُ رَضِيَ الله عَنْهُ، عَنِ النَّبِيِّ صلى
الله عليه وسلم قَالَ: «مَنْ غَدَا إِلَى الْمَسْجِدِ وَرَاحَ، أَعَدَّ اللهُ لَهُ نُزُلَهُ مِنَ الْجَنَّةِ، كُلَّمَا غَدَا أَوْ رَاحَ».

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:
«Ким масжидга эрта бориб, кеч қайтса, ҳар бир эрта бориб, кеч қайтгани учун Аллоҳ унга жаннатда зиёфат тайёрлаб қўяди», дедилар»

Муттафақун алайҳ.

Бундан мурод шу бўлиши керак. Бекорчиликдан эртароқ бориб гаплашиб ўтириш бўлмасин. Вақт ўтсинга келиб дунё гапларини қилиб масжидда ўтирмасин. "Эрта бориб кеч қайтса"дан мурод, бориб зикрга машғул бўлсин, намоздан кейин тез туриб чиқиб кетмасин, фарздан кейинги дуолар ижобат, ўтирсин.

Бозорга секин борилади, тез чиқиб кетилади. У жой шайтонлар манзилидир. Масжидга тез борилади, секин чиқиб кетилади. Бу жой Аллоҳнинг уйидир.

Абдурахмон домла Артиқов

https://t.me/al_aminuz

Ҳалол касб бу  -  ибодат.

Аллоҳ таъолодан тонг саҳарларда офият, ҳалол ризқ сўраймиз ва буни сабабини қилиб харакат қиламиз. Биласизми, ўша харакатингиз сизни қайсидир гуноҳингизга ҳам каффорат бўлар экан.

Расулуллоҳ соллаллоҳу алайҳи васаллам:

"Гуноҳлар ичида шундайлари борки, унга фақат ҳалол ризқ топиш мақсадида қилинган ҳаракатгина каффорат бўлади", деганлар.

Имом Табароний ривояти

Ҳазрат Умар розияллоҳу анҳу айтадилар: "Аллоҳ таоло ризқ беради, деб, касб қилишдан қўлларингизни тортманглар, Аллоҳ таоло тилла тангаларни осмондан ёғдирмайди".

Янги иш ҳафта бошланди, ҳаммамиз тирикчилик учун кўчага чиқамиз, иш жойларимизга йўл оламиз. 
  Аллоҳ таъоло хар бир қадамингизга ибодат савобини ёзсин, ҳатоларимизни кечирсин. Ҳалолидан зиёда қилсин.

Абдурахмон домла Артиқов
исломшунос

https://t.me/al_aminuz