ADPI yoshlari | Rasmiy kanali

Qadrli ustozlar, hurmatli hamkasblar, aziz talabalar va muhtaram yurtdoshlar!

Tabiat uyg‘onib, yer yuziga yangilanish nafasi yoyilayotgan mana shu mo‘jizakor faslda sizlarni sharqona yangi yil – Navro‘z bayrami bilan chin qalbimdan samimiy muborakbod etaman!

Alisher Navoiy hazratlari o‘z asarlarida bahorni hayotning eng go‘zal, eng zavqli damlari sifatida madh etganlar. Darhaqiqat, Navro‘z – bu faqat tabiatning emas, inson ruhiyatining ham yangilanishi, ezgu niyatlar bilan yangi marralar sari intilish davridir. Bu ayyom xalqimizning mehr-oqibat, do‘stlik va totuvlik kabi ezgu fazilatlarini yana-da mustahkamlab, hammamizni yaxshilik sari undaydi.

Navro‘z – bu hamjihatlik, saxovat va olijanoblik bayrami! Biz ham Navro‘z ruhidan ilhom olib, ta’lim-tarbiya sohasida yangi yutuqlarga erishish, ilm-ma’rifatni yurtimiz ravnaqi yo‘lida yanada rivojlantirish uchun harakat qilishimiz lozim. Zero, bilim va ma’rifat, fidokorlik va tinimsiz izlanish – har bir jamiyatning yuksalishiga asos bo‘luvchi ulug‘ qadriyatlardir.

Shu fursatdan foydalanib, sizlarga mustahkam sog‘liq, fayzli hayot, oila davralaringizda shodlik va baxt, mehnatlaringizda esa ulkan zafarlar tilayman. Ushbu qutlug‘ kunlar el-yurtimizga tinchlik va farovonlik olib kelsin!

Navro‘zingiz muborak bo‘lsin!

Hurmat bilan,
Rasulov Baxtiyor Mahmudjonovich
Andijon davlat pedagogika instituti rektori

✅@BaxtiyorRasulov

Qadrli yurtdoshlar!

🌿Andijon davlat pedagogika instituti jamoasi bahor nafasi bilan kirib kelgan, yangilanish va yasharish, mehr-oqibat va ahillik timsoli bo‘lgan Navro‘z bayrami bilan barchangizni samimiy muborakbod etadi.

🌸 Ushbu ulug‘ ayyom har bir xonadonga tinchlik, fayzu baraka, baxt va farovonlik olib kelsin! Yurtimizda doimo tinchlik-osoyishtalik hukm sursin, ezgu orzu-niyatlar ro‘yobga chiqsin!

🤲 Navro‘z bayrami siz va yaqinlaringizga qut-baraka olib kelsin!

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

#InsholarTanlovi

🎓 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi “Mahmudxo‘ja Behbudiy saboqlari” mavzusida insholar tanlovi e’lon qiladi

🖋 Tanlov 3 bosqichda o‘tkaziladi:
➡️ 1) oliy ta’lim muassasasi bosqich;
➡️ 2) hududiy (yoki mintaqaviy) bosqich;
➡️ 3) respublika final bosqichi;

💳 Tanlovning dastlabki bosqichi mart oyi yakuniga qadar tashkil etiladi. Unda ishtirokchilar “Mahmudxo‘ja Behbudiy saboqlari” mavzusida insho yozishlari talab etiladi. Inshoni yozish uchun 1 soat 30 daqiqa vaqt belgilanadi.

🆔 Tanlov g‘olibi bo‘lgan ishtirokchilar quyidagi tartibda diplom va pul mukofotlari bilan taqdirlanadi:
➡️ 1-o‘rin – 8 000 000 so‘m;
➡️ 2-o‘rin – 6 000 000 so‘m;
➡️ 3-o‘rin – 4 000 000 so‘m.

➡️ Tanlov nizomi: https://bit.ly/4ix3oy2

🗓 Tanlovning 1-bosqichi mart oyi davomida oliy ta’lim muassasalarida o‘tkaziladi.
🔎 Tanlovda ishtirok etmoqchi bo‘lgan talabalar taʼlim muassasasining Yoshlar masalalari va maʼnaviy-maʼrifiy ishlar bo‘yicha masʼullariga murojaat qilishi mumkin.

Bizning sahifalarimiz:
1️⃣ Telegram 2️⃣ Instagram
3️⃣ Facebook 📺 You tube

#InsholarTanlovi #Storytelling

🙋 Biopage Storytelling Writing Contest: ingliz tilida insho yozib, 300 dollargacha mukofot yutib oling!

🖋 Navbatdagi Storytelling Writing Contest qisqa insholar tanloviga ishlar qabul qilinmoqda. Insholar ingliz tilida yozlishi va 1000 soʻzdan oshib ketmasligi kerak.

💳 Tanlovda yoshi va davlatidan qatʼi nazar, barcha ishtirok etishi mumkin.

📌 Mukofotlar:
➡️ Asosi gʻolib – 300 dollar;
➡️ Yana 5 nafar eng yaxshi insho mualliflariga 100 dollardan.

⏲ Insholar 2025-yil 31-iyulgacha qabul qilinadi.

➡️ Batafsil

Bizning sahifalarimiz:
1️⃣ Telegram 2️⃣ Instagram
3️⃣ Facebook 📺 You tube

❗️O‘zlashtirish ko‘rsatkichiga qarab talabalarga grantlarni qayta taqsimlash tartibi tasdiqlandi

Hukumatning tegishli qarori bilan (№149, 10.03.2025) Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizom tasdiqlandi. Bu haqda O‘zA xabar bermoqda.

Nizomga ko‘ra, ta’lim grantiga talabgorlardan joriy o‘quv yilida o‘zlashtirish ko‘rsatkichi bo‘yicha GPA ko‘rsatkichi 3,5 va undan yuqori bo‘lishi talab etiladi. O‘zlashtirishi ushbu ko‘rsatkichdan past bo‘lgan talabalarning ta’lim grantini tabaqalashtirilgan tarzda qayta taqsimlashda ishtirok etishiga ruxsat etilmaydi va ta’lim granti o‘rni vakant qoladi.

Ta’lim grantiga talabgorlar uchun oliy ta’lim tashkilotining rasmiy veb-saytida onlayn ro‘yxatdan o‘tish va erishgan yutuqlarini asoslovchi hujjatlarni yuklash imkoniyati yaratiladi.

Ta’lim grantiga talabgorlarning o‘zlashtirish ko‘rsatkichlari mutanosib tarzda 80 ballik mezonda baholanadi, bunda GPA ko‘rsatkichini “16” soniga ko‘paytirish orqali aniqlanadi.

Ta’lim grantiga talabgorlarning ijtimoiy faollik ko‘rsatkichi 20 ballik mezonda baholanadi, bunda baholash mezoniga asosan hisoblangan natijani “5” soniga bo‘lish orqali aniqlanadi.

Belgilangan ta’lim granti o‘rinlari doirasida tanlov chegarasida bir xil natija ko‘rsatgan talabgorlarning akademik o‘zlashtirish ko‘rsatkichiga ustuvorlik beriladi. Agar o‘zlashtirish ko‘rsatkichida ham bir xil natija aniqlangan holatda mazkur talabgorlar uchun o‘zlashtirilgan semestrlarda o‘tilgan mutaxassislik fanlaridan test sinovlari o‘tkaziladi.

Oliy ta’lim tashkiloti kengashining qaroriga asosan ta’lim grantini oluvchi talabalar ro‘yxati har yili 25-avgustga qadar oliy ta’lim tashkilotining rasmiy veb-saytida e’lon qilinadi.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube