АКА-УКА ЭДИККУ

Фитналарга учдинг-а сен ҳам,
Бир лагандан ош егандикку!
Менга жуда қиляпти алам,
Ахир ака-ука эдикку...

Суҳбатларинг ёдимда ҳануз,
Халолдирсан ниятинг эзгу.
Орамизда гинами ёвуз,
Ахир ака-ука эдикку.

Тил учида айтган иқрорим,
Мени сенга айлади кулгу.
Ҳимоячим, тинглагил зорим,
Ахир ака-ука эдикку.

Бир кемада, жонимиз бизнинг,
Динимиз соф Ислом дердикку,
Чекинишдир иши ожизнинг,
Ахир ака-ука эдикку.

Сендан бўлак ишонганим йўқ,
Нафратларинг ўлдиряптику.
Яхшилигинг унутганим йўқ,
Ахир ака-ука эдикку.

Билмам қандоқ тақдир азалим,
Аммо шунча ғамни енгдикку.
Онам туққанлардан афзалим,
Ахир ака-ука эдикку!

@A_meshayan
Абдураҳмон Мешаян