Зикр аҳлидан сўранг!

#Ҳадис

Абу Ҳурайра розияллоҳу анҳу Набий соллаллоҳу алайҳи ва салламдан ривоят қилади: Аллоҳ таоло айтади: “Эй одам боласи, ибодатимга фориғ бўл. Шунда қалбингни бойликка тўлдираман, фақирлигингни кетказаман. Акс ҳолда қўлингни иш билан банд қилиб қўяман, фақирлигингни кетказмайман!”

Термизий, Ибн Можа, Аҳмад, Ҳоким, Байҳақий ривоят қилган. Ҳадис санади ҳасан...

ЯНА ОЖИЗА ДЕЙСАНМИ?!

Аёллар ичра юзлаб эркаклардан кўра афзалроқлари бор!
Дўзахнинг аксари аёллар, дейилган ва бу саҳиҳ хабар.
Ушбу ҳадисни далил қилиб аёлларга таъна қилишга бир оз шошмайлик.

Зотан, бошқа хабарларда жаннатнинг ҳам аксари аёллар экани ҳам келтирилган.

Ҳадисда эса аёлларнинг ношукрлиги, тилини ҳар хил ёмон кўзлардан тиймаслиги, эрини менсинмаслиги ва сен билан яшаб нима кўрдим, каби иддаолар қилиш сабабли дўзахий бўлиши айтилган.

Аммо солиҳа аёллар эса бундай ҳолатда бўлмаслар.

Қуйида солиҳа аёллар ҳақида маълумотлар келтирамиз:

ШАЙХ БИЛМАГАНИНИ АЁЛ БИЛДИ...

Солиҳ Муррий роҳимаҳуллоҳ дуо ижобати ҳақида:
- Кимки иштиёқ билан эшикни тақиллатаверса, албатта унга эшик очилади, дея кўп айтар эди.
Ушбу гапни эшитган Робиъа ал-Адавия роҳматуллоҳи алайҳа у кишига:
- Бу эшик қачон ёпиқ бўлган эканки, унинг очилиши сўралинса?, дея эътироз билдирди.
Шунда Солиҳ Муррий:
- Шайхнинг билмаганини, ушбу аёл билди, деди.

Суннатулоҳ Абдулбосит

Аллоҳ таолога муҳаббатнинг икки асосий сабаби

Бир савол туғилиши мумкин. Нима учун қалбда Аллоҳ таолонинг муҳаббати бўлиши керак? Унинг сабаблари борми? Бунинг икки асосий сабаби бордир.

Биринчи сабаб. Ҳаммага маълум бўлган одат шуки, қайси кишига бировдан яхшиликлар бўлса, меҳрибонликлар кўрсатилса, у киши ўзининг яхшилик қилувчи меҳрибонидан, албатта, мамнун бўлади. Уни яхши кўриб қолади.

Дўстим! Ахир, биз Аллоҳ таолонинг неъматларини сон-саноғига ета олмаймиз. У зотнинг бизга берган неъматларини фикрлаб кўрайлик.

إنْ تَعُدُّوا نِعْمَتَ اللَّهِ لَا تُحْصُوهَآوَ
«Агар Аллоҳнинг неъматларини санасангиз, саноғига ета олмассизлар» (Иброҳим сураси, 34-оят).

Энди, бир ўйлаб кўринг. Бирор киши ёмғир томчиларини санай оладими? Денгиз қатраларининг миқдорини била оладими? Бутун дунё дарахтларининг баргларини санай оладими? Осмон юлдузларининг саноғини била оладими? Бу саволларга жавоб бериш жуда мушкул. Лекин биродарим! Агар осмон юлдузларининг сонини, денгиз қатраларининг миқдорини билиш мумкин деб эътироз қилинса ҳам, камина ожиз шуни ишонч ва қатъият билан айтаманки, Аллоҳ таолонинг неъматлари саноғига етиш инсон зоти учун имконсиздир.

Агар Парвардигоримиз кўриш қобилиятини бермаганида, бизлар ҳеч бир нарсани кўра олмас эдик. Агар У зот бизга нутқ бермаганида, гапира олмас эдик. Агар Аллоҳ таоло бизга эшитишни бермаганида, биз кар, ҳеч бир нарсани эшита олмас эдик. Агар У зот бизга оёқлар бермаганида, биз юролмайдиган бўлар эдик.

Азизлар! Булар Аллоҳ таолонинг биз бандаларига берган иззат-икромидир. Токи биз иззат-икром билан ҳаёт кечирайлик. Ёки бирор киши бу ўзимнинг фазилатим, деб айта оладими? Йўқ, бу фазилат берувчи фазл соҳибининг инъомидир. Агар у зот ўз фазлидан бизга неъмат ато этмаса, биз ўзимиз уни ҳосил қила олмаймиз. Биз Ўз неъмат берувчимизнинг муҳаббатини қалбимизга жо қилайлик, уни ҳукмларига мувофиқ ҳаёт кечирайлик.

Шайх Зулфиқор Аҳмад НАҚШБАНДИЙ
"ИЛОҲИЙ ИШҚ" китобидан

МУАММО КЎПМИ? ЕЧИМ НИМАДА?

Кўпчилик одамлар, “ишим
юришмаяпти”, “қарзим кўп”,
“омадим келмаяпти”, “касаллик аримаяпти”, “муаммодан бошим чиқмаяпти” деб нолийди.

Ваҳоланки, шариатда бу борада ҳамма кўрсатмалар келган. Масалан, бошига ташвиш тушган одам намозларга эътиборлироқ бўлади. Кўпроқ нафл намозлар ўқиб, Аллоҳдан мадад сўрайди.

Ҳузайфа розияллоҳу анҳудан ривоят қилинишича, Набий соллаллоҳу алайҳи ва
саллам бошларига бирон юмуш тушса, дарров намоз ўқишга чоғланардилар.
(Абу Довуд ва Аҳмад ривоят қилган. Ривоят
санади саҳиҳ).

Қолаверса, иши юришмаётган одам кўпроқ истиғфор айтади.

Зеро, Абдуллоҳ ибн Аббос розияллоҳу анҳу ривоят қилишича, Расулуллоҳ соллаллоҳу алайҳи
ва саллам шундай деганлар:
“Кимда-ким кўп истиғфор айтса, Аллоҳ ўша (банда) учун ҳар қандай ғам-ташвиш ва тангликдан чиқиш йўлини (пайдо) қилади, уни ўзи ўйламаган томондан
ризқлантиради”. (Абу Довуд, Аҳмад, Табароний ва Ҳоким ривоят қилган).

Қийин дамларда дуога янада кўпроқ эътибор берилса, мақсадга мувофиқ бўлади.

Ибн Умар розияллоҳу анҳу
Расулуллоҳ соллаллоҳу алайҳи ва салламдан ривоят қилади: “Албатта дуо тушган ва тушмаган нарсаларда фойда беради. Шундай экан, эй, Аллоҳнинг бандалари, сизлар ўзингизга дуо қилишни лозим тутинглар”

(Термизий ва Ҳоким ривоят қилган. Ҳадис санади ҳасан).

Пайғамбаримиз соллаллоҳу алайҳи ва салламга салавот айтилса, бошга тушган ғам-ғусса арийди.

Сиз қавм-қариндош, ёр-
биродарларингизни, энг асосийси ота- онангизни ранжитмаганмисиз, уларга
яхши муомалада бўласизми?
Яқинларингиз кўнглини оғритганмисиз?
Мана шу жиҳатга ҳам эътибор беринг.
Чунки ота-онасини норози қилган “фарзанд”нинг зинҳор бири икки бўлмайди..

Хуллас, сиз ибодатларга мустаҳкам бўлинг, доим Аллоҳни зикр қилинг, Ўзигагина суянинг. Кейин, феълингизни кенгроқ қилинг, ҳуда-беҳудага жиғибийрон бўлаверманг, ҳар қандай ишни оғир-вазминлик билан ҳал қилинг.
Ҳаммаси Аллоҳдан эканлигига ишонинг

#ДУО

Бир аёл ҳикоя қилади:

Танишимни уйига бордим, меникига ўхшаган ёш-ёш фарзандлари бор. Мен фарзандларимга "тур намоз ўқи" деб тергасам ёш бўлгани тушунмагани учун эриниб намоз ўқишади. Танишимни ёш фарзандлари эса онаси айтмаса ҳам ўзлари туриб одоб билан намоз ўқишар эди. Мен бундан ажабланиб танишимдан буни қандай қилганини сўрадим !!!

- У: Мен дуо қилганимда намозимларимда Иброҳим сураси 40-оятини айтиб дуо қиламан. Шояд шу сабабдан фарзандларимга намоз севимли қилинган бўлса деб жавоб берди !!!

- Ҳақиқатдан Қуръонда келган Пайғамбарларни тили билан қилинган дуолар ижобат бўлишликга яна ҳам яқин бўлади !!!

👇Иброҳим 40-оят
«Роббижъалний
муқиймас-солаати ва мин зуррийятий. Роббанаа ва тақоббал дуъаа.»

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ

Эй Роббим, мени ва зурриётларимни намозни тўкис адо этадиганлардан қилгин.
Эй Роббимиз дуони қабул қилгин !!