Har yilgi bahoriy hasharlar munosabati bilan xodimning roziligisiz uning ish haqidan ushlab qolinishi mumkinmi?

Har yilgi odatga an'anaga muvofiq, bu yil 16-18-mart kunlari umumxalq xayriya hashari o'tkaziladi. Odatda, hashar munosabati bilan xodimlarning bir kunlik ish haqi ushlab qolinib, "Mahalla" xayriya jamoat fondiga o'tkazib berilshi odatiy holga aylanib ulgurgan. Ya'ni bunda hech kim xodimdan so'rab ham o'tirmaydi, shunchaki buxgalter yoppasiga 1 kunlik ish haqini o'tkazadi tamom!

Ko'pchilik xodimlar buni sezishmaydi yoki tekshirib o'tirishmaydi.

❗️Bir narsani yodda tutish kerakki, hashar munosabati ish haqidan ushlab qolinishi mutlaqo IXTIYORIY!
Hech qanaqa MAJBURIY EMAS!

Asos o'laroq aytib o'tishimiz mumkinki, Mehnat kodeksining 269-moddasiga ko'ra,

— Xodimning yozma roziligi bo'lmay turib uning ish haqidan ushlab qolinishi mumkin emas.

Shuningdek, mazkur moddada ish haqidan xodimning roziligisiz ushlab qolinishi mumkin bo'lgan holatlar ham sanab o'tilgan bo'lib, ular orasida hashar nazarda tutilmagan!!!
➖➖➖➖➖➖➖➖
Ps: Amaliyotda bizdagi "shustrik" ish beruvchilarimiz bunga ham "yo'l topishgan" bo'lib, unga ko'ra ular o'z xodimlaridan "tilxat" yozdirib olishlari mumkin.
Bunda xodimlarga tavsiyamiz, shunday mazmundagi "tilxat"larni yozmang.

Haq olinur berilmas!
(M.Behbudiy)


@Yurist_daily