2024-yil 9-aprel kuni buyuk davlat arbobi va sarkarda bobokalonimiz Amir Temur tavallud kuni munosabati bilan Yashnobod tuman axborot-kutubxona markazi xodimlari hamda "Kitosevarlar" klubi a'zolari bilan birgalikda Temuriylar tarixi davlat muzeyiga ekskursiya uyushtirdi.
Muzeyning asosiy maqsadi Amir Temur va temuriylar davrida ilm–fan, maorif va madaniyatning yuksak darajadagi taraqqiyotini haqqoniy aks ettirish va keng targ’ib qilish, chuqur insonparvarlik ruhi bilan sug’orilgan tarixiy yutuqlarimiz va an’analarimiz asosida yosh avlodni vatanparvarlik ruhida tarbiyalashdir.
Shunday ekan, ekskursiya davomida yosh avlodga A. Temurning O’rta Osiyo tarixida tutgan o’rni va roli haqida, nafaqat Markaziy Osiyo balki butun musulmon olami tarixida o’chmas iz qoldirganligi, Amir Temur qator Sharq mamlakatlari bilan diplomatik aloqalar o’rnatib, ular bilan turli savdo-sotiq, madaniy aloqalarga yanada keng yo’l ochib berganligi gapirib berildi. Ekskursiya yosh kitobxonlarda katta taasurot qoldirdi.