Янги Наманган тумани ҳокимлиги | Расмий телеграм канали

Жиноятчиликнинг олдини олиш ва ҳуқуқбузарликларни камайтиришга қаратилган ишлар ҳолати муҳокама қилинди

Янги Наманган туманининг “Мингчинор” маҳалласида ҳудуд етакчилари, профилактика инспекторлари ва жамоатчилик фаоллари билан мулоқот ўтказилди.

Учрашувда вилоят ҳокими Шавкатжон Абдураззоқов маҳалла ҳудудида жиноят салмоғи ортгани ва олдини олиш мумкин бўлган ҳуқуқбузарликлар содир этилгани ҳақида куюниб гапирди.

Суҳбат давомида аҳоли билан мулоқотни кучайтириш, жиноят ва ҳуқуқбузарликларни эрта аниқлашда профилактик тадбирларнинг самарадорлигини ошириш масалалари муҳокама қилинди. Жиноятчиликнинг олдини олишда нафақат ҳуқуқни муҳофаза қилувчи идоралар, балки ҳар бир маҳалла фуқаросининг фаол иштироки муҳим аҳамият касб этиши таъкидланди.

Учрашув давомида маҳалладаги ижтимоий муаммоларни ҳал этиш бўйича қатор амалий таклифлар билдирилди, уларнинг ижросини таъминлаш юзасидан масъулларга топшириқлар берилди.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

🔰 “Ташаббусли бюджет”даги лойиҳалар учун зарур мезонлар маълум қилинди

▫️2025 йил 1 февралдан “Ташаббусли бюджет” жараёнларининг 1-мавсуми бошланади. Илгари сурилган лойиҳалар Ишчи комиссия томонидан қуйидаги мезонлар асосида танлаб олинади:

—лойиҳада акс этган муаммо/тадбир тегишли туман (шаҳар) ҳудудига тегишли бўлиши;

—жамоавий муаммоларни ҳал этишга қаратилганлиги (йўлларни таъмирлаш, хиёбонлар ва болалар майдончаларини барпо этиш, ижтимоий соҳа обектларини таъмирлаш ёки жиҳозлаш, экологияни яхшилаш, ичимлик ва оқова сув таъминотини яхшилаш, кўча чироқларини ўрнатиш (таъмирлаш) ва шу кабилар);

—жамоатчилик томонидан билдирилган таклифлар идоравий ёки шахсий хусусиятга эга бўлмаслиги (шахсий автомашина, турар жой, бино-иншоотларни харид қилиш, маъмурий биноларни таъмирлаш);

—тадбиркорлик фаолиятини қўллаб-қувватламаслиги ҳамда лойиҳани амалга ошириш натижасида пуллик хизмат асосида фойдаланилмаслиги;

—бюджет ташкилотини сақлаб туриш билан боғлиқ харажатларни ўзида акс эттирмаслиги (иш ҳақи ва унга тенглаштирилган тўловлар, коммунал, алоқа ва Интернет хизмати учун тўловлар, шунингдек, канстовар ва бошқа тез эскирувчи моддий қийматликлар);

—маҳаллий давлат ҳокимияти, давлат органларининг биноларини қуриш, таъмирлаш ва жиҳозлаш ҳамда бошқа эҳтиёжларини қондиришга қаратилган бўлмаслиги;

—бошқа дастур ёки Ҳукумат топшириқлари асосида молиялаштириш манбаси аниқ белгилаб берилган обект ёки ишларни ўз ичига олмаслиги;

—лойиҳани амалга оширишнинг умумий қиймати базавий ҳисоблаш миқдорининг 4 минг баробари — 1,5 млрд сўмдан ошмаслиги лозим.

Хабарга кўра, бир хил мазмундаги бир неча лойиҳалар илгари сурилган бўлса, улардан маълумоти тўлиқ кўрсатилган дастлабки киритилган лойиҳа қабул қилинади.

🔰 Халқ депутатлари Янги Наманган тумани Кенгашининг бешинчи сессияси ўтказилади

▪️Халқ депутатлари Янги Наманган туман Кенгашининг бешинчи сессияси 2025 йилнинг 31 январь куни соат 10:00 да Янги Наманган туман ҳокимлигининг мажлислар залида бўлиб ўтади.

Кун тартибида Халқ депутатлари Янги Наманган тумани Кенгаши томонидан қатор масалалар кўриб чиқилиб, муҳим қарорлар қабул қилинади.

👉 Sayt | Telegram | Facebook | Instagram | Youtube | Guruh

Президент Шавкат Мирзиёев ижтимоий ёрдамларнинг манзиллилигини ошириш, ногиронлиги бўлганларни парваришлашнинг янги тизимига оид тақдимот билан танишди.

❗️Diqqat e’lon!

📣Hurmatli Yangi Namangan tumani fuqarolari!

💧Aholining ichimlik suv xizmatlari sohasidagi murojaatlarini ko‘rib chiqish maqsadida “Namangan suv ta’minoti” AJ direktori ishtirokida joriy yilning 29 yanvar kuni soat 10:00 da Yangi Namangan tumani fuqarolar uchun sayyor qabul bo‘lib o‘tadi.

📝 Qabul davomida Siz ichimlik suvi ta’minoti va kanalizatsiya xizmatlari bo‘yicha o‘zingizni qiziqtirgan savollarga javob olishingiz yoki sohaga oid takliflaringizni bildirishingiz mumkin.

📍Manzil: Yangi Namangan tumani Bunyodkor MFY binosida

Янги Наманган туманида давлат хизматчилари тиббий кўрикдан ўтказилди

Янги Наманган тумани ҳокимлиги аппарати ходимлари тиббий кўрикдан ўтказилди.

Кўрик давомида ходимларнинг саломатлиги, рухий ҳолати назорат этилиб, зарурий тавсия ва тиббий маслаҳатлар берилди. Малакали шифокорлар томонидан умумий саломатлик ҳолати баҳоланди ва профилактик тадбирлар амалга оширилди.

Бу чора-тадбирлар давлат хизматчиларининг меҳнат унумдорлигини ошириш ва уларнинг соғлиғини муҳофаза қилишга қаратилгани билан аҳамиятли.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

🔰 28 январь – Шахсий маълумотларни ҳимоя қилиш куни

▫️Бу кун 2007 йилдан буён нишонлаб келинади. БМТ интернет фойдаланувчилари шахсий маълумотарини ўзгаларга бермаслик, сайтлар, ижтимоий тармоқлар ва мессенжерларда шубҳали ҳаволаларга кирмасликни ёдда тутишлари учун 28 январни шахсий маълумотларни ҳимоя қилиш куни деб эълон қилган.

Кейин аттанг деб қолмаслик учун шахсий маълумоларингиз, яъни паспорт ва пластик карта маълумотлари, яшаш манзилингиз ва телефон рақамингизни бегона шахсларга тақдим этманг.

👉 Sayt | Telegram | Facebook | Instagram | Youtube | Guruh

🔰 Расман: ҳайдовчилар энди, техпаспорт, ҳайдовчилик гувоҳномаси ёки ID-карта олиб юришлари шарт эмас

▫️2025 йил 1 июндан бошлаб ЙПХ ходимига ID-картанинг электрон версиясини смартфонида кўрсатиш кифоя қилади

Шунингдек, банкларда, нотариусларда, темир йўл станцияларида ёки аэропортларда сиз ID-картангизни телефонингиз орқали кўрсатишингиз мумкин

Ўзбекистон Республикаси Вазирлар Маҳкамасининг 27.12.2024 й. 897-сон “Аҳолини ижтимоий қўллаб-қувватлашда “ижтимоий карта“ тизимини жорий этиш чора-тадбирлари тўғрисида“ги Қарори

👉 Sayt | Telegram | Facebook | Instagram | Youtube | Guruh