Yoshlarni qo'llab-quvvatlash|Rasmiy kanal

📌 O'qish davri stajga qo'shiladimi?

Quyidagi oʻqish davrlari pensiyaga chiqishda ish stajiga qo‘shib hisoblanadigan mehnat faoliyati turlari hisoblanadi

🇺🇿 “Fuqarolarning davlat pensiya ta'minoti to'g'risida”gi Qonunning 37-moddasi “e” bandiga asosan:

➖ Oliy ta’lim muassasalarida;
➖ magistratura va klinik ordinaturada;
➖ stajor-tadqiqotchi izlanuvchilar institutida;
➖ katta ilmiy xodim-izlanuvchilar institutida;
➖ tayanch doktoranturada;
➖ doktoranturada;
➖ chet elda o‘qigan davlari mehnat stajiga qoʻshib hisoblanadigan davrlari hisoblanadi.

Talabalar yuqorida keltirilgan taʼlim turlarining kunduzgi taʼlim shaklida oʻqigan boʻlsa pensiyaga chiqayotganida oʻsha oʻqigan davrlari mehnat stajiga qoʻshib hisoblanadi.

Asos: https://lex.uz/acts/-112314

Do'stlaringizga ulashing
@YQQUZB_KANAL

📌 Shu vaqtgacha televideniyalarda ko'rgan va kelajakda ko'radigan intervyularimiz xronologiyasi:

2017-yil talabalar va professor-o'qituvchilar televideniyaga intervyu bermoqda:

Endi paxtaga, ko'cha tozalashga va majburiy mehnatga jalb qilinmayabmiz, endi faqat ta'lim sifati bilan shug'ullanamiz, yurtboshimizga ming rahmat!

2050-yil talabalar va professor-o'qituvchilar televideniyaga intervyu bermoqda:

Endi adiblar xiyoboniga tadbir o'tkazishga, maktablarga tadbir o'tkazishga, texnikumlarga majlis o'tkazishga, futbol hokkeylarga stadion to'ldirishga, kambag'al oilalarga oziq-ovqat tarqatishga, chempionlarni kutib olishga bormayabmiz, endi faqat ta'lim sifati bilan shug'ullanamiz, yurtboshimizga ming rahmat!

Yana imkoniyatlar uchun qo'shimcha rahmat aytadiganlar komentga marhamat...

Do’stlaringizga ulashing
@YQQUZB_KANAL

📌 Talaba farzandli bo‘lsa, OTMdan suyunchi puli oladimi?

❌ Qisqa javob: yo‘q, bu noto‘g‘ri xabar. Suyunchi puli olish uchun hech qayerga murojaat qilish shartmas, avtomat ravishda ota-onadan biring plastik kartasiga tushadi.

❎ Batafsil javob: Telegramda shu xabar rosa aylandi. Bu noto‘g‘ri xabar bo‘lgani uchun, izoh berib o‘tmoqchiman.

Qonunchilikka ko‘ra, istalgan oilada farzand tug‘ilganda bir martalik nafaqa puli beriladi. Bu xalq tilida “suyunchi puli” deyiladi.

Ushbu “suyunchi puli” ota-ona nima ish qilishidan qatʼi nazar barcha fuqarolarga beriladi, xoh davlat ishida, xoh xususiy sektorda ishlasin, xoh ishsiz bo‘lsin, xoh talaba bo‘lsin, farqi yo‘q. Hamma oladi.

Maʼlumot uchun:

“suyunchi puli” summasi — mehnatga haq to‘lashning eng kam miqdorining 70,3 foizi deb belgilangan. Yaʼni hozirgi kunda 738 ming 150 so‘mni tashkil etadi.

Bir necha yillar oldin ushbu “suyunchi puli”ni ishlayotganlar ish joyidan, o‘qiyotganlar o‘qish joyidan, ishsizlar esa Pensiya jamg‘armasidan olar edi.

Ammo bu tizim o‘zgarib ketganiga 4 yil bo‘ldi.

Bugungi kunda bola tug‘ilganda “suyunchi puli” olish uchun hech qayoqqa murojaat qilish shart emas. Kimgadir ariza berish ham, qayoqqadir borib uchrashish ham shart emas. Barchasi avtomatlashgan.

Bola tug‘ilganda avtomatlashgan tizimning o‘zi JShShIR raqam beradi, tug‘ilganlik guvohnomasini rasmiylashtirish uchun ariza yuboradi, bog‘chaga navbatga qo‘yadi, poliklinikaga ro‘yxatga kiritadi. Xuddi shunday “suyunchi puli” ham ota-onadan birining plastik kartasiga avtomat tushadi. Yana qaytaraman, buning uchun hech qayoqqa borish yoki ariza berish shart emas.

Shu tizimni yaratishda bosh-qosh bo‘lganlarga katta rahmat, baraka topishsin.

❗️Xulosa: bola tug‘ilganda rektor nomiga ariza bersak, pul olarkanmiz, degan xabarlar eski. Hozir bunaqa tizim yo‘q.

Do’stlaringizga ulashing
@YQQUZB_KANAL

📌 TATUning Nurafshon filiali tugatiladi

Prezident qarori bilan tashkil etilayotgan “Cyber university” Toshkent axborot texnologiyalari universiteti Nurafshon filiali bino va inshootlariga joylashtiriladi.

TATU Nurafshon filiali faoliyati 2024/2025 o‘quv yilidan so‘ng tugatilib, talabalar Toshkent axborot texnologiyalari universitetining tegishli kurslariga ko‘chiriladi.

Do'stlaringizga ulashing
@YQQUZB_KANAL

📌 Fargʻona viloyatidagi OTMlar faoliyati yanada takomillashtiriladi

“Fargʻona viloyatidagi oliy taʼlim tashkilotlari faoliyatini yanada takomillashtirish chora-tadbirlari toʻgʻrisida”gi Prezident qarori (PQ-26-son, 24.01.2025 y.) qabul qilindi.

✅ Qarorga koʻra, quyidagi universitetlar qayta tashkil etiladi:

▪️Fargʻona politexnika instituti va Toshkent axborot texnologiyalari universiteti Fargʻona filiali negizida Fargʻona davlat texnika universiteti;

▪️Qoʻqon davlat pedagogika instituti, Toshkent davlat texnika universiteti Qoʻqon filiali hamda Oʻzbekiston davlat sanʼat va madaniyat instituti Fargʻona mintaqaviy filiali negizida Qoʻqon davlat universiteti;

▪️Oʻzbekiston davlat jismoniy tarbiya va sport universiteti Fargʻona filialini qoʻshib yuborish yoʻli bilan Fargʻona davlat universiteti.

🗓 2025/2026 oʻquv yilidan:

mazkur universitetlarning malaka talablari va oʻquv dasturlari yuqori 300 talik roʻyxatga kirgan xorijiy oliy taʼlim tashkilotlarining dasturlari asosida ishlab chiqiladi;

iqtidorli talabalar uchun darslar xorijiy tillarda oʻqitiladigan alohida guruhlarda tashkil etiladi;

📋 Fargʻona davlat texnika universitetida Ilgʻor muhandislik maktabi va “spin-off” korxonalari faoliyati tashkil etiladi hamda yirik ishlab chiqarish korxonalari va tashkilotlari sanoat hamkori sifatida biriktiriladi.

🎓Tugatilayotgan oliy taʼlim tashkilotlarida tahsil olayotgan barcha talabalar oʻqishini yangidan tashkil etilgan tegishli universitetlarda davom ettiradi.

Do'stlaringizga ulashing
@YQQUZB_KANAL