RASMIY MUNOSABAT
Bugun ijtimoiy tarmoqlarda Xonqa tumanidagi maktabgacha ta’lim tashkilotlarining birida xodimlar ishtirokida tadbir o‘tkazilganligi va ushbu tadbirda spirtli ichimliklar iste’mol qilingani aks etgan videolavha tarqatildi.
Holat kecha, mazkur video ijtimoiy tarmoqlarda tarqatilmasidan burun murojaat asosida Xorazm viloyati Maktabgacha va maktab ta’limi boshqarmasi ishchi guruhi tomonidan tezkor ravishda o‘rganildi va o‘rganish davomida quyidagilar aniqlandi.
Videolavhada aks etgan holat 2024-yil 28-dekabr kuni Xonqa tumanidagi 27-son maktabgacha ta’lim tashkilotida Yangi yil munosabati bilan o‘tkazilganligi aniqlandi.
Xodimlar Yangi yil bayram tadbirini kafe va restoranlarda nishonlashni ma’qul ko‘rmay, tarbiyalanuvchilarni uylariga kuzatib bo‘lgach, muassasaning o‘zida nishonlash uchun tashkilot direktoridan ruxsat olganlar. Biroq direktor o‘zi yig‘ilishda ishtirok etganligi sababli ushbu tadbirda ishtirok etmagan. Tashkilot direktori tadbirda spirtli ichimlik iste’mol qilinganidan xabari yo‘qligini va bunga ruxsat bermaganligini bildirdi.
O‘z lavozim majburiyatlariga sovuqqonlik bilan qaraganligi uchun maktabgacha ta’lim tashkiloti direktoriga nisbatan "Hayfsan" intizomiy jazo chorasi qo‘llanilganligini ma’lum qilamiz.
Shuningdek, xodimlar o‘rtasida yuqorida kabi holat qayta takrorlanmasligi, aks holda qat’iy chora ko‘rilishi yuzasidan tushuntirish ishlari olib borildi.
Xorazm viloyati Maktabgacha va maktab ta’limi boshqarmasi Matbuot xizmati.
Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt
Bugun ijtimoiy tarmoqlarda Xonqa tumanidagi maktabgacha ta’lim tashkilotlarining birida xodimlar ishtirokida tadbir o‘tkazilganligi va ushbu tadbirda spirtli ichimliklar iste’mol qilingani aks etgan videolavha tarqatildi.
Holat kecha, mazkur video ijtimoiy tarmoqlarda tarqatilmasidan burun murojaat asosida Xorazm viloyati Maktabgacha va maktab ta’limi boshqarmasi ishchi guruhi tomonidan tezkor ravishda o‘rganildi va o‘rganish davomida quyidagilar aniqlandi.
Videolavhada aks etgan holat 2024-yil 28-dekabr kuni Xonqa tumanidagi 27-son maktabgacha ta’lim tashkilotida Yangi yil munosabati bilan o‘tkazilganligi aniqlandi.
Xodimlar Yangi yil bayram tadbirini kafe va restoranlarda nishonlashni ma’qul ko‘rmay, tarbiyalanuvchilarni uylariga kuzatib bo‘lgach, muassasaning o‘zida nishonlash uchun tashkilot direktoridan ruxsat olganlar. Biroq direktor o‘zi yig‘ilishda ishtirok etganligi sababli ushbu tadbirda ishtirok etmagan. Tashkilot direktori tadbirda spirtli ichimlik iste’mol qilinganidan xabari yo‘qligini va bunga ruxsat bermaganligini bildirdi.
O‘z lavozim majburiyatlariga sovuqqonlik bilan qaraganligi uchun maktabgacha ta’lim tashkiloti direktoriga nisbatan "Hayfsan" intizomiy jazo chorasi qo‘llanilganligini ma’lum qilamiz.
Shuningdek, xodimlar o‘rtasida yuqorida kabi holat qayta takrorlanmasligi, aks holda qat’iy chora ko‘rilishi yuzasidan tushuntirish ishlari olib borildi.
Xorazm viloyati Maktabgacha va maktab ta’limi boshqarmasi Matbuot xizmati.
Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt