Xitob

Har necha dedimki, kun-kundin uzay sendin ko’ngul,
Vahki, kun-kundin batarrak mubtalo bo’ldim sanga.

• Navoiy

إني أعلم أن الطريق طويل..
فاجعلني قويا يا الله!

#Sheriyat

* * *

Эй қуёш, юзинг очгин, ғам тунида зорингман.
Сидқ ила нафас урғон субҳи беғуборингман.

Сан жамол-у ҳашматда ҳусн мулки шоҳисан,
Ман малол-у кулфатда бандаи назорингман.

Қилма айб агар қилсам ишқинг ичра ожизлиқ,
Қарилиқ юки босғон зори бемадорингман.

Гарчи ўзгалар ёнлиқ айлай олмоғим хизмат,
Лек алар қаторида бир умидворингман.

Неча умрлардурким фурқати ғами ичра,
Йиғлабон кеча-кундуз зори беқарорингман.

Марҳамат кўзи бирла ҳолима назар қилғил,
Кўйинг ичра ер тутғон бир дуога зорингман. 

Истасам азиз бўлмоқ, тонг йўқ илтифотингдин.
Чунки Огаҳий янглиғ ишқ ичра хорингман.

🥀ОГАҲИЙ

7. Ва Роббингиз сизга: «Қасамки, агар шукр қилсангиз, албатта, сизга зиёда қилурман. Агар куфр келтирсангиз, албатта, азобим шиддатлидир», деб билдирганини эсланг.

• Иброҳим

#Nukta

⏺Ҳукмларни билмаслик гуноҳларни касб этишга, ҳаромни тановул қилишга, одамларни зулм қилишга, намоз ва рўзани зое қилишга сабаб бўлади.

⏺Бу дунёни паст - фоний эканини билмаслик, унда абадий қолиш самарасини беради.

⏺Охират дунёсининг нафислигини билмаслик, бу дунёни ундан ортиқ билиш самарасини беради.

⏺Аллоҳ таолонинг айёмлари, яъни неъматлари қадрини билмаслик ғафлат ва ғурурни, Аллоҳ таолога гуноҳ ишларни қилишга журъатни ҳосил қилади.

📚 Изз ибн Абдуссалом Суламий рохимаҳуллоҳ, “Шажаротул маориф”(маърифатлар шажараси) китобидан.

#Nukta

Одоб сақла!
Бирон гапни гапиришга шайланаркансан, тишларинг орасидагини назорат қилишнинг ҳам риоясини қил.
Зеро, “гапирилган гап - отилган ўқ” кабидир. Отилади ва аниқ нишонга бориб етади.
Қалбларни эса аввалгидек қайта тиклашнинг муолажаси йўқ.

Одоб сақла!
Араб тилида келтирилган ушбу жумлага бор эътиборингни қарат:

“تأدب إن الله يراك!"

#Ilhom

ИШОНМАСМИ?

Бир-у боринг мен деганга, энди ортиқ ишонмасми?
Ҳасби ҳолин сўраганга, энди ортиқ ишонмасми?

Ишонганди неча лофга, хотирига уриб муҳр,
Ул муҳрни парчалаган ёр-у дўстга ишонмасми?

Неча ёлғон аро шайдо айлаб қаросин,
Қароғин кўрмас қилган қон-қардошга ишонмасми?

Алиф қаддин дол айлаб, ёлғон-ла кўммоқ нечун?
Саботидан айирган аҳд-паймонга ишонмасми?

Ёлғон сўзга етмай доши, фалакларга етиб оҳи,
Минг ваъдадан толса гоҳи, ер-у кўкка ишонмасми?

Ишонгани рўё бўлиб, тушлар ундан ростроқ бўлса,
Инонч номли дарахт сўлса, содиқ дўстга ишонмасми?

Бир-у борим деганларга, дўстман, ёрман деганларга,
Ҳасбин, ҳолин сўрганларга, энди ортиқ ишонмасми?

29.01.2024, 10:04

@Xitob_EyKongil

#نظم
و أخفي عنك شيئا ليس يحكى
فأصمت ثم تفضحني عيوني

ألا يا عين كنت الأمس أوفى
فمن علمك سرا أن تخفوني

#Mulohaza

Кўксимга бир нарса тиқилиб қолгандек, қаттиқ тошга ўхшаш бир нарса. Ҳеч чиқиб кетмаяпти. Кўзёшлар ювади десам, на кўзёш юмшатди, бор овозим билан баралла кулай десам ҳам нафи йўқ экан. Буни англатай десам, дилкаш инсон йўқ. “Сен гапир, мен эшитай” деган гапни самимий айтадиган бирини топиш қийин бўлган замонда яшамоқдамиз ёҳуд замонлар оша шундай бўлиб келган.

Аммо шуларга қарамай, мен эмпатиянинг кучига ва эмпатлар мавжудлигига ишонаман. Эътимод қилишдан бошқа чорам ҳам йўқлигидан бўлса керак.
Агар ҳиссий боғлиқлик; маънан ҳамроҳ; қалбидан чуқур жой олганинг; ҳеч қандай манфаатларсиз, талаб ва шартларсиз сенга ўзини бағишлаган; йиғласанг, табассумингга сабаб бўлган, жилмайсанг эса ҳандон кулдирган; ҳеч кимга суяна олмаганингда йелкасини тутган бирининг борлигига, бўлишига умид боғламасанг, қандай умидсиз яшайсан ахир?!

Шуларни ўқир экансан(гарчанд жиддий, ҳиссиёти ўлган бири бўлсанг ҳам), шундай ҳамроҳ, йўлдошга эҳтиёжинг борлигини, албатта, эсга оласан. Одам алайҳиссаломки ҳамроҳга муҳтож эканлар, “Ҳавво*”ларга бўлган эҳтиёж бўлмаслиги имконсиз.

Ушбу байт ҳам келтирилган ёзиқлар муддаосининг айнидир:

“Яшолмайди одам ҳавосиз,
Яшолмади Одам Ҳавосиз”.


* Шу каби ўринларда, хос умумийлаштирилган.

@Xitob_EyKongil

— Хўш, аҳволинг яхшими?
— Мен яхшиман. Худди шохда базўр турган япроққа ўхшайман, тўкилишим учун шамолнинг секин эсиши кифоя. Овозим кампиршонинг овозига ўхшаб қолди, кўзларим эса бурунгидек оёқларимга йўл кўрсатмай қўйган. Қадамларим оғир, ҳолдан тойганман. Лекин ҳаммаси жойида...

⭕️Жек Лондон “Ҳаёт қонуни”

"يريد الله بكم اليسر و لا يريد الله بكم العسر"

Bugun sahifamiz faoliyatiga roppa-rosa bir yil to’libdi.

#Ilhom

ШИКОЯТ

Кўп йиқилдим, қоқилдим, Роббим,
Қўл узатиб, дармон бўлган - Сен!
Хўп ожизман, кўп гуноҳларим
Афв қилиб, ҳандон қилган - Сен!

Дардманд - ўзим, дардисарликда
Йўлдан тойиб, йўл топган - Менман.
Саркаш - ўзим, саргардонликда
Афв излаб, зорланган - Менман…

Роббим менинг, ҳолсиз юрак, тиғланмоқда -
Мадори йўқ, мадори йўқ…
Хожам менинг, руҳим ҳалак, жон бермоқда -
Дармони йўқ, дармони йўқ…

Қара, Роббим, ёмонсан сен демоқдалар,
Бундан кўзга дарё-дарё ёш келмоқда…
Ҳеч йиғлама, мунофиқсан демоқдалар,
Дарддан дардлар борган сари яралмоқда…

Гоҳи ҳандон, гоҳи гирён ҳолатдамен,
Бандаларинг озоридан толдим, я Робб…
Биламанки, ҳақ эдилар: ғафлатдамен,
Ва суюндилар.. тотганимда чандон азоб..

Аё Роббим, тан оламан, ғафлатдамен,
Ўзинг гувоҳ - бир дахшатли ҳолатдамен,
Аммо мен ҳам улар каби бир бандамен,
Ўйларларми: “Жойим таъйин, Жаннатдамен”?!

21.01.2025, 23:00

@Xitob_EyKongil

#Tarjima

ҚАНДАЙ БЎЛИШГА МАСЪУЛ ҚИЛИНГАН БЎЛСАНГ, ЎШАНДАЙ БЎЛ!

Ха, унча узоқ яшаганимча йўқ. Аммо ўйлайманки, бу муддат “ўзлик” ҳақида яна бир ҳақиқатни англашга кифоя қилди.
Англадимки:
- бири сенинг ўта кўнгилчанлигингни, бунинг оқибатида ўзингга зарар етказиб қўйишинг мумкинлигини айтади. Бошқаси эса сени бағритош бири деб ҳисоблайди.
- бири сенинг камчиликларинг ҳақида толмай гапираверади. Иккинчиси бўлса, сен у учун “неъмат” эканингни такрорлайверишдан чарчамайди.
- бири сенинг феълингга чидаш иложсиз, деб ўйлайди. Бошқа бири сенинг ахлоқинг атрофдагиларга ўрнак бўлгудай дея таъкидлайди.
- бир гуруҳ инсонлар сени чексиз муҳаббатла яхши кўришади. Иккинчиси эса, гарчанд хоҳласада, сендаги биргина фазилатни ҳам ёқтиролмайди.
- бўладики: бири сени қўпол дея эсга олган бир пайтда бошқаси сени, сендаги айнан нозиклик, атрофингдагиларга бўлган меҳр-муҳаббатинг сабаб севади.
- сени қадрлайдиганлар етарлича, лекин сени ёқтирмайдиганлар ҳам кам эмас.
- сени ажойиб инсон деб ҳисоблашади. Аммо яна бўладики, бошқаси сенда биргина яхшиликни кўришдан ожиз.

Шулар ҳақида тафаккур қилиб, ўзим учун баъзи хулосалар чиқардим:
Сен - ўзгалар сен ҳақингда “ўйлайдиган” одам эмассан. Сен - бошқаларнинг тасаввуридаги шахсият ҳам эмассан.
Сен - ўзинг бўлганинг кабисан. Аммо мен бу тўхтамда тўхталмоқчи эмасман.
Менинг сенга насиҳатим, дўстим, қандай бўлишга масъул қилинган бўлсанг, шундай бўл!
Сен Аллоҳ қандай бандани суйса, ўшандай бўлишинг керак эди, бўласан ҳам! Шунинг ўзи мукаммал инсон бўлишингга кифоя қилур.
Сўнгги хулосани айтамиз:
“Сенинг мажбуриятинг - Роббингга муносиб банда бўлмоқдир, инсонларнинг кутувларидаги “туйилганинг” каби эмас!”.

18.06.2024.

@Xitob_EyKongil

#Dilchizgilarim

Да, прожила недолго. Но, кажется, это было намного достаточным, чтобы понять ещё одну правду о «себе».
Поняла, что:
- один говорит, что ты слишком милосердная, что в итоге это может навредить тебе самому. А другой считает, что у тебя каменное сердце.
- один рассказывает о твоих недостатках не утомляясь.Ещё один не устаёт повторять о том, что ты «дар» для него.
- один думает, что твоего характера невозможно терпеть. А другой утверждает, что твой нрав может быть примером для остальных.
- одна группа людей любит тебя безгранично. А другая, если даже хочет, не может полюбить даже одно твоё достоинство.
- бывает, что один упоминает тебя грубым, когда другой любит тебя за твою нежность и твою любовь и доброту к окружающим.
- ценящих тебя достаточно, но нелюбящих тебя тоже немало.
- считают тебя прекрасным человеком. Но ещё бывает, что другой не видит в тебе ничего хорошего.

Думая об этом, выводила себе некоторые выводы.
Ты не тот человек, о котором «думают» люди. Ты не такой индивид, о котором тебя представляют. Ты тот, кто ты есть. Но я не останавливаюсь на этом. Мой совет к тебе, друг мой, будь тем, кем ты должен быть!
Ты должен был, будешь являться таким человеком, кого любит Аллах. Это будет достаточным, чтобы быть достойным человеком.
Выводим окончательный вывод:
«Твоя обязанность - быть достойным рабом своего Создателя, а не ИЛЛЮЗИЕЙ в ожидании людей!»

18.06.2024

@Xitob_EyKongil