Oltin qanot volontyorlari

📢 DIQQAT! TANLOV G‘OLIBLARI ANIQLANDI! 🎉

Hurmatli ishtirokchilar! 🔥
Tanlov yakuniga yetdi va g‘oliblar aniqlandi! Barchangizga minnatdorchilik bildiramiz – sizning ijodiy yondashuvingiz va faolligingiz bizni ilhomlantirdi!

🏆 Eng ko‘p reaksiya yig‘gan ijodkorlar:
🥇 1-o‘rin – Qarshiyeva Mahliyi Dilshod qizi
🥈 2-o‘rin – Abdullayeva Nasiba
🥉 3-o‘rin – Karimova Zebiniso
📜 Ushbu ishtirokchilarga diplomlar topshiriladi!

🎥 Eng yaxshi videorolik ijro etganlar:
🥇 1-o‘rin – Muhitdinova Shaxribonu 🏆 (Diplom)
🏅 Sertifikat bilan taqdirlanadilar:
📌 2-o‘rin – Ismoilov Mustafo
📌 3-o‘rin – Abduqahhorova Sabina
📌 4-o‘rin – Sadullayeva Dilshoda
📌 5-o‘rin – Ortiqova Marjona

📖 Eng yaxshi ma’lumot yozgan ishtirokchi:
🏆 Dilmurodova Shaxlo (Diplom bilan taqdirlanadi)

📝 Eng yaxshi matn yozganlar:
🏅 Sertifikat bilan taqdirlanadilar:
📌 Qoqonboyeva Mohlaroyim Elmurodjon qizi
📌 Aldanova Guljahon
📌 Asadullayeva Shaxrizoda
📌 Rustamova Mohina Akbarali qizi

💫 Barcha ishtirokchilarga minnatdorchilik bildiramiz!
G‘oliblarni tabriklaymiz va kelgusi tanlovlarda ham sizni kutamiz!

📌 Oltin Qanot bilan birga rivojlaning va imkoniyatlarni qo‘ldan boy bermang! 🚀

Bizni kuzatib boring👇
Telegram  | Instagram | Facebook | Youtube |  Web

📢 DIQQAT! TANLOV RASMAN YAKUNLANDI!

⏳ Bugun soat 20:00 da tanlov yakuniga yetdi!

🎯 Barcha ishtirokchilarga minnatdorchilik bildiramiz! Siz o‘z bilimingiz va iqtidoringizni namoyish qildingiz.

🏆 G‘oliblar tez orada e’lon qilinadi! Natijalarga ko‘z tuting va yangiliklardan xabardor bo‘ling.

📌 Barchangizga omad va kelgusi tanlovlarda muvaffaqiyat tilaymiz! 🎉

#69_ishtirokchi

"Andijon viloyati obod va yaxshi joy erdi. Farg‘ona viloyatining markazidir. Uning havosi yaxshi, suvi musaffo, bog‘u rog‘i ko‘p va hosili mo‘l bo‘lar edi. Andijonda har nav’ meva bo‘lg‘ay. Xususan, uzumi nihoyatda yaxshi bo‘lg‘ay. Andijonning eli turkdir, barcha turkiycha so‘zlarkim, xatosiz turkiycha so‘zlarlar. Ul viloyatning eli yaxshi va fozil xalqdur. Unda har xil hunar egalari bisyor va har biri o‘z hunarida mohir bo‘lur."

Ne'matova O'g'iloy Sayimjonovna Samarqand viloyati

📥 Ijodiy ishlaringizni ↙️
@Student0533 👈 profiliga joʻnating! 📲

Tezda ishtirokchiga ovoz berish uchun shu yerga kiring👇👇👇
https://t.me/Volunteers_uz

#66_ishtirokchi

Zahiriddin Muhammad Bobur

Zahiriddin Muhammad Bobur 1483-yil 14-fevralda Andijon shahrida dunyoga keladi. U ota tomondan Temuriylar ona tomondan esa Chigizxon avlodi hisoblanadi. Otasining vafotidan so’ng Andijon taxtini 12 yoshli Bobur egallaydi. Afsuski, o’zining yurtidagi hukmronlik davri uzoqqa cho’zilmaydi. Buning sababi 1512-yil Safaviylar qo’shini va Bobur lashkarlari tomonidan Qarshining qamal qilinishi ko’rsatiladi. Safaviylar qo’shiniga Amir Najmi Soniy qo’mondonlik qilgan. Qarshi egallangach, Boburning iltimosiga qaramasdan 15 ming kishi qilichdan o’tkazilgan.
Qirg’inda Bobur o’zini aybdor his qilgan va shu yilning noyabr oyida Movarounnahrni tark etgan. U Hindistonda boburiylar sulolasiga asos soldi. Uning avlodlari 300 yildan ortiq hindlarga boshchilik qilgan. Yillar davomida yurt sog’inchi qiynasada, qaytishga jur’ati yetmagan. Sog’inchlarini esa qog’ozga tushurib betakror g’azal namunalarini yaratgan. Qolaversa, Bobur o’zining shoh asari bo’lmish “Boburnoma”da Qashqarayoning olmasini, Samarqandning nonini, Surxondaryoning anorini va Andijoning qovunini yozib o’tgani ham yurtiga bo’lgan muhabbati zarracha ham kamaymaganligini anglatadi. Hozirgi kunda Hindistonda “Zahiriddin Muhammad Bobur” fondi tashkil qilingan.

Gulhayo Primova
O'ZBEKISTON JURNALISTIKA VA OMMAVIY KOMMUNIKATSIYALAR UNIVERSITETI 1-BOSQICH TALABASI

📥 Ijodiy ishlaringizni ↙️
@Student0533 👈 profiliga joʻnating! 📲

Tezda ishtirokchiga ovoz berish uchun shu yerga kiring👇👇👇
https://t.me/Volunteers_uz

#65_ishtirokchi

Zahiriddin Muhammad Bobur – buyuk davlat arbobi, mohir sarkarda va iste’dodli adib bo‘lib, u nafaqat Hindiston, balki butun Markaziy Osiyo tarixida muhim o‘rin tutadi. Bobur nafaqat buyuk sarkarda, balki iste’dodli shoir va yozuvchi ham edi. U o‘zbek tilida ijod qilgan va adabiy me’yorlarni shakllantirishda muhim rol o‘ynagan. Uning eng mashhur asari "Boburnoma" bo‘lib, u o‘z davrining yirik tarixiy va badiiy asarlaridan biridir. Bu asarda Bobur o‘z hayoti, yurishlari, tabiat va insonlar haqida samimiy tarzda hikoya qiladi. Shuningdek, unda Markaziy Osiyo, Afg‘oniston va Hindiston geografiyasi va madaniyati haqida qimmatli ma’lumotlar mavjud.Bobur shuningdek, she’riyatda ham o‘z izini qoldirgan. U g‘azal, ruboiy va masnaviylar yozgan bo‘lib, uning asarlari sevgi, tabiat va insoniylik mavzularini o‘z ichiga oladi. U klassik she’riyatning yirik vakillaridan biri hisoblanadi.Bobur asos solgan Boburiylar sulolasi Hindistonda 300 yildan ortiq davom etgan buyuk imperiyaga aylandi. Uning avlodlari orasida Akbar, Jahongir va Shoh Jahon kabi buyuk hukmdorlar yetishib chiqdi.Uning hayoti, siyosiy qarorlari va adabiy merosi bugungi kunda ham katta qiziqish uyg‘otib, yosh avlodlarga ibrat bo‘lib qolmoqda.


Abdumutalova Xosila Alisher qizi
Toshkent Farmatsevtika Instituti 3-bosqich talabasi

📥 Ijodiy ishlaringizni ↙️
@Student0533 👈 profiliga joʻnating! 📲

Tezda ishtirokchiga ovoz berish uchun shu yerga kiring👇👇👇
https://t.me/Volunteers_uz

#63_ishtirokchi

Qarshi xalqaro universiteti 1-kurs 32-24-guruh talabasi Toshboyeva Zilola

Alisher Navoiy va Zahiriddin Muhammad Boburga bag‘ishlangan she’r

Buyuk siymolar, ulug‘ siymo, shon-shuhratda misli yo‘q,
Ilm, ma’rifat, adab bilan yuksak bo‘ldi nomi to‘q.
Biri hikmat yo‘lni ochib, so‘zga berdi jon, nafis,
Biri yurak nidosida qildi she’rni nozik his.

Navoiy – so‘z mulkining shohi, mehr-u vafoning nuri,
Sharq ufqida porlab turgan ilm-u tafakkur suri.
Bobur – yurakdagi g‘urur, mardlik bilan siylangan,
Shijoat-u ijod bilan olam uzra zo‘r yongan.

Ikki zotning izlaridan ming-ming ziyo yog‘ilar,
Ular qoldirgan merosdan har bir yurak sog‘inar.

📥 Ijodiy ishlaringizni ↙️
@Student0533 👈 profiliga joʻnating! 📲

Tezda ishtirokchiga ovoz berish uchun shu yerga kiring👇👇👇
https://t.me/Volunteers_uz

#62_ishtirokchi

Navolarning navosiga , gʻarib koʻngil shaydo boʻlgay,
Gʻamlarim kuydirib dilni, ajib hislar paydo boʻlgay.

Dilxun boʻldim kiborlardan, savdo pishmas bozorlardan,
Ozorlanib ozorlardan, yurak- bagʻrim ado boʻlgay .

Maʼrifatga oshiqsa dil, nurida toblanar koʻngil,
Navoiyni ziyorat qil, dilda ajib nido boʻlgay.

Kechib bu daxridunlardan, mehr izlab koʻngillardan,
Araz qilsam dilxunlardan, mening dilim qaro boʻlgay.

Benavo dil navo izlar, maʼrifat gulshanin koʻzlar,
Yoritgay yoʻlim yulduzlar, dil nur sochib Zuhro boʻlgay.

Navoiydan olsam taʼlim, Navoiylar tutgay qoʻlim,
Olam aro nur sochqilab Mushfiq misli ziyo boʻlgay.

Ismim Otanazarova Go'zal
Xorazm viloyatidan

📥 Ijodiy ishlaringizni ↙️
@Student0533 👈 profiliga joʻnating! 📲

Tezda ishtirokchiga ovoz berish uchun shu yerga kiring👇👇👇
https://t.me/Volunteers_uz

#60_ishtirokchi

Alisher Navoiy – o‘zbek adabiyotining quyoshi, millatimiz faxri, jahon adabiyotining yirik namoyandasi. Uning qalamiga mansub asarlar nafaqat o‘zbek xalqining, balki butun insoniyatning ma’naviy xazinasiga beqiyos hissa bo‘lib qo‘shilgan. Navoiyning boy va serqirra merosi asrlar osha o‘zining ahamiyatini yo‘qotmay, biz uchun ma’naviy yuksalish manbai bo‘lib kelmoqda.
Navoiyning adabiy merosi nihoyatda boy va xilma-xildir. Uning "Xamsa"si o‘zbek adabiyotining eng yirik epik asari hisoblanadi. "Xamsa"ga kirgan har bir doston ("Hayrat ul-abror", "Farhod va Shirin", "Layli va Majnun", "Sab’ai sayyor", "Saddi Iskandariy") o‘zining g‘oyaviy-badiiy xususiyatlari bilan ajralib turadi. Unda insonparvarlik, adolat, mehr-muhabbat, do‘stlik kabi yuksak tuyg‘ular tarannum etiladi.
Navoiyning lirik merosi ham o‘zining go‘zalligi va ta’sirchanligi bilan ajralib turadi. Uning "Xazoyin ul-maoniy" nomli to‘rt devoni (G‘aroyib us-sig‘ar", "Navodir ush-shabob", "Badoye’ ul-vasat", "Favoyid ul-kibar") o‘zbek lirikasining eng nodir namunalaridan hisoblanadi. Navoiy g‘azallarida inson qalbidagi eng nozik tuyg‘ular, muhabbat iztiroblari, hayot falsafasi o‘z ifodasini topgan.
Navoiy asarlarining tili ham o‘ziga xosdir. U o‘zbek tilining imkoniyatlaridan unumli foydalanib, badiiy san’atlardan mohirona foydalangan. Uning asarlarida tashbeh, istiora, tajnis, irsoli masal kabi san’atlar serob bo‘lib, asarlarga joziba va ta’sirchanlik bag‘ishlaydi.
Navoiyning ma’naviy-axloqiy qarashlari uning asarlarining asosiy o‘zagini tashkil etadi. U insonparvarlik g‘oyalarini ulug‘lab, har bir insonni qadrlashga, unga mehr-muhabbat ko‘rsatishga chaqiradi. Uning fikricha, insonning qadri uning mansabi yoki boyligida emas, balki uning ma’naviy kamolotida.
Navoiy adolat va ma’rifatparvarlik g‘oyalarini ham ilgari surgan. U jamiyatda adolat hukm surishini, har bir inson o‘z huquqiga ega bo‘lishini istagan. U bilim olishni, ma’rifat tarqatishni insonning eng muhim vazifalaridan biri deb bilgan.
Navoiy kamolotga intilish va nafsni tiyish g‘oyalarini ham targ‘ib qilgan. U inson doimo o‘z ustida ishlashi, bilimini oshirishi, axloqini yaxshilashi kerak deb hisoblagan. U nafsini tiyishni, mol-dunyoga hirs qo‘ymaslikni insonning ma’naviy yuksalishi uchun zarur shart deb bilgan
Navoiy nafaqat buyuk shoir va mutafakkir, balki mohir davlat arbobi ham bo‘lgan. U Husayn Boyqaroning vaziri lavozimida faoliyat yuritib, mamlakatning ijtimoiy-iqtisodiy va madaniy rivojlanishiga katta hissa qo‘shgan.
Tarixchi Xondamirning qayd qilishicha, Alisher Navoiy o‘z mablag‘lari hisobidan Hirot va mamlakatning boshqa shaharlarida bir nechta madrasa, 40 ta rabot, 17 ta masjid, 10 ta xonaqoh, 9 ta ko‘prik, shuningdek, 9 ta hammom va yigirmaga yaqin hovuz qurgan va ta’mirlattirgan.
Navoiy merosi bugungi kunda ham oʻz ahamiyatini yoʻqotmagan.U milliy oʻzlikni anglash va maʼnaviyiyatni yuksalish omili sifatida xizmat qimoqda.Navoiy asarlari yosh avlodni vatanparvarlik ruhida tarbiyalashda,ularda,yuksak axloqiy fazilatlarni shakllantirishda mumkin rol oʻynamoqda.
Idiyeva Qunduz
Buxoro davlat universiteti Filologiya fakulteti 2-bosqich talabasi.

📥 Ijodiy ishlaringizni ↙️
@Student0533 👈 profiliga joʻnating! 📲

Tezda ishtirokchiga ovoz berish uchun shu yerga kiring👇👇👇
https://t.me/Volunteers_uz