Vobkent tumani hokimi Farxod Umarovning Qurbon hayiti munosabati bilan bayram tabrigi
Aziz va muhtaram tumandoshlar !
😎😎😎😎😎😎😎 ijtimoiy sahifalariga obuna bo‘ling
✅Telegram| 💬Facebook| 📹@vobkentuz5284' rel='nofollow'>Youtube|🌍Web-sahifa
Aziz va muhtaram tumandoshlar !
Butun islom olami qatorida dinu diyonatli, e’tiqodi mustahkam xalqimiz katta intiqlik bilan kutib olayotgan muborak Qurbon hayiti bilan siz azizlarni, yurtimizdagi barcha musulmon ummatini chin qalbimdan samimiy tabriklayman.
Ko‘hna tariximiz davomida yurtimizning ma’naviy hayotida beqiyos o‘rin egallab, jamiyatimizda o‘zaro hurmat, mehr-oqibat va bag‘rikenglik tamoyillarini har tomonlama barqaror etib kelayotgan bu qutlug‘ bayram barchamizga muborak bo‘lsin!
Ushbu saodatli onlarda hammamiz avvalo Iyd al-adho bayramiga el-yurtimiz bilan birgalikda tinchlik-omonlik va sihat-salomatlikda yetkazgani uchun Yaratganga cheksiz shukronalar aytishimiz tabiiydir.
Barchamizga ayonki, islom dini avvalo tinchlik, ezgulik va insoniylik dinidir. Shunday ekan ushbu fazilatli damlarni g‘animat bilib, ezgu tilaklar qilaylik. Go‘zal diyorimizni turli balo-ofatlardan Yaratganning o‘zi asrasin. Yurtboshimizning el-yurt manfaati yo‘lidagi xayrli ishlariga muvaffaqiyatlar, xalqimizga xotirjamlik, farovonlik va qut-baraka ato etsin.
Barchangizni muqaddas Qurbon hayiti bayrami bilan yana bir bor tabriklayman. El-yurtimizning bu muborak oyda qilgan ibodatlari, ezgu niyatlari ijobat bo‘lsin! Alloh taolo go‘zal diyorimizni, olijanob va bag‘rikeng xalqimizni hamisha o‘z panohida asrasin! Aziz Vatanimizda tinchlik va barqarorlik hamisha bardavom bo‘lsin!
Ezgu ishlarimiz, intilishlarimizda Yaratganning O‘zi doimo madadkor bo‘lsin!
😎😎😎😎😎😎😎 ijtimoiy sahifalariga obuna bo‘ling
✅Telegram| 💬Facebook| 📹@vobkentuz5284' rel='nofollow'>Youtube|🌍Web-sahifa